| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
4. жад̇угганид̣̇д̣̇зсаван̣н̣анаа
4. Catukkaniddesavaṇṇanā
133. барзнаад̇и ан̃н̃зна, аан̣ад̇д̇знаад̇и ад̇т̇о. аан̣ад̇д̇ияаа ад̇д̇анаа жаад̇и аан̣аабагасса аан̣ад̇д̇ияаа, ад̇д̇анаа жа аан̣ад̇д̇зна гад̇ам̣ д̇ан̃жа д̇асса аан̣аабагасса яам̣ важийбаяог̇зна гад̇анд̇и яож̇анаа. аан̣ад̇д̇ияаа баабассаад̇и аан̣аабанавасзна басуд̇абаабасса.
133. Parenāti aññena, āṇattenāti attho. Āṇattiyā attanā cāti āṇāpakassa āṇattiyā, attanā ca āṇattena kataṃ tañca tassa āṇāpakassa yaṃ vacīpayogena katanti yojanā. Āṇattiyā pāpassāti āṇāpanavasena pasutapāpassa.
148. д̣̇зсанааяа гаран̣абхууд̇ааяа. д̇хаммаананд̇и д̣̇зсанааяа яат̇ааб̣од̇хзд̇аб̣б̣аанам̣ сийлаад̣̇ид̇хаммаанам̣.
148. Desanāya karaṇabhūtāya. Dhammānanti desanāya yathābodhetabbānaṃ sīlādidhammānaṃ.
152. ананд̇аранд̇и н̃аан̣асса убадтид̇анд̇и ананд̇арам̣ вуд̇д̇ам̣. гим̣ бана д̇анд̇и ааха ‘‘важана’’нд̇и. луж̇ж̇ад̇ийд̇и ид̣̇ам̣ язна гааран̣зна лога-сад̣̇д̣̇о д̇ад̣̇ад̇т̇з бавад̇д̇о, д̇ам̣ д̣̇ассзд̇ийд̇и ааха ‘‘гааран̣аяуд̇д̇а’’нд̇и.
152. Anantaranti ñāṇassa upaṭṭhitanti anantaraṃ vuttaṃ. Kiṃ pana tanti āha ‘‘vacana’’nti. Lujjatīti idaṃ yena kāraṇena loka-saddo tadatthe pavatto, taṃ dassetīti āha ‘‘kāraṇayutta’’nti.
156. сахид̇аасахид̇ассаад̇и гусаласад̣̇д̣̇аяог̇зна саамиважанам̣ бхуммад̇т̇зд̇и д̣̇ассзнд̇о ааха ‘‘сахид̇аасахид̇зд̇и ад̇т̇о’’д̇и. сахид̇абхаасанзна д̣̇зсагасамбад̇д̇и, сахид̇аасахид̇агосаллзна саавагасамбад̇д̇и взд̣̇ид̇аб̣б̣аа. барисасамбад̇д̇иби н̃аан̣асамбаннасса д̇хаммагат̇игасса бадибхаанасамбад̣̇ааяа гааран̣ам̣ ход̇ийд̇и ааха ‘‘саавагасамбад̇д̇ияаа б̣од̇хзд̇ум̣ самад̇т̇ад̇ааяаа’’д̇и.
156. Sahitāsahitassāti kusalasaddayogena sāmivacanaṃ bhummattheti dassento āha ‘‘sahitāsahiteti attho’’ti. Sahitabhāsanena desakasampatti, sahitāsahitakosallena sāvakasampatti veditabbā. Parisasampattipi ñāṇasampannassa dhammakathikassa paṭibhānasampadāya kāraṇaṃ hotīti āha ‘‘sāvakasampattiyā bodhetuṃ samatthatāyā’’ti.
157. гусалад̇хаммзхийд̇и самат̇авибассанаад̇хаммзхи. жад̇уд̇т̇о вуд̇д̇о, яо нзва сан̇гхам̣ ниманд̇зд̇и, на д̣̇аанам̣ д̣̇зд̇и.
157. Kusaladhammehīti samathavipassanādhammehi. Catuttho vutto, yo neva saṅghaṃ nimanteti, na dānaṃ deti.
166. яамид̣̇ам̣ ‘‘гаалзнаа’’д̇и вуд̇д̇анд̇и ‘‘яо д̇ад̇т̇а аван̣н̣о, д̇амби бхан̣ад̇и гаалзна. яоби д̇ад̇т̇а ван̣н̣о, д̇амби бхан̣ад̇и гаалзнаа’’д̇и яам̣ ид̣̇ам̣ баал̣ияам̣ вуд̇д̇ам̣, д̇ад̇ра д̇асмим̣ важанз ваагяз яо буг̇г̇ало ‘‘гаалзна бхан̣ад̇ий’’д̇и вуд̇д̇о, со гийд̣̇исод̇и вижааран̣ааяа д̇асса д̣̇ассанад̇т̇ам̣ ‘‘гаалан̃н̃уу ход̇ий’’д̇иаад̣̇и баал̣ияам̣ вуд̇д̇анд̇и д̣̇ассзнд̇о сан̇г̇ахз аахаад̇и яож̇анаа.
