| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
(4.) жад̇угганид̣̇д̣̇зсаван̣н̣анаа
(4.) Catukkaniddesavaṇṇanā
793. жад̇уб̣б̣ид̇хзна н̃аан̣авад̇т̇унид̣̇д̣̇зсз ад̇т̇и д̣̇иннанд̇иаад̣̇ийсу д̣̇иннабажжаяаа палам̣ ад̇т̇ийд̇и иминаа убааязна ад̇т̇о взд̣̇ид̇аб̣б̣о. ид̣̇ам̣ вужжад̇ийд̇и яам̣ н̃аан̣ам̣ ‘ид̣̇ам̣ гаммам̣ сагам̣, ид̣̇ам̣ но сага’нд̇и ж̇аанаад̇и – ид̣̇ам̣ гаммассагад̇ан̃аан̣ам̣ наама вужжад̇ийд̇и ад̇т̇о. д̇ад̇т̇а д̇ивид̇хам̣ гааяад̣̇ужжарид̇ам̣, жад̇уб̣б̣ид̇хам̣ важийд̣̇ужжарид̇ам̣, д̇ивид̇хам̣ манод̣̇ужжарид̇анд̇и ид̣̇ам̣ на сагагаммам̣ наама. д̇ийсу д̣̇ваарзсу д̣̇асавид̇хамби сужарид̇ам̣ сагагаммам̣ наама. ад̇д̇ано вааби ход̇у барасса ваа саб̣б̣амби агусалам̣ на сагагаммам̣ наама. гасмаа? ад̇т̇абхан̃ж̇анад̇о анад̇т̇аж̇ананад̇о жа. ад̇д̇ано ваа ход̇у барасса ваа саб̣б̣амби гусалам̣ сагагаммам̣ наама. гасмаа? анад̇т̇абхан̃ж̇анад̇о ад̇т̇аж̇ананад̇о жа. звам̣ ж̇аананасамад̇т̇з имасмим̣ гаммассагад̇ан̃аан̣з тад̇ваа б̣ахум̣ д̣̇аанам̣ д̣̇ад̇ваа сийлам̣ буурзд̇ваа убосат̇ам̣ самаад̣̇ияид̇ваа сукзна сукам̣ самбад̇д̇ияаа самбад̇д̇им̣ анубхавид̇ваа ниб̣б̣аанам̣ бад̇д̇аанам̣ г̇ан̣анабарижчзд̣̇о над̇т̇и. яат̇аа хи сад̇хано бурисо бан̃жасу сагадасад̇зсу саббимад̇хупаан̣ид̇аад̣̇ийни жзва лон̣ад̇илад̇ан̣д̣улаад̣̇ийни жа ааробзд̇ваа ганд̇аарамаг̇г̇ам̣ бадибанно гзнажид̣̇зва гаран̣ийязна ад̇т̇з уббаннз саб̣б̣зсам̣ убагаран̣аанам̣ г̇ахид̇ад̇д̇аа на жинд̇зд̇и, на барид̇ассад̇и, сукзнзва кзманд̇ам̣ баабун̣аад̇и; звамзва имасмимби гаммассагад̇ан̃аан̣з тад̇ваа б̣ахум̣ д̣̇аанам̣ д̣̇ад̇ваа…бз… ниб̣б̣аанам̣ бад̇д̇аанам̣ г̇ан̣анабат̇о над̇т̇и. табзд̇ваа сажжаануломигам̣ н̃аан̣анд̇и маг̇г̇асажжасса барамад̇т̇асажжасса жа ануломанад̇о сажжаануломиганд̇и лад̣̇д̇ханаамам̣ вибассанаан̃аан̣ам̣ табзд̇ваа авасзсаа саб̣б̣ааби саасаваа гусалаа бан̃н̃аа гаммассагад̇ан̃аан̣амзваад̇и ад̇т̇о.
