Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā

    4. жад̇угганид̣̇д̣̇зсаван̣н̣анаа

    4. Catukkaniddesavaṇṇanā

    132. жад̇угганид̣̇д̣̇зсз – асаббурисод̇и лаамагабурисо. баан̣ам̣ ад̇ибаад̇зд̇ийд̇и баан̣аад̇ибаад̇ий. ад̣̇иннам̣ аад̣̇ияад̇ийд̇и ад̣̇иннаад̣̇ааяий. гаамзсу мижчаа жарад̇ийд̇и гаамзсумижчаажаарий. мусаа вад̣̇ад̇ийд̇и мусааваад̣̇ий. сураамзраяамаж̇ж̇абамаад̣̇з д̇идтад̇ийд̇и сураамзраяамаж̇ж̇абамаад̣̇адтааяий.

    132. Catukkaniddese – asappurisoti lāmakapuriso. Pāṇaṃ atipātetīti pāṇātipātī. Adinnaṃ ādiyatīti adinnādāyī. Kāmesu micchā caratīti kāmesumicchācārī. Musā vadatīti musāvādī. Surāmerayamajjapamāde tiṭṭhatīti surāmerayamajjapamādaṭṭhāyī.

    133. баан̣аад̇ибаад̇з самаад̣̇абзд̇ийд̇и яат̇аа баан̣ам̣ ад̇ибаад̇зд̇и, д̇ат̇аа нам̣ д̇ад̇т̇а г̇ахан̣ам̣ г̇ан̣хаабзд̇и. сзсзсуби зсзва наяо. аяам̣ вужжад̇ийд̇и аяам̣ зваруубо буг̇г̇ало яасмаа саяам̣ гад̇зна жа д̣̇уссийлязна саманнааг̇ад̇о яан̃жа самаад̣̇абид̇зна гад̇ам̣, д̇ад̇о убад̣дхасса д̣̇ааяаад̣̇о, д̇асмаа асаббурисзна асаббурисад̇арод̇и вужжад̇и. саббурисод̇и уд̇д̇амабурисо.

    133. Pāṇātipāte samādapetīti yathā pāṇaṃ atipāteti, tathā naṃ tattha gahaṇaṃ gaṇhāpeti. Sesesupi eseva nayo. Ayaṃ vuccatīti ayaṃ evarūpo puggalo yasmā sayaṃ katena ca dussīlyena samannāgato yañca samādapitena kataṃ, tato upaḍḍhassa dāyādo, tasmā asappurisena asappurisataroti vuccati. Sappurisoti uttamapuriso.

    135. саббурисзна саббурисад̇арод̇и ад̇д̇анаа гад̇зна сусийлязна саманнааг̇ад̇ад̇д̇аа яан̃жа самаад̣̇абид̇о гарод̇и. д̇ад̇о убад̣дхасса д̣̇ааяаад̣̇ад̇д̇аа уд̇д̇амабурисзна уд̇д̇амабурисад̇аро.

    135. Sappurisena sappurisataroti attanā katena susīlyena samannāgatattā yañca samādapito karoti. Tato upaḍḍhassa dāyādattā uttamapurisena uttamapurisataro.

    136. баабод̇и агусалагаммабат̇асан̇каад̇зна д̣̇асавид̇хзна баабзна саманнааг̇ад̇о.

    136. Pāpoti akusalakammapathasaṅkhātena dasavidhena pāpena samannāgato.

    138. галяаан̣од̇и гусалагаммабат̇асан̇каад̇зна д̣̇асавид̇хзна галяаан̣ад̇хаммзна саманнааг̇ад̇о суд̣̇д̇хаго бхад̣̇раго. сзсамзд̇т̇а хздтаа вуд̇д̇анаяад̇д̇аа уд̇д̇аанад̇т̇амзва.

    138. Kalyāṇoti kusalakammapathasaṅkhātena dasavidhena kalyāṇadhammena samannāgato suddhako bhadrako. Sesamettha heṭṭhā vuttanayattā uttānatthameva.

    140. баабад̇хаммаад̣̇ийсу – баабо д̇хаммо ассаад̇и баабад̇хаммо. галяаан̣о д̇хаммо ассаад̇и галяаан̣ад̇хаммо. сзсамзд̇т̇а уд̇д̇аанад̇т̇амзва.

    140. Pāpadhammādīsu – pāpo dhammo assāti pāpadhammo. Kalyāṇo dhammo assāti kalyāṇadhammo. Sesamettha uttānatthameva.

    144. сааваж̇ж̇аад̣̇ийсу – сааваж̇ж̇од̇и сад̣̇осо. сааваж̇ж̇зна гааяагаммзнаад̇и сад̣̇осзна баан̣аад̇ибаад̇аад̣̇инаа гааяагаммзна. ид̇арзсуби зсзва наяо. аяам̣ вужжад̇ийд̇и аяам̣ зваруубо буг̇г̇ало д̇ийхи д̣̇ваарзхи ааяууханагаммасса сад̣̇осад̇д̇аа, г̇уут̇агун̣абаад̣̇ибхарид̇о бад̣̇зсо вияа сааваж̇ж̇од̇и вужжад̇и.

    144. Sāvajjādīsu – sāvajjoti sadoso. Sāvajjena kāyakammenāti sadosena pāṇātipātādinā kāyakammena. Itaresupi eseva nayo. Ayaṃ vuccatīti ayaṃ evarūpo puggalo tīhi dvārehi āyūhanakammassa sadosattā, gūthakuṇapādibharito padeso viya sāvajjoti vuccati.

    145. сааваж̇ж̇зна б̣ахуланд̇и яасса сааваж̇ж̇амзва гааяагаммам̣ б̣аху ход̇и, аббам̣ анаваж̇ж̇ам̣; со сааваж̇ж̇зна б̣ахулам̣ гааяагаммзна саманнааг̇ад̇о, аббам̣ анаваж̇ж̇знаад̇и вужжад̇и. ид̇арзсуби зсзва наяо. го бана зваруубо ход̇ийд̇и? яо г̇аамад̇хаммад̇ааяа ваа ниг̇амад̇хаммад̇ааяа ваа гад̣̇аажи гарахажи убосат̇ам̣ самаад̣̇ияад̇и, сийлаани буурзд̇и. аяам̣ вужжад̇ийд̇и аяам̣ зваруубо буг̇г̇ало д̇ийхи д̣̇ваарзхи ааяууханагаммзсу сааваж̇ж̇ассзва б̣ахулад̇ааяа анаваж̇ж̇асса аббад̇ааяа важ̇ж̇аб̣ахулод̇и вужжад̇и.

    145. Sāvajjena bahulanti yassa sāvajjameva kāyakammaṃ bahu hoti, appaṃ anavajjaṃ; so sāvajjena bahulaṃ kāyakammena samannāgato, appaṃ anavajjenāti vuccati. Itaresupi eseva nayo. Ko pana evarūpo hotīti? Yo gāmadhammatāya vā nigamadhammatāya vā kadāci karahaci uposathaṃ samādiyati, sīlāni pūreti. Ayaṃ vuccatīti ayaṃ evarūpo puggalo tīhi dvārehi āyūhanakammesu sāvajjasseva bahulatāya anavajjassa appatāya vajjabahuloti vuccati.

    яат̇аа хи згасмим̣ бад̣̇зсз д̣̇уб̣б̣ан̣н̣аани д̣̇уг̇г̇анд̇хаани бубпаани раасигад̇аанассу, д̇зсам̣ убари д̇ахам̣ д̇ахам̣ ад̇имуд̇д̇агавассигабаадалаани бад̇ид̇аани бхавзяяум̣. зваруубо аяам̣ буг̇г̇ало взд̣̇ид̇аб̣б̣о. яат̇аа бана згасмим̣ бад̣̇зсз ад̇имуд̇д̇агавассигабаадалаани раасигад̇аанассу, д̇зсам̣ убари д̇ахам̣ д̇ахам̣ д̣̇уб̣б̣ан̣н̣ад̣̇уг̇г̇анд̇хаани б̣ад̣̇арабубпаад̣̇ийни бад̇ид̇аани бхавзяяум̣. зваруубо д̇ад̇ияо буг̇г̇ало взд̣̇ид̇аб̣б̣о. жад̇уд̇т̇о бана д̇ийхиби д̣̇ваарзхи ааяууханагаммасса нид̣̇д̣̇осад̇д̇аа, жад̇умад̇хурабхарид̇асуван̣н̣абаад̇и вияа д̣̇адтаб̣б̣о. д̇зсу батамо анд̇хаб̣аалабут̇уж̇ж̇ано. д̣̇уд̇ияо анд̇аранд̇араа гусаласса гаараго логияабут̇уж̇ж̇ано. д̇ад̇ияо сод̇аабанно сагад̣̇ааг̇аамианааг̇ааминоби зд̇знзва сан̇г̇ахид̇аа. жад̇уд̇т̇о кийн̣аасаво. со хи зганд̇зна анаваж̇ж̇оязва. аяам̣ ан̇г̇уд̇д̇арадтагат̇ааяо.

    Yathā hi ekasmiṃ padese dubbaṇṇāni duggandhāni pupphāni rāsikatānassu, tesaṃ upari tahaṃ tahaṃ atimuttakavassikapāṭalāni patitāni bhaveyyuṃ. Evarūpo ayaṃ puggalo veditabbo. Yathā pana ekasmiṃ padese atimuttakavassikapāṭalāni rāsikatānassu, tesaṃ upari tahaṃ tahaṃ dubbaṇṇaduggandhāni badarapupphādīni patitāni bhaveyyuṃ. Evarūpo tatiyo puggalo veditabbo. Catuttho pana tīhipi dvārehi āyūhanakammassa niddosattā, catumadhurabharitasuvaṇṇapāti viya daṭṭhabbo. Tesu paṭhamo andhabālaputhujjano. Dutiyo antarantarā kusalassa kārako lokiyaputhujjano. Tatiyo sotāpanno sakadāgāmianāgāminopi eteneva saṅgahitā. Catuttho khīṇāsavo. So hi ekantena anavajjoyeva. Ayaṃ aṅguttaraṭṭhakathāyo.

    148. уг̇гхадид̇ан̃н̃ууаад̣̇ийсу – уг̇гхадид̇ан̃н̃ууд̇и зд̇т̇а уг̇гхадид̇ам̣ наама н̃аан̣уг̇гхааданам̣, н̃аан̣з уг̇гхадид̇амад̇д̇зязва ж̇аанаад̇ийд̇и ад̇т̇о. саха уд̣̇аахадавзлааяаад̇и уд̣̇аахаарз уд̣̇аахадамад̇д̇зязва. д̇хаммаабхисамаяод̇и жад̇усажжад̇хаммасса н̃аан̣зна сад̣̇д̇хим̣ абхисамаяо. аяам̣ вужжад̇ийд̇и аяам̣ ‘жад̇д̇ааро сад̇ибадтаанаа’д̇иаад̣̇инаа наязна сам̣кид̇д̇зна маад̇игааяа табияамаанааяа д̣̇зсанаанусаарзна н̃аан̣ам̣ бзсзд̇ваа арахад̇д̇ам̣ г̇ан̣хид̇ум̣ самад̇т̇о буг̇г̇ало уг̇гхадид̇ан̃н̃ууд̇и вужжад̇и.

    148. Ugghaṭitaññūādīsu – ugghaṭitaññūti ettha ugghaṭitaṃ nāma ñāṇugghāṭanaṃ, ñāṇe ugghaṭitamatteyeva jānātīti attho. Saha udāhaṭavelāyāti udāhāre udāhaṭamatteyeva. Dhammābhisamayoti catusaccadhammassa ñāṇena saddhiṃ abhisamayo. Ayaṃ vuccatīti ayaṃ ‘cattāro satipaṭṭhānā’tiādinā nayena saṃkhittena mātikāya ṭhapiyamānāya desanānusārena ñāṇaṃ pesetvā arahattaṃ gaṇhituṃ samattho puggalo ugghaṭitaññūti vuccati.

    149. вибан̃жид̇ам̣ вид̇т̇аарид̇амзва ад̇т̇ам̣ ж̇аанаад̇ийд̇и вибан̃жид̇ан̃н̃уу. аяам̣ вужжад̇ийд̇и аяам̣ сан̇кид̇д̇зна маад̇игам̣ табзд̇ваа вид̇т̇аарзна ад̇т̇з бхааж̇ияамаанз арахад̇д̇ам̣ баабун̣ид̇ум̣ самад̇т̇о буг̇г̇ало вибан̃жид̇ан̃н̃ууд̇и вужжад̇и.

    149. Vipañcitaṃ vitthāritameva atthaṃ jānātīti vipañcitaññū. Ayaṃ vuccatīti ayaṃ saṅkhittena mātikaṃ ṭhapetvā vitthārena atthe bhājiyamāne arahattaṃ pāpuṇituṃ samattho puggalo vipañcitaññūti vuccati.

    150. уд̣̇д̣̇зсаад̣̇ийхи нзд̇аб̣б̣од̇и нзяяо. анубуб̣б̣зна д̇хаммаабхисамаяо ход̇ийд̇и ануггамзна арахад̇д̇аббад̇д̇и.

    150. Uddesādīhi netabboti neyyo. Anupubbena dhammābhisamayo hotīti anukkamena arahattappatti.

    151. б̣яан̃ж̇анабад̣̇амзва барамам̣ ассаад̇и бад̣̇абарамо. на д̇ааяа ж̇аад̇ияаа д̇хаммаабхисамаяо ход̇ийд̇и на д̇зна ад̇д̇абхаавзна жхаанам̣ ваа вибассанам̣ ваа маг̇г̇ам̣ ваа палам̣ ваа ниб̣б̣ад̇д̇зд̇ум̣ саггод̇ийд̇и ад̇т̇о.

    151. Byañjanapadameva paramaṃ assāti padaparamo. Na tāya jātiyā dhammābhisamayo hotīti na tena attabhāvena jhānaṃ vā vipassanaṃ vā maggaṃ vā phalaṃ vā nibbattetuṃ sakkotīti attho.

    152. яуд̇д̇абадибхаанаад̣̇ийсу – бадибхаанам̣ вужжад̇и н̃аан̣амби, н̃аан̣асса убадтид̇аважанамби. д̇ам̣ ид̇ха ад̇хиббзд̇ам̣. ад̇т̇аяуд̇д̇ам̣ гааран̣аяуд̇д̇ан̃жа бадибхаанамассаад̇и яуд̇д̇аббадибхаано. бужчид̇аананд̇арамзва сийгхам̣ б̣яаагаад̇ум̣ асамад̇т̇ад̇ааяа но муд̇д̇ам̣ бадибхаанамассаад̇и но муд̇д̇аббадибхаано. иминаа наязна сзсаа взд̣̇ид̇аб̣б̣аа. зд̇т̇а бана батамо – гин̃жи гаалам̣ виймам̣сид̇ваа яуд̇д̇амзва бзгкад̇и, д̇ибидагажуул̣анааг̇ад̇т̇зро вияа. со гира бан̃хам̣ будто бариг̇г̇ахзд̇ваа яуд̇д̇абаяуд̇д̇агааран̣амзва гат̇зд̇и.

    152. Yuttapaṭibhānādīsu – paṭibhānaṃ vuccati ñāṇampi, ñāṇassa upaṭṭhitavacanampi. Taṃ idha adhippetaṃ. Atthayuttaṃ kāraṇayuttañca paṭibhānamassāti yuttappaṭibhāno. Pucchitānantarameva sīghaṃ byākātuṃ asamatthatāya no muttaṃ paṭibhānamassāti no muttappaṭibhāno. Iminā nayena sesā veditabbā. Ettha pana paṭhamo – kiñci kālaṃ vīmaṃsitvā yuttameva pekkhati, tipiṭakacūḷanāgatthero viya. So kira pañhaṃ puṭṭho pariggahetvā yuttapayuttakāraṇameva katheti.

    д̣̇уд̇ияо – бужчаананд̇арамзва язна ваа д̇зна ваа важанзна бадиб̣аахад̇и, виймам̣сид̇вааби жа яуд̇д̇ам̣ на бзгкад̇и жад̇унигааяигабан̣д̣ид̇ад̇иссад̇т̇зро вияа. со гира бан̃хам̣ будто бан̃хабарияосаанамби нааг̇амзд̇и, яам̣ ваа д̇ам̣ ваа гат̇зд̇иязва. важанад̇т̇ам̣ банасса виймам̣сияамаанам̣ гад̇т̇ажи на лаг̇г̇ад̇и.

    Dutiyo – pucchānantarameva yena vā tena vā vacanena paṭibāhati, vīmaṃsitvāpi ca yuttaṃ na pekkhati catunikāyikapaṇḍitatissatthero viya. So kira pañhaṃ puṭṭho pañhapariyosānampi nāgameti, yaṃ vā taṃ vā kathetiyeva. Vacanatthaṃ panassa vīmaṃsiyamānaṃ katthaci na laggati.

    д̇ад̇ияо – бужчаасамагааламзва яуд̇д̇ам̣ бзгкад̇и, д̇ан̇кан̣ан̃н̃зва важанам̣ б̣яаагарод̇и д̇ибидагажуул̣аабхаяад̇т̇зро вияа. со гира бан̃хам̣ будто сийгхамзва гат̇зд̇и, яуд̇д̇абаяуд̇д̇агааран̣о жа ход̇и.

    Tatiyo – pucchāsamakālameva yuttaṃ pekkhati, taṅkhaṇaññeva vacanaṃ byākaroti tipiṭakacūḷābhayatthero viya. So kira pañhaṃ puṭṭho sīghameva katheti, yuttapayuttakāraṇo ca hoti.

    жад̇уд̇т̇о – будто самаано нзва яуд̇д̇ам̣ бзгкад̇и , на язна ваа д̇зна ваа бадиб̣аахид̇ум̣ саггод̇и д̇иб̣б̣анд̇хагааранимуг̇г̇о вияа ход̇и лаал̣уд̣̇ааяид̇т̇зро вияа.

    Catuttho – puṭṭho samāno neva yuttaṃ pekkhati , na yena vā tena vā paṭibāhituṃ sakkoti tibbandhakāranimuggo viya hoti lāḷudāyitthero viya.

    156. д̇хаммагат̇игзсу – аббан̃жа бхаасад̇ийд̇и самбад̇д̇абарисааяа т̇огамзва гат̇зд̇и. асахид̇ан̃жаад̇и гат̇знд̇о жа бана на ад̇т̇аяуд̇д̇ам̣ гааран̣аяуд̇д̇ам̣ гат̇зд̇и. барисаа жасса на гусалаа ход̇ийд̇и сод̇ум̣ нисиннабарисаа жасса яуд̇д̇ааяуд̇д̇ам̣ гааран̣аагааран̣ам̣ силидтаасилидтам̣ на ж̇аанаад̇ийд̇и ад̇т̇о. зваруубод̇и аяам̣ звам̣ж̇аад̇иго б̣аалад̇хаммагат̇иго. звам̣ж̇аад̇игааяа б̣аалабарисааяа д̇хаммагат̇игод̇взва наамам̣ лабхад̇и. иминаа наязна саб̣б̣ад̇т̇а ад̇т̇о взд̣̇ид̇аб̣б̣о. зд̇т̇а жа д̣̇взязва ж̇анаа сабхаавад̇хаммагат̇игаа, ид̇арз бана д̇хаммагат̇игаанам̣ анд̇арз бавидтад̇д̇аа звам̣ вуд̇д̇аа.

    156. Dhammakathikesu – appañca bhāsatīti sampattaparisāya thokameva katheti. Asahitañcāti kathento ca pana na atthayuttaṃ kāraṇayuttaṃ katheti. Parisā cassa na kusalā hotīti sotuṃ nisinnaparisā cassa yuttāyuttaṃ kāraṇākāraṇaṃ siliṭṭhāsiliṭṭhaṃ na jānātīti attho. Evarūpoti ayaṃ evaṃjātiko bāladhammakathiko. Evaṃjātikāya bālaparisāya dhammakathikotveva nāmaṃ labhati. Iminā nayena sabbattha attho veditabbo. Ettha ca dveyeva janā sabhāvadhammakathikā, itare pana dhammakathikānaṃ antare paviṭṭhattā evaṃ vuttā.

    157. валаахагуубамзсу валаахагаад̇и мзгхаа. г̇аж̇ж̇ид̇аад̇и т̇анид̇аа. д̇ад̇т̇а г̇аж̇ж̇ид̇ваа но вассанабхааво наама баабаго. мануссаа хи яат̇аа д̣̇зво г̇аж̇ж̇ад̇и ‘сувудтигаа бхависсад̇ий’д̇и б̣ийж̇аани нийхарид̇ваа вабанд̇и. ат̇а д̣̇звз авассанд̇з кзд̇д̇з б̣ийж̇аани кзд̇д̇зязва нассанд̇и, г̇зхз б̣ийж̇аани г̇зхзязва нассанд̇ийд̇и д̣̇уб̣бхигкам̣ ход̇и. но г̇аж̇ж̇ид̇ваа вассанабхаавоби баабагова. мануссаа хи ‘имасмим̣ гаалз д̣̇уб̣б̣удтигаа бхависсад̇ий’д̇и ниннадтаанзсуязва ваббам̣ гаронд̇и. ат̇а д̣̇зво вассид̇ваа саб̣б̣аб̣ийж̇аани махаасамуд̣̇д̣̇ам̣ баабзд̇и, д̣̇уб̣бхигкамзва ход̇и. г̇аж̇ж̇ид̇ваа вассанабхааво бана бхад̣̇д̣̇аго. д̇ад̣̇аа хи субхигкам̣ ход̇и. но г̇аж̇ж̇ид̇ваа но вассанабхааво зганд̇абаабагова.

    157. Valāhakūpamesu valāhakāti meghā. Gajjitāti thanitā. Tattha gajjitvā no vassanabhāvo nāma pāpako. Manussā hi yathā devo gajjati ‘suvuṭṭhikā bhavissatī’ti bījāni nīharitvā vapanti. Atha deve avassante khette bījāni khetteyeva nassanti, gehe bījāni geheyeva nassantīti dubbhikkhaṃ hoti. No gajjitvā vassanabhāvopi pāpakova. Manussā hi ‘imasmiṃ kāle dubbuṭṭhikā bhavissatī’ti ninnaṭṭhānesuyeva vappaṃ karonti. Atha devo vassitvā sabbabījāni mahāsamuddaṃ pāpeti, dubbhikkhameva hoti. Gajjitvā vassanabhāvo pana bhaddako. Tadā hi subhikkhaṃ hoti. No gajjitvā no vassanabhāvo ekantapāpakova.

    бхаасид̇аа ход̇и но гад̇д̇аад̇и ‘ид̣̇аани г̇ант̇ад̇хурам̣ буурзссаами, ваасад̇хурам̣ буурзссаамий’д̇и гат̇зд̇иязва, на бана уд̣̇д̣̇зсам̣ г̇ан̣хаад̇и, на гаммадтаанам̣ бхаавзд̇и.

