| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
жад̇уггаваараван̣н̣анаа
Catukkavāravaṇṇanā
324. жад̇уухаагаарзхи аабад̇д̇им̣ аабаж̇ж̇ад̇и…бз… гаммаваажааяа аабаж̇ж̇ад̇ийд̇и зд̇т̇а яан̃хи аабад̇д̇им̣ гаммаваажааяа аабаж̇ж̇ад̇и, на д̇ад̇т̇а гааяаад̣̇аяод̇и аабаннам̣, д̇ад̇о гаммаваажааяа сад̣̇д̇хим̣ аабад̇д̇игараа д̇хаммаа сад̇д̇аад̇и аабаж̇ж̇ад̇и, звам̣ сад̇и ‘‘ча аабад̇д̇исамудтаанааний’’д̇и важанавирод̇хо, д̇аани зва аабад̇д̇игараа д̇хаммаа наама. ат̇а д̇ад̇т̇ааби гааяаад̣̇аяо згад̇о ваа наанаад̇о ваа лаб̣бханд̇и, жад̇уухаагаарзхийд̇и на яуж̇ж̇ад̇ийд̇и ‘‘чахаагаарзхи аабад̇д̇им̣ аабаж̇ж̇ад̇ий’’д̇и вад̇д̇аб̣б̣ам̣ сияаад̇и звам̣ зд̇аани суд̇д̇абад̣̇аани вирод̇хид̇аани хонд̇и. гат̇ам̣ авирод̇хид̇аани? савин̃н̃ад̇д̇игаавин̃н̃ад̇д̇игабхзд̣̇абхиннад̇д̇аа. гааяаад̣̇ийнам̣ яаа гирияаа аабад̇д̇и, нам̣ згажжам̣ гааязна савин̃н̃ад̇д̇игзна аабаж̇ж̇ад̇и, згажжам̣ савин̃н̃ад̇д̇игааяа ваажааяа, згажжам̣ савин̃н̃ад̇д̇игаахи гааяаваажаахи аабаж̇ж̇ад̇и, яаа бана агирияаа аабад̇д̇и, д̇ам̣ згажжам̣ гаммаваажааяа аабаж̇ж̇ад̇и, д̇ан̃жа ко авасидтаахи авин̃н̃ад̇д̇игаахи гааяаваажаахиязва, на винаа ‘‘но жз гааязна ваажааяа бадиниссаж̇ж̇ад̇и, гаммаваажаабарияосаанз аабад̇д̇и сан̇гхаад̣̇исзсассаа’’д̇и (баараа. 414) важанад̇о, ависзсзна ваа згажжам̣ аабад̇д̇им̣ гааязна аабаж̇ж̇ад̇и, згажжам̣ ваажааяа , згажжам̣ гааяаваажаахи . яам̣ банзд̇т̇а гааяаваажаахи, д̇ам̣ згажжам̣ гзвалаахи гааяаваажаахи аабаж̇ж̇ад̇и, згажжам̣ гаммаваажааяа аабаж̇ж̇ад̇ийд̇и аяамад̇т̇о взд̣̇ид̇аб̣б̣од̇и звам̣ авирод̇хид̇аани хонд̇и.
324.Catūhākārehi āpattiṃ āpajjati…pe… kammavācāya āpajjatīti ettha yañhi āpattiṃ kammavācāya āpajjati, na tattha kāyādayoti āpannaṃ, tato kammavācāya saddhiṃ āpattikarā dhammā sattāti āpajjati, evaṃ sati ‘‘cha āpattisamuṭṭhānānī’’ti vacanavirodho, tāni eva āpattikarā dhammā nāma. Atha tatthāpi kāyādayo ekato vā nānāto vā labbhanti, catūhākārehīti na yujjatīti ‘‘chahākārehi āpattiṃ āpajjatī’’ti vattabbaṃ siyāti evaṃ etāni suttapadāni virodhitāni honti. Kathaṃ avirodhitāni? Saviññattikāviññattikabhedabhinnattā. Kāyādīnaṃ yā kiriyā āpatti, naṃ ekaccaṃ kāyena saviññattikena āpajjati, ekaccaṃ saviññattikāya vācāya, ekaccaṃ saviññattikāhi kāyavācāhi āpajjati, yā pana akiriyā āpatti, taṃ ekaccaṃ kammavācāya āpajjati, tañca kho avasiṭṭhāhi aviññattikāhi kāyavācāhiyeva, na vinā ‘‘no ce kāyena vācāya paṭinissajjati, kammavācāpariyosāne āpatti saṅghādisesassā’’ti (pārā. 414) vacanato, avisesena vā ekaccaṃ āpattiṃ kāyena āpajjati, ekaccaṃ vācāya , ekaccaṃ kāyavācāhi . Yaṃ panettha kāyavācāhi, taṃ ekaccaṃ kevalāhi kāyavācāhi āpajjati, ekaccaṃ kammavācāya āpajjatīti ayamattho veditabboti evaṃ avirodhitāni honti.