793. Catubbidhena ñāṇavatthuniddese atthi dinnantiādīsu dinnapaccayā phalaṃ atthīti iminā upāyena attho veditabbo. Idaṃ vuccatīti yaṃ ñāṇaṃ ‘idaṃ kammaṃ sakaṃ, idaṃ no saka’nti jānāti – idaṃ kammassakatañāṇaṃ nāma vuccatīti attho. Tattha tividhaṃ kāyaduccaritaṃ, catubbidhaṃ vacīduccaritaṃ, tividhaṃ manoduccaritanti idaṃ na sakakammaṃ nāma. Tīsu dvāresu dasavidhampi sucaritaṃ sakakammaṃ nāma. Attano vāpi hotu parassa vā sabbampi akusalaṃ na sakakammaṃ nāma. Kasmā? Atthabhañjanato anatthajananato ca. Attano vā hotu parassa vā sabbampi kusalaṃ sakakammaṃ nāma. Kasmā? Anatthabhañjanato atthajananato ca. Evaṃ jānanasamatthe imasmiṃ kammassakatañāṇe ṭhatvā bahuṃ dānaṃ datvā sīlaṃ pūretvā uposathaṃ samādiyitvā sukhena sukhaṃ sampattiyā sampattiṃ anubhavitvā nibbānaṃ pattānaṃ gaṇanaparicchedo natthi. Yathā hi sadhano puriso pañcasu sakaṭasatesu sappimadhuphāṇitādīni ceva loṇatilataṇḍulādīni ca āropetvā kantāramaggaṃ paṭipanno kenacideva karaṇīyena atthe uppanne sabbesaṃ upakaraṇānaṃ gahitattā na cinteti, na paritassati, sukheneva khemantaṃ pāpuṇāti; evameva imasmimpi kammassakatañāṇe ṭhatvā bahuṃ dānaṃ datvā…pe… nibbānaṃ pattānaṃ gaṇanapatho natthi. Ṭhapetvā saccānulomikaṃ ñāṇanti maggasaccassa paramatthasaccassa ca anulomanato saccānulomikanti laddhanāmaṃ vipassanāñāṇaṃ ṭhapetvā avasesā sabbāpi sāsavā kusalā paññā kammassakatañāṇamevāti attho.
794. маг̇г̇асаман̇г̇исса н̃аан̣ам̣ д̣̇угкзбзд̇ам̣ н̃аан̣анд̇и зд̇т̇а згамзва маг̇г̇ан̃аан̣ам̣ жад̇уусу сажжзсу згабадивзд̇хавасзна жад̇уусу таанзсу сан̇г̇ахид̇ам̣.
794. Maggasamaṅgissañāṇaṃ dukkhepetaṃ ñāṇanti ettha ekameva maggañāṇaṃ catūsu saccesu ekapaṭivedhavasena catūsu ṭhānesu saṅgahitaṃ.
796. д̇хаммз н̃аан̣анд̇и зд̇т̇а маг̇г̇абан̃н̃аа д̇аава жад̇уннам̣ сажжаанам̣ згабадивзд̇хавасзна д̇хаммз н̃аан̣ам̣ наама ход̇у; палабан̃н̃аа гат̇ам̣ д̇хаммз н̃аан̣ам̣ наамаад̇и? нирод̇хасажжавасзна. д̣̇увид̇хааби хзсаа бан̃н̃аа абараббажжаяз ад̇т̇абажжагкз арияасажжад̇хаммз гижжад̇о жа аарамман̣ад̇о жа бавад̇д̇ад̇д̇аа д̇хаммз н̃аан̣анд̇и взд̣̇ид̇аб̣б̣аа. со иминаа д̇хаммзнаад̇и зд̇т̇а маг̇г̇ан̃аан̣ам̣ д̇хаммаг̇ожарад̇д̇аа г̇ожаравохаарзна д̇хаммод̇и вуд̇д̇ам̣, убаяог̇ад̇т̇з ваа гаран̣аважанам̣; имам̣ д̇хаммам̣ н̃аад̇знаад̇и ад̇т̇о; жад̇усажжад̇хаммам̣ ж̇аанид̇ваа тид̇зна маг̇г̇ан̃аан̣знаад̇и вуд̇д̇ам̣ ход̇и. д̣̇идтзнаад̇и д̣̇ассанзна; д̇хаммам̣ бассид̇ваа тид̇знаад̇и ад̇т̇о. бад̇д̇знаад̇и жад̇д̇аари арияасажжаани бад̇ваа тид̇ад̇д̇аа д̇хаммам̣ бад̇д̇зна. вид̣̇ид̇знаад̇и маг̇г̇ан̃аан̣зна жад̇д̇аари арияасажжаани вид̣̇ид̇аани баагадаани гад̇аани. д̇асмаа д̇ам̣ д̇хаммам̣ вид̣̇ид̇ам̣ наама ход̇и. д̇зна вид̣̇ид̇ад̇хаммзна. барияог̇аал̣хзнаад̇и жад̇усажжад̇хаммам̣ барияог̇аахзд̇ваа тид̇зна. наяам̣ нзд̇ийд̇и ад̇ийд̇з жа анааг̇ад̇з жа наяам̣ нзд̇и харад̇и бзсзд̇и. ид̣̇ам̣ бана на маг̇г̇ан̃аан̣асса гижжам̣, бажжавзгкан̣ан̃аан̣асса гижжам̣. сад̇т̇аараа бана маг̇г̇ан̃аан̣ам̣ ад̇ийд̇аанааг̇ад̇з наяам̣ наяанасад̣̇исам̣ гад̇ам̣. гасмаа? маг̇г̇амуулагад̇д̇аа. бхаавид̇амаг̇г̇асса хи бажжавзгкан̣аа наама ход̇и. д̇асмаа сад̇т̇аа маг̇г̇ан̃аан̣амзва наяам̣ наяанасад̣̇исам̣ агааси. абижа звамзд̇т̇а ад̇т̇о д̣̇адтаб̣б̣о – яад̣̇зд̇ам̣ иминаа жад̇усажжаг̇ожарам̣ маг̇г̇ан̃аан̣ам̣ ад̇хиг̇ад̇ам̣, д̇зна н̃аан̣зна гааран̣абхууд̇зна ад̇ийд̇аанааг̇ад̇з бажжавзгкан̣ан̃аан̣асан̇каад̇ам̣ наяам̣ нзд̇и.
