| Library / Tipiṭaka / തിപിടക • Tipiṭaka / സാരത്ഥദീപനീ-ടീകാ • Sāratthadīpanī-ṭīkā |
ചതുഗിഹിസഹായപബ്ബജ്ജാകഥാവണ്ണനാ
Catugihisahāyapabbajjākathāvaṇṇanā
൩൦. ഇദാനി തസ്സ സഹായാനം പബ്ബജ്ജം ദസ്സേന്തോ ‘‘അസ്സോസും ഖോ’’തിആദിമാഹ. തത്രായം അനുത്താനപദവണ്ണനാ – സേട്ഠിനോ ച അനുസേട്ഠിനോ ച യേസം കുലാനം താനി സേട്ഠാനുസേട്ഠീനി കുലാനി, തേസം സേട്ഠാനുസേട്ഠീനം കുലാനം, പവേണിവസേന ആഗതേഹി സേട്ഠീഹി ച അനുസേട്ഠീഹി ച സമന്നാഗതാനം കുലാനന്തി അത്ഥോ. വിമലോതിആദീനി തേസം പുത്താനം നാമാനി. കേസമസ്സും ഓഹാരേത്വാതി കേസഞ്ച മസ്സുഞ്ച ഓരോപേത്വാ. കാസായാനി വത്ഥാനീതി കസായരസപീതാനി ബ്രഹ്മചരിയം ചരന്താനം അനുച്ഛവികാനി വത്ഥാനി. ഓരകോതി ഊനകോ ലാമകോ. സേസമേത്ഥ വുത്തനയമേവ.
30. Idāni tassa sahāyānaṃ pabbajjaṃ dassento ‘‘assosuṃ kho’’tiādimāha. Tatrāyaṃ anuttānapadavaṇṇanā – seṭṭhino ca anuseṭṭhino ca yesaṃ kulānaṃ tāni seṭṭhānuseṭṭhīni kulāni, tesaṃ seṭṭhānuseṭṭhīnaṃ kulānaṃ, paveṇivasena āgatehi seṭṭhīhi ca anuseṭṭhīhi ca samannāgatānaṃ kulānanti attho. Vimalotiādīni tesaṃ puttānaṃ nāmāni. Kesamassuṃ ohāretvāti kesañca massuñca oropetvā. Kāsāyāni vatthānīti kasāyarasapītāni brahmacariyaṃ carantānaṃ anucchavikāni vatthāni. Orakoti ūnako lāmako. Sesamettha vuttanayameva.
ചതുഗിഹിസഹായപബ്ബജ്ജാകഥാവണ്ണനാ നിട്ഠിതാ.
Catugihisahāyapabbajjākathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൭. പബ്ബജ്ജാകഥാ • 7. Pabbajjākathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / പബ്ബജ്ജാകഥാവണ്ണനാ • Pabbajjākathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / പബ്ബജ്ജാകഥാവണ്ണനാ • Pabbajjākathāvaṇṇanā