д̇ад̇рааяам̣ самаасад̇о ад̇т̇авибхааванаа – гааязна аабаж̇ж̇ад̇ийд̇и гааязна савин̃н̃ад̇д̇игзна агад̇д̇аб̣б̣ам̣ гад̇ваа згажжам̣ аабаж̇ж̇ад̇и, авин̃н̃ад̇д̇игзна гад̇д̇аб̣б̣ам̣ агад̇ваа аабаж̇ж̇ад̇и, д̇ад̣̇убхаяамби гааяагаммам̣ наама. агад̇амби хи логз ‘‘гад̇а’’нд̇и вужжад̇и ‘‘д̣̇уггадам̣ маяаа, яам̣ маяаа бун̃н̃ам̣ на гад̇а’’нд̇и звамаад̣̇ийсу, саасанз жа ‘‘ид̣̇ам̣ д̇з, аавусо аананд̣̇а, д̣̇уггадам̣, яам̣ д̇вам̣ бхаг̇аванд̇ам̣ на бужчий’’д̇и (жуул̣ава. 443) звамаад̣̇ийсу, звамид̇ха винаяабарияааязна гааязна агаран̣амби ‘‘гааяагамма’’нд̇и вужжад̇и. аяамзва наяо ‘‘ваажааяа аабаж̇ж̇ад̇ий’’д̇иаад̣̇ийсу. бурад̇ийд̇и бурисо, бура аг̇г̇аг̇аманз. бурад̇ийд̇и бурад̇о г̇ажчад̇и саб̣б̣агаммзсу буб̣б̣ан̇г̇амо ход̇и. батамуббаннавасзнаад̇и батамагаббиязсу хи батамам̣ бурисалин̇г̇ам̣ уббаж̇ж̇ад̇и, ‘‘бурима’’нд̇и сан̇кам̣ г̇ад̇ам̣ бурисалин̇г̇ам̣ ж̇ааяад̇ийд̇и ад̇т̇о. сад̇ам̣ д̇им̣са жаад̇и зд̇т̇а асаад̇хааран̣ааби баарааж̇игаа но анд̇ог̇ад̇хааязва ж̇аад̇аа баарааж̇игаабаннаанам̣ бхигкубхаавааяа абхаб̣б̣ад̇д̇аа. ‘‘асаад̇хааран̣аважанзна бана сааман̃н̃зна уд̣̇д̇хадааний’’д̇и вад̣̇анд̇и. ‘‘сад̇ан̃жзва д̇им̣сан̃жа сигкаабад̣̇аанийд̇и баато’’д̇и жа вад̣̇анд̇и. бхигкусса жа бхигкунияаа жа жад̇уусу баарааж̇игзсууд̇и саад̇хааран̣зсу зва. ад̇т̇и вад̇т̇унаанад̇д̇ад̇аа но аабад̇д̇инаанад̇д̇ад̇аад̇и батамабан̃хо ид̇ха д̣̇уд̇ияо наама. ад̇т̇и аабад̇д̇исабхааг̇ад̇аа но вад̇т̇усабхааг̇ад̇аад̇и зд̇зна висзсо над̇т̇и. манд̇аабхаасаад̇и мад̇ияаа бхаасаа. ‘‘абхиваад̣̇анаарахаад̇и яат̇аанисиннаава сийсам̣ угкибид̇ваа ванд̣̇анд̇и. навамабхигкунид̇о бадтааяа анудтид̇аб̣б̣ад̇о аасанаа на бажжудтзнд̇и. ависзсзнаад̇и убаж̇жхааяасса, ид̇арасса ваа виббагад̇абхож̇анасса, самийбаг̇ад̇о яо гожи вуд̣дхад̇арод̇и ад̇т̇о. виббагад̇абхож̇анзнааби хи удтахид̇ваа аасанам̣ д̣̇аад̇аб̣б̣ам̣. ид̇ха на габбанд̇ийд̇и вад̣̇анд̇обийд̇и бажжанд̇имаж̇анабад̣̇зсу тад̇ваа ‘‘ид̇ха на габбанд̇ий’’д̇и вад̣̇анд̇о винаяаад̇исаарад̣̇уггадам̣ аабаж̇ж̇ад̇и. габбияан̃хи ‘‘на габбад̇ий’’д̇и вад̣̇анд̇о бан̃н̃ад̇д̇ам̣ самужчинд̣̇ад̇и наама. д̇ат̇аа ид̇ха габбанд̇ийд̇иаад̣̇ийсуби тад̇ваа ‘‘ид̇ха габбанд̇ий’’д̇и вад̣̇анд̇о винаяааг̇ад̇абхигку винаяо бужчид̇аб̣б̣од̇и ад̇т̇о.