    Bhāsitā hoti no kattāti ‘idāni ganthadhuraṃ pūressāmi, vāsadhuraṃ pūressāmī’ti kathetiyeva, na pana uddesaṃ gaṇhāti, na kammaṭṭhānaṃ bhāveti.

    гад̇д̇аа ход̇и но бхаасид̇аад̇и ‘г̇ант̇ад̇хурам̣ ваа буурзссаами ваасад̇хурам̣ ваа’д̇и на бхаасад̇и. самбад̇д̇з бана гаалз д̇амад̇т̇ам̣ самбаад̣̇зд̇и. иминаа наязна ид̇арзби взд̣̇ид̇аб̣б̣аа. саб̣б̣ам̣ банзд̇ам̣ бажжаяад̣̇ааяагзнзва гат̇ид̇ам̣. зго хи ‘асугад̣̇ивасз наама д̣̇аанам̣ д̣̇ассаамий’д̇и сан̇гхам̣ ниманд̇зд̇и, самбад̇д̇агаалз но гарод̇и. аяам̣ буг̇г̇ало бун̃н̃зна барихааяад̇и, бхигкусан̇гхоби лаабхзна барихааяад̇и . абаро сан̇гхам̣ аниманд̇зд̇ваава саггаарам̣ гад̇ваа ‘бхигкуу аанзссаамий’д̇и на лабхад̇и, саб̣б̣з ан̃н̃ад̇т̇а ниманд̇ид̇аа хонд̇и. аяамби бун̃н̃зна барихааяад̇и , сан̇гхоби д̇зна лаабхзна барихааяад̇и. абаро батамам̣ сан̇гхам̣ ниманд̇зд̇ваа, бажчаа саггаарам̣ гад̇ваа д̣̇аанам̣ д̣̇зд̇и, аяам̣ гижжагаарий ход̇и. абаро нзва сан̇гхам̣ ниманд̇зд̇и, на д̣̇аанам̣ д̣̇зд̇и, аяам̣ ‘баабабуг̇г̇ало’д̇и взд̣̇ид̇аб̣б̣о.

    Kattā hoti no bhāsitāti ‘ganthadhuraṃ vā pūressāmi vāsadhuraṃ vā’ti na bhāsati. Sampatte pana kāle tamatthaṃ sampādeti. Iminā nayena itarepi veditabbā. Sabbaṃ panetaṃ paccayadāyakeneva kathitaṃ. Eko hi ‘asukadivase nāma dānaṃ dassāmī’ti saṅghaṃ nimanteti, sampattakāle no karoti. Ayaṃ puggalo puññena parihāyati, bhikkhusaṅghopi lābhena parihāyati . Aparo saṅghaṃ animantetvāva sakkāraṃ katvā ‘bhikkhū ānessāmī’ti na labhati, sabbe aññattha nimantitā honti. Ayampi puññena parihāyati , saṅghopi tena lābhena parihāyati. Aparo paṭhamaṃ saṅghaṃ nimantetvā, pacchā sakkāraṃ katvā dānaṃ deti, ayaṃ kiccakārī hoti. Aparo neva saṅghaṃ nimanteti, na dānaṃ deti, ayaṃ ‘pāpapuggalo’ti veditabbo.

    158. муусигуубамзсу – г̇аад̇хам̣ гад̇д̇аа но васид̇аад̇и ад̇д̇ано аасаяам̣ б̣илам̣ гуубам̣ кан̣ад̇и, но д̇ад̇т̇а васад̇и, гисмин̃жид̣̇зва таанз васад̇и, звам̣ б̣ил̣аараад̣̇иамид̇д̇авасам̣ г̇ажчад̇и. кад̇д̇аад̇иби баато. васид̇аа но г̇аад̇хам̣ гад̇д̇аад̇и саяам̣ на кан̣ад̇и, барзна кад̇з б̣илз васад̇и, звам̣ ж̇ийвид̇ам̣ рагкад̇и. д̇ад̇ияаа д̣̇взби гаронд̇ий, ж̇ийвид̇ам̣ рагкад̇и. жад̇уд̇т̇аа д̣̇взби агаронд̇ий амид̇д̇авасам̣ г̇ажчад̇и. имааяа бана убамааяа убамид̇зсу буг̇г̇алзсу батамо яат̇аа саа муусигаа г̇аад̇хам̣ кан̣ад̇и, звам̣ наван̇г̇ам̣ сад̇т̇усаасанам̣ уг̇г̇ан̣хаад̇и. яат̇аа бана саа д̇ад̇т̇а на васад̇и, гисмин̃жид̣̇зва таанз васанд̇ий, амид̇д̇авасам̣ г̇ажчад̇и; д̇ат̇аа аяамби барияад̇д̇ивасзна н̃аан̣ам̣ бзсзд̇ваа жад̇усажжад̇хаммам̣ на бадивиж̇жхад̇и, логаамисадтаанзсуязва жаранд̇о мажжумаарагилзсамаарад̣̇звабуд̇д̇амаарасан̇каад̇аанам̣ амид̇д̇аанам̣ васам̣ г̇ажчад̇и. д̣̇уд̇ияо яат̇аа саа муусигаа г̇аад̇хам̣ на кан̣ад̇и, звам̣ наван̇г̇ам̣ сад̇т̇усаасанам̣ на уг̇г̇ан̣хаад̇и. яат̇аа бана барзна кад̇аб̣илз васанд̇ий ж̇ийвид̇ам̣ рагкад̇и; звам̣ барасса гат̇ам̣ суд̇ваа жад̇усажжад̇хаммам̣ бадивиж̇жхид̇ваа д̇ин̣н̣ам̣ маараанам̣ васам̣ ад̇иггамад̇и. иминаа наязна д̇ад̇ияажад̇уд̇т̇зсуби обаммасам̣санд̣̇анам̣ взд̣̇ид̇аб̣б̣ам̣.

    158. Mūsikūpamesu – gādhaṃ kattā no vasitāti attano āsayaṃ bilaṃ kūpaṃ khaṇati, no tattha vasati, kismiñcideva ṭhāne vasati, evaṃ biḷārādiamittavasaṃ gacchati. Khattātipi pāṭho. Vasitā no gādhaṃ kattāti sayaṃ na khaṇati, parena khate bile vasati, evaṃ jīvitaṃ rakkhati. Tatiyā dvepi karontī, jīvitaṃ rakkhati. Catutthā dvepi akarontī amittavasaṃ gacchati. Imāya pana upamāya upamitesu puggalesu paṭhamo yathā sā mūsikā gādhaṃ khaṇati, evaṃ navaṅgaṃ satthusāsanaṃ uggaṇhāti. Yathā pana sā tattha na vasati, kismiñcideva ṭhāne vasantī, amittavasaṃ gacchati; tathā ayampi pariyattivasena ñāṇaṃ pesetvā catusaccadhammaṃ na paṭivijjhati, lokāmisaṭṭhānesuyeva caranto maccumārakilesamāradevaputtamārasaṅkhātānaṃ amittānaṃ vasaṃ gacchati. Dutiyo yathā sā mūsikā gādhaṃ na khaṇati, evaṃ navaṅgaṃ satthusāsanaṃ na uggaṇhāti. Yathā pana parena khatabile vasantī jīvitaṃ rakkhati; evaṃ parassa kathaṃ sutvā catusaccadhammaṃ paṭivijjhitvā tiṇṇaṃ mārānaṃ vasaṃ atikkamati. Iminā nayena tatiyacatutthesupi opammasaṃsandanaṃ veditabbaṃ.

    159. амб̣уубамзсу – аамам̣ баггаван̣н̣ийд̇и анд̇о аамам̣ б̣ахи баггасад̣̇исам̣. баггам̣ аамаван̣н̣ийд̇и анд̇о баггам̣ б̣ахи аамасад̣̇исам̣. сзсад̣̇ваязсуби зсзва наяо. д̇ад̇т̇а яат̇аа амб̣з абаггабхааво аамад̇аа ход̇и, звам̣ буг̇г̇алзби бут̇уж̇ж̇анабхааво аамад̇аа, арияабхааво баггад̇аа. яат̇аа жа д̇ад̇т̇а баггасад̣̇исад̇аа баггаван̣н̣ид̇аа; звам̣ буг̇г̇алзби арияаанам̣ абхиггаманаад̣̇исад̣̇исад̇аа баггаван̣н̣ид̇аад̇и – иминаа наязна убамид̇абуг̇г̇алзсу обаммасам̣санд̣̇анам̣ взд̣̇ид̇аб̣б̣ам̣.

    159. Ambūpamesu – āmaṃ pakkavaṇṇīti anto āmaṃ bahi pakkasadisaṃ. Pakkaṃ āmavaṇṇīti anto pakkaṃ bahi āmasadisaṃ. Sesadvayesupi eseva nayo. Tattha yathā ambe apakkabhāvo āmatā hoti, evaṃ puggalepi puthujjanabhāvo āmatā, ariyabhāvo pakkatā. Yathā ca tattha pakkasadisatā pakkavaṇṇitā; evaṃ puggalepi ariyānaṃ abhikkamanādisadisatā pakkavaṇṇitāti – iminā nayena upamitapuggalesu opammasaṃsandanaṃ veditabbaṃ.

    160. гумбхуубамзсу – гумбход̇и гхадо. д̇ужчод̇и анд̇о рид̇д̇о. бихид̇од̇и бид̣̇ахид̇ваа табид̇о. бурод̇и анд̇о бун̣н̣о. вивадод̇и виварид̇ваа табид̇о. убамид̇абуг̇г̇алзсу банзд̇т̇а анд̇о г̇ун̣асааравирахид̇о д̇ужчо б̣аахирасобханад̇ааяа бихид̇о буг̇г̇ало взд̣̇ид̇аб̣б̣о. сзсзсуби зсзва наяо.

    160. Kumbhūpamesu – kumbhoti ghaṭo. Tucchoti anto ritto. Pihitoti pidahitvā ṭhapito. Puroti anto puṇṇo. Vivaṭoti vivaritvā ṭhapito. Upamitapuggalesu panettha anto guṇasāravirahito tuccho bāhirasobhanatāya pihito puggalo veditabbo. Sesesupi eseva nayo.

    161. уд̣̇агарахад̣̇уубамзсу – уд̣̇агарахад̣̇о д̇аава ж̇ан̣н̣умад̇д̇зби уд̣̇агз сад̇и бан̣н̣арасасамбхиннаван̣н̣ад̇д̇аа ваа б̣ахалад̇д̇аа ваа уд̣̇агасса абан̃н̃ааяамаанад̇ало уд̇д̇аано г̇амбхийробхаасо наама ход̇и. д̇ибориса жад̇уборисзби бана уд̣̇агз сад̇и ажчад̇д̇аа уд̣̇агасса бан̃н̃ааяамаанад̇ало г̇амбхийро уд̇д̇аанобхаасо наама ход̇и. убхаяагааран̣асамбхаавад̇о бана ид̇арз д̣̇вз взд̣̇ид̇аб̣б̣аа. буг̇г̇алоби гилзсуссад̣̇абхаавад̇о г̇ун̣аг̇амбхийрад̇ааяа жа абхаавад̇о г̇ун̣аг̇амбхийраанам̣ сад̣̇исзхи абхиггамаад̣̇ийхи яуд̇д̇о уд̇д̇аано г̇амбхийробхаасо наама. иминаа наязна сзсааби взд̣̇ид̇аб̣б̣аа.

    161. Udakarahadūpamesu – udakarahado tāva jaṇṇumattepi udake sati paṇṇarasasambhinnavaṇṇattā vā bahalattā vā udakassa apaññāyamānatalo uttāno gambhīrobhāso nāma hoti. Tiporisa catuporisepi pana udake sati acchattā udakassa paññāyamānatalo gambhīro uttānobhāso nāma hoti. Ubhayakāraṇasambhāvato pana itare dve veditabbā. Puggalopi kilesussadabhāvato guṇagambhīratāya ca abhāvato guṇagambhīrānaṃ sadisehi abhikkamādīhi yutto uttāno gambhīrobhāso nāma. Iminā nayena sesāpi veditabbā.

    162. б̣алийб̣ад̣̇д̣̇уубамзсу – б̣алийб̣ад̣̇д̣̇о д̇аава яо ад̇д̇ано г̇ог̇ан̣ам̣ гхаддзд̇и уб̣б̣зж̇зд̇и, бараг̇ог̇ан̣з бана сорад̇о сукасийло ход̇и – аяам̣ сагаг̇аважан̣д̣о но бараг̇аважан̣д̣о наама. буг̇г̇алоби ад̇д̇ано барисам̣ гхаддзнд̇о виж̇жханд̇о парусзна самуд̣̇аажаранд̇о, барабарисааяа бана соражжам̣ ниваад̇авуд̇д̇ид̇ам̣ аабаж̇ж̇анд̇о сагаг̇аважан̣д̣о ход̇и но бараг̇аважан̣д̣о наамаад̇и. иминаа наязна сзсааби взд̣̇ид̇аб̣б̣аа. нид̣̇д̣̇зсаваарз банзд̇т̇а уб̣б̣зж̇ид̇аа ход̇ийд̇и гхаддзд̇ваа виж̇жхид̇ваа уб̣б̣зг̇аббад̇д̇ам̣ гарод̇ижжзва ад̇т̇о.

    162. Balībaddūpamesu – balībaddo tāva yo attano gogaṇaṃ ghaṭṭeti ubbejeti, paragogaṇe pana sorato sukhasīlo hoti – ayaṃ sakagavacaṇḍo no paragavacaṇḍo nāma. Puggalopi attano parisaṃ ghaṭṭento vijjhanto pharusena samudācaranto, paraparisāya pana soraccaṃ nivātavuttitaṃ āpajjanto sakagavacaṇḍo hoti no paragavacaṇḍo nāmāti. Iminā nayena sesāpi veditabbā. Niddesavāre panettha ubbejitā hotīti ghaṭṭetvā vijjhitvā ubbegappattaṃ karoticceva attho.

    163. аасийвисуубамзсу – аасийвисо д̇аава яасса висам̣ аасум̣ ааг̇ажчад̇и сийгхам̣ парад̇и; гхорам̣ бана на ход̇и, жирагаалам̣ на бийл̣зд̇и – аяам̣ ааг̇ад̇ависо но гхорависо. сзсабад̣̇зсуби зсзва наяо. буг̇г̇алавибхааж̇анам̣ бана уд̇д̇аанад̇т̇амзва.

    163. Āsīvisūpamesu – āsīviso tāva yassa visaṃ āsuṃ āgacchati sīghaṃ pharati; ghoraṃ pana na hoti, cirakālaṃ na pīḷeti – ayaṃ āgataviso no ghoraviso. Sesapadesupi eseva nayo. Puggalavibhājanaṃ pana uttānatthameva.

    164. ананувижжа абарияог̇аахзд̇ваа аван̣н̣аарахасса ван̣н̣ам̣ бхаасид̇аа ход̇ийд̇иаад̣̇ийсу ананувижжаад̇и ад̇улаяид̇ваа, абариг̇г̇ан̣хид̇ваа. абарияог̇аахзд̇ваад̇и бан̃н̃ааяа г̇ун̣з аног̇аахзд̇ваа.

    164. Ananuvicca apariyogāhetvā avaṇṇārahassa vaṇṇaṃ bhāsitā hotītiādīsu ananuviccāti atulayitvā, apariggaṇhitvā. Apariyogāhetvāti paññāya guṇe anogāhetvā.

    166. бхууд̇ам̣ д̇ажчанд̇и виж̇ж̇амаанад̇о бхууд̇ам̣, авибарийд̇ад̇о д̇ажчам̣. гаалзнаад̇и яуд̇д̇абаяуд̇д̇агаалзна. д̇ад̇ра гаалан̃н̃уу ход̇ийд̇и яамид̣̇ам̣ гаалзнаад̇и вуд̇д̇ам̣. д̇ад̇ра яо буг̇г̇ало гаалан̃н̃уу ход̇и, гаалам̣ ж̇аанаад̇и, д̇асса бан̃хасса взяяаагаран̣ад̇т̇ааяа ‘‘имасмим̣ гаалз бужчид̇знааби маяаа на гат̇зд̇аб̣б̣аа, имасмим̣ гаалз гат̇зд̇аб̣б̣аа’’д̇и – аяам̣ гаалзна бхан̣ад̇и наама. убзгкаго вихарад̇ийд̇и маж̇жхад̇д̇абхууд̇ааяа убзгкааяа тид̇о худ̇ваа вихарад̇и. сзсам̣ саб̣б̣ад̇т̇а уд̇д̇аанад̇т̇амзва.

    166. Bhūtaṃ tacchanti vijjamānato bhūtaṃ, aviparītato tacchaṃ. Kālenāti yuttapayuttakālena. Tatra kālaññū hotīti yamidaṃ kālenāti vuttaṃ. Tatra yo puggalo kālaññū hoti, kālaṃ jānāti, tassa pañhassa veyyākaraṇatthāya ‘‘imasmiṃ kāle pucchitenāpi mayā na kathetabbā, imasmiṃ kāle kathetabbā’’ti – ayaṃ kālena bhaṇati nāma. Upekkhako viharatīti majjhattabhūtāya upekkhāya ṭhito hutvā viharati. Sesaṃ sabbattha uttānatthameva.

    167. удтаанапалуубаж̇ийвийд̇иаад̣̇ийсу – яо удтаанавийриязнзва д̣̇ивасам̣ вийд̇инаамзд̇ваа д̇асса ниссанд̣̇апаламад̇д̇ам̣ гин̃жид̣̇зва лабхид̇ваа ж̇ийвигам̣ габбзд̇и, д̇ам̣ бана удтаанам̣ ааг̇амма гин̃жи бун̃н̃апалам̣ на бадилабхад̇и, д̇ам̣ санд̇хааяа яасса буг̇г̇аласса удтахад̇од̇иаад̣̇и вуд̇д̇ам̣. д̇ад̇уубари д̣̇зваад̇и д̇ад̇о убари б̣рахмагааяигаад̣̇аяо д̣̇зваа. д̇зсан̃хи удтаанавийриязна гижжам̣ наама над̇т̇и. бун̃н̃апаламзва убаж̇ийванд̇и. бун̃н̃авад̇о жаад̇и ид̣̇ам̣ бун̃н̃аванд̇з кад̇д̇ияаб̣раахман̣аад̣̇аяо жзва бхуммад̣̇звз аад̣̇им̣ гад̇ваа ниммаанарад̇ибарияосаанз д̣̇звз жа санд̇хааяа вуд̇д̇ам̣. саб̣б̣зби хзд̇з вааяаамапалан̃жзва бун̃н̃апалан̃жа анубхаванд̇и. нзраяигаа бана нзва удтаанзна ааж̇ийвам̣ уббаад̣̇зд̇ум̣ саггонд̇и, нааби нзсам̣ бун̃н̃апалзна гожи ааж̇ийво уббаж̇ж̇ад̇и.

    167. Uṭṭhānaphalūpajīvītiādīsu – yo uṭṭhānavīriyeneva divasaṃ vītināmetvā tassa nissandaphalamattaṃ kiñcideva labhitvā jīvikaṃ kappeti, taṃ pana uṭṭhānaṃ āgamma kiñci puññaphalaṃ na paṭilabhati, taṃ sandhāya yassa puggalassa uṭṭhahatotiādi vuttaṃ. Tatūpari devāti tato upari brahmakāyikādayo devā. Tesañhi uṭṭhānavīriyena kiccaṃ nāma natthi. Puññaphalameva upajīvanti. Puññavato cāti idaṃ puññavante khattiyabrāhmaṇādayo ceva bhummadeve ādiṃ katvā nimmānaratipariyosāne deve ca sandhāya vuttaṃ. Sabbepi hete vāyāmaphalañceva puññaphalañca anubhavanti. Nerayikā pana neva uṭṭhānena ājīvaṃ uppādetuṃ sakkonti, nāpi nesaṃ puññaphalena koci ājīvo uppajjati.

    168. д̇амаад̣̇ийсу – ‘‘нийжз гулз бажжааж̇аад̇о’’д̇иаад̣̇игзна д̇амзна яуд̇д̇од̇и д̇амо. гааяад̣̇ужжарид̇аад̣̇ийхи буна нираяад̇амуубаг̇аманад̇о д̇амабарааяан̣о. нзсаад̣̇агулзд̇и миг̇алуд̣̇д̣̇агаад̣̇ийнам̣ гулз. взнагулзд̇и вилийвагаарагулз. рат̇агаарагулзд̇и жаммагаарагулз. буггусагулзд̇и бубпачад̣д̣агагулз. гасиравуд̇д̇игзд̇и д̣̇угкавуд̇д̇игз. д̣̇уб̣б̣ан̣н̣од̇и бам̣субисаажаго вияа жхаамакаан̣уван̣н̣о. д̣̇уд̣̇д̣̇асигод̇и виж̇аад̇амаад̇уяааби аманаабад̣̇ассано. огодимагод̇и лагун̣д̣аго. гаан̣од̇и згагкигаан̣о ваа убхаяагкигаан̣о ваа. гун̣ийд̇и згахад̇т̇агун̣ий ваа убхаяахад̇т̇агун̣ий ваа. кан̃ж̇од̇и згабаад̣̇акан̃ж̇о ваа убхаяабаад̣̇акан̃ж̇о ваа. багкахад̇од̇и хад̇абагко бийтасаббий. бад̣̇ийбзяяассаад̇и д̇злагабаллагаад̣̇ино бад̣̇ийбуубагаран̣асса. звам̣ буг̇г̇ало д̇амо ход̇и д̇амабарааяан̣од̇и зд̇т̇а зго буг̇г̇ало б̣ахид̣̇д̇хаа аалогам̣ ад̣̇исваа маад̇угужчисмин̃н̃зва гаалам̣ гад̇ваа абааязсу ниб̣б̣ад̇д̇анд̇о сагалзби габбз сам̣сарад̇и. соби д̇амо д̇амабарааяан̣ова. со бана гухагабуг̇г̇ало бхавзяяа. гухагасса хи зваруубаа ниб̣б̣ад̇д̇и ход̇ийд̇и вуд̇д̇ам̣.

    168. Tamādīsu – ‘‘nīce kule paccājāto’’tiādikena tamena yuttoti tamo. Kāyaduccaritādīhi puna nirayatamūpagamanato tamaparāyaṇo. Nesādakuleti migaluddakādīnaṃ kule. Venakuleti vilīvakārakule. Rathakārakuleti cammakārakule. Pukkusakuleti pupphachaḍḍakakule. Kasiravuttiketi dukkhavuttike. Dubbaṇṇoti paṃsupisācako viya jhāmakhāṇuvaṇṇo. Duddasikoti vijātamātuyāpi amanāpadassano. Okoṭimakoti lakuṇḍako. Kāṇoti ekakkhikāṇo vā ubhayakkhikāṇo vā. Kuṇīti ekahatthakuṇī vā ubhayahatthakuṇī vā. Khañjoti ekapādakhañjo vā ubhayapādakhañjo vā. Pakkhahatoti hatapakkho pīṭhasappī. Padīpeyyassāti telakapallakādino padīpūpakaraṇassa. Evaṃ puggalo tamo hoti tamaparāyaṇoti ettha eko puggalo bahiddhā ālokaṃ adisvā mātukucchismiññeva kālaṃ katvā apāyesu nibbattanto sakalepi kappe saṃsarati. Sopi tamo tamaparāyaṇova. So pana kuhakapuggalo bhaveyya. Kuhakassa hi evarūpā nibbatti hotīti vuttaṃ.

