| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
(4.) жад̇угганид̣̇д̣̇зсаван̣н̣анаа
(4.) Catukkaniddesavaṇṇanā
939. жад̇угганид̣̇д̣̇зсз д̇ан̣хуббаад̣̇зсу жийварахзд̇ууд̇и ‘гад̇т̇а манаабам̣ жийварам̣ лабхиссаамий’д̇и жийварагааран̣аа уббаж̇ж̇ад̇и. ид̇ибхаваабхавахзд̇ууд̇и зд̇т̇а ид̇ийд̇и нид̣̇ассанад̇т̇з нибаад̇о; яат̇аа жийвараад̣̇ихзд̇у звам̣ бхаваабхавахзд̇ууд̇иби ад̇т̇о. бхаваабхавод̇и жзд̇т̇а бан̣ийд̇абан̣ийд̇ад̇араани д̇зламад̇хупаан̣ид̇аад̣̇ийни ад̇хиббзд̇аани. имзсам̣ бана жад̇уннам̣ д̇ан̣хуббаад̣̇аанам̣ бахаанад̇т̇ааяа бадибаадияаава жад̇д̇ааро арияавам̣саа д̣̇зсид̇аад̇и взд̣̇ид̇аб̣б̣аа.
939. Catukkaniddese taṇhuppādesu cīvarahetūti ‘kattha manāpaṃ cīvaraṃ labhissāmī’ti cīvarakāraṇā uppajjati. Itibhavābhavahetūti ettha itīti nidassanatthe nipāto; yathā cīvarādihetu evaṃ bhavābhavahetūtipi attho. Bhavābhavoti cettha paṇītapaṇītatarāni telamadhuphāṇitādīni adhippetāni. Imesaṃ pana catunnaṃ taṇhuppādānaṃ pahānatthāya paṭipāṭiyāva cattāro ariyavaṃsā desitāti veditabbā.
аг̇ад̇иг̇аманзсу чанд̣̇ааг̇ад̇им̣ г̇ажчад̇ийд̇и чанд̣̇зна бзмзна аг̇ад̇им̣ г̇ажчад̇и, агад̇д̇аб̣б̣ам̣ гарод̇и. барабад̣̇зсуби зсзва наяо. д̇ад̇т̇а яо ‘аяам̣ мз мид̇д̇о ваа санд̣̇идто ваа самбхад̇д̇о ваа н̃аад̇аго ваа лан̃ж̇ам̣ ваа бана мз д̣̇зд̇ий’д̇и чанд̣̇авасзна ассаамигам̣ саамигам̣ гарод̇и – аяам̣ чанд̣̇ааг̇ад̇им̣ г̇ажчад̇и наама. яо ‘аяам̣ мз взрий’д̇и багад̇ивзравасзна ваа д̇ан̇кан̣уббаннагод̇хавасзна ваа саамигам̣ ассаамигам̣ гарод̇и – аяам̣ д̣̇осааг̇ад̇им̣ г̇ажчад̇и наама. яо бана манд̣̇ад̇д̇аа момуухад̇д̇аа яам̣ ваа д̇ам̣ ваа вад̇ваа ассаамигам̣ саамигам̣ гарод̇и – аяам̣ мохааг̇ад̇им̣ г̇ажчад̇и наама. яо бана ‘аяам̣ рааж̇аваллабхо ваа висаманиссид̇о ваа анад̇т̇амби мз гарзяяаа’д̇и бхийд̇о ассаамигам̣ саамигам̣ гарод̇и – аяам̣ бхаяааг̇ад̇им̣ г̇ажчад̇и наама. яо ваа бана бхааж̇ияадтаанз гин̃жи бхааж̇знд̇о ‘аяам̣ мз мид̇д̇о ваа санд̣̇идто ваа самбхад̇д̇о ваа’д̇и бзмавасзна ад̇ирзгам̣ д̣̇зд̇и, ‘аяам̣ мз взрий’д̇и д̣̇осавасзна уунагам̣ д̣̇зд̇и, момуухад̇д̇аа д̣̇иннаад̣̇иннам̣ аж̇аанамаано гассажи уунагам̣ гассажи ад̇хигам̣ д̣̇зд̇и, ‘аяам̣ имасмим̣ ад̣̇ийяамаанз