| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
சதுக்கவாரவண்ணனா
Catukkavāravaṇṇanā
324. சதுக்கேஸு ஸோதி கி³ஹிபரிக்கா²ரோ. அவாபுரணங் தா³துந்தி க³ப்³ப⁴ங் விவரித்வா அந்தோ பரிக்கா²ரட்ட²பனத்தா²ய விவரணகுஞ்சிகங் தா³துங். ஸங்க⁴த்தா²ய உபனீதங் ஸயமேவ அந்தோ படிஸாமிதும்பி வட்டதி. தேனாஹ ‘‘அந்தோ ட²பாபேதுஞ்ச வட்டதீ’’தி.
324. Catukkesu soti gihiparikkhāro. Avāpuraṇaṃ dātunti gabbhaṃ vivaritvā anto parikkhāraṭṭhapanatthāya vivaraṇakuñcikaṃ dātuṃ. Saṅghatthāya upanītaṃ sayameva anto paṭisāmitumpi vaṭṭati. Tenāha ‘‘anto ṭhapāpetuñca vaṭṭatī’’ti.
ஆதி³கம்மிகேஸு பட²மங் புரிஸலிங்க³ங் உப்பஜ்ஜதீதி ஆஹ ‘‘பட²மங் உப்பன்னவஸேனா’’தி. பாளியங் அனாபத்தி வஸ்ஸச்சே²த³ஸ்ஸாதி வஸ்ஸச்சே²த³ஸம்ப³ந்தி⁴னியா அனாபத்தியா ஏவமத்தோ². மந்தபா⁴ஸாதி மந்தாய பஞ்ஞாய கத²னங். ‘‘நவமபி⁴க்கு²னிதோ பட்டா²யா’’தி இத³ங் ‘‘அனுஜானாமி, பி⁴க்க²வே, அட்ட²ன்னங் பி⁴க்கு²னீனங் யதா²வுட்³ட⁴ங் அவஸேஸானங் யதா²கதிக’’ந்தி (சூளவ॰ 426) வசனதோ ஆதி³தோ அட்ட²ன்னங் பி⁴க்கு²னீனங் பச்சுட்டா²தப்³ப³த்தா வுத்தங்.
Ādikammikesu paṭhamaṃ purisaliṅgaṃ uppajjatīti āha ‘‘paṭhamaṃ uppannavasenā’’ti. Pāḷiyaṃ anāpatti vassacchedassāti vassacchedasambandhiniyā anāpattiyā evamattho. Mantabhāsāti mantāya paññāya kathanaṃ. ‘‘Navamabhikkhunito paṭṭhāyā’’ti idaṃ ‘‘anujānāmi, bhikkhave, aṭṭhannaṃ bhikkhunīnaṃ yathāvuḍḍhaṃ avasesānaṃ yathākatika’’nti (cūḷava. 426) vacanato ādito aṭṭhannaṃ bhikkhunīnaṃ paccuṭṭhātabbattā vuttaṃ.
‘‘இத⁴ ந கப்பந்தீதி வத³ந்தோபி பச்சந்திமேஸு ஆபஜ்ஜதீ’’திஆதி³னா ஸஞ்சிச்ச கப்பியங் அகப்பியந்தி வா அகப்பியங் கப்பியந்தி வா கதெ²ந்தஸ்ஸ ஸப்³ப³த்த² து³க்கடந்தி த³ஸ்ஸேதி.
‘‘Idha na kappantīti vadantopi paccantimesu āpajjatī’’tiādinā sañcicca kappiyaṃ akappiyanti vā akappiyaṃ kappiyanti vā kathentassa sabbattha dukkaṭanti dasseti.
புப்³ப³கரணந்தி வுச்சதீதி அட்ட²கதா²ஸு வுத்தங், தானி இத⁴ பரிவாரே உத்³த⁴டானீதி அதி⁴ப்பாயோ. இதா⁴தி⁴ப்பேதானி பன த³ஸ்ஸெந்தோ ‘‘ச²ந்த³பாரிஸுத்³தீ⁴’’திஆதி³மாஹ.
Pubbakaraṇanti vuccatīti aṭṭhakathāsu vuttaṃ, tāni idha parivāre uddhaṭānīti adhippāyo. Idhādhippetāni pana dassento ‘‘chandapārisuddhī’’tiādimāha.
சதுக்கவாரவண்ணனா நிட்டி²தா.
Catukkavāravaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 4. சதுக்கவாரோ • 4. Catukkavāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / சதுக்கவாரவண்ணனா • Catukkavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / சதுக்கவாரவண்ணனா • Catukkavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / சதுக்கவாரவண்ணனா • Catukkavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஏகுத்தரிகனயோ சதுக்கவாரவண்ணனா • Ekuttarikanayo catukkavāravaṇṇanā