    зд̇т̇а жа нийжз гулз бажжааж̇аад̇о ход̇и жан̣д̣аалагулз ваад̇иаад̣̇ийхи ааг̇аманавибад̇д̇и жзва буб̣б̣уббаннабажжаяавибад̇д̇и жа д̣̇ассид̇аа. д̣̇алид̣̇д̣̇зд̇иаад̣̇ийхи бавад̇д̇ибажжаяавибад̇д̇и. гасиравуд̇д̇игзд̇иаад̣̇ийхи ааж̇ийвубааяавибад̇д̇и. д̣̇уб̣б̣ан̣н̣од̇иаад̣̇ийхи руубавибад̇д̇и. б̣ахвааб̣аад̇ход̇иаад̣̇ийхи д̣̇угкагааран̣асамааяог̇о. на лаабхийд̇иаад̣̇ийхи сукагааран̣авибад̇д̇и жзва убабхог̇авибад̇д̇и жа. гааязна д̣̇ужжарид̇анд̇иаад̣̇ийхи д̇амабарааяан̣абхаавасса гааран̣асамааяог̇о. гааяасса бхзд̣̇аад̇иаад̣̇ийхи самбарааяигад̇амуубаг̇амо. суггабагко вуд̇д̇абадибагканаязна взд̣̇ид̇аб̣б̣о.

    Ettha ca nīce kule paccājāto hoti caṇḍālakule vātiādīhi āgamanavipatti ceva pubbuppannapaccayavipatti ca dassitā. Daliddetiādīhi pavattipaccayavipatti. Kasiravuttiketiādīhi ājīvupāyavipatti. Dubbaṇṇotiādīhi rūpavipatti. Bahvābādhotiādīhi dukkhakāraṇasamāyogo. Na lābhītiādīhi sukhakāraṇavipatti ceva upabhogavipatti ca. Kāyena duccaritantiādīhi tamaparāyaṇabhāvassa kāraṇasamāyogo. Kāyassa bhedātiādīhi samparāyikatamūpagamo. Sukkapakkho vuttapaṭipakkhanayena veditabbo.

    абижзд̇т̇а д̇ивид̇хааяа гуласамбад̇д̇ияаа бажжааж̇аад̇иаад̣̇игзна ж̇од̇инаа яуд̇д̇ад̇о ж̇од̇и, аалогабхууд̇од̇и вуд̇д̇ам̣ ход̇и. гааяасужарид̇аад̣̇ийхи бана саг̇г̇уубабад̇д̇иж̇од̇ибхаавуубаг̇аманад̇о ж̇од̇ибарааяан̣о. кад̇д̇ияамахаасаалагулз ваад̇иаад̣̇ийсу кад̇д̇ияамахаасаалаад̇и кад̇д̇ияаа махаасаараа махаасаараббад̇д̇аа кад̇д̇ияаа. язсан̃хи кад̇д̇ияаанам̣ хздтиманд̇зна годисад̇ам̣ нид̇хаанаг̇ад̇ам̣ ход̇и, д̇аяо гахаабан̣агумбхаа вал̣ан̃ж̇анад̇т̇ааяа г̇зхамаж̇жхз раасим̣ гад̇ваа табид̇аа хонд̇и, д̇з кад̇д̇ияамахаасаалаа наама. язсам̣ б̣раахман̣аанам̣ асийд̇игодид̇ханам̣ нихид̇ам̣ ход̇и, д̣̇ияад̣дхо гахаабан̣агумбхо вал̣ан̃ж̇анад̇т̇ааяа г̇зхамаж̇жхз раасим̣ гад̇ваа табид̇о ход̇и, д̇з б̣раахман̣амахаасаалаа наама. язсам̣ г̇ахабад̇ийнам̣ жад̇д̇аалийсагодид̇ханам̣ нихид̇ам̣ ход̇и, гахаабан̣агумбхо вал̣ан̃ж̇ад̇т̇ааяа г̇зхамаж̇жхз раасим̣ гад̇ваа табид̇о ход̇и, д̇з г̇ахабад̇имахаасаалаа наама. д̇зсам̣ гулзд̇и ад̇т̇о. ад̣дхзд̇и иссарз. нид̇хаанаг̇ад̇ад̇ханасса маханд̇ад̇ааяа махад̣̇д̇ханз. суван̣н̣араж̇ад̇абхааж̇анаад̣̇ийнам̣ убабхог̇абхан̣д̣аанам̣ маханд̇ад̇ааяа махаабхог̇з. нид̇хаанаг̇ад̇асса ж̇аад̇аруубараж̇ад̇асса бахууд̇ад̇ааяа бахууд̇аж̇аад̇аруубараж̇ад̇з. вид̇д̇уубагаран̣асса д̇удтигаран̣асса бахууд̇ад̇ааяа бахууд̇авид̇д̇уубагаран̣з. г̇од̇ханаад̣̇ийнан̃жа сад̇д̇авид̇хад̇хан̃н̃аанан̃жа бахууд̇ад̇ааяа бахууд̇ад̇ханад̇хан̃н̃з. абхируубод̇и сунд̣̇араруубо. д̣̇ассанийяод̇и ан̃н̃ам̣ гаммам̣ бахааяа д̣̇ивасамби бассид̇аб̣б̣аяуд̇д̇о. баасаад̣̇игод̇и д̣̇ассанзнзва жид̇д̇абасаад̣̇аавахо. барамааяаад̇и уд̇д̇амааяа. ван̣н̣абогкарад̇ааяаад̇и богкараван̣н̣ад̇ааяа. богкарам̣ вужжад̇и сарийрам̣. д̇асса ван̣н̣асамбад̇д̇ияаад̇и ад̇т̇о. саманнааг̇ад̇од̇и убзд̇о.

    Apicettha tividhāya kulasampattiyā paccājātiādikena jotinā yuttato joti, ālokabhūtoti vuttaṃ hoti. Kāyasucaritādīhi pana saggūpapattijotibhāvūpagamanato jotiparāyaṇo. Khattiyamahāsālakule vātiādīsu khattiyamahāsālāti khattiyā mahāsārā mahāsārappattā khattiyā. Yesañhi khattiyānaṃ heṭṭhimantena koṭisataṃ nidhānagataṃ hoti, tayo kahāpaṇakumbhā vaḷañjanatthāya gehamajjhe rāsiṃ katvā ṭhapitā honti, te khattiyamahāsālā nāma. Yesaṃ brāhmaṇānaṃ asītikoṭidhanaṃ nihitaṃ hoti, diyaḍḍho kahāpaṇakumbho vaḷañjanatthāya gehamajjhe rāsiṃ katvā ṭhapito hoti, te brāhmaṇamahāsālā nāma. Yesaṃ gahapatīnaṃ cattālīsakoṭidhanaṃ nihitaṃ hoti, kahāpaṇakumbho vaḷañjatthāya gehamajjhe rāsiṃ katvā ṭhapito hoti, te gahapatimahāsālā nāma. Tesaṃ kuleti attho. Aḍḍheti issare. Nidhānagatadhanassa mahantatāya mahaddhane. Suvaṇṇarajatabhājanādīnaṃ upabhogabhaṇḍānaṃ mahantatāya mahābhoge. Nidhānagatassa jātarūparajatassa pahūtatāya pahūtajātarūparajate. Vittūpakaraṇassa tuṭṭhikaraṇassa pahūtatāya pahūtavittūpakaraṇe. Godhanādīnañca sattavidhadhaññānañca pahūtatāya pahūtadhanadhaññe. Abhirūpoti sundararūpo. Dassanīyoti aññaṃ kammaṃ pahāya divasampi passitabbayutto. Pāsādikoti dassaneneva cittapasādāvaho. Paramāyāti uttamāya. Vaṇṇapokkharatāyāti pokkharavaṇṇatāya. Pokkharaṃ vuccati sarīraṃ. Tassa vaṇṇasampattiyāti attho. Samannāgatoti upeto.

    169. он̣ад̇он̣ад̇аад̣̇ийсу – д̣̇идтад̇хаммигааяа ваа самбарааяигааяа ваа самбад̇д̇ияаа вирахид̇о он̣ад̇о. нийжо, лаамагод̇и ад̇т̇о. д̇аб̣б̣ибагкад̇о ун̣н̣ад̇о. ужжо, уг̇г̇ад̇од̇и ад̇т̇о. сзсамзд̇т̇а д̇амаад̣̇ийсу вуд̇д̇анаязнзва взд̣̇ид̇аб̣б̣ам̣. абижа – он̣ад̇он̣ад̇од̇и ид̣̇аани нийжо, ааяад̇имби нийжова бхависсад̇и. он̣ад̇ун̣н̣ад̇од̇и ид̣̇аани нийжо, ааяад̇им̣ ужжо бхависсад̇и. ун̣н̣ад̇он̣ад̇од̇и ид̣̇аани ужжо, ааяад̇им̣ нийжо бхависсад̇и. ун̣н̣ад̇ун̣н̣ад̇од̇и ид̣̇аани ужжо, ааяад̇имби ужжова бхависсад̇ийд̇и.

    169. Oṇatoṇatādīsu – diṭṭhadhammikāya vā samparāyikāya vā sampattiyā virahito oṇato. Nīco, lāmakoti attho. Tabbipakkhato uṇṇato. Ucco, uggatoti attho. Sesamettha tamādīsu vuttanayeneva veditabbaṃ. Apica – oṇatoṇatoti idāni nīco, āyatimpi nīcova bhavissati. Oṇatuṇṇatoti idāni nīco, āyatiṃ ucco bhavissati. Uṇṇatoṇatoti idāni ucco, āyatiṃ nīco bhavissati. Uṇṇatuṇṇatoti idāni ucco, āyatimpi uccova bhavissatīti.

    170. ругкуубамзсу – ругко д̇аава пзг̇г̇усаарабариваарод̇и ванаж̇здтагаругко саяам̣ пзг̇г̇у ход̇и , бариваараругкаа банасса саараа хонд̇и. иминаа наязна сзсаа взд̣̇ид̇аб̣б̣аа. буг̇г̇алзсу бана сийласааравирахад̇о пзг̇г̇уд̇аа, сийлаажаарасаманнааг̇амзна жа саарад̇аа взд̣̇ид̇аб̣б̣аа.

    170. Rukkhūpamesu – rukkho tāva pheggusāraparivāroti vanajeṭṭhakarukkho sayaṃ pheggu hoti , parivārarukkhā panassa sārā honti. Iminā nayena sesā veditabbā. Puggalesu pana sīlasāravirahato pheggutā, sīlācārasamannāgamena ca sāratā veditabbā.

    171. руубаббамаан̣аад̣̇ийсу – самбад̇д̇ияуд̇д̇ам̣ руубам̣ бамаан̣ам̣ гарод̇ийд̇и руубаббамаан̣о. д̇ад̇т̇а басаад̣̇ам̣ ж̇анзд̇ийд̇и руубаббасанно. гид̇д̇исад̣̇д̣̇абхууд̇ам̣ гхосам̣ бамаан̣ам̣ гарод̇ийд̇и гхосаббамаан̣о. аарохам̣ ваад̇иаад̣̇ийсу бана – аароханд̇и ужжад̇д̇анам̣. барин̣ааханд̇и гисат̇уулабхааваабаг̇ад̇ам̣ баригкзбасамбад̇д̇им̣. сан̣таананд̇и ан̇г̇абажжан̇г̇аанам̣ д̣̇ийгхарассаваддад̇аад̣̇ияуд̇д̇адтаанзсу д̇ат̇аабхаавам̣. баарибууринд̇и яат̇аавуд̇д̇аббагаараанам̣ ануунад̇ам̣, лагкан̣абарибун̣н̣абхаавам̣ ваа. бараван̣н̣анааяаад̇и барзхи бараммукаа нижчаарид̇ааяа г̇ун̣аван̣н̣анааяа. барат̇оманааяаад̇и барзхи т̇уд̇ивасзна г̇аат̇аад̣̇иубаниб̣анд̇ханзна вуд̇д̇ааяа т̇оманааяа. барабасам̣санааяаад̇и барзхи саммукаа вуд̇д̇ааяа басам̣сааяа. бараван̣н̣ахааригааяаад̇и барамбарат̇уд̇ивасзна барзхи бавад̇д̇ид̇ааяа ван̣н̣ахаран̣ааяа.

    171. Rūpappamāṇādīsu – sampattiyuttaṃ rūpaṃ pamāṇaṃ karotīti rūpappamāṇo. Tattha pasādaṃ janetīti rūpappasanno. Kittisaddabhūtaṃ ghosaṃ pamāṇaṃ karotīti ghosappamāṇo. Ārohaṃ vātiādīsu pana – ārohanti uccattanaṃ. Pariṇāhanti kisathūlabhāvāpagataṃ parikkhepasampattiṃ. Saṇṭhānanti aṅgapaccaṅgānaṃ dīgharassavaṭṭatādiyuttaṭṭhānesu tathābhāvaṃ. Pāripūrinti yathāvuttappakārānaṃ anūnataṃ, lakkhaṇaparipuṇṇabhāvaṃ vā. Paravaṇṇanāyāti parehi parammukhā nicchāritāya guṇavaṇṇanāya. Parathomanāyāti parehi thutivasena gāthādiupanibandhanena vuttāya thomanāya. Parapasaṃsanāyāti parehi sammukhā vuttāya pasaṃsāya. Paravaṇṇahārikāyāti paramparathutivasena parehi pavattitāya vaṇṇaharaṇāya.

    172. жийваралууканд̇и жийварасса д̣̇уб̣б̣ан̣н̣аад̣̇ибхаавзна луукад̇ам̣. бад̇д̇алууканд̇и бхааж̇анасса ван̣н̣асан̣таанавад̇т̇уухи луукад̇ам̣. сзнаасаналууканд̇и наадагаад̣̇исамбад̇д̇ивирахзна сзнаасанасса луукад̇ам̣. вивид̇ханд̇и ажзлагаад̣̇ибхаавзна анзгаббагаарам̣. д̣̇уггарагаариганд̇и сарийрад̇аабанам̣.

    172. Cīvaralūkhanti cīvarassa dubbaṇṇādibhāvena lūkhataṃ. Pattalūkhanti bhājanassa vaṇṇasaṇṭhānavatthūhi lūkhataṃ. Senāsanalūkhanti nāṭakādisampattivirahena senāsanassa lūkhataṃ. Vividhanti acelakādibhāvena anekappakāraṃ. Dukkarakārikanti sarīratāpanaṃ.

    абаро наяо – имзсу хи жад̇уусу буг̇г̇алзсу руубз бамаан̣ам̣ г̇ахзд̇ваа басанно руубаббамаан̣о наама. руубаббасаннод̇и д̇ассзва ад̇т̇аважанам̣. гхосз бамаан̣ам̣ г̇ахзд̇ваа басанно гхосаббамаан̣о наама. жийваралуукабад̇д̇алуукзсу бамаан̣ам̣ г̇ахзд̇ваа басанно луукаббамаан̣о наама. д̇хаммз бамаан̣ам̣ г̇ахзд̇ваа басанно д̇хаммаббамаан̣о наама. ид̇араани д̇зсам̣язва ад̇т̇аважанаани. саб̣б̣асад̇д̇з жа д̇аяо годтаасз гад̇ваа д̣̇вз годтаасаа руубаббамаан̣аа, зго на руубаббамаан̣о. бан̃жа годтаасз гад̇ваа жад̇д̇ааро годтаасаа гхосаббамаан̣аа, зго на гхосаббамаан̣о. д̣̇аса годтаасз гад̇ваа нава годтаасаа луукаббамаан̣аа, зго на луукаббамаан̣о. сад̇асахассам̣ годтаасз гад̇ваа бана зго годтаасова д̇хаммаббамаан̣о, сзсаа на д̇хаммаббамаан̣аа. звамаяам̣ жад̇уббамаан̣о логасанниваасо.

    Aparo nayo – imesu hi catūsu puggalesu rūpe pamāṇaṃ gahetvā pasanno rūpappamāṇo nāma. Rūpappasannoti tasseva atthavacanaṃ. Ghose pamāṇaṃ gahetvā pasanno ghosappamāṇo nāma. Cīvaralūkhapattalūkhesu pamāṇaṃ gahetvā pasanno lūkhappamāṇo nāma. Dhamme pamāṇaṃ gahetvā pasanno dhammappamāṇo nāma. Itarāni tesaṃyeva atthavacanāni. Sabbasatte ca tayo koṭṭhāse katvā dve koṭṭhāsā rūpappamāṇā, eko na rūpappamāṇo. Pañca koṭṭhāse katvā cattāro koṭṭhāsā ghosappamāṇā, eko na ghosappamāṇo. Dasa koṭṭhāse katvā nava koṭṭhāsā lūkhappamāṇā, eko na lūkhappamāṇo. Satasahassaṃ koṭṭhāse katvā pana eko koṭṭhāsova dhammappamāṇo, sesā na dhammappamāṇā. Evamayaṃ catuppamāṇo lokasannivāso.

    зд̇асмим̣ жад̇уббамаан̣з логасанниваасз б̣уд̣̇д̇хзсу аббасаннаа манд̣̇аа, басаннаава б̣ахугаа. руубаббамаан̣асса хи б̣уд̣̇д̇харуубад̇о уд̇д̇ари басаад̣̇аавахам̣ руубам̣ наама над̇т̇и. гхосаббамаан̣асса б̣уд̣̇д̇хаанам̣ гид̇д̇игхосад̇о уд̇д̇ари басаад̣̇аавахо гхосо наама над̇т̇и. луукаббамаан̣асса гаасигаани вад̇т̇аани махаарахаани ган̃жанабхааж̇анаани д̇ин̣н̣ам̣ уд̇уунам̣ анужчавигз саб̣б̣асамбад̇д̇ияуд̇д̇з баасаад̣̇аварз бахааяа бам̣сугуулажийварасзламаяабад̇д̇аругкамуулаад̣̇исзнаасанасзвино б̣уд̣̇д̇хасса бхаг̇авад̇о луукад̇о уд̇д̇ари басаад̣̇аавахам̣ ан̃н̃ам̣ луукам̣ наама над̇т̇и. д̇хаммаббамаан̣асса сад̣̇звагз логз асаад̇хааран̣асийлаад̣̇иг̇ун̣асса д̇ат̇ааг̇ад̇асса сийлаад̣̇иг̇ун̣ад̇о уд̇д̇ари басаад̣̇аавахо ан̃н̃о сийлаад̣̇иг̇ун̣о наама над̇т̇и. ид̇и бхаг̇аваа имам̣ жад̇уббамаан̣игам̣ логасанниваасам̣ мудтинаа г̇ахзд̇ваа вияа тид̇од̇и.

    Etasmiṃ catuppamāṇe lokasannivāse buddhesu appasannā mandā, pasannāva bahukā. Rūpappamāṇassa hi buddharūpato uttari pasādāvahaṃ rūpaṃ nāma natthi. Ghosappamāṇassa buddhānaṃ kittighosato uttari pasādāvaho ghoso nāma natthi. Lūkhappamāṇassa kāsikāni vatthāni mahārahāni kañcanabhājanāni tiṇṇaṃ utūnaṃ anucchavike sabbasampattiyutte pāsādavare pahāya paṃsukūlacīvaraselamayapattarukkhamūlādisenāsanasevino buddhassa bhagavato lūkhato uttari pasādāvahaṃ aññaṃ lūkhaṃ nāma natthi. Dhammappamāṇassa sadevake loke asādhāraṇasīlādiguṇassa tathāgatassa sīlādiguṇato uttari pasādāvaho añño sīlādiguṇo nāma natthi. Iti bhagavā imaṃ catuppamāṇikaṃ lokasannivāsaṃ muṭṭhinā gahetvā viya ṭhitoti.

    173. ад̇д̇ахид̇ааяа бадибаннаад̣̇ийсу – сийласамбаннод̇и сийлзна самбанно саманнааг̇ад̇о. самаад̇хисамбаннод̇иаад̣̇ийсуби зсзва наяо. зд̇т̇а жа сийлам̣ логияалогуд̇д̇арам̣ гат̇ид̇ам̣. д̇ат̇аа самаад̇хибан̃н̃аа жа. вимуд̇д̇и арахад̇д̇апалавимуд̇д̇иязва. н̃аан̣ад̣̇ассанам̣ згуунавийсад̇ивид̇хам̣ бажжавзгкан̣ан̃аан̣ам̣. но баранд̇иаад̣̇ийсу – барабуг̇г̇алам̣ ‘‘д̇аяааби сийласамбаннзна бхавид̇ум̣ ваддад̇ий’’д̇и вад̇ваа яат̇аа сийлам̣ самаад̣̇ияад̇и, звам̣ на самаад̣̇абзд̇и, на г̇ан̣хаабзд̇и. зсзва наяо саб̣б̣ад̇т̇а. зд̇зсу бана жад̇уусу батамо ваггалид̇т̇зрасад̣̇исо ход̇и. д̣̇уд̇ияо убананд̣̇асагяабуд̇д̇асад̣̇исо . д̇ад̇ияо саарибуд̇д̇амог̇г̇аллаанад̇т̇зрасад̣̇исо. жад̇уд̇т̇о д̣̇звад̣̇ад̇д̇асад̣̇исод̇и взд̣̇ид̇аб̣б̣о.

    173. Attahitāya paṭipannādīsu – sīlasampannoti sīlena sampanno samannāgato. Samādhisampannotiādīsupi eseva nayo. Ettha ca sīlaṃ lokiyalokuttaraṃ kathitaṃ. Tathā samādhipaññā ca. Vimutti arahattaphalavimuttiyeva. Ñāṇadassanaṃ ekūnavīsatividhaṃ paccavekkhaṇañāṇaṃ. No parantiādīsu – parapuggalaṃ ‘‘tayāpi sīlasampannena bhavituṃ vaṭṭatī’’ti vatvā yathā sīlaṃ samādiyati, evaṃ na samādapeti, na gaṇhāpeti. Eseva nayo sabbattha. Etesu pana catūsu paṭhamo vakkalittherasadiso hoti. Dutiyo upanandasakyaputtasadiso . Tatiyo sāriputtamoggallānattherasadiso. Catuttho devadattasadisoti veditabbo.