маяхам̣ анад̇т̇амби гарзяяаа’д̇и бхийд̇о гассажи ад̇ирзгам̣ д̣̇зд̇и, со жад̇уб̣б̣ид̇хоби яат̇аануггамзна чанд̣̇ааг̇ад̇иаад̣̇ийни г̇ажчад̇и наама. арияаа зд̇ааяа на г̇ажчанд̇ийд̇и аг̇ад̇и, анарияаа иминаа аг̇ад̇им̣ г̇ажчанд̇ийд̇и аг̇ад̇иг̇аманам̣. имам̣ д̣̇ваяам̣ жад̇уннамби саад̇хааран̣авасзна вуд̇д̇ам̣. чанд̣̇зна г̇аманам̣ чанд̣̇аг̇аманам̣. ид̣̇ам̣ д̣̇осаад̣̇ийнам̣ асаад̇хааран̣авасзна вуд̇д̇ам̣. сагабагкарааг̇ан̃жа барабагкад̣̇осан̃жа бурагкад̇ваа асамаг̇г̇абхаавзна г̇аманам̣ ваг̇г̇аг̇аманам̣. ид̣̇ам̣ чанд̣̇ад̣̇осасаад̇хааран̣авасзна вуд̇д̇ам̣. ваарино вияа яат̇ааниннам̣ г̇амананд̇и ваариг̇аманам̣. ид̣̇ам̣ жад̇уннамби саад̇хааран̣авасзна вуд̇д̇ам̣.
Agatigamanesu chandāgatiṃ gacchatīti chandena pemena agatiṃ gacchati, akattabbaṃ karoti. Parapadesupi eseva nayo. Tattha yo ‘ayaṃ me mitto vā sandiṭṭho vā sambhatto vā ñātako vā lañjaṃ vā pana me detī’ti chandavasena assāmikaṃ sāmikaṃ karoti – ayaṃ chandāgatiṃ gacchati nāma. Yo ‘ayaṃ me verī’ti pakativeravasena vā taṅkhaṇuppannakodhavasena vā sāmikaṃ assāmikaṃ karoti – ayaṃ dosāgatiṃ gacchati nāma. Yo pana mandattā momūhattā yaṃ vā taṃ vā vatvā assāmikaṃ sāmikaṃ karoti – ayaṃ mohāgatiṃ gacchati nāma. Yo pana ‘ayaṃ rājavallabho vā visamanissito vā anatthampi me kareyyā’ti bhīto assāmikaṃ sāmikaṃ karoti – ayaṃ bhayāgatiṃ gacchati nāma. Yo vā pana bhājiyaṭṭhāne kiñci bhājento ‘ayaṃ me mitto vā sandiṭṭho vā sambhatto vā’ti pemavasena atirekaṃ deti, ‘ayaṃ me verī’ti dosavasena ūnakaṃ deti, momūhattā dinnādinnaṃ ajānamāno kassaci ūnakaṃ kassaci adhikaṃ deti, ‘ayaṃ imasmiṃ adīyamāne mayhaṃ anatthampi kareyyā’ti bhīto kassaci atirekaṃ deti, so catubbidhopi yathānukkamena chandāgatiādīni gacchati nāma. Ariyā etāya na gacchantīti agati, anariyā iminā agatiṃ gacchantīti agatigamanaṃ. Imaṃ dvayaṃ catunnampi sādhāraṇavasena vuttaṃ. Chandena gamanaṃ chandagamanaṃ. Idaṃ dosādīnaṃ asādhāraṇavasena vuttaṃ. Sakapakkharāgañca parapakkhadosañca purakkhatvā asamaggabhāvena gamanaṃ vaggagamanaṃ. Idaṃ chandadosasādhāraṇavasena vuttaṃ. Vārino viya yathāninnaṃ gamananti vārigamanaṃ. Idaṃ catunnampi sādhāraṇavasena vuttaṃ.
