| Library / Tipiṭaka / তিপিটক • Tipiṭaka / ধম্মসঙ্গণি-অট্ঠকথা • Dhammasaṅgaṇi-aṭṭhakathā |
চতুক্কনিদ্দেসৰণ্ণনা
Catukkaniddesavaṇṇanā
৯৬৬. চতুব্বিধসঙ্গহাৰসানে দিট্ঠাদীনং পচ্ছিমপদস্স ভেদাভাৰেন আদিতো পট্ঠায পুচ্ছং অকত্ৰাৰ রূপাযতনং দিট্ঠং সদ্দাযতনং সুতন্তিআদি ৰুত্তং। তত্থ রূপাযতনং চক্খুনা ওলোকেত্ৰা দক্খিতুং সক্কাতি ‘দিট্ঠং’ নাম জাতং। সদ্দাযতনং সোতেন সুত্ৰা জানিতুং সক্কাতি ‘সুতং’ নাম জাতং। গন্ধাযতনাদিত্তযং ঘানজিৰ্হাকাযেহি পত্ৰা গহেতব্বতো মুনিত্ৰা জানিতব্বট্ঠেন মুতং নাম জাতং। ফুসিত্ৰা ৰিঞ্ঞাণুপ্পত্তিকারণতো ‘মুতং’ নামাতিপি ৰুত্তং। সব্বমেৰ পন রূপং মনোৰিঞ্ঞাণেন জানিতব্বন্তি মনসা ৰিঞ্ঞাতং নাম জাতং।
966. Catubbidhasaṅgahāvasāne diṭṭhādīnaṃ pacchimapadassa bhedābhāvena ādito paṭṭhāya pucchaṃ akatvāva rūpāyatanaṃ diṭṭhaṃ saddāyatanaṃ sutantiādi vuttaṃ. Tattha rūpāyatanaṃ cakkhunā oloketvā dakkhituṃ sakkāti ‘diṭṭhaṃ’ nāma jātaṃ. Saddāyatanaṃ sotena sutvā jānituṃ sakkāti ‘sutaṃ’ nāma jātaṃ. Gandhāyatanādittayaṃ ghānajivhākāyehi patvā gahetabbato munitvā jānitabbaṭṭhena mutaṃ nāma jātaṃ. Phusitvā viññāṇuppattikāraṇato ‘mutaṃ’ nāmātipi vuttaṃ. Sabbameva pana rūpaṃ manoviññāṇena jānitabbanti manasā viññātaṃ nāma jātaṃ.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধম্মসঙ্গণীপাল়ি • Dhammasaṅgaṇīpāḷi / রূপৰিভত্তি • Rūpavibhatti
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ধম্মসঙ্গণী-মূলটীকা • Dhammasaṅgaṇī-mūlaṭīkā / চতুক্কনিদ্দেসৰণ্ণনা • Catukkaniddesavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ধম্মসঙ্গণী-অনুটীকা • Dhammasaṅgaṇī-anuṭīkā / চতুক্কনিদ্দেসৰণ্ণনা • Catukkaniddesavaṇṇanā