796. Dhamme ñāṇanti ettha maggapaññā tāva catunnaṃ saccānaṃ ekapaṭivedhavasena dhamme ñāṇaṃ nāma hotu; phalapaññā kathaṃ dhamme ñāṇaṃ nāmāti? Nirodhasaccavasena. Duvidhāpi hesā paññā aparappaccaye atthapaccakkhe ariyasaccadhamme kiccato ca ārammaṇato ca pavattattā dhamme ñāṇanti veditabbā. So iminā dhammenāti ettha maggañāṇaṃ dhammagocarattā gocaravohārena dhammoti vuttaṃ, upayogatthe vā karaṇavacanaṃ; imaṃ dhammaṃ ñātenāti attho; catusaccadhammaṃ jānitvā ṭhitena maggañāṇenāti vuttaṃ hoti. Diṭṭhenāti dassanena; dhammaṃ passitvā ṭhitenāti attho. Pattenāti cattāri ariyasaccāni patvā ṭhitattā dhammaṃ pattena. Viditenāti maggañāṇena cattāri ariyasaccāni viditāni pākaṭāni katāni. Tasmā taṃ dhammaṃ viditaṃ nāma hoti. Tena viditadhammena. Pariyogāḷhenāti catusaccadhammaṃ pariyogāhetvā ṭhitena. Nayaṃ netīti atīte ca anāgate ca nayaṃ neti harati peseti. Idaṃ pana na maggañāṇassa kiccaṃ, paccavekkhaṇañāṇassa kiccaṃ. Satthārā pana maggañāṇaṃ atītānāgate nayaṃ nayanasadisaṃ kataṃ. Kasmā? Maggamūlakattā. Bhāvitamaggassa hi paccavekkhaṇā nāma hoti. Tasmā satthā maggañāṇameva nayaṃ nayanasadisaṃ akāsi. Apica evamettha attho daṭṭhabbo – yadetaṃ iminā catusaccagocaraṃ maggañāṇaṃ adhigataṃ, tena ñāṇena kāraṇabhūtena atītānāgate paccavekkhaṇañāṇasaṅkhātaṃ nayaṃ neti.
ид̣̇аани яат̇аа д̇зна наяам̣ нзд̇и, д̇ам̣ аагаарам̣ д̣̇ассзд̇ум̣ яз хи гзжи ад̇ийд̇амад̣̇д̇хаананд̇иаад̣̇имааха. д̇ад̇т̇а аб̣бхан̃н̃ам̣сууд̇и ж̇ааним̣су бадивиж̇жхим̣су. иман̃н̃зваад̇и яам̣ д̣̇угкам̣ ад̇ийд̇з аб̣бхан̃н̃ам̣су, яан̃жа анааг̇ад̇з абхиж̇ааниссанд̇и, на д̇ан̃н̃зва имам̣; саригкадтзна бана звам̣ вуд̇д̇ам̣. ад̇ийд̇зби хи табзд̇ваа д̇ан̣хам̣ д̇збхуумагагканд̇хзязва д̣̇угкасажжанд̇и бадивиж̇жхим̣су, д̇ан̣хам̣язва самуд̣̇аяасажжанд̇и ниб̣б̣аанамзва нирод̇хасажжанд̇и арияамаг̇г̇амзва маг̇г̇асажжанд̇и бадивиж̇жхим̣су, анааг̇ад̇зби звамзва бадивиж̇жхиссанд̇и, зд̇арахиби звамзва бадивиж̇жханд̇ийд̇и саригкадтзна ‘‘иман̃н̃зваа’’д̇и вуд̇д̇ам̣. ид̣̇ам̣ вужжад̇и анваяз н̃аан̣анд̇и ид̣̇ам̣ ануг̇аманан̃аан̣ам̣ наяанан̃аан̣ам̣ гааран̣ан̃аан̣анд̇и вужжад̇и.