вибарияаасзсу анижжаад̣̇ийни вад̇т̇ууни нижжанд̇иаад̣̇инаа наязна вибарийд̇ад̇о зсанд̇ийд̇и вибарияаасаа, сан̃н̃ааяа вибарияаасо сан̃н̃аавибарияаасо. ид̇арзсуби д̣̇вийсу зсзва наяо. звамзд̇з жад̇уннам̣ вад̇т̇уунам̣ васзна жад̇д̇ааро, язсу вад̇т̇уусу сан̃н̃аад̣̇ийнам̣ васзна д̣̇ваад̣̇аса хонд̇и. д̇зсу адта сод̇аабад̇д̇имаг̇г̇зна бахийяанд̇и. асубхз субханд̇и сан̃н̃аажид̇д̇авибаллаасаа сагад̣̇ааг̇аамимаг̇г̇зна д̇анугаа хонд̇и, анааг̇аамимаг̇г̇зна бахийяанд̇и. д̣̇угкз суканд̇и сан̃н̃аажид̇д̇авибаллаасаа арахад̇д̇амаг̇г̇зна бахийяанд̇ийд̇и взд̣̇ид̇аб̣б̣аа.
Vipariyāsesu aniccādīni vatthūni niccantiādinā nayena viparītato esantīti vipariyāsā, saññāya vipariyāso saññāvipariyāso. Itaresupi dvīsu eseva nayo. Evamete catunnaṃ vatthūnaṃ vasena cattāro, yesu vatthūsu saññādīnaṃ vasena dvādasa honti. Tesu aṭṭha sotāpattimaggena pahīyanti. Asubhe subhanti saññācittavipallāsā sakadāgāmimaggena tanukā honti, anāgāmimaggena pahīyanti. Dukkhe sukhanti saññācittavipallāsā arahattamaggena pahīyantīti veditabbā.
анарияавохаарзсу анарияавохаараад̇и анарияаанам̣ лаамагаанам̣ вохаараа. д̣̇идтаваад̣̇ид̇аад̇и ‘д̣̇идтам̣ маяаа’д̇и звам̣ ваад̣̇ид̇аа. зд̇т̇а жа д̇ам̣ д̇ам̣ самудтаабигажзд̇анаавасзна ад̇т̇о взд̣̇ид̇аб̣б̣о. саха сад̣̇д̣̇зна жзд̇анаа гат̇ид̇аад̇иби вуд̇д̇амзва. д̣̇уд̇ияажад̇уггзби зсзва наяо. арияо хи ад̣̇исваа ваа ‘д̣̇идтам̣ маяаа’д̇и д̣̇исваа ваа ‘на д̣̇идтам̣ маяаа’д̇и вад̇д̇аа наама над̇т̇и; анарияова звам̣ вад̣̇ад̇и. д̇асмаа звам̣ вад̣̇анд̇асса зд̇аа саха сад̣̇д̣̇зна адта жзд̇анаа анарияавохаараад̇и взд̣̇ид̇аб̣б̣аа.
Anariyavohāresu anariyavohārāti anariyānaṃ lāmakānaṃ vohārā. Diṭṭhavāditāti ‘diṭṭhaṃ mayā’ti evaṃ vāditā. Ettha ca taṃ taṃ samuṭṭhāpikacetanāvasena attho veditabbo. Saha saddena cetanā kathitātipi vuttameva. Dutiyacatukkepi eseva nayo. Ariyo hi adisvā vā ‘diṭṭhaṃ mayā’ti disvā vā ‘na diṭṭhaṃ mayā’ti vattā nāma natthi; anariyova evaṃ vadati. Tasmā evaṃ vadantassa etā saha saddena aṭṭha cetanā anariyavohārāti veditabbā.
