| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੪. ਚਤੁਕ੍ਕਨਿਦ੍ਦੇਸવਣ੍ਣਨਾ
4. Catukkaniddesavaṇṇanā
੧੩੩. ਪਰੇਨਾਤਿ ਅਞ੍ਞੇਨ, ਆਣਤ੍ਤੇਨਾਤਿ ਅਤ੍ਥੋ। ਆਣਤ੍ਤਿਯਾ ਅਤ੍ਤਨਾ ਚਾਤਿ ਆਣਾਪਕਸ੍ਸ ਆਣਤ੍ਤਿਯਾ, ਅਤ੍ਤਨਾ ਚ ਆਣਤ੍ਤੇਨ ਕਤਂ ਤਞ੍ਚ ਤਸ੍ਸ ਆਣਾਪਕਸ੍ਸ ਯਂ વਚੀਪਯੋਗੇਨ ਕਤਨ੍ਤਿ ਯੋਜਨਾ। ਆਣਤ੍ਤਿਯਾ ਪਾਪਸ੍ਸਾਤਿ ਆਣਾਪਨવਸੇਨ ਪਸੁਤਪਾਪਸ੍ਸ।
133. Parenāti aññena, āṇattenāti attho. Āṇattiyā attanā cāti āṇāpakassa āṇattiyā, attanā ca āṇattena kataṃ tañca tassa āṇāpakassa yaṃ vacīpayogena katanti yojanā. Āṇattiyā pāpassāti āṇāpanavasena pasutapāpassa.
੧੪੮. ਦੇਸਨਾਯ ਕਰਣਭੂਤਾਯ। ਧਮ੍ਮਾਨਨ੍ਤਿ ਦੇਸਨਾਯ ਯਥਾਬੋਧੇਤਬ੍ਬਾਨਂ ਸੀਲਾਦਿਧਮ੍ਮਾਨਂ।
148. Desanāya karaṇabhūtāya. Dhammānanti desanāya yathābodhetabbānaṃ sīlādidhammānaṃ.
੧੫੨. ਅਨਨ੍ਤਰਨ੍ਤਿ ਞਾਣਸ੍ਸ ਉਪਟ੍ਠਿਤਨ੍ਤਿ ਅਨਨ੍ਤਰਂ વੁਤ੍ਤਂ। ਕਿਂ ਪਨ ਤਨ੍ਤਿ ਆਹ ‘‘વਚਨ’’ਨ੍ਤਿ। ਲੁਜ੍ਜਤੀਤਿ ਇਦਂ ਯੇਨ ਕਾਰਣੇਨ ਲੋਕ-ਸਦ੍ਦੋ ਤਦਤ੍ਥੇ ਪવਤ੍ਤੋ, ਤਂ ਦਸ੍ਸੇਤੀਤਿ ਆਹ ‘‘ਕਾਰਣਯੁਤ੍ਤ’’ਨ੍ਤਿ।
152. Anantaranti ñāṇassa upaṭṭhitanti anantaraṃ vuttaṃ. Kiṃ pana tanti āha ‘‘vacana’’nti. Lujjatīti idaṃ yena kāraṇena loka-saddo tadatthe pavatto, taṃ dassetīti āha ‘‘kāraṇayutta’’nti.
੧੫੬. ਸਹਿਤਾਸਹਿਤਸ੍ਸਾਤਿ ਕੁਸਲਸਦ੍ਦਯੋਗੇਨ ਸਾਮਿવਚਨਂ ਭੁਮ੍ਮਤ੍ਥੇਤਿ ਦਸ੍ਸੇਨ੍ਤੋ ਆਹ ‘‘ਸਹਿਤਾਸਹਿਤੇਤਿ ਅਤ੍ਥੋ’’ਤਿ। ਸਹਿਤਭਾਸਨੇਨ ਦੇਸਕਸਮ੍ਪਤ੍ਤਿ, ਸਹਿਤਾਸਹਿਤਕੋਸਲ੍ਲੇਨ ਸਾવਕਸਮ੍ਪਤ੍ਤਿ વੇਦਿਤਬ੍ਬਾ। ਪਰਿਸਸਮ੍ਪਤ੍ਤਿਪਿ ਞਾਣਸਮ੍ਪਨ੍ਨਸ੍ਸ ਧਮ੍ਮਕਥਿਕਸ੍ਸ ਪਟਿਭਾਨਸਮ੍ਪਦਾਯ ਕਾਰਣਂ ਹੋਤੀਤਿ ਆਹ ‘‘ਸਾવਕਸਮ੍ਪਤ੍ਤਿਯਾ ਬੋਧੇਤੁਂ ਸਮਤ੍ਥਤਾਯਾ’’ਤਿ।
156. Sahitāsahitassāti kusalasaddayogena sāmivacanaṃ bhummattheti dassento āha ‘‘sahitāsahiteti attho’’ti. Sahitabhāsanena desakasampatti, sahitāsahitakosallena sāvakasampatti veditabbā. Parisasampattipi ñāṇasampannassa dhammakathikassa paṭibhānasampadāya kāraṇaṃ hotīti āha ‘‘sāvakasampattiyā bodhetuṃ samatthatāyā’’ti.