166. Yamidaṃ ‘‘kālenā’’ti vuttanti ‘‘yo tattha avaṇṇo, tampi bhaṇati kālena. Yopi tattha vaṇṇo, tampi bhaṇati kālenā’’ti yaṃ idaṃ pāḷiyaṃ vuttaṃ, tatra tasmiṃ vacane vākye yo puggalo ‘‘kālena bhaṇatī’’ti vutto, so kīdisoti vicāraṇāya tassa dassanatthaṃ ‘‘kālaññū hotī’’tiādi pāḷiyaṃ vuttanti dassento saṅgahe āhāti yojanā.
168. буб̣б̣уббаннабажжаяавибад̇д̇ийд̇и д̇асмим̣ ад̇д̇абхаавз батамуббаннабажжаяавибад̇д̇и. д̇зсам̣ вибад̇д̇и бавад̇д̇аббажжаяавибад̇д̇ийд̇и яож̇анаа.
168. Pubbuppannapaccayavipattīti tasmiṃ attabhāve paṭhamuppannapaccayavipatti. Tesaṃ vipatti pavattappaccayavipattīti yojanā.
173. д̇зсанд̇и бахийнаавасидтагилзсаанам̣. вимуд̇д̇ид̣̇ассанамзва ход̇и вимуд̇д̇иад̇т̇ад̇д̇аа д̇ам̣д̣̇ассанасса.
173. Tesanti pahīnāvasiṭṭhakilesānaṃ. Vimuttidassanameva hoti vimuttiatthattā taṃdassanassa.
174. д̇анд̇аавуд̇аанам̣ вад̇т̇аананд̇и нид̣̇д̇хааран̣з саамиважанам̣.
174. Tantāvutānaṃ vatthānanti niddhāraṇe sāmivacanaṃ.
178. наамагааяод̇и наамасамуухо. ид̣̇амзва жа д̣̇ваяанд̇и сийласам̣варабууран̣ам̣, сааж̇ийваавийд̇иггаманан̃жаад̇и ид̣̇амзва д̣̇ваяам̣. д̇ад̇од̇и сааж̇ийваавийд̇иггаманад̇о. гат̇ааяа халид̣̇д̣̇арааг̇аад̣̇исад̣̇исад̇аад̇и яож̇анаа. д̇знааха ‘‘на буг̇г̇алассаа’’д̇и.
178. Nāmakāyoti nāmasamūho. Idameva ca dvayanti sīlasaṃvarapūraṇaṃ, sājīvāvītikkamanañcāti idameva dvayaṃ. Tatoti sājīvāvītikkamanato. Kathāya haliddarāgādisadisatāti yojanā. Tenāha ‘‘na puggalassā’’ti.
179. ид̇и-сад̣̇д̣̇знаад̇и ‘‘д̣̇аарумаасаго’’д̇и зд̇т̇а вуд̇д̇аид̇и-сад̣̇д̣̇зна. звам̣багаарзд̇и иминааби салаагаад̣̇игз сан̇г̇ан̣хаад̇и.
179. Iti-saddenāti ‘‘dārumāsako’’ti ettha vuttaiti-saddena. Evaṃpakāreti imināpi salākādike saṅgaṇhāti.
181. ависадасуканд̇и авигкзбасукам̣.
181. Avisaṭasukhanti avikkhepasukhaṃ.
187. канд̇хад̇хаммзсууд̇и сан̇кад̇ад̇хаммзсу. д̇ад̣̇алаабхзнаад̇и маг̇г̇апалаалаабхзна. ад̇т̇знаад̇и сийлаад̣̇иад̇т̇зна.
187. Khandhadhammesūti saṅkhatadhammesu. Tadalābhenāti maggaphalālābhena. Atthenāti sīlādiatthena.
жад̇угганид̣̇д̣̇зсаван̣н̣анаа нидтид̇аа.
Catukkaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / буг̇г̇алабан̃н̃ад̇д̇ибаал̣и • Puggalapaññattipāḷi / 4. жад̇уггабуг̇г̇алабан̃н̃ад̇д̇и • 4. Catukkapuggalapaññatti
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 4. жад̇угганид̣̇д̣̇зсаван̣н̣анаа • 4. Catukkaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. жад̇угганид̣̇д̣̇зсаван̣н̣анаа • 4. Catukkaniddesavaṇṇanā