д̣̇ужжарид̇зсу батамажад̇уггам̣ взражзд̇анаавасзна вуд̇д̇ам̣, д̣̇уд̇ияам̣ важийд̣̇ужжарид̇авасзна.
Duccaritesu paṭhamacatukkaṃ veracetanāvasena vuttaṃ, dutiyaṃ vacīduccaritavasena.
бхаязсу батамажад̇уггз ж̇аад̇им̣ бадижжа уббаннам̣ бхаяам̣ ж̇аад̇ибхаяам̣. сзсзсуби зсзва наяо. д̣̇уд̇ияажад̇уггз рааж̇ад̇о уббаннам̣ бхаяам̣ рааж̇абхаяам̣. сзсзсуби зсзва наяо.
Bhayesu paṭhamacatukke jātiṃ paṭicca uppannaṃ bhayaṃ jātibhayaṃ. Sesesupi eseva nayo. Dutiyacatukke rājato uppannaṃ bhayaṃ rājabhayaṃ. Sesesupi eseva nayo.
д̇ад̇ияажад̇уггз жад̇д̇аари бхаяаанийд̇и махаасамуд̣̇д̣̇з уд̣̇агам̣ ороханд̇асса вуд̇д̇абхаяаани. махаасамуд̣̇д̣̇з гира махинд̣̇авийжи наама садти яож̇анаани уг̇г̇ажчад̇и. г̇ан̇г̇аавийжи наама бан̣н̣ааса. рохан̣авийжи наама жад̇д̇аалийса яож̇анаани уг̇г̇ажчад̇и. зваруубаа уумияо бадижжа уббаннам̣ бхаяам̣ уумибхаяам̣ наама. гумбхийлад̇о уббаннам̣ бхаяам̣ гумбхийлабхаяам̣. уд̣̇агааваддад̇о бхаяам̣ ааваддабхаяам̣. сусугаа вужжад̇и жан̣д̣амажчо; д̇ад̇о бхаяам̣ сусугаабхаяам̣.
Tatiyacatukke cattāri bhayānīti mahāsamudde udakaṃ orohantassa vuttabhayāni. Mahāsamudde kira mahindavīci nāma saṭṭhi yojanāni uggacchati. Gaṅgāvīci nāma paṇṇāsa. Rohaṇavīci nāma cattālīsa yojanāni uggacchati. Evarūpā ūmiyo paṭicca uppannaṃ bhayaṃ ūmibhayaṃ nāma. Kumbhīlato uppannaṃ bhayaṃ kumbhīlabhayaṃ. Udakāvaṭṭato bhayaṃ āvaṭṭabhayaṃ. Susukā vuccati caṇḍamaccho; tato bhayaṃ susukābhayaṃ.
жад̇уд̇т̇ажад̇уггз ад̇д̇аануваад̣̇абхаяанд̇и баабагаммино ад̇д̇аанам̣ анувад̣̇анд̇асса уббаж̇ж̇анагабхаяам̣. бараануваад̣̇абхаяанд̇и барасса ануваад̣̇ад̇о уббаж̇ж̇анагабхаяам̣. д̣̇ан̣д̣абхаяанд̇и аг̇ааригасса ран̃н̃аа бавад̇д̇ид̇ад̣̇ан̣д̣ам̣, анаг̇ааригасса винаяад̣̇ан̣д̣ам̣ бадижжа уббаж̇ж̇анагабхаяам̣. д̣̇уг̇г̇ад̇ибхаяанд̇и жад̇д̇ааро абааяз бадижжа уббаж̇ж̇анагабхаяам̣. ид̇и имзхи жад̇уухи жад̇уггзхи сол̣аса махаабхаяаани наама гат̇ид̇аани.
Catutthacatukke attānuvādabhayanti pāpakammino attānaṃ anuvadantassa uppajjanakabhayaṃ. Parānuvādabhayanti parassa anuvādato uppajjanakabhayaṃ. Daṇḍabhayanti agārikassa raññā pavattitadaṇḍaṃ, anagārikassa vinayadaṇḍaṃ paṭicca uppajjanakabhayaṃ. Duggatibhayanti cattāro apāye paṭicca uppajjanakabhayaṃ. Iti imehi catūhi catukkehi soḷasa mahābhayāni nāma kathitāni.
