| Library / Tipiṭaka / திபிடக • Tipiṭaka / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā |
சதுக்கனித்³தே³ஸவண்ணனா
Catukkaniddesavaṇṇanā
966. சதுப்³பி³த⁴ஸங்க³ஹாவஸானே தி³ட்டா²தீ³னங் பச்சி²மபத³ஸ்ஸ பே⁴தா³பா⁴வேன ஆதி³தோ பட்டா²ய புச்ச²ங் அகத்வாவ ரூபாயதனங் தி³ட்ட²ங் ஸத்³தா³யதனங் ஸுதந்திஆதி³ வுத்தங். தத்த² ரூபாயதனங் சக்கு²னா ஓலோகெத்வா த³க்கி²துங் ஸக்காதி ‘தி³ட்ட²ங்’ நாம ஜாதங். ஸத்³தா³யதனங் ஸோதேன ஸுத்வா ஜானிதுங் ஸக்காதி ‘ஸுதங்’ நாம ஜாதங். க³ந்தா⁴யதனாதி³த்தயங் கா⁴னஜிவ்ஹாகாயேஹி பத்வா க³ஹேதப்³ப³தோ முனித்வா ஜானிதப்³ப³ட்டே²ன முதங் நாம ஜாதங். பு²ஸித்வா விஞ்ஞாணுப்பத்திகாரணதோ ‘முதங்’ நாமாதிபி வுத்தங். ஸப்³ப³மேவ பன ரூபங் மனோவிஞ்ஞாணேன ஜானிதப்³ப³ந்தி மனஸா விஞ்ஞாதங் நாம ஜாதங்.
966. Catubbidhasaṅgahāvasāne diṭṭhādīnaṃ pacchimapadassa bhedābhāvena ādito paṭṭhāya pucchaṃ akatvāva rūpāyatanaṃ diṭṭhaṃ saddāyatanaṃ sutantiādi vuttaṃ. Tattha rūpāyatanaṃ cakkhunā oloketvā dakkhituṃ sakkāti ‘diṭṭhaṃ’ nāma jātaṃ. Saddāyatanaṃ sotena sutvā jānituṃ sakkāti ‘sutaṃ’ nāma jātaṃ. Gandhāyatanādittayaṃ ghānajivhākāyehi patvā gahetabbato munitvā jānitabbaṭṭhena mutaṃ nāma jātaṃ. Phusitvā viññāṇuppattikāraṇato ‘mutaṃ’ nāmātipi vuttaṃ. Sabbameva pana rūpaṃ manoviññāṇena jānitabbanti manasā viññātaṃ nāma jātaṃ.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / ரூபவிப⁴த்தி • Rūpavibhatti
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā / சதுக்கனித்³தே³ஸவண்ணனா • Catukkaniddesavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / சதுக்கனித்³தே³ஸவண்ணனா • Catukkaniddesavaṇṇanā
