| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
චතුගිහිසහායපබ්‌බජ්‌ජාකථාවණ්‌ණනා
Catugihisahāyapabbajjākathāvaṇṇanā
30. ඉදානි තස්‌ස සහායානං පබ්‌බජ්‌ජං දස්‌සෙන්‌තො ‘‘අස්‌සොසුං ඛො’’තිආදිමාහ. තත්‍රායං අනුත්‌තානපදවණ්‌ණනා – සෙට්‌ඨිනො ච අනුසෙට්‌ඨිනො ච යෙසං කුලානං තානි සෙට්‌ඨානුසෙට්‌ඨීනි කුලානි, තෙසං සෙට්‌ඨානුසෙට්‌ඨීනං කුලානං, පවෙණිවසෙන ආගතෙහි සෙට්‌ඨීහි ච අනුසෙට්‌ඨීහි ච සමන්‌නාගතානං කුලානන්‌ති අත්‌ථො. විමලොතිආදීනි තෙසං පුත්‌තානං නාමානි. කෙසමස්‌සුං ඔහාරෙත්‌වාති කෙසඤ්‌ච මස්‌සුඤ්‌ච ඔරොපෙත්‌වා. කාසායානි වත්‌ථානීති කසායරසපීතානි බ්‍රහ්‌මචරියං චරන්‌තානං අනුච්‌ඡවිකානි වත්‌ථානි. ඔරකොති ඌනකො ලාමකො. සෙසමෙත්‌ථ වුත්‌තනයමෙව.
30. Idāni tassa sahāyānaṃ pabbajjaṃ dassento ‘‘assosuṃ kho’’tiādimāha. Tatrāyaṃ anuttānapadavaṇṇanā – seṭṭhino ca anuseṭṭhino ca yesaṃ kulānaṃ tāni seṭṭhānuseṭṭhīni kulāni, tesaṃ seṭṭhānuseṭṭhīnaṃ kulānaṃ, paveṇivasena āgatehi seṭṭhīhi ca anuseṭṭhīhi ca samannāgatānaṃ kulānanti attho. Vimalotiādīni tesaṃ puttānaṃ nāmāni. Kesamassuṃ ohāretvāti kesañca massuñca oropetvā. Kāsāyāni vatthānīti kasāyarasapītāni brahmacariyaṃ carantānaṃ anucchavikāni vatthāni. Orakoti ūnako lāmako. Sesamettha vuttanayameva.
චතුගිහිසහායපබ්‌බජ්‌ජාකථාවණ්‌ණනා නිට්‌ඨිතා.
Catugihisahāyapabbajjākathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 7. පබ්‌බජ්‌ජාකථා • 7. Pabbajjākathā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / පබ්‌බජ්‌ජාකථාවණ්‌ණනා • Pabbajjākathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / පබ්‌බජ්‌ජාකථාවණ්‌ණනා • Pabbajjākathāvaṇṇanā