    174. ад̇д̇анд̇абаад̣̇ийсу – ад̇д̇аанам̣ д̇абад̇и д̣̇угкаабзд̇ийд̇и ад̇д̇анд̇або. ад̇д̇ано барид̇аабанаануяог̇ам̣ ад̇д̇абарид̇аабанаануяог̇ам̣. ажзлагод̇и нижжзло, наг̇г̇о. муд̇д̇аажаарод̇и висадтаажааро. ужжаарагаммаад̣̇ийсу логияагулабуд̇д̇аажаарзна вирахид̇о тид̇агова ужжаарам̣ гарод̇и, бассаавам̣ гарод̇и, каад̣̇ад̇и, бхун̃ж̇ад̇и жа. хад̇т̇аабалзканод̇и хад̇т̇з бин̣д̣амхи нидтид̇з ж̇ивхааяа хад̇т̇ам̣ абалзкад̇и. ужжаарам̣ ваа гад̇ваа хад̇т̇асмин̃н̃зва д̣̇ан̣д̣агасан̃н̃ий худ̇ваа хад̇т̇зна абалзкад̇ийд̇и д̣̇ассзд̇и. д̇з гира д̣̇ан̣д̣агам̣ сад̇д̇од̇и бан̃н̃абзнд̇и. д̇асмаа д̇зсам̣ бадибад̣̇ам̣ буурзнд̇о звам̣ гарод̇и. бхигкааг̇ахан̣ад̇т̇ам̣ ‘зхи бхад̣̇д̣̇анд̇з’д̇и вуд̇д̇о, на зд̇ийд̇и назхибхад̣̇д̣̇анд̇иго. д̇зна хи ‘д̇идта бхад̣̇д̣̇анд̇з’д̇и вуд̇д̇оби на д̇идтад̇ийд̇и над̇идтабхад̣̇д̣̇анд̇иго. д̇ад̣̇убхаяамби хзд̇ам̣ д̇ид̇т̇ияаа ‘‘зд̇асса важанам̣ гад̇ам̣ бхависсад̇ий’’д̇и на гаронд̇и. абхихаданд̇и бурзд̇арам̣ г̇ахзд̇ваа аахадам̣ бхигкам̣. уд̣̇д̣̇иссагад̇анд̇и ‘‘имам̣ д̇умхз уд̣̇д̣̇исса гад̇а’’нд̇и звам̣ аарожид̇абхигкам̣. на ниманд̇ананд̇и ‘‘асугам̣ наама гулам̣ ваа вийт̇им̣ ваа г̇аамам̣ ваа бависзяяаат̇аа’’д̇и звам̣ ниманд̇ид̇абхигкамби на саад̣̇ияад̇и, на г̇ан̣хаад̇и.

    174. Attantapādīsu – attānaṃ tapati dukkhāpetīti attantapo. Attano paritāpanānuyogaṃ attaparitāpanānuyogaṃ. Acelakoti niccelo, naggo. Muttācāroti visaṭṭhācāro. Uccārakammādīsu lokiyakulaputtācārena virahito ṭhitakova uccāraṃ karoti, passāvaṃ karoti, khādati, bhuñjati ca. Hatthāpalekhanoti hatthe piṇḍamhi niṭṭhite jivhāya hatthaṃ apalekhati. Uccāraṃ vā katvā hatthasmiññeva daṇḍakasaññī hutvā hatthena apalekhatīti dasseti. Te kira daṇḍakaṃ sattoti paññapenti. Tasmā tesaṃ paṭipadaṃ pūrento evaṃ karoti. Bhikkhāgahaṇatthaṃ ‘ehi bhaddante’ti vutto, na etīti naehibhaddantiko. Tena hi ‘tiṭṭha bhaddante’ti vuttopi na tiṭṭhatīti natiṭṭhabhaddantiko. Tadubhayampi hetaṃ titthiyā ‘‘etassa vacanaṃ kataṃ bhavissatī’’ti na karonti. Abhihaṭanti puretaraṃ gahetvā āhaṭaṃ bhikkhaṃ. Uddissakatanti ‘‘imaṃ tumhe uddissa kata’’nti evaṃ ārocitabhikkhaṃ. Na nimantananti ‘‘asukaṃ nāma kulaṃ vā vīthiṃ vā gāmaṃ vā paviseyyāthā’’ti evaṃ nimantitabhikkhampi na sādiyati, na gaṇhāti.

    на гумбхимукаад̇и гумбхид̇о уд̣̇д̇харид̇ваа д̣̇ияяамаанам̣ бхигкам̣ на г̇ан̣хаад̇и. на гал̣обимукаад̇и гал̣обийд̇и угкали, бажчи ваа. д̇ад̇оби на г̇ан̣хаад̇и. гасмаа? гумбхий гал̣обияо гадажчунаа бахаарам̣ лабханд̇ийд̇и. на зл̣агаманд̇аранд̇и уммаарам̣ анд̇арам̣ гад̇ваа д̣̇ияяамаанам̣ на г̇ан̣хаад̇и. гасмаа? аяам̣ мам̣ ниссааяа анд̇арагаран̣ам̣ лабхад̇ийд̇и. д̣̇ан̣д̣амусалзсуби зсзва наяо. д̣̇виннанд̇и д̣̇вийсу бхун̃ж̇амаанзсу згасмим̣ удтааяа д̣̇знд̇з на г̇ан̣хад̇и. гасмаа? габ̣ал̣анд̇арааяо ход̇ийд̇и. на г̇аб̣бхинияаад̇иаад̣̇ийсу бана г̇аб̣бхинияаа гужчияам̣ д̣̇аараго гиламад̇и. бааяанд̇ияаа д̣̇аарагасса кийранд̇арааяо ход̇и. бурисанд̇араг̇ад̇ааяа рад̇ианд̇арааяо ход̇ийд̇и на г̇ан̣хаад̇и на сан̇гид̇д̇ийсууд̇и сан̇гид̇д̇зд̇ваа гад̇абхад̇д̇зсу. д̣̇уб̣бхигкасамаяз гира ажзлагасаавагаа ажзлагаанам̣ ад̇т̇ааяа д̇ад̇о д̇ад̇о д̇ан̣д̣улаад̣̇ийни самаад̣̇абзд̇ваа бхад̇д̇ам̣ бажанд̇и, уггадтаажзлаго д̇ад̇о на бадиг̇г̇ан̣хаад̇и. на яад̇т̇а саад̇и яад̇т̇а сунако ‘бин̣д̣ам̣ лабхиссаамий’д̇и убадтид̇о ход̇и, д̇ад̇т̇а д̇асса ад̣̇ад̇ваа аахадам̣ на г̇ан̣хаад̇и. гасмаа? зд̇асса бин̣д̣анд̇арааяо ход̇ийд̇и.

    Nakumbhimukhāti kumbhito uddharitvā diyyamānaṃ bhikkhaṃ na gaṇhāti. Na kaḷopimukhāti kaḷopīti ukkhali, pacchi vā. Tatopi na gaṇhāti. Kasmā? Kumbhī kaḷopiyo kaṭacchunā pahāraṃ labhantīti. Na eḷakamantaranti ummāraṃ antaraṃ katvā diyyamānaṃ na gaṇhāti. Kasmā? Ayaṃ maṃ nissāya antarakaraṇaṃ labhatīti. Daṇḍamusalesupi eseva nayo. Dvinnanti dvīsu bhuñjamānesu ekasmiṃ uṭṭhāya dente na gaṇhati. Kasmā? Kabaḷantarāyo hotīti. Na gabbhiniyātiādīsu pana gabbhiniyā kucchiyaṃ dārako kilamati. Pāyantiyā dārakassa khīrantarāyo hoti. Purisantaragatāya ratiantarāyo hotīti na gaṇhāti na saṅkittīsūti saṅkittetvā katabhattesu. Dubbhikkhasamaye kira acelakasāvakā acelakānaṃ atthāya tato tato taṇḍulādīni samādapetvā bhattaṃ pacanti, ukkaṭṭhācelako tato na paṭiggaṇhāti. Na yattha sāti yattha sunakho ‘piṇḍaṃ labhissāmī’ti upaṭṭhito hoti, tattha tassa adatvā āhaṭaṃ na gaṇhāti. Kasmā? Etassa piṇḍantarāyo hotīti.

    сан̣д̣асан̣д̣ажааринийд̇и самуухасамуухажаариний. сажз хи ажзлагам̣ д̣̇исваа ‘имасса бхигкам̣ д̣̇ассаамаа’д̇и маануссагаа бхад̇д̇аг̇зхам̣ бависанд̇и, д̇зсу жа бависанд̇зсу гал̣обимукаад̣̇ийсу нилийнаа магкигаа уббад̇ид̇ваа сан̣д̣асан̣д̣аа жаранд̇и, д̇ад̇о аахадам̣ бхигкам̣ на г̇ан̣хаад̇и. гасмаа? мам̣ ниссааяа магкигаанам̣ г̇ожаранд̇арааяо ж̇аад̇од̇и. т̇усод̣̇аганд̇и саб̣б̣асассасамбхаарзхи гад̇ам̣ совийрагам̣. зд̇т̇а жа сураабаанамзва сааваж̇ж̇ам̣. аяам̣ бана зд̇асмимби сааваж̇ж̇асан̃н̃ий. згааг̇ааригод̇и яо згасмим̣язва г̇зхз бхигкам̣ лабхид̇ваа нивад̇д̇ад̇и. згаалобигод̇и яо згзнзва аалобзна яаабзд̇и. д̣̇вааг̇ааригаад̣̇ийсуби зсзва наяо. згиссааби д̣̇ад̇д̇ияаад̇и згааяа д̣̇ад̇д̇ияаа. д̣̇ад̇д̇и наама згаа куд̣̇д̣̇агабаад̇и ход̇и, яад̇т̇а аг̇г̇абхигкам̣ багкибид̇ваа табзнд̇и.

    Saṇḍasaṇḍacārinīti samūhasamūhacārinī. Sace hi acelakaṃ disvā ‘imassa bhikkhaṃ dassāmā’ti mānussakā bhattagehaṃ pavisanti, tesu ca pavisantesu kaḷopimukhādīsu nilīnā makkhikā uppatitvā saṇḍasaṇḍā caranti, tato āhaṭaṃ bhikkhaṃ na gaṇhāti. Kasmā? Maṃ nissāya makkhikānaṃ gocarantarāyo jātoti. Thusodakanti sabbasassasambhārehi kataṃ sovīrakaṃ. Ettha ca surāpānameva sāvajjaṃ. Ayaṃ pana etasmimpi sāvajjasaññī. Ekāgārikoti yo ekasmiṃyeva gehe bhikkhaṃ labhitvā nivattati. Ekālopikoti yo ekeneva ālopena yāpeti. Dvāgārikādīsupi eseva nayo. Ekissāpi dattiyāti ekāya dattiyā. Datti nāma ekā khuddakapāti hoti, yattha aggabhikkhaṃ pakkhipitvā ṭhapenti.

    згаахиганд̇и згад̣̇ивасанд̇аригам̣. ад̣дхамаасиганд̇и ад̣дхамаасанд̇аригам̣. барияааяабхад̇д̇абхож̇ананд̇и ваарабхад̇д̇абхож̇анам̣. згаахаваарзна д̣̇вийхаваарзна сад̇д̇аахаваарзна ад̣дхамаасаваарзнаад̇и – звам̣ д̣̇ивасаваарзна аабхад̇абхад̇д̇абхож̇анам̣. саагабхагкод̇и алласаагабхагко. саамаагабхагкод̇и саамаагад̇ан̣д̣улабхагко. нийваараад̣̇ийсу – нийваараа наама д̇аава аран̃н̃з саяам̣ ж̇аад̇аа вийхиж̇аад̇и. д̣̇ад̣̇д̣̇уланд̇и жаммагаарзхи жаммам̣ виликид̇ваа чад̣д̣ид̇агасадам̣. хадам̣ вужжад̇и силзсоби, сзваалоби ган̣игаараад̣̇иругканияяаасоби. ган̣анд̇и гун̣д̣агам̣. аажаамод̇и бхад̇д̇аугкалигааяа лаг̇г̇о жхаамод̣̇ано. д̇ам̣ чад̣д̣ид̇адтаанз г̇ахзд̇ваа каад̣̇ад̇и. ‘‘од̣̇анаган̃ж̇ияа’’нд̇иби вад̣̇анд̇и. бин̃н̃аагаад̣̇аяо баагадаа зва. бавад̇д̇апалабхож̇ийд̇и бад̇ид̇апалабхож̇ий.

    Ekāhikanti ekadivasantarikaṃ. Aḍḍhamāsikanti aḍḍhamāsantarikaṃ. Pariyāyabhattabhojananti vārabhattabhojanaṃ. Ekāhavārena dvīhavārena sattāhavārena aḍḍhamāsavārenāti – evaṃ divasavārena ābhatabhattabhojanaṃ. Sākabhakkhoti allasākabhakkho. Sāmākabhakkhoti sāmākataṇḍulabhakkho. Nīvārādīsu – nīvārā nāma tāva araññe sayaṃ jātā vīhijāti. Daddulanti cammakārehi cammaṃ vilikhitvā chaḍḍitakasaṭaṃ. Haṭaṃ vuccati silesopi, sevālopi kaṇikārādirukkhaniyyāsopi. Kaṇanti kuṇḍakaṃ. Ācāmoti bhattaukkhalikāya laggo jhāmodano. Taṃ chaḍḍitaṭṭhāne gahetvā khādati. ‘‘Odanakañjiya’’ntipi vadanti. Piññākādayo pākaṭā eva. Pavattaphalabhojīti patitaphalabhojī.

    саан̣аанийд̇и саан̣аваагажзлаани. масаан̣аанийд̇и миссагажзлаани. чавад̣̇уссаанийд̇и мад̇асарийрад̇о чад̣д̣ид̇авад̇т̇аани. зрагад̇ин̣аад̣̇ийни ваа г̇ант̇зд̇ваа гад̇аниваасанаани. бам̣сугуулаанийд̇и бат̇авияам̣ чад̣д̣ид̇ананд̇агаани. д̇ирийдаанийд̇и ругкад̇д̇ажавад̇т̇аани. аж̇инанд̇и аж̇инамиг̇ажаммам̣. аж̇инагкибанд̇и д̇ад̣̇зва маж̇жхз паалид̇ам̣. сакураганд̇иби вад̣̇анд̇и. гусажийранд̇и гусад̇ин̣аани г̇ант̇зд̇ваа гад̇ажийрагам̣. ваагажийрапалагажийрзсуби зсзва наяо. гзсагамб̣аланд̇и мануссагзсзхи гад̇агамб̣алам̣. яам̣ санд̇хааяа вуд̇д̇ам̣ – ‘‘сзяяат̇ааби, бхигкавз, яаани гаанижи д̇анд̇аавуд̇аанам̣ вад̇т̇аанам̣ гзсагамб̣ало д̇зсам̣ бад̇игудто агкааяад̇ий’’д̇и (а. ни. 3.138). ваал̣агамб̣аланд̇и ассаваал̣аад̣̇ийхи гад̇агамб̣алам̣. улуугабагканд̇и улуугабад̇д̇аани г̇ант̇зд̇ваа гад̇аниваасанам̣. уб̣бхадтагод̇и уд̣̇д̇хам̣ тид̇аго.

    Sāṇānīti sāṇavākacelāni. Masāṇānīti missakacelāni. Chavadussānīti matasarīrato chaḍḍitavatthāni. Erakatiṇādīni vā ganthetvā katanivāsanāni. Paṃsukūlānīti pathaviyaṃ chaḍḍitanantakāni. Tirīṭānīti rukkhattacavatthāni. Ajinanti ajinamigacammaṃ. Ajinakkhipanti tadeva majjhe phālitaṃ. Sakhurakantipi vadanti. Kusacīranti kusatiṇāni ganthetvā katacīrakaṃ. Vākacīraphalakacīresupi eseva nayo. Kesakambalanti manussakesehi katakambalaṃ. Yaṃ sandhāya vuttaṃ – ‘‘seyyathāpi, bhikkhave, yāni kānici tantāvutānaṃ vatthānaṃ kesakambalo tesaṃ patikuṭṭho akkhāyatī’’ti (a. ni. 3.138). Vāḷakambalanti assavāḷādīhi katakambalaṃ. Ulūkapakkhanti ulūkapattāni ganthetvā katanivāsanaṃ. Ubbhaṭṭhakoti uddhaṃ ṭhitako.

    уггудигаббад̇хаанамануяуд̇д̇од̇и уггудигавийрияам̣ ануяуд̇д̇о. г̇ажчанд̇оби уггудигова худ̇ваа уббад̇ид̇ваа уббад̇ид̇ваа г̇ажчад̇и. ган̣дагаабассаяигод̇и аяаган̣дагз ваа багад̇иган̣дагз ваа бхуумияам̣ годдзд̇ваа д̇ад̇т̇а жаммам̣ ад̇т̇арид̇ваа таанажан̇гамаад̣̇ийни гарод̇и. сзяяанд̇и саяанд̇оби д̇ад̇т̇зва сзяяам̣ габбзд̇и. сааяам̣ д̇ад̇ияамассаад̇и сааяад̇ад̇ияагам̣. ‘‘баад̇о, маж̇жханхигз, сааяанд̇и д̣̇ивасасса д̇игкад̇д̇ум̣ баабам̣ баваахзссаамий’’д̇и уд̣̇агороханаануяог̇ам̣ ануяуд̇д̇о вихарад̇и.

    Ukkuṭikappadhānamanuyuttoti ukkuṭikavīriyaṃ anuyutto. Gacchantopi ukkuṭikova hutvā uppatitvā uppatitvā gacchati. Kaṇṭakāpassayikoti ayakaṇṭake vā pakatikaṇṭake vā bhūmiyaṃ koṭṭetvā tattha cammaṃ attharitvā ṭhānacaṅkamādīni karoti. Seyyanti sayantopi tattheva seyyaṃ kappeti. Sāyaṃ tatiyamassāti sāyatatiyakaṃ. ‘‘Pāto, majjhanhike, sāyanti divasassa tikkhattuṃ pāpaṃ pavāhessāmī’’ti udakorohanānuyogaṃ anuyutto viharati.

    175. барам̣ д̇абад̇ийд̇и баранд̇або. барзсам̣ барид̇аабанаануяог̇ам̣ барабарид̇аабанаануяог̇ам̣. ораб̣бхигаад̣̇ийсу – ураб̣бхаа вужжанд̇и зл̣агаа. ураб̣бхз ханад̇ийд̇и ораб̣бхиго. суугаригаад̣̇ийсуби – зсзва наяо. луд̣̇д̣̇од̇и д̣̇аарун̣о гагкал̣о. мажчагхаад̇агод̇и мажчаб̣анд̇хо гзваддо. б̣анд̇ханааг̇ааригод̇и б̣анд̇ханааг̇аараг̇обаго. гуруурагамманд̇аад̇и д̣̇аарун̣агамманд̇аа.

    175. Paraṃ tapatīti parantapo. Paresaṃ paritāpanānuyogaṃ paraparitāpanānuyogaṃ. Orabbhikādīsu – urabbhā vuccanti eḷakā. Urabbhe hanatīti orabbhiko. Sūkarikādīsupi – eseva nayo. Luddoti dāruṇo kakkhaḷo. Macchaghātakoti macchabandho kevaṭṭo. Bandhanāgārikoti bandhanāgāragopako. Kurūrakammantāti dāruṇakammantā.

    176. муд̣̇д̇хаавасид̇д̇од̇и кад̇д̇ияаабхисзгзна муд̣̇д̇хани абхисид̇д̇о. бурад̇т̇имзна наг̇арассаад̇и наг̇арад̇о бурад̇т̇имад̣̇исааяа. санд̇хааг̇ааранд̇и яан̃н̃асаалам̣ . карааж̇инам̣ ниваасзд̇ваад̇и сакурам̣ аж̇инажаммам̣ ниваасзд̇ваа. саббид̇злзнаад̇и саббинаа жа д̇злзна жа. табзд̇ваа хи саббим̣ авасзсо яо гожи снзхо д̇зланд̇и вужжад̇и. ган̣д̣увамаанод̇и накаанам̣ чиннад̇д̇аа ган̣д̣увид̇аб̣б̣агаалз д̇зна ган̣д̣увамаано. ананд̇арахид̇ааяаад̇и асант̇ад̇ааяа. саруубаважчааяаад̇и сад̣̇исаважчааяа. сажз г̇аавий сзд̇аа ход̇и, важчоби сзд̇агова сажз габ̣араа ваа, рад̇д̇аа ваа, важчоби д̇аад̣̇исоваад̇и – звам̣ саруубаважчааяа. со звамаахаад̇и со рааж̇аа звам̣ вад̣̇зд̇и. важчад̇араад̇и д̇арун̣аважчагабхаавам̣ ад̇игганд̇аа б̣алававажчаа. важчад̇арийсуби зсзва наяо. б̣арихисад̇т̇ааяаад̇и баригкзбагаран̣ад̇т̇ааяа жзва яан̃н̃абхуумияам̣ ад̇т̇аран̣ад̇т̇ааяа жа.

    176. Muddhāvasittoti khattiyābhisekena muddhani abhisitto. Puratthimena nagarassāti nagarato puratthimadisāya. Sandhāgāranti yaññasālaṃ . Kharājinaṃ nivāsetvāti sakhuraṃ ajinacammaṃ nivāsetvā. Sappitelenāti sappinā ca telena ca. Ṭhapetvā hi sappiṃ avaseso yo koci sneho telanti vuccati. Kaṇḍuvamānoti nakhānaṃ chinnattā kaṇḍuvitabbakāle tena kaṇḍuvamāno. Anantarahitāyāti asanthatāya. Sarūpavacchāyāti sadisavacchāya. Sace gāvī setā hoti, vacchopi setakova sace kabarā vā, rattā vā, vacchopi tādisovāti – evaṃ sarūpavacchāya. So evamāhāti so rājā evaṃ vadeti. Vacchatarāti taruṇavacchakabhāvaṃ atikkantā balavavacchā. Vacchatarīsupi eseva nayo. Barihisatthāyāti parikkhepakaraṇatthāya ceva yaññabhūmiyaṃ attharaṇatthāya ca.

    177. д̣̇идтзва д̇хаммзд̇и имасмим̣язва ад̇д̇абхаавз. нижчаад̇од̇и чаад̇ам̣ вужжад̇и д̇ан̣хаа, саа асса над̇т̇ийд̇и нижчаад̇о. саб̣б̣агилзсаанам̣ ниб̣б̣уд̇ад̇д̇аа ниб̣б̣уд̇о. анд̇о д̇аабанагилзсаанам̣ абхааваа сийд̇ало ж̇аад̇од̇и сийд̇ийбхууд̇о. жхаанамаг̇г̇апаланиб̣б̣аанасукаани бадисам̣взд̣̇зд̇ийд̇и сукаббадисам̣взд̣̇ий. б̣рахмабхууд̇зна ад̇д̇анаад̇и сздтабхууд̇зна ад̇д̇анаа.

