| Library / Tipiṭaka / තිපිටක • Tipiṭaka / ධම්‌මසඞ්‌ගණී-මූලටීකා • Dhammasaṅgaṇī-mūlaṭīkā |
චතුක්‌කනිද්‌දෙසවණ්‌ණනා
Catukkaniddesavaṇṇanā
966. පච්‌ඡිමපදස්‌සාති විඤ්‌ඤාතපදස්‌ස. සබ්‌බමෙව හි රූපං විඤ්‌ඤාතන්‌ති තස්‌ස අභින්‌දිතබ්‌බත්‌තා විඤ්‌ඤාතතො අඤ්‌ඤං දිට්‌ඨං සුතං මුතඤ්‌ච න හොතීති පුච්‌ඡං අකත්‌වාව විස්‌සජ්‌ජිතං. න හි සක්‌කා විඤ්‌ඤාතතො අඤ්‌ඤං ‘‘කතමං රූපං දිට්‌ඨ’’න්‌ති පුච්‌ඡිතුන්‌ති අධිප්‌පායො. යථා හි ද්‌වීසු උද්‌දිට්‌ඨෙසු නොපාදතො අඤ්‌ඤත්‌තං සන්‌ධාය ‘‘කතමං තං රූපං උපාදා’’ති පුච්‌ඡිතං, එවං දිට්‌ඨාදීසු චතූසු උද්‌දිට්‌ඨෙසු සුතාදීහි තීහිපි අඤ්‌ඤත්‌තං සන්‌ධාය ‘‘කතමං තං රූපං දිට්‌ඨ’’න්‌ති පුච්‌ඡිතබ්‌බං සියා, තදභාවො න පුච්‌ඡිතං, එවං සුතාදීසුපීති. දස්‌සනාදිග්‌ගහණවිසෙසතො පන දිට්‌ඨාදීහි අඤ්‌ඤස්‌ස විඤ්‌ඤාතස්‌ස සබ්‌භාවතො ච චතුක්‌කො වුත්‌තො.
966. Pacchimapadassāti viññātapadassa. Sabbameva hi rūpaṃ viññātanti tassa abhinditabbattā viññātato aññaṃ diṭṭhaṃ sutaṃ mutañca na hotīti pucchaṃ akatvāva vissajjitaṃ. Na hi sakkā viññātato aññaṃ ‘‘katamaṃ rūpaṃ diṭṭha’’nti pucchitunti adhippāyo. Yathā hi dvīsu uddiṭṭhesu nopādato aññattaṃ sandhāya ‘‘katamaṃ taṃ rūpaṃ upādā’’ti pucchitaṃ, evaṃ diṭṭhādīsu catūsu uddiṭṭhesu sutādīhi tīhipi aññattaṃ sandhāya ‘‘katamaṃ taṃ rūpaṃ diṭṭha’’nti pucchitabbaṃ siyā, tadabhāvo na pucchitaṃ, evaṃ sutādīsupīti. Dassanādiggahaṇavisesato pana diṭṭhādīhi aññassa viññātassa sabbhāvato ca catukko vutto.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / ධම්‌මසඞ්‌ගණීපාළි • Dhammasaṅgaṇīpāḷi / රූපවිභත්‌ති • Rūpavibhatti
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / ධම්‌මසඞ්‌ගණි-අට්‌ඨකථා • Dhammasaṅgaṇi-aṭṭhakathā / චතුක්‌කනිද්‌දෙසවණ්‌ණනා • Catukkaniddesavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-අනුටීකා • Dhammasaṅgaṇī-anuṭīkā / චතුක්‌කනිද්‌දෙසවණ්‌ණනා • Catukkaniddesavaṇṇanā