੧੫੭. ਕੁਸਲਧਮ੍ਮੇਹੀਤਿ ਸਮਥવਿਪਸ੍ਸਨਾਧਮ੍ਮੇਹਿ। ਚਤੁਤ੍ਥੋ વੁਤ੍ਤੋ, ਯੋ ਨੇવ ਸਙ੍ਘਂ ਨਿਮਨ੍ਤੇਤਿ, ਨ ਦਾਨਂ ਦੇਤਿ।
157. Kusaladhammehīti samathavipassanādhammehi. Catuttho vutto, yo neva saṅghaṃ nimanteti, na dānaṃ deti.
੧੬੬. ਯਮਿਦਂ ‘‘ਕਾਲੇਨਾ’’ਤਿ વੁਤ੍ਤਨ੍ਤਿ ‘‘ਯੋ ਤਤ੍ਥ ਅવਣ੍ਣੋ, ਤਮ੍ਪਿ ਭਣਤਿ ਕਾਲੇਨ। ਯੋਪਿ ਤਤ੍ਥ વਣ੍ਣੋ, ਤਮ੍ਪਿ ਭਣਤਿ ਕਾਲੇਨਾ’’ਤਿ ਯਂ ਇਦਂ ਪਾਲ਼ਿਯਂ વੁਤ੍ਤਂ, ਤਤ੍ਰ ਤਸ੍ਮਿਂ વਚਨੇ વਾਕ੍ਯੇ ਯੋ ਪੁਗ੍ਗਲੋ ‘‘ਕਾਲੇਨ ਭਣਤੀ’’ਤਿ વੁਤ੍ਤੋ, ਸੋ ਕੀਦਿਸੋਤਿ વਿਚਾਰਣਾਯ ਤਸ੍ਸ ਦਸ੍ਸਨਤ੍ਥਂ ‘‘ਕਾਲਞ੍ਞੂ ਹੋਤੀ’’ਤਿਆਦਿ ਪਾਲ਼ਿਯਂ વੁਤ੍ਤਨ੍ਤਿ ਦਸ੍ਸੇਨ੍ਤੋ ਸਙ੍ਗਹੇ ਆਹਾਤਿ ਯੋਜਨਾ।
166. Yamidaṃ ‘‘kālenā’’ti vuttanti ‘‘yo tattha avaṇṇo, tampi bhaṇati kālena. Yopi tattha vaṇṇo, tampi bhaṇati kālenā’’ti yaṃ idaṃ pāḷiyaṃ vuttaṃ, tatra tasmiṃ vacane vākye yo puggalo ‘‘kālena bhaṇatī’’ti vutto, so kīdisoti vicāraṇāya tassa dassanatthaṃ ‘‘kālaññū hotī’’tiādi pāḷiyaṃ vuttanti dassento saṅgahe āhāti yojanā.
੧੬੮. ਪੁਬ੍ਬੁਪ੍ਪਨ੍ਨਪਚ੍ਚਯવਿਪਤ੍ਤੀਤਿ ਤਸ੍ਮਿਂ ਅਤ੍ਤਭਾવੇ ਪਠਮੁਪ੍ਪਨ੍ਨਪਚ੍ਚਯવਿਪਤ੍ਤਿ। ਤੇਸਂ વਿਪਤ੍ਤਿ ਪવਤ੍ਤਪ੍ਪਚ੍ਚਯવਿਪਤ੍ਤੀਤਿ ਯੋਜਨਾ।
168. Pubbuppannapaccayavipattīti tasmiṃ attabhāve paṭhamuppannapaccayavipatti. Tesaṃ vipatti pavattappaccayavipattīti yojanā.
੧੭੩. ਤੇਸਨ੍ਤਿ ਪਹੀਨਾવਸਿਟ੍ਠਕਿਲੇਸਾਨਂ। વਿਮੁਤ੍ਤਿਦਸ੍ਸਨਮੇવ ਹੋਤਿ વਿਮੁਤ੍ਤਿਅਤ੍ਥਤ੍ਤਾ ਤਂਦਸ੍ਸਨਸ੍ਸ।
173. Tesanti pahīnāvasiṭṭhakilesānaṃ. Vimuttidassanameva hoti vimuttiatthattā taṃdassanassa.
੧੭੪. ਤਨ੍ਤਾવੁਤਾਨਂ વਤ੍ਥਾਨਨ੍ਤਿ ਨਿਦ੍ਧਾਰਣੇ ਸਾਮਿવਚਨਂ।
174. Tantāvutānaṃ vatthānanti niddhāraṇe sāmivacanaṃ.
੧੭੮. ਨਾਮਕਾਯੋਤਿ ਨਾਮਸਮੂਹੋ। ਇਦਮੇવ ਚ ਦ੍વਯਨ੍ਤਿ ਸੀਲਸਂવਰਪੂਰਣਂ, ਸਾਜੀવਾવੀਤਿਕ੍ਕਮਨਞ੍ਚਾਤਿ ਇਦਮੇવ ਦ੍વਯਂ। ਤਤੋਤਿ ਸਾਜੀવਾવੀਤਿਕ੍ਕਮਨਤੋ। ਕਥਾਯ ਹਲਿਦ੍ਦਰਾਗਾਦਿਸਦਿਸਤਾਤਿ ਯੋਜਨਾ। ਤੇਨਾਹ ‘‘ਨ ਪੁਗ੍ਗਲਸ੍ਸਾ’’ਤਿ।
178. Nāmakāyoti nāmasamūho. Idameva ca dvayanti sīlasaṃvarapūraṇaṃ, sājīvāvītikkamanañcāti idameva dvayaṃ. Tatoti sājīvāvītikkamanato. Kathāya haliddarāgādisadisatāti yojanā. Tenāha ‘‘na puggalassā’’ti.
੧੭੯. ਇਤਿ-ਸਦ੍ਦੇਨਾਤਿ ‘‘ਦਾਰੁਮਾਸਕੋ’’ਤਿ ਏਤ੍ਥ વੁਤ੍ਤਇਤਿ-ਸਦ੍ਦੇਨ। ਏવਂਪਕਾਰੇਤਿ ਇਮਿਨਾਪਿ ਸਲਾਕਾਦਿਕੇ ਸਙ੍ਗਣ੍ਹਾਤਿ।
179. Iti-saddenāti ‘‘dārumāsako’’ti ettha vuttaiti-saddena. Evaṃpakāreti imināpi salākādike saṅgaṇhāti.
੧੮੧. ਅવਿਸਟਸੁਖਨ੍ਤਿ ਅવਿਕ੍ਖੇਪਸੁਖਂ।
181. Avisaṭasukhanti avikkhepasukhaṃ.
੧੮੭. ਖਨ੍ਧਧਮ੍ਮੇਸੂਤਿ ਸਙ੍ਖਤਧਮ੍ਮੇਸੁ। ਤਦਲਾਭੇਨਾਤਿ ਮਗ੍ਗਫਲਾਲਾਭੇਨ। ਅਤ੍ਥੇਨਾਤਿ ਸੀਲਾਦਿਅਤ੍ਥੇਨ।
187. Khandhadhammesūti saṅkhatadhammesu. Tadalābhenāti maggaphalālābhena. Atthenāti sīlādiatthena.
ਚਤੁਕ੍ਕਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Catukkaniddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪੁਗ੍ਗਲਪਞ੍ਞਤ੍ਤਿਪਾਲ਼ਿ • Puggalapaññattipāḷi / ੪. ਚਤੁਕ੍ਕਪੁਗ੍ਗਲਪਞ੍ਞਤ੍ਤਿ • 4. Catukkapuggalapaññatti
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੪. ਚਤੁਕ੍ਕਨਿਦ੍ਦੇਸવਣ੍ਣਨਾ • 4. Catukkaniddesavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੪. ਚਤੁਕ੍ਕਨਿਦ੍ਦੇਸવਣ੍ਣਨਾ • 4. Catukkaniddesavaṇṇanā