Idāni yathā tena nayaṃ neti, taṃ ākāraṃ dassetuṃ ye hi keci atītamaddhānantiādimāha. Tattha abbhaññaṃsūti jāniṃsu paṭivijjhiṃsu. Imaññevāti yaṃ dukkhaṃ atīte abbhaññaṃsu, yañca anāgate abhijānissanti, na taññeva imaṃ; sarikkhaṭṭhena pana evaṃ vuttaṃ. Atītepi hi ṭhapetvā taṇhaṃ tebhūmakakkhandheyeva dukkhasaccanti paṭivijjhiṃsu, taṇhaṃyeva samudayasaccanti nibbānameva nirodhasaccanti ariyamaggameva maggasaccanti paṭivijjhiṃsu, anāgatepi evameva paṭivijjhissanti, etarahipi evameva paṭivijjhantīti sarikkhaṭṭhena ‘‘imaññevā’’ti vuttaṃ. Idaṃ vuccati anvaye ñāṇanti idaṃ anugamanañāṇaṃ nayanañāṇaṃ kāraṇañāṇanti vuccati.
барияз н̃аан̣анд̇и жид̇д̇абарижчзд̣̇ан̃аан̣ам̣. барасад̇д̇аананд̇и табзд̇ваа ад̇д̇аанам̣ сзсасад̇д̇аанам̣. ид̇арам̣ д̇ассзва взважанам̣. жзд̇асаа жзд̇о барижжа баж̇аанаад̇ийд̇и ад̇д̇ано жид̇д̇зна д̇зсам̣ жид̇д̇ам̣ сарааг̇аад̣̇ивасзна барижчинд̣̇ид̇ваа наанаббагаарад̇о ж̇аанаад̇и. сарааг̇ам̣ ваад̇иаад̣̇ийсу яам̣ вад̇д̇аб̣б̣ам̣, д̇ам̣ хздтаа сад̇ибадтаанавибхан̇г̇з вуд̇д̇амзва. аяам̣ бана висзсо – ид̇ха ануд̇д̇арам̣ ваа жид̇д̇ам̣ вимуд̇д̇ам̣ ваа жид̇д̇анд̇и зд̇т̇а логуд̇д̇арамби лаб̣бхад̇и. авибассануубаг̇амби хи баражид̇д̇ан̃аан̣асса висаяо ход̇иязва.
Pariyeñāṇanti cittaparicchedañāṇaṃ. Parasattānanti ṭhapetvā attānaṃ sesasattānaṃ. Itaraṃ tasseva vevacanaṃ. Cetasā ceto paricca pajānātīti attano cittena tesaṃ cittaṃ sarāgādivasena paricchinditvā nānappakārato jānāti. Sarāgaṃ vātiādīsu yaṃ vattabbaṃ, taṃ heṭṭhā satipaṭṭhānavibhaṅge vuttameva. Ayaṃ pana viseso – idha anuttaraṃ vā cittaṃ vimuttaṃ vā cittanti ettha lokuttarampi labbhati. Avipassanūpagampi hi paracittañāṇassa visayo hotiyeva.
авасзсаа бан̃н̃аад̇и д̇хаммз н̃аан̣аад̣̇игаа д̇иссо бан̃н̃аа табзд̇ваа сзсаа саб̣б̣ааби бан̃н̃аа н̃аан̣анд̇и саммад̇ад̇д̇аа саммуд̇ин̃аан̣ам̣ наама ход̇и. важанад̇т̇о банзд̇т̇а саммуд̇имхи н̃аан̣анд̇и саммуд̇ин̃аан̣ам̣.
Avasesā paññāti dhamme ñāṇādikā tisso paññā ṭhapetvā sesā sabbāpi paññā ñāṇanti sammatattā sammutiñāṇaṃ nāma hoti. Vacanattho panettha sammutimhi ñāṇanti sammutiñāṇaṃ.
797. гаамааважарагусалз бан̃н̃аад̇и аяан̃хи зганд̇зна ваддасмим̣ жуд̇ибадисанд̇хим̣ аажинад̇зва, д̇асмаа ‘‘аажаяааяа но абажаяааяаа’’д̇и вуд̇д̇аа. логуд̇д̇арамаг̇г̇абан̃н̃аа бана яасмаа жуд̇ибадисанд̇хим̣ абажинад̇зва, д̇асмаа ‘‘абажаяааяа но аажаяааяаа’’д̇и вуд̇д̇аа. руубааважарааруубааважарабан̃н̃аа жуд̇ибадисанд̇химби аажинад̇и, вигкамбханавасзна гилзсз жзва гилзсамуулагз жа д̇хаммз абажинад̇и, д̇асмаа ‘‘аажаяааяа жзва абажаяааяа жаа’’д̇и вуд̇д̇аа. сзсаа нзва жуд̇ибадисанд̇хим̣ аажинад̇и на абажинад̇и, д̇асмаа ‘‘нзва аажаяааяа но абажаяааяаа’’д̇и вуд̇д̇аа.
797. Kāmāvacarakusale paññāti ayañhi ekantena vaṭṭasmiṃ cutipaṭisandhiṃ ācinateva, tasmā ‘‘ācayāya no apacayāyā’’ti vuttā. Lokuttaramaggapaññā pana yasmā cutipaṭisandhiṃ apacinateva, tasmā ‘‘apacayāya no ācayāyā’’ti vuttā. Rūpāvacarārūpāvacarapaññā cutipaṭisandhimpi ācinati, vikkhambhanavasena kilese ceva kilesamūlake ca dhamme apacinati, tasmā ‘‘ācayāya ceva apacayāya cā’’ti vuttā. Sesā neva cutipaṭisandhiṃ ācinati na apacinati, tasmā ‘‘neva ācayāya no apacayāyā’’ti vuttā.
798. на жа абхин̃н̃ааяо бадивиж̇жхад̇ийд̇и ид̣̇ам̣ батамаж̇жхаанабан̃н̃ам̣ санд̇хааяа вуд̇д̇ам̣. саа хисса гаамавивзгзна бад̇д̇аб̣б̣ад̇д̇аа гилзсаниб̣б̣ид̣̇ааяа сам̣вад̇д̇ад̇и. д̇ааяа жзса гаамзсу вийд̇арааг̇о ход̇и, абхин̃н̃аабаад̣̇агабхаавам̣ бана аббад̇д̇ад̇ааяа нзва бан̃жа абхин̃н̃ааяо бадивиж̇жхад̇и, нимид̇д̇аарамман̣ад̇д̇аа на сажжаани бадивиж̇жхад̇и. звамаяам̣ бан̃н̃аа ниб̣б̣ид̣̇ааяа ход̇и но бадивзд̇хааяа. свзваад̇и батамаж̇жхаанам̣ бад̇ваа тид̇о. гаамзсу вийд̇арааг̇о самаанод̇и д̇ат̇аа вигкамбхид̇аанам̣язва гаамаанам̣ васзна вийд̇арааг̇о. абхин̃н̃ааяо бадивиж̇жхад̇ийд̇и бан̃жа абхин̃н̃ааяо бадивиж̇жхад̇и. ид̣̇ам̣ жад̇уд̇т̇аж̇жхаанабан̃н̃ам̣ санд̇хааяа вуд̇д̇ам̣. жад̇уд̇т̇аж̇жхаанабан̃н̃аа хи абхин̃н̃аабаад̣̇агабхаавзнааби бан̃жа абхин̃н̃ааяо бадивиж̇жхад̇и, абхин̃н̃аабхааваббад̇д̇ияааби бадивиж̇жхад̇и зва. д̇асмаа саа бадивзд̇хааяа ход̇и. батамаж̇жхаанабан̃н̃ааяа зва бана гилзсзсуби ниб̣б̣инд̣̇ад̇д̇аа но ниб̣б̣ид̣̇ааяа. яаа банааяам̣ д̣̇уд̇ияад̇ад̇ияаж̇жхаанабан̃н̃аа, саа гад̇арагодтаасам̣ бхаж̇ад̇ийд̇и? соманассавасзна батамаж̇жхаанамби бхаж̇ад̇и, авид̇аггавасзна жад̇уд̇т̇аж̇жхаанамби. звамзсаа батамаж̇жхаанасанниссид̇аа ваа жад̇уд̇т̇аж̇жхаанасанниссид̇аа ваа гаад̇аб̣б̣аа. ниб̣б̣ид̣̇ааяа жзва бадивзд̇хааяа жаад̇и маг̇г̇абан̃н̃аа саб̣б̣асмимби ваддз ниб̣б̣инд̣̇анад̇о ниб̣б̣ид̣̇ааяа, чадтам̣ абхин̃н̃ам̣ бадивиж̇жханад̇о бадивзд̇хааяа жа ход̇и.
798. Na ca abhiññāyo paṭivijjhatīti idaṃ paṭhamajjhānapaññaṃ sandhāya vuttaṃ. Sā hissa kāmavivekena pattabbattā kilesanibbidāya saṃvattati. Tāya cesa kāmesu vītarāgo hoti, abhiññāpādakabhāvaṃ pana appattatāya neva pañca abhiññāyo paṭivijjhati, nimittārammaṇattā na saccāni paṭivijjhati. Evamayaṃ paññā nibbidāya hoti no paṭivedhāya. Svevāti paṭhamajjhānaṃ patvā ṭhito. Kāmesu vītarāgo samānoti tathā vikkhambhitānaṃyeva kāmānaṃ vasena vītarāgo. Abhiññāyo paṭivijjhatīti pañca abhiññāyo paṭivijjhati. Idaṃ catutthajjhānapaññaṃ sandhāya vuttaṃ. Catutthajjhānapaññā hi abhiññāpādakabhāvenāpi pañca abhiññāyo paṭivijjhati, abhiññābhāvappattiyāpi paṭivijjhati eva. Tasmā sā paṭivedhāya hoti. Paṭhamajjhānapaññāya eva pana kilesesupi nibbindattā no nibbidāya. Yā panāyaṃ dutiyatatiyajjhānapaññā, sā katarakoṭṭhāsaṃ bhajatīti? Somanassavasena paṭhamajjhānampi bhajati, avitakkavasena catutthajjhānampi. Evamesā paṭhamajjhānasannissitā vā catutthajjhānasannissitā vā kātabbā. Nibbidāyaceva paṭivedhāya cāti maggapaññā sabbasmimpi vaṭṭe nibbindanato nibbidāya, chaṭṭhaṃ abhiññaṃ paṭivijjhanato paṭivedhāya ca hoti.
799. батамасса жхаанасса лаабхийд̇иаад̣̇ийсу явааяам̣ аббаг̇ун̣асса батамаж̇жхаанасса лаабхий. д̇ам̣ д̇ад̇о вудтид̇ам̣ аарамман̣авасзна гаамасахаг̇ад̇аа худ̇ваа сан̃н̃ааманасигаараа самуд̣̇аажаранд̇и д̇уд̣̇анд̇и жод̣̇знд̇и. д̇асса гаамаанубагканд̣̇аанам̣ сан̃н̃ааманасигаараанам̣ васзна саа батамаж̇жхаанабан̃н̃аа хааяад̇и барихааяад̇и; д̇асмаа хаанабхааг̇инийд̇и вуд̇д̇аа. д̇ад̣̇ануд̇хаммад̇аад̇и д̇ад̣̇ануруубасабхааваа. сад̇и санд̇идтад̇ийд̇и ид̣̇ам̣ мижчаасад̇им̣ санд̇хааяа вуд̇д̇ам̣, на саммаасад̇им̣. яасса хи батамаж̇жхаанаануруубасабхааваа батамаж̇жхаанам̣ санд̇ад̇о бан̣ийд̇ад̇о д̣̇исваа ассаад̣̇аяамаанаа абхинанд̣̇амаанаа ниганд̇и уббаж̇ж̇ад̇и, д̇асса ниганд̇ивасзна саа батамаж̇жхаанабан̃н̃аа нзва хааяад̇и, на вад̣дхад̇и, тид̇игодтаасигаа ход̇и. д̇зна вуд̇д̇ам̣ тид̇ибхааг̇иний бан̃н̃аад̇и. авид̇аггасахаг̇ад̇аад̇и авид̇аггам̣ д̣̇уд̇ияаж̇жхаанам̣ санд̇ад̇о бан̣ийд̇ад̇о манасигарод̇о аарамман̣авасзна авид̇аггасахаг̇ад̇аа. самуд̣̇аажаранд̇ийд̇и баг̇ун̣ад̇о батамаж̇жхаанад̇о вудтид̇ам̣ д̣̇уд̇ияаж̇жхаанаад̇хиг̇амад̇т̇ааяа д̇уд̣̇анд̇и жод̣̇знд̇и. д̇асса убари д̣̇уд̇ияаж̇жхаанаанубагканд̣̇аанам̣ сан̃н̃ааманасигаараанам̣ васзна саа батамаж̇жхаанабан̃н̃аа висзсабхууд̇асса д̣̇уд̇ияаж̇жхаанасса уббад̇д̇идтаанад̇ааяа висзсабхааг̇инийд̇и вуд̇д̇аа. ниб̣б̣ид̣̇аасахаг̇ад̇аад̇и д̇амзва батамаж̇жхаанад̇о вудтид̇ам̣ ниб̣б̣ид̣̇аасан̇каад̇зна вибассанаан̃аан̣зна сахаг̇ад̇аа. вибассанаан̃аан̣ан̃хи жхаанан̇г̇абхзд̣̇з вад̇д̇анд̇з ниб̣б̣инд̣̇ад̇и угган̣тад̇и, д̇асмаа ниб̣б̣ид̣̇аад̇и вужжад̇и. самуд̣̇аажаранд̇ийд̇и ниб̣б̣аанасажчигирияад̇т̇ааяа д̇уд̣̇анд̇и жод̣̇знд̇и. вирааг̇уубасан̃хид̇аад̇и вирааг̇асан̇каад̇зна ниб̣б̣аанзна убасам̣хид̇аа. вибассанаан̃аан̣амхи саггаа иминаа маг̇г̇зна вирааг̇ам̣ ниб̣б̣аанам̣ сажчигаад̇унд̇и бавад̇д̇ид̇о ‘‘вирааг̇уубасан̃хид̇а’’нд̇и вужжад̇и. д̇ам̣самбаяуд̇д̇аа сан̃н̃ааманасигаарааби вирааг̇уубасан̃хид̇аа зва наама. д̇асса д̇зсам̣ сан̃н̃ааманасигаараанам̣ васзна саа батамаж̇жхаанабан̃н̃аа арияамаг̇г̇абадивзд̇хасса бад̣̇адтаанад̇ааяа ниб̣б̣зд̇хабхааг̇инийд̇и вуд̇д̇аа. звам̣ жад̇уусу таанзсу батамаж̇жхаанабан̃н̃аава гат̇ид̇аа. д̣̇уд̇ияаж̇жхаанабан̃н̃аад̣̇ийсуби иминаава наязна ад̇т̇о взд̣̇ид̇аб̣б̣о.