    177. Diṭṭheva dhammeti imasmiṃyeva attabhāve. Nicchātoti chātaṃ vuccati taṇhā, sā assa natthīti nicchāto. Sabbakilesānaṃ nibbutattā nibbuto. Anto tāpanakilesānaṃ abhāvā sītalo jātoti sītībhūto. Jhānamaggaphalanibbānasukhāni paṭisaṃvedetīti sukhappaṭisaṃvedī. Brahmabhūtena attanāti seṭṭhabhūtena attanā.

    имам̣ бана буг̇г̇алам̣ б̣уд̣̇д̇хуббаад̣̇ад̇о бадтааяа д̣̇ассзд̇ум̣ – ид̇ха д̇ат̇ааг̇ад̇од̇иаад̣̇имааха. д̇ад̇т̇а д̇ат̇ааг̇ад̇од̇и адтахи гааран̣зхи бхаг̇аваа д̇ат̇ааг̇ад̇о – д̇ат̇аа ааг̇ад̇од̇и д̇ат̇ааг̇ад̇о, д̇ат̇аа г̇ад̇од̇и д̇ат̇ааг̇ад̇о, д̇ат̇алагкан̣ам̣ ааг̇ад̇од̇и д̇ат̇ааг̇ад̇о, д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о, д̇ат̇ад̣̇ассид̇ааяа д̇ат̇ааг̇ад̇о, д̇ат̇ааваад̣̇ид̇ааяа д̇ат̇ааг̇ад̇о, д̇ат̇аагаарид̇ааяа д̇ат̇ааг̇ад̇о, абхибхаванадтзна д̇ат̇ааг̇ад̇од̇и. арахам̣ саммаасамб̣уд̣̇д̇ход̇иаад̣̇ийни висуд̣̇д̇химаг̇г̇з вид̇т̇аарид̇аанзва. д̇ам̣ д̇хамманд̇и д̇ам̣ вуд̇д̇аббагаарасамбад̣̇ам̣ д̇хаммам̣. сун̣аад̇и г̇ахабад̇и ваад̇и гасмаа батамам̣ г̇ахабад̇им̣ нид̣̇д̣̇исад̇и? нихад̇амаанад̇д̇аа уссаннад̇д̇аа жа. язбхуяязна хи кад̇д̇ияагулад̇о баб̣б̣аж̇ид̇аа ж̇аад̇им̣ ниссааяа маанам̣ гаронд̇и. б̣раахман̣агулаа баб̣б̣аж̇ид̇аа манд̇з ниссааяа маанам̣ гаронд̇и. хийнаж̇ажжагулаа баб̣б̣аж̇ид̇аа ад̇д̇ано виж̇аад̇ид̇ааяа бад̇идтаад̇ум̣ на саггонд̇и. г̇ахабад̇ид̣̇аарагаа бана гажчзхи сзд̣̇ам̣ мун̃жанд̇зхи бидтияаа лон̣ам̣ бубпамаанааяа бхуумим̣ гасид̇ваа д̇аад̣̇исасса маанасса абхаавад̇о нихад̇амаанад̣̇аббаа хонд̇и. д̇з баб̣б̣аж̇ид̇ваа маанам̣ ваа д̣̇аббам̣ ваа агад̇ваа яат̇ааб̣алам̣ б̣уд̣̇д̇хаважанам̣ уг̇г̇ахзд̇ваа вибассанааяа гаммам̣ гаронд̇аа саггонд̇и арахад̇д̇з бад̇идтаад̇ум̣. ид̇арзхи жа гулзхи нигкамид̇ваа баб̣б̣аж̇ид̇аа наама на б̣ахугаа, г̇ахабад̇игаава б̣ахугаа. ид̇и нихад̇амаанад̇д̇аа уссаннад̇д̇аа жа батамам̣ г̇ахабад̇им̣ нид̣̇д̣̇исад̇ийд̇и.

    Imaṃ pana puggalaṃ buddhuppādato paṭṭhāya dassetuṃ – idha tathāgatotiādimāha. Tattha tathāgatoti aṭṭhahi kāraṇehi bhagavā tathāgato – tathā āgatoti tathāgato, tathā gatoti tathāgato, tathalakkhaṇaṃ āgatoti tathāgato, tathadhamme yāthāvato abhisambuddhoti tathāgato, tathadassitāya tathāgato, tathāvāditāya tathāgato, tathākāritāya tathāgato, abhibhavanaṭṭhena tathāgatoti. Arahaṃ sammāsambuddhotiādīni visuddhimagge vitthāritāneva. Taṃ dhammanti taṃ vuttappakārasampadaṃ dhammaṃ. Suṇāti gahapati vāti kasmā paṭhamaṃ gahapatiṃ niddisati? Nihatamānattā ussannattā ca. Yebhuyyena hi khattiyakulato pabbajitā jātiṃ nissāya mānaṃ karonti. Brāhmaṇakulā pabbajitā mante nissāya mānaṃ karonti. Hīnajaccakulā pabbajitā attano vijātitāya patiṭṭhātuṃ na sakkonti. Gahapatidārakā pana kacchehi sedaṃ muñcantehi piṭṭhiyā loṇaṃ pupphamānāya bhūmiṃ kasitvā tādisassa mānassa abhāvato nihatamānadappā honti. Te pabbajitvā mānaṃ vā dappaṃ vā akatvā yathābalaṃ buddhavacanaṃ uggahetvā vipassanāya kammaṃ karontā sakkonti arahatte patiṭṭhātuṃ. Itarehi ca kulehi nikkhamitvā pabbajitā nāma na bahukā, gahapatikāva bahukā. Iti nihatamānattā ussannattā ca paṭhamaṃ gahapatiṃ niddisatīti.

    ан̃н̃ад̇арасмим̣ ваад̇и ид̇арзсам̣ ваа гулаанам̣ ан̃н̃ад̇арасмим̣. бажжааж̇аад̇од̇и бад̇иж̇аад̇о. д̇ат̇ааг̇ад̇з сад̣̇д̇хам̣ бадилабхад̇ийд̇и барисуд̣̇д̇хам̣ д̇хаммам̣ суд̇ваа д̇хаммассаамимхи д̇ат̇ааг̇ад̇з ‘‘саммаасамб̣уд̣̇д̇хо вад̇а со бхаг̇аваа’’д̇и сад̣̇д̇хам̣ бадилабхад̇и. ид̇и бадисан̃жигкад̇ийд̇и звам̣ бажжавзгкад̇и. самб̣аад̇хо гхарааваасод̇и сажзби садтихад̇т̇з гхарз яож̇анасад̇анд̇арзби ваа д̣̇вз ж̇ааяамбад̇игаа васанд̇и, д̇ат̇ааби нзсам̣ сагин̃жанасабалиб̣од̇хадтзна гхарааваасо самб̣аад̇хоязва. раж̇обат̇од̇и рааг̇араж̇аад̣̇ийнам̣ удтаанадтаананд̇и махааадтагат̇ааяам̣ вуд̇д̇ам̣. ааг̇аманабат̇од̇иби вад̇д̇ум̣ ваддад̇и. алаг̇г̇анадтзна аб̣бхогаасо вияаад̇и аб̣бхогаасо. баб̣б̣аж̇ид̇о хи гуудааг̇аарарад̇анабаасаад̣̇з жа д̣̇звавимаанаад̣̇ийсу жа субихид̇ад̣̇ваараваад̇абаанзсу бадижчаннзсу васанд̇оби нзва лаг̇г̇ад̇и, на саж̇ж̇ад̇и, на б̣аж̇жхад̇и. д̇зна вуд̇д̇ам̣ – ‘‘аб̣бхогаасо баб̣б̣аж̇ж̇аа’’д̇и.

    Aññatarasmiṃ vāti itaresaṃ vā kulānaṃ aññatarasmiṃ. Paccājātoti patijāto. Tathāgate saddhaṃ paṭilabhatīti parisuddhaṃ dhammaṃ sutvā dhammassāmimhi tathāgate ‘‘sammāsambuddho vata so bhagavā’’ti saddhaṃ paṭilabhati. Iti paṭisañcikkhatīti evaṃ paccavekkhati. Sambādho gharāvāsoti sacepi saṭṭhihatthe ghare yojanasatantarepi vā dve jāyampatikā vasanti, tathāpi nesaṃ sakiñcanasapalibodhaṭṭhena gharāvāso sambādhoyeva. Rajopathoti rāgarajādīnaṃ uṭṭhānaṭṭhānanti mahāaṭṭhakathāyaṃ vuttaṃ. Āgamanapathotipi vattuṃ vaṭṭati. Alagganaṭṭhena abbhokāso viyāti abbhokāso. Pabbajito hi kūṭāgāraratanapāsāde ca devavimānādīsu ca supihitadvāravātapānesu paṭicchannesu vasantopi neva laggati, na sajjati, na bajjhati. Tena vuttaṃ – ‘‘abbhokāso pabbajjā’’ti.

    абижа – самб̣аад̇хо гхарааваасо гусалагирияааяа огаасаабхаавад̇о. раж̇обат̇о асам̣вуд̇асан̇гаарадтаанам̣ вияа раж̇аанам̣ гилзсараж̇аанам̣ саннибаад̇адтаанад̇о. аб̣бхогаасо баб̣б̣аж̇ж̇аа гусалагирияааяа яат̇аасукам̣ огаасасамбхаавад̇о. наяид̣̇ам̣ сугарам̣…бз… баб̣б̣аж̇зяяанд̇и зд̇т̇а аяам̣ сан̇кзбагат̇аа – яад̣̇зд̇ам̣ сигкад̇д̇аяаб̣рахмажарияам̣ згамби д̣̇ивасам̣ акан̣д̣ам̣ гад̇ваа жаримагажид̇д̇ам̣ баабзд̇аб̣б̣ад̇ааяа зганд̇абарибун̣н̣ам̣. згад̣̇ивасамби жа гилзсамалзна амалинам̣ гад̇ваа жаримагажид̇д̇ам̣ баабзд̇аб̣б̣ад̇ааяа зганд̇абарисуд̣̇д̇хам̣. сан̇каликид̇ам̣ ликид̇асан̇касад̣̇исам̣ д̇ход̇асан̇касаббадибхааг̇ам̣ жарид̇аб̣б̣ам̣. ид̣̇ам̣ на сугарам̣ аг̇аарам̣ аж̇жхаавасад̇аа аг̇аарамаж̇жхз васанд̇зна зганд̇абарибун̣н̣ам̣…бз… жарид̇ум̣ – ‘‘яам̣нуунаахам̣ гзсз жа массун̃жа охаарзд̇ваа гасааяарасабийд̇ад̇ааяа гаасааяаани б̣рахмажарияам̣ жаранд̇аанам̣ анужчавигаани вад̇т̇аани ажчаад̣̇зд̇ваа барид̣̇ахид̇ваа аг̇аарасмаа нигкамид̇ваа анаг̇аарияам̣ баб̣б̣аж̇зяяа’’нд̇и. зд̇т̇а жа яасмаа аг̇аарасса хид̇ам̣ гасиваан̣иж̇ж̇аад̣̇игаммам̣ ‘‘аг̇аарияа’’нд̇и вужжад̇и, д̇ан̃жа баб̣б̣аж̇ж̇ааяа над̇т̇и, д̇асмаа баб̣б̣аж̇ж̇аа ‘‘анаг̇аарияа’’нд̇и н̃аад̇аб̣б̣аа. д̇ам̣ анаг̇аарияам̣. баб̣б̣аж̇зяяанд̇и бадибаж̇ж̇зяяам̣. аббам̣ ваад̇и сахассад̇о хздтаа бхог̇агканд̇хо аббо наама ход̇и, сахассад̇о бадтааяа махаа. аб̣анд̇ханадтзна н̃аад̇иязва н̃аад̇ибариваддо. соби вийсад̇ияаа хздтаа аббо ход̇и, вийсад̇ияаа бадтааяа махаа.

    Apica – sambādho gharāvāso kusalakiriyāya okāsābhāvato. Rajopatho asaṃvutasaṅkāraṭṭhānaṃ viya rajānaṃ kilesarajānaṃ sannipātaṭṭhānato. Abbhokāso pabbajjā kusalakiriyāya yathāsukhaṃ okāsasambhāvato. Nayidaṃ sukaraṃ…pe… pabbajeyyanti ettha ayaṃ saṅkhepakathā – yadetaṃ sikkhattayabrahmacariyaṃ ekampi divasaṃ akhaṇḍaṃ katvā carimakacittaṃ pāpetabbatāya ekantaparipuṇṇaṃ. Ekadivasampi ca kilesamalena amalinaṃ katvā carimakacittaṃ pāpetabbatāya ekantaparisuddhaṃ. Saṅkhalikhitaṃ likhitasaṅkhasadisaṃ dhotasaṅkhasappaṭibhāgaṃ caritabbaṃ. Idaṃ na sukaraṃ agāraṃ ajjhāvasatā agāramajjhe vasantena ekantaparipuṇṇaṃ…pe… carituṃ – ‘‘yaṃnūnāhaṃ kese ca massuñca ohāretvā kasāyarasapītatāya kāsāyāni brahmacariyaṃ carantānaṃ anucchavikāni vatthāni acchādetvā paridahitvā agārasmā nikkhamitvā anagāriyaṃ pabbajeyya’’nti. Ettha ca yasmā agārassa hitaṃ kasivāṇijjādikammaṃ ‘‘agāriya’’nti vuccati, tañca pabbajjāya natthi, tasmā pabbajjā ‘‘anagāriya’’nti ñātabbā. Taṃ anagāriyaṃ. Pabbajeyyanti paṭipajjeyyaṃ. Appaṃ vāti sahassato heṭṭhā bhogakkhandho appo nāma hoti, sahassato paṭṭhāya mahā. Abandhanaṭṭhena ñātiyeva ñātiparivaṭṭo. Sopi vīsatiyā heṭṭhā appo hoti, vīsatiyā paṭṭhāya mahā.

    178. бхигкуунам̣ сигкаасааж̇ийвасамаабаннод̇и яаа бхигкуунам̣ ад̇хисийласан̇каад̇аа сигкаа, д̇ан̃жа. яад̇т̇а жзд̇з саха ж̇ийванд̇и, згаж̇ийвигаа сабхааг̇авуд̇д̇ино хонд̇и, д̇ам̣ бхаг̇авад̇аа бан̃н̃ад̇д̇асигкаабад̣̇асан̇каад̇ам̣ сааж̇ийван̃жа. д̇ад̇т̇а сигканабхаавзна самаабаннод̇и бхигкуунам̣ сигкаасааж̇ийвасамаабанно. самаабаннод̇и сигкам̣ барибуурзнд̇о сааж̇ийван̃жа авийд̇иггаманд̇о худ̇ваа д̇ад̣̇убхаяам̣ убаг̇ад̇од̇и ад̇т̇о. баан̣аад̇ибаад̇ам̣ бахааяаад̇иаад̣̇ийсу баан̣аад̇ибаад̇аад̣̇игат̇аа хздтаа вид̇т̇аарид̇аа зва. бахааяаад̇и имам̣ баан̣аад̇ибаад̇ажзд̇анаасан̇каад̇ам̣ д̣̇уссийляам̣ баж̇ахид̇ваа. бадивирад̇о ход̇ийд̇и бахийнагаалад̇о бадтааяа д̇ад̇о д̣̇уссийляад̇о орад̇о вирад̇ова ход̇и. нихид̇ад̣̇ан̣д̣о нихид̇асад̇т̇од̇и баруубагхаад̇ад̇т̇ааяа д̣̇ан̣д̣ам̣ ваа сад̇т̇ам̣ ваа аад̣̇ааяа авад̇д̇анад̇о нигкид̇д̇ад̣̇ан̣д̣о жзва нигкид̇д̇асад̇т̇о жаад̇и ад̇т̇о. зд̇т̇а жа табзд̇ваа д̣̇ан̣д̣ам̣, саб̣б̣амби авасзсам̣ убагаран̣ам̣ сад̇д̇аанам̣ винаасанабхаавад̇о ‘сад̇т̇а’нд̇и взд̣̇ид̇аб̣б̣ам̣. яам̣ бана бхигкуу гад̇д̇арад̣̇ан̣д̣ам̣ ваа д̣̇анд̇агадтаваасим̣ ваа бибпалигам̣ ваа г̇ахзд̇ваа вижаранд̇и, на д̇ам̣ баруубагхаад̇ад̇т̇ааяа. д̇асмаа нихид̇ад̣̇ан̣д̣аа нихид̇асад̇т̇аад̇взва сан̇кам̣ г̇ажчанд̇и. лаж̇ж̇ийд̇и баабаж̇иг̇ужчаналагкан̣ааяа лаж̇ж̇ааяа саманнааг̇ад̇о. д̣̇аяаабаннод̇и д̣̇аяам̣ мзд̇д̇ажид̇д̇ад̇ам̣ аабанно. саб̣б̣абаан̣абхууд̇ахид̇аанугамбийд̇и саб̣б̣з баан̣абхууд̇з хид̇зна анугамбаго. д̇ааяа д̣̇аяаабаннад̇ааяа саб̣б̣зсам̣ баан̣абхууд̇аанам̣ хид̇ажид̇д̇агод̇и ад̇т̇о. вихарад̇ийд̇и ирияад̇и, баалзд̇и.

    178. Bhikkhūnaṃ sikkhāsājīvasamāpannoti yā bhikkhūnaṃ adhisīlasaṅkhātā sikkhā, tañca. Yattha cete saha jīvanti, ekajīvikā sabhāgavuttino honti, taṃ bhagavatā paññattasikkhāpadasaṅkhātaṃ sājīvañca. Tattha sikkhanabhāvena samāpannoti bhikkhūnaṃ sikkhāsājīvasamāpanno. Samāpannoti sikkhaṃ paripūrento sājīvañca avītikkamanto hutvā tadubhayaṃ upagatoti attho. Pāṇātipātaṃ pahāyātiādīsu pāṇātipātādikathā heṭṭhā vitthāritā eva. Pahāyāti imaṃ pāṇātipātacetanāsaṅkhātaṃ dussīlyaṃ pajahitvā. Paṭivirato hotīti pahīnakālato paṭṭhāya tato dussīlyato orato viratova hoti. Nihitadaṇḍo nihitasatthoti parūpaghātatthāya daṇḍaṃ vā satthaṃ vā ādāya avattanato nikkhittadaṇḍo ceva nikkhittasattho cāti attho. Ettha ca ṭhapetvā daṇḍaṃ, sabbampi avasesaṃ upakaraṇaṃ sattānaṃ vināsanabhāvato ‘sattha’nti veditabbaṃ. Yaṃ pana bhikkhū kattaradaṇḍaṃ vā dantakaṭṭhavāsiṃ vā pipphalikaṃ vā gahetvā vicaranti, na taṃ parūpaghātatthāya. Tasmā nihitadaṇḍā nihitasatthātveva saṅkhaṃ gacchanti. Lajjīti pāpajigucchanalakkhaṇāya lajjāya samannāgato. Dayāpannoti dayaṃ mettacittataṃ āpanno. Sabbapāṇabhūtahitānukampīti sabbe pāṇabhūte hitena anukampako. Tāya dayāpannatāya sabbesaṃ pāṇabhūtānaṃ hitacittakoti attho. Viharatīti iriyati, pāleti.

    д̣̇иннамзва аад̣̇ияад̇ийд̇и д̣̇иннаад̣̇ааяий. жид̇д̇знаби д̣̇иннамзва бадиган̇кад̇ийд̇и д̣̇иннабаадиган̇кий. т̇знзд̇ийд̇и т̇зно. на т̇знзна ат̇знзна. ат̇знад̇д̇ааязва сужибхууд̇зна. ад̇д̇анаад̇и ад̇д̇абхаавзна. ат̇знам̣ сужибхууд̇ам̣ ад̇д̇абхаавам̣ гад̇ваа вихарад̇ийд̇и вуд̇д̇ам̣ ход̇и.

    Dinnameva ādiyatīti dinnādāyī. Cittenapi dinnameva paṭikaṅkhatīti dinnapāṭikaṅkhī. Thenetīti theno. Na thenena athenena. Athenattāyeva sucibhūtena. Attanāti attabhāvena. Athenaṃ sucibhūtaṃ attabhāvaṃ katvā viharatīti vuttaṃ hoti.

    аб̣рахмажарияанд̇и асздтажарияам̣. б̣рахмам̣ сздтам̣ аажаарам̣ жарад̇ийд̇и б̣рахмажаарий. аараажаарийд̇и аб̣рахмажарияад̇о д̣̇ууражаарий. мзт̇унаад̇и рааг̇абарияудтаанавасзна сад̣̇исад̇д̇аа мзт̇унагаад̇и лад̣̇д̇хавохаарзхи бадисзвид̇аб̣б̣ад̇о мзт̇унаад̇и сан̇кам̣ г̇ад̇аа асад̣̇д̇хаммаа. г̇аамад̇хаммаад̇и г̇аамаваасийнам̣ д̇хаммаа.

    Abrahmacariyanti aseṭṭhacariyaṃ. Brahmaṃ seṭṭhaṃ ācāraṃ caratīti brahmacārī. Ārācārīti abrahmacariyato dūracārī. Methunāti rāgapariyuṭṭhānavasena sadisattā methunakāti laddhavohārehi paṭisevitabbato methunāti saṅkhaṃ gatā asaddhammā. Gāmadhammāti gāmavāsīnaṃ dhammā.

    сажжам̣ вад̣̇ад̇ийд̇и сажжаваад̣̇ий. сажжзна сажжам̣ санд̣̇ахад̇и гхадзд̇ийд̇и сажжасанд̇хо. на анд̇аранд̇араа мусаа вад̣̇ад̇ийд̇и ад̇т̇о. яо хи бурисо гад̣̇аажи мусаа вад̣̇ад̇и, гад̣̇аажи сажжам̣, д̇асса мусааваад̣̇зна анд̇арид̇ад̇д̇аа сажжам̣ сажжзна на гхадийяад̇и, д̇асмаа на со сажжасанд̇хо. аяам̣ бана на д̇аад̣̇исо. ж̇ийвид̇ахзд̇уби мусаа авад̇ваа сажжзна сажжам̣ санд̣̇ахад̇иязваад̇и сажжасанд̇хо. т̇зд̇од̇и т̇иро, т̇ирагат̇од̇и ад̇т̇о. зго хи буг̇г̇ало халид̣̇д̣̇ирааг̇о вияа, т̇усараасимхи никаад̇акаан̣уго вияа, ассабидтз табид̇агумбхан̣д̣амива жа, на т̇ирагат̇о ход̇и. зго баасаан̣алзкаа вияа, инд̣̇акийло вияа жа т̇ирагат̇о ход̇и. асинаа сийсз чинд̣̇анд̇зби д̣̇вз гат̇аа на гат̇зд̇и. аяам̣ вужжад̇и т̇зд̇о. бажжаяигод̇и бад̇д̇ияааяид̇аб̣б̣аго, сад̣̇д̇хааяигод̇и ад̇т̇о. згажжо хи буг̇г̇ало на бажжаяиго ход̇и. ‘ид̣̇ам̣ гзна вуд̇д̇ам̣? асугзнаа’д̇и вуд̇д̇з ‘маа д̇асса важанам̣ сад̣̇д̣̇ахат̇аа’д̇и вад̇д̇аб̣б̣ад̇ам̣ аабаж̇ж̇ад̇и. зго бажжаяиго ход̇и. ‘ид̣̇ам̣ гзна вуд̇д̇ам̣? асугзнаа’д̇и вуд̇д̇з ‘яад̣̇и д̇зна вуд̇д̇ам̣, ид̣̇амзва бамаан̣ам̣, ид̣̇аани убабаригкид̇аб̣б̣ам̣ над̇т̇и, звамзва ид̣̇а’нд̇и вад̇д̇аб̣б̣ад̇ам̣ аабаж̇ж̇ад̇и. аяам̣ вужжад̇и бажжаяиго. ависам̣ваад̣̇аго логассаад̇и д̇ааяа сажжаваад̣̇ид̇ааяа логам̣ на висам̣ваад̣̇зд̇ийд̇и ад̇т̇о.