д̣̇идтижад̇уггз д̇имб̣аругад̣̇идти (сам̣. ни. 2.18) наама гат̇ид̇аа. д̇ад̇т̇а саяам̣гад̇ам̣ сукад̣̇угканд̇и взд̣̇анам̣ ад̇д̇ад̇о саманубассад̇о взд̣̇анааяа зва взд̣̇анаа гад̇аад̇и уббаннаа д̣̇идти. зван̃жа сад̇и д̇ассаа взд̣̇анааяа буб̣б̣зби ад̇т̇ид̇аа аабаж̇ж̇ад̇ийд̇и аяам̣ сассад̇ад̣̇идти наама ход̇и. сажжад̇о т̇зд̇ад̇од̇и сажжад̇о т̇ирад̇о. барам̣гад̇анд̇и бажжуббаннавзд̣̇анад̇о ан̃н̃ам̣ взд̣̇анаагааран̣ам̣ взд̣̇анад̇д̇аанам̣ саманубассад̇о ‘ан̃н̃ааяа взд̣̇анааяа аяам̣ взд̣̇анаа гад̇аа’д̇и уббаннаа д̣̇идти. звам̣ сад̇и буримааяа гааран̣авзд̣̇анааяа ужчзд̣̇о аабаж̇ж̇ад̇ийд̇и аяам̣ ужчзд̣̇ад̣̇идти наама ход̇и. саяам̣гад̇ан̃жа барам̣гад̇ан̃жаад̇и яат̇аавуд̇д̇знзва ад̇т̇зна ‘убад̣дхам̣ саяам̣гад̇ам̣, убад̣дхам̣ барзна гад̇а’нд̇и г̇ан̣хад̇о уббаннаа д̣̇идти – аяам̣ сассад̇ужчзд̣̇ад̣̇идти наама. жад̇уд̇т̇аа агааран̣аа зва сукад̣̇угкам̣ ход̇ийд̇и г̇ан̣хад̇о уббаннаа д̣̇идти. звам̣ сад̇и аяам̣ ахзд̇угад̣̇идти наама. сзсамзд̇т̇а хздтаа вуд̇д̇анаяад̇д̇аа уд̇д̇аанад̇т̇амзваад̇и.
Diṭṭhicatukke timbarukadiṭṭhi (saṃ. ni. 2.18) nāma kathitā. Tattha sayaṃkataṃ sukhadukkhanti vedanaṃ attato samanupassato vedanāya eva vedanā katāti uppannā diṭṭhi. Evañca sati tassā vedanāya pubbepi atthitā āpajjatīti ayaṃ sassatadiṭṭhi nāma hoti. Saccato thetatoti saccato thirato. Paraṃkatanti paccuppannavedanato aññaṃ vedanākāraṇaṃ vedanattānaṃ samanupassato ‘aññāya vedanāya ayaṃ vedanā katā’ti uppannā diṭṭhi. Evaṃ sati purimāya kāraṇavedanāya ucchedo āpajjatīti ayaṃ ucchedadiṭṭhi nāma hoti. Sayaṃkatañca paraṃkatañcāti yathāvutteneva atthena ‘upaḍḍhaṃ sayaṃkataṃ, upaḍḍhaṃ parena kata’nti gaṇhato uppannā diṭṭhi – ayaṃ sassatucchedadiṭṭhi nāma. Catutthā akāraṇā eva sukhadukkhaṃ hotīti gaṇhato uppannā diṭṭhi. Evaṃ sati ayaṃ ahetukadiṭṭhi nāma. Sesamettha heṭṭhā vuttanayattā uttānatthamevāti.
жад̇угганид̣̇д̣̇зсаван̣н̣анаа нидтид̇аа.
Catukkaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