Tatrāyaṃ samāsato atthavibhāvanā – kāyena āpajjatīti kāyena saviññattikena akattabbaṃ katvā ekaccaṃ āpajjati, aviññattikena kattabbaṃ akatvā āpajjati, tadubhayampi kāyakammaṃ nāma. Akatampi hi loke ‘‘kata’’nti vuccati ‘‘dukkaṭaṃ mayā, yaṃ mayā puññaṃ na kata’’nti evamādīsu, sāsane ca ‘‘idaṃ te, āvuso ānanda, dukkaṭaṃ, yaṃ tvaṃ bhagavantaṃ na pucchī’’ti (cūḷava. 443) evamādīsu, evamidha vinayapariyāyena kāyena akaraṇampi ‘‘kāyakamma’’nti vuccati. Ayameva nayo ‘‘vācāya āpajjatī’’tiādīsu. Puratīti puriso, pura aggagamane. Puratīti purato gacchati sabbakammesu pubbaṅgamo hoti. Paṭhamuppannavasenāti paṭhamakappiyesu hi paṭhamaṃ purisaliṅgaṃ uppajjati, ‘‘purima’’nti saṅkhaṃ gataṃ purisaliṅgaṃ jāyatīti attho. Sataṃ tiṃsa cāti ettha asādhāraṇāpi pārājikā no antogadhāyeva jātā pārājikāpannānaṃ bhikkhubhāvāya abhabbattā. ‘‘Asādhāraṇavacanena pana sāmaññena uddhaṭānī’’ti vadanti. ‘‘Satañceva tiṃsañca sikkhāpadānīti pāṭho’’ti ca vadanti. Bhikkhussa ca bhikkhuniyā ca catūsu pārājikesūti sādhāraṇesu eva. Atthi vatthunānattatā no āpattinānattatāti paṭhamapañho idha dutiyo nāma. Atthi āpattisabhāgatā no vatthusabhāgatāti etena viseso natthi. Mantābhāsāti matiyā bhāsā. ‘‘Abhivādanārahāti yathānisinnāva sīsaṃ ukkhipitvā vandanti. Navamabhikkhunito paṭṭhāya anuṭṭhitabbato āsanā na paccuṭṭhenti. Avisesenāti upajjhāyassa, itarassa vā vippakatabhojanassa, samīpagato yo koci vuḍḍhataroti attho. Vippakatabhojanenāpi hi uṭṭhahitvā āsanaṃ dātabbaṃ. Idha na kappantīti vadantopīti paccantimajanapadesu ṭhatvā ‘‘idha na kappantī’’ti vadanto vinayātisāradukkaṭaṃ āpajjati. Kappiyañhi ‘‘na kappatī’’ti vadanto paññattaṃ samucchindati nāma. Tathā idha kappantītiādīsupi ṭhatvā ‘‘idha kappantī’’ti vadanto vinayāgatabhikkhu vinayo pucchitabboti attho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 4. жад̇уггавааро • 4. Catukkavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / жад̇уггаваараван̣н̣анаа • Catukkavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жад̇уггаваараван̣н̣анаа • Catukkavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жад̇уггаваараван̣н̣анаа • Catukkavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо жад̇уггаваараван̣н̣анаа • Ekuttarikanayo catukkavāravaṇṇanā