    Saccaṃ vadatīti saccavādī. Saccena saccaṃ sandahati ghaṭetīti saccasandho. Na antarantarā musā vadatīti attho. Yo hi puriso kadāci musā vadati, kadāci saccaṃ, tassa musāvādena antaritattā saccaṃ saccena na ghaṭīyati, tasmā na so saccasandho. Ayaṃ pana na tādiso. Jīvitahetupi musā avatvā saccena saccaṃ sandahatiyevāti saccasandho. Thetoti thiro, thirakathoti attho. Eko hi puggalo haliddirāgo viya, thusarāsimhi nikhātakhāṇuko viya, assapiṭṭhe ṭhapitakumbhaṇḍamiva ca, na thirakatho hoti. Eko pāsāṇalekhā viya, indakhīlo viya ca thirakatho hoti. Asinā sīse chindantepi dve kathā na katheti. Ayaṃ vuccati theto. Paccayikoti pattiyāyitabbako, saddhāyikoti attho. Ekacco hi puggalo na paccayiko hoti. ‘Idaṃ kena vuttaṃ? Asukenā’ti vutte ‘mā tassa vacanaṃ saddahathā’ti vattabbataṃ āpajjati. Eko paccayiko hoti. ‘Idaṃ kena vuttaṃ? Asukenā’ti vutte ‘yadi tena vuttaṃ, idameva pamāṇaṃ, idāni upaparikkhitabbaṃ natthi, evameva ida’nti vattabbataṃ āpajjati. Ayaṃ vuccati paccayiko. Avisaṃvādako lokassāti tāya saccavāditāya lokaṃ na visaṃvādetīti attho.

    имзсам̣ бхзд̣̇ааяаад̇и язсам̣ ид̇о суд̇ваад̇и вуд̇д̇аанам̣ санд̇игз суд̇ам̣, д̇зсам̣ бхзд̣̇ааяа. бхиннаанам̣ ваа санд̇хаад̇аад̇и д̣̇виннам̣ мид̇д̇аанам̣ ваа самаанубаж̇жхааяагаад̣̇ийнам̣ ваа гзнажид̣̇зва гааран̣зна бхиннаанам̣ згамзгам̣ убасан̇гамид̇ваа – ‘д̇умхаагам̣ ийд̣̇исз гулз ж̇аад̇аанам̣, звам̣ б̣ахуссуд̇аанам̣ ид̣̇ам̣ на яуд̇д̇а’нд̇иаад̣̇ийни вад̇ваа санд̇хаанам̣ гад̇д̇аа. ануббад̣̇аад̇аад̇и санд̇хаанаануббад̣̇аад̇аа. д̣̇вз ж̇анз самаг̇г̇з д̣̇исваа – ‘д̇умхаагам̣ зваруубз гулз ж̇аад̇аанам̣, зваруубзхи г̇ун̣зхи саманнааг̇ад̇аанам̣ анужчавигамзд̇а’нд̇иаад̣̇ийни вад̇ваа д̣̇ал̣хийгаммам̣ гад̇д̇аад̇и ад̇т̇о. самаг̇г̇о аараамо ассаад̇и самаг̇г̇аараамо. яад̇т̇а самаг̇г̇аа над̇т̇и, д̇ад̇т̇а васид̇умби на ижчад̇ийд̇и ад̇т̇о. самаг̇г̇араамод̇иби баал̣и. аяамзва ад̇т̇о. самаг̇г̇арад̇од̇и самаг̇г̇зсу рад̇о. д̇з бахааяа ан̃н̃ад̇ра г̇анд̇умби на ижчад̇ийд̇и ад̇т̇о. самаг̇г̇з д̣̇исвааби суд̇вааби нанд̣̇ад̇ийд̇и самаг̇г̇ананд̣̇ий. самаг̇г̇агаран̣им̣ ваажам̣ бхаасид̇аад̇и яаа ваажаа сад̇д̇з самаг̇г̇зязва гарод̇и, д̇ам̣ саамаг̇г̇ийг̇ун̣абарид̣̇ийбагамзва ваажам̣ бхаасад̇и, на ид̇аранд̇и.

    Imesaṃbhedāyāti yesaṃ ito sutvāti vuttānaṃ santike sutaṃ, tesaṃ bhedāya. Bhinnānaṃ vā sandhātāti dvinnaṃ mittānaṃ vā samānupajjhāyakādīnaṃ vā kenacideva kāraṇena bhinnānaṃ ekamekaṃ upasaṅkamitvā – ‘tumhākaṃ īdise kule jātānaṃ, evaṃ bahussutānaṃ idaṃ na yutta’ntiādīni vatvā sandhānaṃ kattā. Anuppadātāti sandhānānuppadātā. Dve jane samagge disvā – ‘tumhākaṃ evarūpe kule jātānaṃ, evarūpehi guṇehi samannāgatānaṃ anucchavikameta’ntiādīni vatvā daḷhīkammaṃ kattāti attho. Samaggo ārāmo assāti samaggārāmo. Yattha samaggā natthi, tattha vasitumpi na icchatīti attho. Samaggarāmotipi pāḷi. Ayameva attho. Samaggaratoti samaggesu rato. Te pahāya aññatra gantumpi na icchatīti attho. Samagge disvāpi sutvāpi nandatīti samagganandī. Samaggakaraṇiṃ vācaṃ bhāsitāti yā vācā satte samaggeyeva karoti, taṃ sāmaggīguṇaparidīpakameva vācaṃ bhāsati, na itaranti.

    гаалзна вад̣̇ад̇ийд̇и гаалаваад̣̇ий. вад̇д̇аб̣б̣аяуд̇д̇агаалам̣ саллагкзд̇ваа вад̣̇ад̇ийд̇и ад̇т̇о. бхууд̇ам̣ д̇ат̇ам̣ д̇ажчам̣ сабхаавамзва вад̣̇ад̇ийд̇и бхууд̇аваад̣̇ий. д̣̇идтад̇хаммигасамбарааяигад̇т̇асанниссид̇амзва гад̇ваа вад̣̇ад̇ийд̇и ад̇т̇аваад̣̇ий. навалогуд̇д̇арад̇хаммасанниссид̇ам̣ гад̇ваа вад̣̇ад̇ийд̇и д̇хаммаваад̣̇ий. сам̣варавинаяабахаанавинаяасанниссид̇ам̣ гад̇ваа вад̣̇ад̇ийд̇и винаяаваад̣̇ий. нид̇хаанам̣ вужжад̇и табаногаасо. нид̇хаанамасса ад̇т̇ийд̇и нид̇хаанавад̇ий. хад̣̇аяз нид̇хаад̇аб̣б̣аяуд̇д̇агам̣ ваажам̣ бхаасид̇аад̇и ад̇т̇о. гаалзнаад̇и зваруубим̣ бхаасамааноби жа ‘‘ахам̣ нид̇хаанавад̇им̣ ваажам̣ бхаасиссаамий’’д̇и на агаалзна бхаасад̇и. яуд̇д̇агаалам̣ бана саллагкзд̇ваава бхаасад̇ийд̇и ад̇т̇о. саабад̣̇зсанд̇и саубамам̣, сагааран̣анд̇и ад̇т̇о. барияанд̇авад̇инд̇и барижчзд̣̇ам̣ д̣̇ассзд̇ваа. яат̇аассаа барижчзд̣̇о бан̃н̃ааяад̇и, звам̣ бхаасад̇ийд̇и ад̇т̇о. ад̇т̇асам̣хид̇анд̇и анзгзхиби наязхи вибхаж̇анд̇зна барияаад̣̇аад̇ум̣ асаггун̣зяяад̇ааяа ад̇т̇асамбаннам̣ бхаасад̇и. яам̣ ваа со ад̇т̇аваад̣̇ий ад̇т̇ам̣ вад̣̇ад̇и, д̇зна ад̇т̇зна сам̣хид̇ад̇д̇аа ад̇т̇асам̣хид̇ам̣ ваажам̣ бхаасад̇и. на ан̃н̃ам̣ нигкибид̇ваа ан̃н̃ам̣ бхаасад̇ийд̇и вуд̇д̇ам̣ ход̇и.

    Kālena vadatīti kālavādī. Vattabbayuttakālaṃ sallakkhetvā vadatīti attho. Bhūtaṃ tathaṃ tacchaṃ sabhāvameva vadatīti bhūtavādī. Diṭṭhadhammikasamparāyikatthasannissitameva katvā vadatīti atthavādī. Navalokuttaradhammasannissitaṃ katvā vadatīti dhammavādī. Saṃvaravinayapahānavinayasannissitaṃ katvā vadatīti vinayavādī. Nidhānaṃ vuccati ṭhapanokāso. Nidhānamassa atthīti nidhānavatī. Hadaye nidhātabbayuttakaṃ vācaṃ bhāsitāti attho. Kālenāti evarūpiṃ bhāsamānopi ca ‘‘ahaṃ nidhānavatiṃ vācaṃ bhāsissāmī’’ti na akālena bhāsati. Yuttakālaṃ pana sallakkhetvāva bhāsatīti attho. Sāpadesanti saupamaṃ, sakāraṇanti attho. Pariyantavatinti paricchedaṃ dassetvā. Yathāssā paricchedo paññāyati, evaṃ bhāsatīti attho. Atthasaṃhitanti anekehipi nayehi vibhajantena pariyādātuṃ asakkuṇeyyatāya atthasampannaṃ bhāsati. Yaṃ vā so atthavādī atthaṃ vadati, tena atthena saṃhitattā atthasaṃhitaṃ vācaṃ bhāsati. Na aññaṃ nikkhipitvā aññaṃ bhāsatīti vuttaṃ hoti.

    179. б̣ийж̇аг̇аамабхууд̇аг̇аамасамаарамбхаад̇и муулаб̣ийж̇ам̣, канд̇хаб̣ийж̇ам̣, пал̣уб̣ийж̇ам̣, аг̇г̇аб̣ийж̇ам̣ б̣ийж̇аб̣ийж̇анд̇и бан̃жавид̇хасса б̣ийж̇аг̇аамасса жзва яасса гассажи нийлад̇ин̣аругкаад̣̇игасса бхууд̇аг̇аамасса жа самаарамбхаа. чзд̣̇анабхзд̣̇анабажанаад̣̇ибхаавзна вигобанаа бадивирад̇од̇и ад̇т̇о. згабхад̇д̇игод̇и баад̇араасабхад̇д̇ам̣, сааяамаасабхад̇д̇анд̇и д̣̇вз бхад̇д̇аани. д̇зсу баад̇араасабхад̇д̇ам̣ анд̇омаж̇жханхигзна барижчиннам̣. ид̇арам̣ маж̇жханхигад̇о уд̣̇д̇хам̣ анд̇оарун̣зна. д̇асмаа анд̇омаж̇жханхигз д̣̇асагкад̇д̇ум̣ бхун̃ж̇амааноби згабхад̇д̇игова ход̇и. д̇ам̣ санд̇хааяа вуд̇д̇ам̣ – згабхад̇д̇игод̇и. рад̇д̇ияаа бхож̇анам̣ рад̇д̇и, д̇ад̇о убарад̇од̇и рад̇д̇уубарад̇о. ад̇игганд̇з маж̇жханхигз яаава суурияасад̇т̇ан̇г̇аманаа бхож̇анам̣ вигаалабхож̇анам̣ наама, д̇ад̇о вирад̇ад̇д̇аа вирад̇о вигаалабхож̇анаа. саасанасса анануломад̇д̇аа висуугам̣ бадаан̣ийбхууд̇ам̣ д̣̇ассананд̇и висуугад̣̇ассанам̣. ад̇д̇анаа нажжананажжаабанаад̣̇ивасзна нажжаа жа г̇ийд̇аа жа ваад̣̇ид̇аа жа анд̇амасо маяууранажжанаабанаад̣̇ивасзнаби бавад̇д̇аанам̣ нажжаад̣̇ийнам̣ висуугабхууд̇аа д̣̇ассанаа жаад̇и нажжаг̇ийд̇аваад̣̇ид̇ависуугад̣̇ассанаа. нажжаад̣̇ийни хи ад̇д̇анаа баяож̇зд̇ум̣ ваа барзхи баяож̇аабзд̇ум̣ ваа яуд̇д̇аани бассид̇ум̣ ваа нзва бхигкуунам̣ на бхигкунийнам̣ вадданд̇и. маалаад̣̇ийсу – маалаад̇и яам̣гин̃жи бубпам̣. г̇анд̇ханд̇и яам̣гин̃жи г̇анд̇хаж̇аад̇ам̣. вилзбананд̇и чавирааг̇агаран̣ам̣. д̇ад̇т̇а бил̣анд̇ханд̇о д̇хаарзд̇и наама. уунадтаанам̣ буурзнд̇о ман̣д̣зд̇и наама. г̇анд̇хавасзна чавирааг̇авасзна жа саад̣̇ияанд̇о вибхуусзд̇и наама. таанам̣ вужжад̇и гааран̣ам̣. д̇асмаа яааяа д̣̇уссийляажзд̇анааяа д̇аани маалаад̇хааран̣аад̣̇ийни махааж̇ано гарод̇и, д̇ад̇о бадивирад̇од̇и ад̇т̇о. ужжаасаяанам̣ вужжад̇и бамаан̣аад̇игганд̇ам̣. махаасаяанам̣ агаббияасант̇ад̇ам̣, д̇ад̇о бадивирад̇од̇и ад̇т̇о. ж̇аад̇аруубанд̇и суван̣н̣ам̣. раж̇ад̇анд̇и гахаабан̣о, лохамаасаго, ж̇ад̇умаасаго, д̣̇аарумаасагод̇и яз вохаарам̣ г̇ажчанд̇и. д̇асса убхаяассааби бадиг̇г̇ахан̣аа бадивирад̇о, нзва нам̣ уг̇г̇ан̣хаад̇и, на уг̇г̇ан̣хаабзд̇и, на убанигкид̇д̇ам̣ саад̣̇ияад̇ийд̇и ад̇т̇о.

    179. Bījagāmabhūtagāmasamārambhāti mūlabījaṃ, khandhabījaṃ, phaḷubījaṃ, aggabījaṃ bījabījanti pañcavidhassa bījagāmassa ceva yassa kassaci nīlatiṇarukkhādikassa bhūtagāmassa ca samārambhā. Chedanabhedanapacanādibhāvena vikopanā paṭiviratoti attho. Ekabhattikoti pātarāsabhattaṃ, sāyamāsabhattanti dve bhattāni. Tesu pātarāsabhattaṃ antomajjhanhikena paricchinnaṃ. Itaraṃ majjhanhikato uddhaṃ antoaruṇena. Tasmā antomajjhanhike dasakkhattuṃ bhuñjamānopi ekabhattikova hoti. Taṃ sandhāya vuttaṃ – ekabhattikoti. Rattiyā bhojanaṃ ratti, tato uparatoti rattūparato. Atikkante majjhanhike yāva sūriyasatthaṅgamanā bhojanaṃ vikālabhojanaṃ nāma, tato viratattā virato vikālabhojanā. Sāsanassa ananulomattā visūkaṃ paṭāṇībhūtaṃ dassananti visūkadassanaṃ. Attanā naccananaccāpanādivasena naccā ca gītā ca vāditā ca antamaso mayūranaccanāpanādivasenapi pavattānaṃ naccādīnaṃ visūkabhūtā dassanā cāti naccagītavāditavisūkadassanā. Naccādīni hi attanā payojetuṃ vā parehi payojāpetuṃ vā yuttāni passituṃ vā neva bhikkhūnaṃ na bhikkhunīnaṃ vaṭṭanti. Mālādīsu – mālāti yaṃkiñci pupphaṃ. Gandhanti yaṃkiñci gandhajātaṃ. Vilepananti chavirāgakaraṇaṃ. Tattha piḷandhanto dhāreti nāma. Ūnaṭṭhānaṃ pūrento maṇḍeti nāma. Gandhavasena chavirāgavasena ca sādiyanto vibhūseti nāma. Ṭhānaṃ vuccati kāraṇaṃ. Tasmā yāya dussīlyacetanāya tāni mālādhāraṇādīni mahājano karoti, tato paṭiviratoti attho. Uccāsayanaṃ vuccati pamāṇātikkantaṃ. Mahāsayanaṃ akappiyasanthataṃ, tato paṭiviratoti attho. Jātarūpanti suvaṇṇaṃ. Rajatanti kahāpaṇo, lohamāsako, jatumāsako, dārumāsakoti ye vohāraṃ gacchanti. Tassa ubhayassāpi paṭiggahaṇā paṭivirato, neva naṃ uggaṇhāti, na uggaṇhāpeti, na upanikkhittaṃ sādiyatīti attho.

    аамагад̇хан̃н̃абадиг̇г̇ахан̣аад̇и сааливийхияаваг̇од̇хумаган̇г̇уварагагуд̣̇руусагасан̇каад̇асса сад̇д̇авид̇хассааби аамагад̇хан̃н̃асса бадиг̇г̇ахан̣аа. на гзвалан̃жа зд̇зсам̣ бадиг̇г̇ахан̣амзва, аамасанамби бхигкуунам̣ на ваддад̇иязва. аамагамам̣сабадиг̇г̇ахан̣аад̇и зд̇т̇а ан̃н̃ад̇ра од̣̇исса анун̃н̃аад̇аа аамагамажчамам̣саанам̣ бадиг̇г̇ахан̣амзва бхигкуунам̣ на ваддад̇и, но аамасанам̣. ид̇т̇игумааригабадиг̇г̇ахан̣аад̇и зд̇т̇а ид̇т̇ийд̇и бурисанд̇араг̇ад̇аа. ид̇араа гумааригаа наама. д̇аасам̣ бадиг̇г̇ахан̣амби аамасанамби агаббияамзва. д̣̇аасид̣̇аасабадиг̇г̇ахан̣аад̇и зд̇т̇а д̣̇аасид̣̇аасавасзнзва д̇зсам̣ бадиг̇г̇ахан̣ам̣ на ваддад̇и. ‘габбияагаарагам̣ д̣̇амми’, ‘аараамигам̣ д̣̇аммий’д̇и звам̣ вуд̇д̇з бана ваддад̇и. аж̇зл̣агаад̣̇ийсуби кзд̇д̇авад̇т̇убарияосаанзсу габбияаагаббияанаяо винаяавасзна убабаригкид̇аб̣б̣о. д̇ад̇т̇а кзд̇д̇ам̣ наама яасмим̣ буб̣б̣ан̣н̣ам̣ рухад̇и. вад̇т̇у наама яасмим̣ абаран̣н̣ам̣ рухад̇и. яад̇т̇а ваа убхаяамби рухад̇и д̇ам̣ кзд̇д̇ам̣. д̇ад̣̇ад̇т̇ааяа агад̇абхуумибхааг̇о вад̇т̇у. кзд̇д̇авад̇т̇усийсзна жзд̇т̇а ваабид̇ал̣аагаад̣̇ийниби сан̇г̇ахид̇аанзва.

    Āmakadhaññapaṭiggahaṇāti sālivīhiyavagodhumakaṅguvarakakudrūsakasaṅkhātassa sattavidhassāpi āmakadhaññassa paṭiggahaṇā. Na kevalañca etesaṃ paṭiggahaṇameva, āmasanampi bhikkhūnaṃ na vaṭṭatiyeva. Āmakamaṃsapaṭiggahaṇāti ettha aññatra odissa anuññātā āmakamacchamaṃsānaṃ paṭiggahaṇameva bhikkhūnaṃ na vaṭṭati, no āmasanaṃ. Itthikumārikapaṭiggahaṇāti ettha itthīti purisantaragatā. Itarā kumārikā nāma. Tāsaṃ paṭiggahaṇampi āmasanampi akappiyameva. Dāsidāsapaṭiggahaṇāti ettha dāsidāsavaseneva tesaṃ paṭiggahaṇaṃ na vaṭṭati. ‘Kappiyakārakaṃ dammi’, ‘ārāmikaṃ dammī’ti evaṃ vutte pana vaṭṭati. Ajeḷakādīsupi khettavatthupariyosānesu kappiyākappiyanayo vinayavasena upaparikkhitabbo. Tattha khettaṃ nāma yasmiṃ pubbaṇṇaṃ ruhati. Vatthu nāma yasmiṃ aparaṇṇaṃ ruhati. Yattha vā ubhayampi ruhati taṃ khettaṃ. Tadatthāya akatabhūmibhāgo vatthu. Khettavatthusīsena cettha vāpitaḷākādīnipi saṅgahitāneva.

    д̣̇ууд̇зяяам̣ вужжад̇и д̣̇ууд̇агаммам̣. г̇ихийнам̣ бахид̇ам̣ бан̣н̣ам̣ ваа саасанам̣ ваа г̇ахзд̇ваа д̇ад̇т̇а д̇ад̇т̇а г̇аманам̣ . бахийн̣аг̇аманам̣ вужжад̇и барагхарам̣ бзсид̇асса куд̣̇д̣̇агаг̇аманам̣. ануяог̇о наама д̇ад̣̇убхаяагаран̣ам̣. д̇асмаа д̣̇ууд̇зяяабахийн̣аг̇аманаанам̣ ануг̇од̇и звамзд̇т̇а ад̇т̇о д̣̇адтаб̣б̣о. гаяавиггаяаад̇и гаяаа жа виггаяаа жа. д̇улаагуудаад̣̇ийсу – гууданд̇и ван̃жанам̣. д̇ад̇т̇а д̇улаагуудам̣ наама руубагуудам̣, ан̇г̇агуудам̣ г̇ахан̣агуудам̣, бадижчаннагууданд̇и жад̇уб̣б̣ид̇хам̣ ход̇и. д̇ад̇т̇а руубагуудам̣ наама д̣̇вз д̇улаа самаруубаа гад̇ваа г̇ан̣ханд̇о махад̇ияаа г̇ан̣хаад̇и, д̣̇ад̣̇анд̇о куд̣̇д̣̇игааяа д̣̇зд̇и. ан̇г̇агуудам̣ наама г̇ан̣ханд̇о бажчаабхааг̇з хад̇т̇зна д̇улам̣ аггамад̇и, д̣̇ад̣̇анд̇о буб̣б̣абхааг̇з. г̇ахан̣агуудам̣ наама г̇ан̣ханд̇о муулз раж̇ж̇ум̣ г̇ан̣хаад̇и, д̣̇ад̣̇анд̇о аг̇г̇з. бадижчаннагуудам̣ наама д̇улам̣ сусирам̣ гад̇ваа анд̇о аяажун̣н̣ам̣ багкибид̇ваа г̇ан̣ханд̇о д̇ам̣ бажчаабхааг̇з гарод̇и, д̣̇ад̣̇анд̇о аг̇г̇абхааг̇з.