799. Paṭhamassa jhānassa lābhītiādīsu yvāyaṃ appaguṇassa paṭhamajjhānassa lābhī. Taṃ tato vuṭṭhitaṃ ārammaṇavasena kāmasahagatā hutvā saññāmanasikārā samudācaranti tudanti codenti. Tassa kāmānupakkhandānaṃ saññāmanasikārānaṃ vasena sā paṭhamajjhānapaññā hāyati parihāyati; tasmā hānabhāginīti vuttā. Tadanudhammatāti tadanurūpasabhāvā. Sati santiṭṭhatīti idaṃ micchāsatiṃ sandhāya vuttaṃ, na sammāsatiṃ. Yassa hi paṭhamajjhānānurūpasabhāvā paṭhamajjhānaṃ santato paṇītato disvā assādayamānā abhinandamānā nikanti uppajjati, tassa nikantivasena sā paṭhamajjhānapaññā neva hāyati, na vaḍḍhati, ṭhitikoṭṭhāsikā hoti. Tena vuttaṃ ṭhitibhāginī paññāti. Avitakkasahagatāti avitakkaṃ dutiyajjhānaṃ santato paṇītato manasikaroto ārammaṇavasena avitakkasahagatā. Samudācarantīti paguṇato paṭhamajjhānato vuṭṭhitaṃ dutiyajjhānādhigamatthāya tudanti codenti. Tassa upari dutiyajjhānānupakkhandānaṃ saññāmanasikārānaṃ vasena sā paṭhamajjhānapaññā visesabhūtassa dutiyajjhānassa uppattiṭṭhānatāya visesabhāginīti vuttā. Nibbidāsahagatāti tameva paṭhamajjhānato vuṭṭhitaṃ nibbidāsaṅkhātena vipassanāñāṇena sahagatā. Vipassanāñāṇañhi jhānaṅgabhede vattante nibbindati ukkaṇṭhati, tasmā nibbidāti vuccati. Samudācarantīti nibbānasacchikiriyatthāya tudanti codenti. Virāgūpasañhitāti virāgasaṅkhātena nibbānena upasaṃhitā. Vipassanāñāṇamhi sakkā iminā maggena virāgaṃ nibbānaṃ sacchikātunti pavattito ‘‘virāgūpasañhita’’nti vuccati. Taṃsampayuttā saññāmanasikārāpi virāgūpasañhitā eva nāma. Tassa tesaṃ saññāmanasikārānaṃ vasena sā paṭhamajjhānapaññā ariyamaggapaṭivedhassa padaṭṭhānatāya nibbedhabhāginīti vuttā. Evaṃ catūsu ṭhānesu paṭhamajjhānapaññāva kathitā. Dutiyajjhānapaññādīsupi imināva nayena attho veditabbo.
801. гижчзна гасирзна самаад̇хим̣ уббаад̣̇знд̇ассаад̇и логуд̇д̇арасамаад̇хим̣ уббаад̣̇знд̇асса буб̣б̣абхааг̇з ааг̇аманагаалз гижчзна гасирзна д̣̇угкзна сасан̇каарзна саббаяог̇зна гиламанд̇асса гилзсз вигкамбхзд̇ваа ааг̇ад̇асса. д̣̇анд̇хам̣ д̇ан̣таанам̣ абхиж̇аананд̇ассаад̇и вигкамбхид̇зсу гилзсзсу вибассанаабариваасз жирам̣ васид̇ваа д̇ам̣ логуд̇д̇арасамаад̇хисан̇каад̇ам̣ таанам̣ д̣̇анд̇хам̣ сан̣игам̣ абхиж̇аананд̇асса бадивиж̇жханд̇асса , баабун̣анд̇ассаад̇и ад̇т̇о. аяам̣ вужжад̇ийд̇и яаа зсаа звам̣ уббаж̇ж̇ад̇и, аяам̣ гилзсавигкамбханабадибад̣̇ааяа д̣̇угкад̇д̇аа, вибассанаабариваасабан̃н̃ааяа жа д̣̇анд̇хад̇д̇аа маг̇г̇агаалз згажид̇д̇агкан̣з уббаннааби бан̃н̃аа ааг̇аманавасзна д̣̇угкабадибад̣̇аа д̣̇анд̇хаабхин̃н̃аа наамаад̇и вужжад̇и. убари д̇ийсу бад̣̇зсуби иминаава наязна ад̇т̇о взд̣̇ид̇аб̣б̣о.
801. Kicchena kasirena samādhiṃ uppādentassāti lokuttarasamādhiṃ uppādentassa pubbabhāge āgamanakāle kicchena kasirena dukkhena sasaṅkhārena sappayogena kilamantassa kilese vikkhambhetvā āgatassa. Dandhaṃ taṇṭhānaṃ abhijānantassāti vikkhambhitesu kilesesu vipassanāparivāse ciraṃ vasitvā taṃ lokuttarasamādhisaṅkhātaṃ ṭhānaṃ dandhaṃ saṇikaṃ abhijānantassa paṭivijjhantassa , pāpuṇantassāti attho. Ayaṃ vuccatīti yā esā evaṃ uppajjati, ayaṃ kilesavikkhambhanapaṭipadāya dukkhattā, vipassanāparivāsapaññāya ca dandhattā maggakāle ekacittakkhaṇe uppannāpi paññā āgamanavasena dukkhapaṭipadā dandhābhiññā nāmāti vuccati. Upari tīsu padesupi imināva nayena attho veditabbo.
802. самаад̇хисса на нигаамалаабхиссаад̇и яо самаад̇хисса на нигаамалаабхий ход̇и, со д̇асса на нигаамалаабхий наама. яасса самаад̇хи убаруубари самаабаж̇ж̇анад̇т̇ааяа уссаггид̇ум̣ бажжаяо на ход̇и, д̇асса аббаг̇ун̣аж̇жхааналаабхиссаад̇и ад̇т̇о. аарамман̣ам̣ т̇огам̣ паранд̇ассаад̇и барид̇д̇з суббамад̇д̇з ваа сараавамад̇д̇з ваа аарамман̣з баригаммам̣ гад̇ваа д̇ад̇т̇зва аббанам̣ бад̇ваа д̇ам̣ авад̣дхид̇ам̣ т̇огамзва аарамман̣ам̣ паранд̇ассаад̇и ад̇т̇о. сзсабад̣̇зсуби зсзва наяо. нанигаамалаабхийбадибагкад̇о хи баг̇ун̣аж̇жхааналаабхий зд̇т̇а нигаамалаабхийд̇и вуд̇д̇о. авад̣дхид̇аарамман̣абадибагкад̇о жа вад̣дхид̇аарамман̣ам̣ вибуланд̇и вуд̇д̇ам̣. сзсам̣ д̇аад̣̇исамзва.
802. Samādhissa na nikāmalābhissāti yo samādhissa na nikāmalābhī hoti, so tassa na nikāmalābhī nāma. Yassa samādhi uparūpari samāpajjanatthāya ussakkituṃ paccayo na hoti, tassa appaguṇajjhānalābhissāti attho. Ārammaṇaṃ thokaṃ pharantassāti paritte suppamatte vā sarāvamatte vā ārammaṇe parikammaṃ katvā tattheva appanaṃ patvā taṃ avaḍḍhitaṃ thokameva ārammaṇaṃ pharantassāti attho. Sesapadesupi eseva nayo. Nanikāmalābhīpaṭipakkhato hi paguṇajjhānalābhī ettha nikāmalābhīti vutto. Avaḍḍhitārammaṇapaṭipakkhato ca vaḍḍhitārammaṇaṃ vipulanti vuttaṃ. Sesaṃ tādisameva.
ж̇араамаран̣збзд̇ам̣ н̃аан̣анд̇и ниб̣б̣аанамзва аарамман̣ам̣ гад̇ваа жад̇уннам̣ сажжаанам̣ згабадивзд̇хавасзна зд̇ам̣ вуд̇д̇ам̣.
Jarāmaraṇepetaṃñāṇanti nibbānameva ārammaṇaṃ katvā catunnaṃ saccānaṃ ekapaṭivedhavasena etaṃ vuttaṃ.
ж̇араамаран̣ам̣ аараб̣бхаад̇иаад̣̇ийни бана згзгам̣ вад̇т̇ум̣ аараб̣бха бавад̇д̇игаалз буб̣б̣абхааг̇з сажжававад̇т̇аабанавасзна вуд̇д̇аани. сзсам̣ саб̣б̣ад̇т̇а уд̇д̇аанад̇т̇амзваад̇и.
Jarāmaraṇaṃ ārabbhātiādīni pana ekekaṃ vatthuṃ ārabbha pavattikāle pubbabhāge saccavavatthāpanavasena vuttāni. Sesaṃ sabbattha uttānatthamevāti.
жад̇угганид̣̇д̣̇зсаван̣н̣анаа.
Catukkaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 16. н̃аан̣авибхан̇г̇о • 16. Ñāṇavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 16. н̃аан̣авибхан̇г̇о • 16. Ñāṇavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 16. н̃аан̣авибхан̇г̇о • 16. Ñāṇavibhaṅgo