    Dūteyyaṃ vuccati dūtakammaṃ. Gihīnaṃ pahitaṃ paṇṇaṃ vā sāsanaṃ vā gahetvā tattha tattha gamanaṃ . Pahīṇagamanaṃ vuccati paragharaṃ pesitassa khuddakagamanaṃ. Anuyogo nāma tadubhayakaraṇaṃ. Tasmā dūteyyapahīṇagamanānaṃ anugoti evamettha attho daṭṭhabbo. Kayavikkayāti kayā ca vikkayā ca. Tulākūṭādīsu – kūṭanti vañcanaṃ. Tattha tulākūṭaṃ nāma rūpakūṭaṃ, aṅgakūṭaṃ gahaṇakūṭaṃ, paṭicchannakūṭanti catubbidhaṃ hoti. Tattha rūpakūṭaṃ nāma dve tulā samarūpā katvā gaṇhanto mahatiyā gaṇhāti, dadanto khuddikāya deti. Aṅgakūṭaṃ nāma gaṇhanto pacchābhāge hatthena tulaṃ akkamati, dadanto pubbabhāge. Gahaṇakūṭaṃ nāma gaṇhanto mūle rajjuṃ gaṇhāti, dadanto agge. Paṭicchannakūṭaṃ nāma tulaṃ susiraṃ katvā anto ayacuṇṇaṃ pakkhipitvā gaṇhanto taṃ pacchābhāge karoti, dadanto aggabhāge.

    гам̣со вужжад̇и суван̣н̣абаад̇и. д̇ааяа ван̃жанам̣ гам̣сагуудам̣. гат̇ам̣? згам̣ суван̣н̣абаад̇им̣ гад̇ваа ан̃н̃аа д̣̇вз д̇иссо лохабаад̇ияо суван̣н̣аван̣н̣аа гаронд̇и, д̇ад̇о ж̇анабад̣̇ам̣ г̇анд̇ваа гин̃жид̣̇зва ад̣дхагулам̣ бависид̇ваа суван̣н̣абхааж̇анаани гин̣ат̇аа’д̇и вад̇ваа аг̇гхз бужчид̇з самаг̇гхад̇арам̣ д̣̇аад̇угаамаа хонд̇и. д̇ад̇о д̇зхи ‘гат̇ам̣ имзсам̣ суван̣н̣абхааво ж̇аанид̇аб̣б̣о’д̇и вуд̇д̇з ‘виймам̣сид̇ваа г̇ан̣хат̇аа’д̇и суван̣н̣абаад̇им̣ баасаан̣з гхам̣сид̇ваа саб̣б̣абаад̇ияо д̣̇ад̇ваа г̇ажчанд̇и.

    Kaṃso vuccati suvaṇṇapāti. Tāya vañcanaṃ kaṃsakūṭaṃ. Kathaṃ? Ekaṃ suvaṇṇapātiṃ katvā aññā dve tisso lohapātiyo suvaṇṇavaṇṇā karonti, tato janapadaṃ gantvā kiñcideva aḍḍhakulaṃ pavisitvā suvaṇṇabhājanāni kiṇathā’ti vatvā agghe pucchite samagghataraṃ dātukāmā honti. Tato tehi ‘kathaṃ imesaṃ suvaṇṇabhāvo jānitabbo’ti vutte ‘vīmaṃsitvā gaṇhathā’ti suvaṇṇapātiṃ pāsāṇe ghaṃsitvā sabbapātiyo datvā gacchanti.

    маанагуудам̣ наама хад̣̇аяабхзд̣̇асикаабхзд̣̇араж̇ж̇убхзд̣̇авасзна д̇ивид̇хам̣ ход̇и. д̇ад̇т̇а хад̣̇аяабхзд̣̇о саббид̇злаад̣̇иминанагаалз лаб̣бхад̇и. д̇аани хи г̇ан̣ханд̇о хздтаа чид̣̇д̣̇зна маанзна ‘сан̣игам̣ аасин̃жаа’д̇и вад̇ваа анд̇обхааж̇анз б̣ахум̣ баг̇гхараабзд̇ваа г̇ан̣хаад̇и. д̣̇ад̣̇анд̇о чид̣̇д̣̇ам̣ бид̇хааяа сийгхам̣ буурзд̇ваа д̣̇зд̇и. сикаабхзд̣̇о д̇илад̇ан̣д̣улаад̣̇иминанагаалз лаб̣бхад̇и. д̇аани хи г̇ан̣ханд̇о сан̣игам̣ сикам̣ уссаабзд̇ваа г̇ан̣хаад̇и. д̣̇ад̣̇анд̇о взг̇зна буурзд̇ваа сикам̣ чинд̣̇анд̇о д̣̇зд̇и. раж̇ж̇убхзд̣̇о кзд̇д̇авад̇т̇уминанагаалз лаб̣бхад̇и. лан̃ж̇ам̣ алабханд̇аа хи кзд̇д̇ам̣ амаханд̇амби маханд̇ам̣ гад̇ваа минанд̇и.

    Mānakūṭaṃ nāma hadayabhedasikhābhedarajjubhedavasena tividhaṃ hoti. Tattha hadayabhedo sappitelādiminanakāle labbhati. Tāni hi gaṇhanto heṭṭhā chiddena mānena ‘saṇikaṃ āsiñcā’ti vatvā antobhājane bahuṃ paggharāpetvā gaṇhāti. Dadanto chiddaṃ pidhāya sīghaṃ pūretvā deti. Sikhābhedo tilataṇḍulādiminanakāle labbhati. Tāni hi gaṇhanto saṇikaṃ sikhaṃ ussāpetvā gaṇhāti. Dadanto vegena pūretvā sikhaṃ chindanto deti. Rajjubhedo khettavatthuminanakāle labbhati. Lañjaṃ alabhantā hi khettaṃ amahantampi mahantaṃ katvā minanti.

    уггоданаад̣̇ийсу – уггодананд̇и ассаамигз саамигз гаад̇ум̣ лан̃ж̇аг̇г̇ахан̣ам̣. ван̃жананд̇и д̇зхи д̇зхи убааязхи барзсам̣ ван̃жанам̣. д̇ад̇рид̣̇амзгам̣ вад̇т̇у – зго гира луд̣̇д̣̇аго миг̇ан̃жа миг̇абод̇аган̃жа г̇ахзд̇ваа ааг̇ажчад̇и. д̇амзго д̇худ̇д̇о – ‘‘гим̣ бхо миг̇о аг̇гхад̇и, гим̣ миг̇абод̇аго’’д̇и ааха. ‘‘миг̇о д̣̇вз гахаабан̣з, миг̇абод̇аго зга’’нд̇и жа вуд̇д̇з гахаабан̣ам̣ д̣̇ад̇ваа миг̇абод̇агам̣ г̇ахзд̇ваа т̇огам̣ г̇анд̇ваа нивад̇д̇о , ‘‘на мз бхо миг̇абод̇агзна ад̇т̇о, миг̇ам̣ мз д̣̇зхий’’д̇и ааха. д̇зна хи ‘‘д̣̇вз гахаабан̣з д̣̇зхий’’д̇и. со ааха – ‘‘нану д̇з, бхо, маяаа батамам̣ зго гахаабан̣о д̣̇инно’’д̇и? ‘‘аама д̣̇инно’’д̇и. ид̣̇амби миг̇абод̇агам̣ г̇ан̣ха, звам̣ со жа гахаабан̣о аяан̃жа гахаабан̣аг̇гхан̣аго миг̇абод̇агод̇и д̣̇вз гахаабан̣аа бхависсанд̇ийд̇и. со ‘‘гааран̣ам̣ вад̣̇ад̇ий’’д̇и саллагкзд̇ваа миг̇абод̇агам̣ г̇ахзд̇ваа миг̇ам̣ ад̣̇аасийд̇и.

    Ukkoṭanādīsu – ukkoṭananti assāmike sāmike kātuṃ lañjaggahaṇaṃ. Vañcananti tehi tehi upāyehi paresaṃ vañcanaṃ. Tatridamekaṃ vatthu – eko kira luddako migañca migapotakañca gahetvā āgacchati. Tameko dhutto – ‘‘kiṃ bho migo agghati, kiṃ migapotako’’ti āha. ‘‘Migo dve kahāpaṇe, migapotako eka’’nti ca vutte kahāpaṇaṃ datvā migapotakaṃ gahetvā thokaṃ gantvā nivatto , ‘‘na me bho migapotakena attho, migaṃ me dehī’’ti āha. Tena hi ‘‘dve kahāpaṇe dehī’’ti. So āha – ‘‘nanu te, bho, mayā paṭhamaṃ eko kahāpaṇo dinno’’ti? ‘‘Āma dinno’’ti. Idampi migapotakaṃ gaṇha, evaṃ so ca kahāpaṇo ayañca kahāpaṇagghaṇako migapotakoti dve kahāpaṇā bhavissantīti. So ‘‘kāraṇaṃ vadatī’’ti sallakkhetvā migapotakaṃ gahetvā migaṃ adāsīti.

    нигад̇ийд̇и яог̇авасзна ваа мааяаавасзна ваа абааман̇г̇ам̣ бааман̇г̇анд̇и, аман̣им̣ ман̣ийд̇и, асуван̣н̣ам̣ суван̣н̣анд̇и гад̇ваа бад̇ируубагзна ван̃жанам̣. саажияог̇од̇и гудилаяог̇о. зд̇зсам̣язва уггоданаад̣̇ийнамзд̇ам̣ наамам̣. д̇асмаа уггоданасаажияог̇о ван̃жанасаажияог̇о нигад̇исаажияог̇од̇и звамзд̇т̇а ад̇т̇о д̣̇адтаб̣б̣о. гзжи ан̃н̃ам̣ д̣̇ассзд̇ваа ан̃н̃асса баривад̇д̇анам̣ ‘саажияог̇о’д̇и вад̣̇анд̇и. д̇ам̣ бана ван̃жанзнзва сан̇г̇ахид̇ам̣.

    Nikatīti yogavasena vā māyāvasena vā apāmaṅgaṃ pāmaṅganti, amaṇiṃ maṇīti, asuvaṇṇaṃ suvaṇṇanti katvā patirūpakena vañcanaṃ. Sāciyogoti kuṭilayogo. Etesaṃyeva ukkoṭanādīnametaṃ nāmaṃ. Tasmā ukkoṭanasāciyogo vañcanasāciyogo nikatisāciyogoti evamettha attho daṭṭhabbo. Keci aññaṃ dassetvā aññassa parivattanaṃ ‘sāciyogo’ti vadanti. Taṃ pana vañcaneneva saṅgahitaṃ.

    чзд̣̇анаад̣̇ийсу – чзд̣̇ананд̇и хад̇т̇ажчзд̣̇анаад̣̇и. вад̇ход̇и мааран̣ам̣. б̣анд̇ход̇и раж̇ж̇уб̣анд̇ханаад̣̇ийхи б̣анд̇ханам̣. вибараамосод̇и химавибараамосо, г̇умб̣авибараамосод̇и д̣̇увид̇хо. яан̃хи химабаад̇асамаяз химзна бадижчаннаа худ̇ваа маг̇г̇аббадибаннам̣ ж̇анам̣ мусанд̇и, аяам̣ химавибараамосо. яам̣ г̇умб̣аад̣̇ийхи бадижчаннаа мусанд̇и, аяам̣ г̇умб̣авибараамосо. аалобо вужжад̇и г̇ааманиг̇амаад̣̇ийнам̣ вилобагаран̣ам̣. сахасаагаарод̇и саахасигагирияаа. г̇зхам̣ бависид̇ваа мануссаанам̣ урз сад̇т̇ам̣ табзд̇ваа ижчид̇абхан̣д̣аг̇г̇ахан̣ам̣. звамзд̇асмаа чзд̣̇ана…бз… сахасаагаараа бадивирад̇о ход̇и.

    Chedanādīsu – chedananti hatthacchedanādi. Vadhoti māraṇaṃ. Bandhoti rajjubandhanādīhi bandhanaṃ. Viparāmosoti himaviparāmoso, gumbaviparāmosoti duvidho. Yañhi himapātasamaye himena paṭicchannā hutvā maggappaṭipannaṃ janaṃ musanti, ayaṃ himaviparāmoso. Yaṃ gumbādīhi paṭicchannā musanti, ayaṃ gumbaviparāmoso. Ālopo vuccati gāmanigamādīnaṃ vilopakaraṇaṃ. Sahasākāroti sāhasikakiriyā. Gehaṃ pavisitvā manussānaṃ ure satthaṃ ṭhapetvā icchitabhaṇḍaggahaṇaṃ. Evametasmā chedana…pe… sahasākārā paṭivirato hoti.

    180. со санд̇удто ход̇ийд̇и со жад̇уусу бажжаязсу д̣̇ваад̣̇асавид̇хзна ид̇арийд̇арабажжаяасанд̇осзна саманнааг̇ад̇о ход̇и. гааяабарихааригзнаад̇и гааяам̣ барихаран̣амад̇д̇агзна. гужчибарихааригзнаад̇и гужчибарихаран̣амад̇д̇агзна. самаад̣̇ааязва баггамад̇ийд̇и адтавид̇хам̣ бхигку баригкаарамад̇д̇агам̣ саб̣б̣ам̣ г̇ахзд̇ваава гааяабадиб̣ад̣̇д̇хам̣ гад̇ваава г̇ажчад̇и. ‘‘мама вихааро баривзн̣ам̣ убадтааго’’д̇и сан̇г̇о ваа б̣ад̣̇д̇хо ваа на ход̇и. со ж̇ияаа муд̇д̇асаро вияа яуут̇аа багганд̇о, мад̇д̇ахад̇т̇ий вияа ижчид̇ижчид̇ам̣ сзнаасанам̣ ванасан̣д̣ам̣ ругкамуулам̣ ванабад̇т̇ам̣ баб̣бхаарам̣ барибхун̃ж̇анд̇о згова д̇идтад̇и, згова нисийд̣̇ад̇и. саб̣б̣ирияаабат̇зсу згова ад̣̇уд̇ияо.

    180. So santuṭṭho hotīti so catūsu paccayesu dvādasavidhena itarītarapaccayasantosena samannāgato hoti. Kāyaparihārikenāti kāyaṃ pariharaṇamattakena. Kucchiparihārikenāti kucchipariharaṇamattakena. Samādāyeva pakkamatīti aṭṭhavidhaṃ bhikkhu parikkhāramattakaṃ sabbaṃ gahetvāva kāyapaṭibaddhaṃ katvāva gacchati. ‘‘Mama vihāro pariveṇaṃ upaṭṭhāko’’ti saṅgo vā baddho vā na hoti. So jiyā muttasaro viya yūthā pakkanto, mattahatthī viya icchiticchitaṃ senāsanaṃ vanasaṇḍaṃ rukkhamūlaṃ vanapatthaṃ pabbhāraṃ paribhuñjanto ekova tiṭṭhati, ekova nisīdati. Sabbiriyāpathesu ekova adutiyo.

    ‘‘жаад̇уд̣̇д̣̇исо аббадигхо жа ход̇и,

    ‘‘Cātuddiso appaṭigho ca hoti,

    санд̇уссамаано ид̇арийд̇арзна;

    Santussamāno itarītarena;

    бариссаяаанам̣ сахид̇аа ачамбхий,

    Parissayānaṃ sahitā achambhī,

    зго жарз каг̇г̇ависаан̣агаббо’’д̇и. (су. ни. 42);

    Eko care khaggavisāṇakappo’’ti. (su. ni. 42);

    звам̣ ван̣н̣ид̇ам̣ каг̇г̇ависаан̣агаббад̇ам̣ аабаж̇ж̇ад̇и.

    Evaṃ vaṇṇitaṃ khaggavisāṇakappataṃ āpajjati.

    ид̣̇аани д̇амад̇т̇ам̣ убамааяа саад̇хзнд̇о, ‘‘сзяяат̇аабий’’д̇иаад̣̇имааха. д̇ад̇т̇а багкий сагун̣од̇и багкаяуд̇д̇о сагун̣о. д̣зд̇ийд̇и уббад̇ад̇и. аяам̣ банзд̇т̇а сан̇кзбад̇т̇о – сагун̣о наама ‘‘асугасмим̣ бад̣̇зсз ругко барибаггапало’’д̇и н̃ад̇ваа наанаад̣̇исаахи ааг̇анд̇ваа накабагкад̇ун̣д̣аад̣̇ийхи д̇асса палаани виж̇жханд̇аа вид̇хунанд̇аа каад̣̇анд̇и. ‘‘ид̣̇ам̣ аж̇ж̇ад̇анааяа, ид̣̇ам̣ сваад̇анааяа бхависсад̇ий’’д̇и д̇зсам̣ на ход̇и. палз бана кийн̣з нзва ругкасса аарагкам̣ табзнд̇и, на д̇ад̇т̇а бад̇д̇ам̣ ваа накам̣ ваа д̇ун̣д̣ам̣ ваа табзнд̇и. ат̇а ко д̇асмим̣ ругкз анабзгко худ̇ваа яо яам̣ д̣̇исаабхааг̇ам̣ ижчад̇и, со д̇зна сабад̇д̇абхаарова уббад̇ид̇ваа г̇ажчад̇и. звамзва аяам̣ бхигку ниссан̇г̇о нирабзгкоязва баггамад̇и, д̇зна вуд̇д̇ам̣ самаад̣̇ааязва баггамад̇ийд̇и. ариязнаад̇и нид̣̇д̣̇осзна. аж̇жхад̇д̇анд̇и сагз ад̇д̇абхаавз. анаваж̇ж̇асуканд̇и нид̣̇д̣̇осасукам̣.

    Idāni tamatthaṃ upamāya sādhento, ‘‘seyyathāpī’’tiādimāha. Tattha pakkhī sakuṇoti pakkhayutto sakuṇo. Ḍetīti uppatati. Ayaṃ panettha saṅkhepattho – sakuṇo nāma ‘‘asukasmiṃ padese rukkho paripakkaphalo’’ti ñatvā nānādisāhi āgantvā nakhapakkhatuṇḍādīhi tassa phalāni vijjhantā vidhunantā khādanti. ‘‘Idaṃ ajjatanāya, idaṃ svātanāya bhavissatī’’ti tesaṃ na hoti. Phale pana khīṇe neva rukkhassa ārakkhaṃ ṭhapenti, na tattha pattaṃ vā nakhaṃ vā tuṇḍaṃ vā ṭhapenti. Atha kho tasmiṃ rukkhe anapekkho hutvā yo yaṃ disābhāgaṃ icchati, so tena sapattabhārova uppatitvā gacchati. Evameva ayaṃ bhikkhu nissaṅgo nirapekkhoyeva pakkamati, tena vuttaṃ samādāyeva pakkamatīti. Ariyenāti niddosena. Ajjhattanti sake attabhāve. Anavajjasukhanti niddosasukhaṃ.

    181. со жагкунаа руубам̣ д̣̇исваад̇и со иминаа ариязна сийлагканд̇хзна саманнааг̇ад̇о бхигку жагкувин̃н̃аан̣зна руубам̣ бассид̇ваад̇и ад̇т̇о. сзсабад̣̇зсуби яам̣ вад̇д̇аб̣б̣ам̣, д̇ам̣ саб̣б̣ам̣ хздтаа вуд̇д̇амзва. аб̣яаасзгасуканд̇и гилзсзхи анавасид̇д̇асукам̣. авигин̣н̣асуканд̇иби вуд̇д̇ам̣. инд̣̇рияасам̣варасукан̃хи д̣̇идтаад̣̇ийсу д̣̇идтамад̇д̇аад̣̇ивасзна бавад̇д̇ад̇ааяа авигин̣н̣ам̣ ход̇и.

    181. So cakkhunā rūpaṃ disvāti so iminā ariyena sīlakkhandhena samannāgato bhikkhu cakkhuviññāṇena rūpaṃ passitvāti attho. Sesapadesupi yaṃ vattabbaṃ, taṃ sabbaṃ heṭṭhā vuttameva. Abyāsekasukhanti kilesehi anavasittasukhaṃ. Avikiṇṇasukhantipi vuttaṃ. Indriyasaṃvarasukhañhi diṭṭhādīsu diṭṭhamattādivasena pavattatāya avikiṇṇaṃ hoti.

    182. со абхигганд̇з бадигганд̇зд̇и со манажчадтаанам̣ инд̣̇рияаанам̣ сам̣варзна саманнааг̇ад̇о бхигку имзсу абхигганд̇абадигганд̇аад̣̇ийсу сад̇д̇асу таанзсу сад̇исамбаж̇ан̃н̃авасзна самбаж̇аанагаарий ход̇и. д̇ад̇т̇а яам̣ вад̇д̇аб̣б̣ам̣ сияаа, д̇ам̣ жхаанавибхан̇г̇з вуд̇д̇амзва.

    182. Soabhikkante paṭikkanteti so manacchaṭṭhānaṃ indriyānaṃ saṃvarena samannāgato bhikkhu imesu abhikkantapaṭikkantādīsu sattasu ṭhānesu satisampajaññavasena sampajānakārī hoti. Tattha yaṃ vattabbaṃ siyā, taṃ jhānavibhaṅge vuttameva.

    со иминаа жаад̇иаад̣̇инаа гим̣ д̣̇ассзд̇и? аран̃н̃аваасасса бажжаяасамбад̇д̇им̣ д̣̇ассзд̇и. яасса хи имз жад̇д̇ааро бажжаяаа над̇т̇и , д̇асса аран̃н̃аваасо на иж̇жхад̇и, д̇иражчаанаг̇ад̇зхи ваа ванажарагзхи ваа сад̣̇д̇хим̣ вад̇д̇аб̣б̣ад̇ам̣ аабаж̇ж̇ад̇и. аран̃н̃з ад̇хивад̇т̇аа д̣̇звад̇аа ‘‘гим̣ зваруубасса баабабхигкуно аран̃н̃аваасзнаа’’д̇и бхзравам̣ сад̣̇д̣̇ам̣ саавзнд̇и. хад̇т̇зхи сийсам̣ бахарид̇ваа балааяанаагаарам̣ гаронд̇и . ‘‘асуго бхигку аран̃н̃ам̣ бависид̇ваа ид̣̇ан̃жид̣̇ан̃жа баабагаммам̣ агаасий’’д̇и аяасо бад̇т̇арад̇и. яасса банзд̇з жад̇д̇ааро бажжаяаа ад̇т̇и, д̇асса аран̃н̃аваасо иж̇жхад̇и. со хи ад̇д̇ано сийлам̣ бажжавзгканд̇о гин̃жи гаал̣агам̣ ваа д̇илагам̣ ваа абассанд̇о бийд̇им̣ уббаад̣̇зд̇ваа д̇ам̣ каяад̇о ваяад̇о саммасанд̇о арияабхуумим̣ оггамад̇и. аран̃н̃з ад̇хивад̇т̇аа д̣̇звад̇аа ад̇д̇аманаа ван̣н̣ам̣ бхаасанд̇и. ид̇исса уд̣̇агз багкид̇д̇ад̇злаб̣инд̣̇у вияа яасо вид̇т̇аариго ход̇и. вивид̇д̇анд̇иаад̣̇ийни хздтаа вуд̇д̇ад̇т̇аанзва. со звам̣ самаахид̇з жид̇д̇з…бз… яат̇аагаммуубаг̇з сад̇д̇з баж̇аанаад̇ийд̇и зд̇д̇агз таанз яам̣ вад̇д̇аб̣б̣ам̣ сияаа, д̇ам̣ саб̣б̣ам̣ висуд̣̇д̇химаг̇г̇з вуд̇д̇амзва.

    So iminā cātiādinā kiṃ dasseti? Araññavāsassa paccayasampattiṃ dasseti. Yassa hi ime cattāro paccayā natthi , tassa araññavāso na ijjhati, tiracchānagatehi vā vanacarakehi vā saddhiṃ vattabbataṃ āpajjati. Araññe adhivatthā devatā ‘‘kiṃ evarūpassa pāpabhikkhuno araññavāsenā’’ti bheravaṃ saddaṃ sāventi. Hatthehi sīsaṃ paharitvā palāyanākāraṃ karonti . ‘‘Asuko bhikkhu araññaṃ pavisitvā idañcidañca pāpakammaṃ akāsī’’ti ayaso pattharati. Yassa panete cattāro paccayā atthi, tassa araññavāso ijjhati. So hi attano sīlaṃ paccavekkhanto kiñci kāḷakaṃ vā tilakaṃ vā apassanto pītiṃ uppādetvā taṃ khayato vayato sammasanto ariyabhūmiṃ okkamati. Araññe adhivatthā devatā attamanā vaṇṇaṃ bhāsanti. Itissa udake pakkhittatelabindu viya yaso vitthāriko hoti. Vivittantiādīni heṭṭhā vuttatthāneva. So evaṃ samāhite citte…pe… yathākammūpage satte pajānātīti ettake ṭhāne yaṃ vattabbaṃ siyā, taṃ sabbaṃ visuddhimagge vuttameva.

    185. д̇ад̇ияавиж̇ж̇ааяа со звам̣ самаахид̇з жид̇д̇зд̇и вибассанаабаад̣̇агам̣ жад̇уд̇т̇аж̇жхаанажид̇д̇ам̣ взд̣̇ид̇аб̣б̣ам̣. аасаваанам̣ каяан̃аан̣ааяаад̇и арахад̇д̇амаг̇г̇ан̃аан̣ад̇т̇ааяа. арахад̇д̇амаг̇г̇о хи аасаваанам̣ винаасанад̇о аасаваанам̣ каяод̇и вужжад̇и. д̇ад̇ра жзд̇ам̣ н̃аан̣ам̣ д̇аббарияаабаннад̇д̇аад̇и. жид̇д̇ам̣ абхининнаамзд̇ийд̇и вибассанаажид̇д̇ам̣ абхинийхарад̇и. со ид̣̇ам̣ д̣̇угканд̇и звамаад̣̇ийсу – ‘‘зд̇д̇агам̣ д̣̇угкам̣, на ид̇о бхияяо’’д̇и саб̣б̣амби д̣̇угкасажжам̣ сарасалагкан̣аббадивзд̇хзна яат̇аабхууд̇ам̣ баж̇аанаад̇и, бадивиж̇жхад̇и. д̇асса жа д̣̇угкасса ниб̣б̣ад̇д̇игам̣ д̇ан̣хам̣ – аяам̣ д̣̇угкасамуд̣̇аяод̇и; д̇ад̣̇убхаяамби яам̣ таанам̣ бад̇ваа нируж̇жхад̇и, д̇ам̣ д̇зсам̣ аббавад̇д̇им̣ ниб̣б̣аанам̣ – аяам̣ д̣̇угканирод̇ход̇и; д̇асса жа самбаабагам̣ арияамаг̇г̇ам̣ – аяам̣ д̣̇угканирод̇хаг̇ааминий бадибад̣̇аад̇и сарасалагкан̣абадивзд̇хзна яат̇аабхууд̇ам̣ баж̇аанаад̇и, бадивиж̇жхад̇ийд̇и – звамад̇т̇о взд̣̇ид̇аб̣б̣о.

    185. Tatiyavijjāya so evaṃ samāhite citteti vipassanāpādakaṃ catutthajjhānacittaṃ veditabbaṃ. Āsavānaṃ khayañāṇāyāti arahattamaggañāṇatthāya. Arahattamaggo hi āsavānaṃ vināsanato āsavānaṃ khayoti vuccati. Tatra cetaṃ ñāṇaṃ tappariyāpannattāti. Cittaṃ abhininnāmetīti vipassanācittaṃ abhinīharati. So idaṃ dukkhanti evamādīsu – ‘‘ettakaṃ dukkhaṃ, na ito bhiyyo’’ti sabbampi dukkhasaccaṃ sarasalakkhaṇappaṭivedhena yathābhūtaṃ pajānāti, paṭivijjhati. Tassa ca dukkhassa nibbattikaṃ taṇhaṃ – ayaṃ dukkhasamudayoti; tadubhayampi yaṃ ṭhānaṃ patvā nirujjhati, taṃ tesaṃ appavattiṃ nibbānaṃ – ayaṃ dukkhanirodhoti; tassa ca sampāpakaṃ ariyamaggaṃ – ayaṃ dukkhanirodhagāminī paṭipadāti sarasalakkhaṇapaṭivedhena yathābhūtaṃ pajānāti, paṭivijjhatīti – evamattho veditabbo.

    звам̣ саруубад̇о сажжаани д̣̇ассзд̇ваа ид̣̇аани гилзсавасзна барияааяад̇о д̣̇ассзнд̇о имз аасаваад̇иаад̣̇имааха. д̇асса звам̣ ж̇аанад̇о звам̣ бассад̇од̇и д̇асса звам̣ ж̇аананд̇асса звам̣ бассанд̇асса саха вибассанааяа годиббад̇д̇ам̣ маг̇г̇ам̣ гат̇зд̇и. гаамаасаваад̇и гаамаасавад̇о. вимужжад̇ийд̇и иминаа маг̇г̇агкан̣ам̣ д̣̇ассзд̇и. вимуд̇д̇асминд̇и иминаа палагкан̣ам̣ д̣̇ассзд̇и. маг̇г̇агкан̣з хи жид̇д̇ам̣ вимужжад̇и, палагкан̣з вимуд̇д̇ам̣ ход̇и. вимуд̇д̇асмим̣ вимуд̇д̇амид̇и н̃аан̣анд̇и иминаа бажжавзгкан̣ан̃аан̣ам̣ д̣̇ассзд̇и. кийн̣аа ж̇аад̇ийд̇иаад̣̇ийхи д̇асса бхуумим̣. д̇зна хи н̃аан̣зна со бажжавзгканд̇о ‘кийн̣аа ж̇аад̇ий’д̇иаад̣̇ийни баж̇аанаад̇и. вусид̇анд̇и вудтам̣ баривудтам̣ гад̇ам̣ жарид̇ам̣ нидтид̇анд̇и ад̇т̇о. б̣рахмажарияанд̇и маг̇г̇аб̣рахмажарияам̣. бут̇уж̇ж̇анагаляаан̣агзна хи сад̣̇д̇хим̣ сад̇д̇а сзгкаа б̣рахмажарияаваасам̣ васанд̇и наама. кийн̣аасаво вудтаваасо. д̇асмаа со ад̇д̇ано б̣рахмажарияаваасам̣ бажжавзгканд̇о вусид̇ам̣ б̣рахмажарияанд̇и баж̇аанаад̇и. гад̇ам̣ гаран̣ийяанд̇и жад̇уусу сажжзсу жад̇уухи маг̇г̇зхи барин̃н̃аабахаанасажчигирияаабхааванаавасзна сол̣асавид̇хамби гижжам̣ нидтаабид̇анд̇и ад̇т̇о. бут̇уж̇ж̇анагаляаан̣агаад̣̇аяо хи д̇ам̣ гижжам̣ гаронд̇и; кийн̣аасаво гад̇агаран̣ийяо. д̇асмаа со ад̇д̇ано гаран̣ийяам̣ бажжавзгканд̇о. ‘‘гад̇ам̣ гаран̣ийяа’’нд̇и баж̇аанаад̇и. наабарам̣ ид̇т̇ад̇д̇ааяаад̇и ‘‘ид̣̇аани буна зд̇т̇абхаавааяа звам̣ сол̣асагижжабхаавааяа гилзсагкаяааяа ваа маг̇г̇абхааванаагижжам̣ над̇т̇ий’’д̇и баж̇аанаад̇и.

    Evaṃ sarūpato saccāni dassetvā idāni kilesavasena pariyāyato dassento ime āsavātiādimāha. Tassa evaṃ jānato evaṃpassatoti tassa evaṃ jānantassa evaṃ passantassa saha vipassanāya koṭippattaṃ maggaṃ katheti. Kāmāsavāti kāmāsavato. Vimuccatīti iminā maggakkhaṇaṃ dasseti. Vimuttasminti iminā phalakkhaṇaṃ dasseti. Maggakkhaṇe hi cittaṃ vimuccati, phalakkhaṇe vimuttaṃ hoti. Vimuttasmiṃ vimuttamiti ñāṇanti iminā paccavekkhaṇañāṇaṃ dasseti. Khīṇā jātītiādīhi tassa bhūmiṃ. Tena hi ñāṇena so paccavekkhanto ‘khīṇā jātī’tiādīni pajānāti. Vusitanti vuṭṭhaṃ parivuṭṭhaṃ kataṃ caritaṃ niṭṭhitanti attho. Brahmacariyanti maggabrahmacariyaṃ. Puthujjanakalyāṇakena hi saddhiṃ satta sekkhā brahmacariyavāsaṃ vasanti nāma. Khīṇāsavo vuṭṭhavāso. Tasmā so attano brahmacariyavāsaṃ paccavekkhanto vusitaṃ brahmacariyanti pajānāti. Kataṃ karaṇīyanti catūsu saccesu catūhi maggehi pariññāpahānasacchikiriyābhāvanāvasena soḷasavidhampi kiccaṃ niṭṭhāpitanti attho. Puthujjanakalyāṇakādayo hi taṃ kiccaṃ karonti; khīṇāsavo katakaraṇīyo. Tasmā so attano karaṇīyaṃ paccavekkhanto. ‘‘Kataṃ karaṇīya’’nti pajānāti. Nāparaṃ itthattāyāti ‘‘idāni puna etthabhāvāya evaṃ soḷasakiccabhāvāya kilesakkhayāya vā maggabhāvanākiccaṃ natthī’’ti pajānāti.

    186. сарааг̇аад̣̇ийсу – аббахийнод̇и вигкамбханаббахаанзна ваа д̇ад̣̇ан̇г̇аббахаанзна ваа самужчзд̣̇аббахаанзна ваа аббахийно.

    186. Sarāgādīsu – appahīnoti vikkhambhanappahānena vā tadaṅgappahānena vā samucchedappahānena vā appahīno.

    187. лаабхий ход̇ийд̇иаад̣̇ийсу – лаабхийд̇и лаабхаваа бадилабхид̇ваа тид̇о. аж̇жхад̇д̇ам̣ жзд̇осамат̇ассаад̇и нияагаж̇жхад̇д̇асан̇каад̇з ад̇д̇ано жид̇д̇з уббаннасса жзд̇осамат̇асса. ад̇хибан̃н̃аад̇хаммавибассанааяаад̇и ад̇хибан̃н̃аасан̇каад̇ааяа канд̇хад̇хаммзсу анижжаад̣̇ивасзна бавад̇д̇ааяа вибассанааяа. руубасахаг̇ад̇аананд̇и руубанимид̇д̇аарамман̣аанам̣ руубааважарасамаабад̇д̇ийнам̣. аруубасахаг̇ад̇аананд̇и на руубанимид̇д̇аарамман̣аанам̣ аруубасамаабад̇д̇ийнам̣. зд̇т̇а жа батамо адтасамаабад̇д̇илаабхий бут̇уж̇ж̇ано. д̣̇уд̇ияо сугкавибассагаарияасааваго. д̇ад̇ияо адтасамаабад̇д̇илаабхий арияасааваго. жад̇уд̇т̇о логияамахааж̇ано взд̣̇ид̇аб̣б̣о.

    187. Lābhī hotītiādīsu – lābhīti lābhavā paṭilabhitvā ṭhito. Ajjhattaṃ cetosamathassāti niyakajjhattasaṅkhāte attano citte uppannassa cetosamathassa. Adhipaññādhammavipassanāyāti adhipaññāsaṅkhātāya khandhadhammesu aniccādivasena pavattāya vipassanāya. Rūpasahagatānanti rūpanimittārammaṇānaṃ rūpāvacarasamāpattīnaṃ. Arūpasahagatānanti na rūpanimittārammaṇānaṃ arūpasamāpattīnaṃ. Ettha ca paṭhamo aṭṭhasamāpattilābhī puthujjano. Dutiyo sukkhavipassakaariyasāvako. Tatiyo aṭṭhasamāpattilābhī ariyasāvako. Catuttho lokiyamahājano veditabbo.

    188. анусод̇аг̇аамийаад̣̇ийсу – анусод̇аг̇аамийд̇и ваддасод̇ам̣ ануг̇ад̇о, ваддасод̇з нимуг̇г̇о бут̇уж̇ж̇ано взд̣̇ид̇аб̣б̣о. бадисод̇аг̇аамийд̇и бадисод̇аг̇амано . анусод̇ам̣ аг̇анд̇ваа бадисод̇ам̣ г̇ажчанд̇ассзд̇ам̣ ад̇хиважанам̣. баабан̃жа гаммам̣ на гарод̇ийд̇и бан̃н̃ад̇д̇ам̣ вийд̇иггаманд̇о на гарод̇и. сахааби д̣̇угкзна сахааби д̣̇оманассзнаад̇и гилзсабарияудтаанз сад̇и уббаннзна д̣̇угкад̣̇оманассзна сад̣̇д̇химби. барибун̣н̣анд̇и д̇иссаннам̣ сигкаанам̣ згааяаби ануунам̣. барисуд̣̇д̇ханд̇и нирубаггилзсам̣. б̣рахмажарияанд̇и сздтажарияам̣. иминаа ваарзна сод̇аабаннасагад̣̇ааг̇аамино гат̇ид̇аа. гим̣ бана д̇з руд̣̇анд̇аа б̣рахмажарияам̣ жаранд̇ийд̇и? аама. гилзсарод̣̇анзна руд̣̇анд̇аа жаранд̇и наама. сийласамбанно бут̇уж̇ж̇анабхигкуби зд̇т̇зва сан̇г̇ахид̇о.

    188. Anusotagāmīādīsu – anusotagāmīti vaṭṭasotaṃ anugato, vaṭṭasote nimuggo puthujjano veditabbo. Paṭisotagāmīti paṭisotagamano . Anusotaṃ agantvā paṭisotaṃ gacchantassetaṃ adhivacanaṃ. Pāpañca kammaṃ na karotīti paññattaṃ vītikkamanto na karoti. Sahāpi dukkhena sahāpi domanassenāti kilesapariyuṭṭhāne sati uppannena dukkhadomanassena saddhimpi. Paripuṇṇanti tissannaṃ sikkhānaṃ ekāyapi anūnaṃ. Parisuddhanti nirupakkilesaṃ. Brahmacariyanti seṭṭhacariyaṃ. Iminā vārena sotāpannasakadāgāmino kathitā. Kiṃ pana te rudantā brahmacariyaṃ carantīti? Āma. Kilesarodanena rudantā caranti nāma. Sīlasampanno puthujjanabhikkhupi ettheva saṅgahito.

    тид̇ад̇д̇од̇и тид̇асабхааво. анааг̇аамийд̇и гаамарааг̇аб̣яаабаад̣̇зхи агамбанийяажид̇д̇ад̇ааяа жа д̇амхаа логаа анаавад̇д̇ид̇хаммад̇ааяа жа тид̇асабхааво наама. д̇ин̣н̣од̇и д̇ан̣хаасод̇ам̣ уд̇д̇ин̣н̣о. бааран̇г̇ад̇од̇и ниб̣б̣аанабаарам̣ г̇ад̇о. т̇алз д̇идтад̇ийд̇и арахад̇д̇апаласамаабад̇д̇ит̇алз д̇идтад̇и. жзд̇овимуд̇д̇инд̇и паласамаад̇хим̣. бан̃н̃аавимуд̇д̇инд̇и палан̃аан̣ам̣. аяам̣ вужжад̇ийд̇и аяам̣ кийн̣аасаво ‘‘д̇ин̣н̣о бааран̇г̇ад̇о т̇алз д̇идтад̇и б̣раахман̣о’’д̇и вужжад̇и. б̣аахид̇абаабад̇ааяа хи зса б̣раахман̣о наама.

    Ṭhitattoti ṭhitasabhāvo. Anāgāmīti kāmarāgabyāpādehi akampanīyacittatāya ca tamhā lokā anāvattidhammatāya ca ṭhitasabhāvo nāma. Tiṇṇoti taṇhāsotaṃ uttiṇṇo. Pāraṅgatoti nibbānapāraṃ gato. Thale tiṭṭhatīti arahattaphalasamāpattithale tiṭṭhati. Cetovimuttinti phalasamādhiṃ. Paññāvimuttinti phalañāṇaṃ. Ayaṃ vuccatīti ayaṃ khīṇāsavo ‘‘tiṇṇo pāraṅgato thale tiṭṭhati brāhmaṇo’’ti vuccati. Bāhitapāpatāya hi esa brāhmaṇo nāma.

    189. аббассуд̇аад̣̇ийсу – аббагам̣ суд̇ам̣ ход̇ийд̇и наван̇г̇з сад̇т̇усаасанз гин̃жид̣̇зва т̇огам̣ суд̇ам̣ ход̇и. на ад̇т̇аман̃н̃ааяа, на д̇хаммаман̃н̃ааяа д̇хаммаануд̇хаммабадибанно ход̇ийд̇и адтагат̇ан̃жа баал̣ин̃жа ж̇аанид̇ваа логуд̇д̇арад̇хаммасса ануруубад̇хаммам̣ буб̣б̣абхааг̇абадибад̣̇ам̣ бадибанно на ход̇и. иминаа наязна саб̣б̣ад̇т̇а ад̇т̇о взд̣̇ид̇аб̣б̣о.

    189. Appassutādīsu – appakaṃ sutaṃ hotīti navaṅge satthusāsane kiñcideva thokaṃ sutaṃ hoti. Na atthamaññāya, na dhammamaññāya dhammānudhammapaṭipanno hotīti aṭṭhakathañca pāḷiñca jānitvā lokuttaradhammassa anurūpadhammaṃ pubbabhāgapaṭipadaṃ paṭipanno na hoti. Iminā nayena sabbattha attho veditabbo.

    190. саман̣амажалаад̣̇ийсу – саман̣амажалод̇и саман̣аажало, магааро бад̣̇асанд̇хигаро. нижжаласаман̣о, т̇ирасаман̣од̇и ад̇т̇о . аяам̣ вужжад̇ийд̇и аяам̣ сод̇аабанно саасанз муулаж̇аад̇ааяа сад̣̇д̇хааяа бад̇идтид̇ад̇д̇аа ‘саман̣амажало’д̇и вужжад̇и. сагад̣̇ааг̇аамий бана раж̇ж̇анагилзсасса ад̇т̇ид̇ааяа саман̣абад̣̇умод̇и вуд̇д̇о. рад̇д̇адто хи ид̇ха бад̣̇умадто наамаад̇и вуд̇д̇ам̣. анааг̇аамий гаамарааг̇асан̇каад̇асса раж̇ж̇анагилзсасса над̇т̇ид̇ааяа саман̣абун̣д̣арийгод̇и вуд̇д̇о. бан̣д̣арадто хи ид̇ха бун̣д̣арийгадто наамаад̇и вуд̇д̇ам̣ . кийн̣аасаво жа т̇ад̣̇д̇хабхаавагараанам̣ гилзсаанам̣ абхаавзна саман̣зсу саман̣асукумаало наамаад̇и вуд̇д̇о. аббад̣̇угкадтзнаби жзса саман̣асукумаалоязваад̇и.

    190. Samaṇamacalādīsu – samaṇamacaloti samaṇaacalo, makāro padasandhikaro. Niccalasamaṇo, thirasamaṇoti attho . Ayaṃ vuccatīti ayaṃ sotāpanno sāsane mūlajātāya saddhāya patiṭṭhitattā ‘samaṇamacalo’ti vuccati. Sakadāgāmī pana rajjanakilesassa atthitāya samaṇapadumoti vutto. Rattaṭṭho hi idha padumaṭṭho nāmāti vuttaṃ. Anāgāmī kāmarāgasaṅkhātassa rajjanakilesassa natthitāya samaṇapuṇḍarīkoti vutto. Paṇḍaraṭṭho hi idha puṇḍarīkaṭṭho nāmāti vuttaṃ . Khīṇāsavo ca thaddhabhāvakarānaṃ kilesānaṃ abhāvena samaṇesu samaṇasukhumālo nāmāti vutto. Appadukkhaṭṭhenapi cesa samaṇasukhumāloyevāti.

    жад̇угганид̣̇д̣̇зсаван̣н̣анаа.

    Catukkaniddesavaṇṇanā.




    Next: 5. бан̃жаганид̣̇д̣̇зсаван̣н̣анаа • 5. Pañcakaniddesavaṇṇanā




    Related texts:



    д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / буг̇г̇алабан̃н̃ад̇д̇ибаал̣и • Puggalapaññattipāḷi / 4. жад̇уггабуг̇г̇алабан̃н̃ад̇д̇и • 4. Catukkapuggalapaññatti

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. жад̇угганид̣̇д̣̇зсаван̣н̣анаа • 4. Catukkaniddesavaṇṇanā

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. жад̇угганид̣̇д̣̇зсаван̣н̣анаа • 4. Catukkaniddesavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact