| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
จตุกฺกวารวณฺณนา
Catukkavāravaṇṇanā
๓๒๔. จตุเกฺกสุ โสติ คิหิปริกฺขาโรฯ อวาปุรณํ ทาตุนฺติ คพฺภํ วิวริตฺวา อโนฺต ปริกฺขารฎฺฐปนตฺถาย วิวรณกุญฺจิกํ ทาตุํฯ สงฺฆตฺถาย อุปนีตํ สยเมว อโนฺต ปฎิสามิตุมฺปิ วฎฺฎติฯ เตนาห ‘‘อโนฺต ฐปาเปตุญฺจ วฎฺฎตี’’ติฯ
324. Catukkesu soti gihiparikkhāro. Avāpuraṇaṃ dātunti gabbhaṃ vivaritvā anto parikkhāraṭṭhapanatthāya vivaraṇakuñcikaṃ dātuṃ. Saṅghatthāya upanītaṃ sayameva anto paṭisāmitumpi vaṭṭati. Tenāha ‘‘anto ṭhapāpetuñca vaṭṭatī’’ti.
อาทิกมฺมิเกสุ ปฐมํ ปุริสลิงฺคํ อุปฺปชฺชตีติ อาห ‘‘ปฐมํ อุปฺปนฺนวเสนา’’ติฯ ปาฬิยํ อนาปตฺติ วสฺสเจฺฉทสฺสาติ วสฺสเจฺฉทสมฺพนฺธินิยา อนาปตฺติยา เอวมโตฺถฯ มนฺตภาสาติ มนฺตาย ปญฺญาย กถนํฯ ‘‘นวมภิกฺขุนิโต ปฎฺฐายา’’ติ อิทํ ‘‘อนุชานามิ, ภิกฺขเว, อฎฺฐนฺนํ ภิกฺขุนีนํ ยถาวุฑฺฒํ อวเสสานํ ยถากติก’’นฺติ (จูฬว. ๔๒๖) วจนโต อาทิโต อฎฺฐนฺนํ ภิกฺขุนีนํ ปจฺจุฎฺฐาตพฺพตฺตา วุตฺตํฯ
Ādikammikesu paṭhamaṃ purisaliṅgaṃ uppajjatīti āha ‘‘paṭhamaṃ uppannavasenā’’ti. Pāḷiyaṃ anāpatti vassacchedassāti vassacchedasambandhiniyā anāpattiyā evamattho. Mantabhāsāti mantāya paññāya kathanaṃ. ‘‘Navamabhikkhunito paṭṭhāyā’’ti idaṃ ‘‘anujānāmi, bhikkhave, aṭṭhannaṃ bhikkhunīnaṃ yathāvuḍḍhaṃ avasesānaṃ yathākatika’’nti (cūḷava. 426) vacanato ādito aṭṭhannaṃ bhikkhunīnaṃ paccuṭṭhātabbattā vuttaṃ.
‘‘อิธ น กปฺปนฺตีติ วทโนฺตปิ ปจฺจนฺติเมสุ อาปชฺชตี’’ติอาทินา สญฺจิจฺจ กปฺปิยํ อกปฺปิยนฺติ วา อกปฺปิยํ กปฺปิยนฺติ วา กเถนฺตสฺส สพฺพตฺถ ทุกฺกฎนฺติ ทเสฺสติฯ
‘‘Idha na kappantīti vadantopi paccantimesu āpajjatī’’tiādinā sañcicca kappiyaṃ akappiyanti vā akappiyaṃ kappiyanti vā kathentassa sabbattha dukkaṭanti dasseti.
ปุพฺพกรณนฺติ วุจฺจตีติ อฎฺฐกถาสุ วุตฺตํ, ตานิ อิธ ปริวาเร อุทฺธฎานีติ อธิปฺปาโยฯ อิธาธิเปฺปตานิ ปน ทเสฺสโนฺต ‘‘ฉนฺทปาริสุทฺธี’’ติอาทิมาหฯ
Pubbakaraṇanti vuccatīti aṭṭhakathāsu vuttaṃ, tāni idha parivāre uddhaṭānīti adhippāyo. Idhādhippetāni pana dassento ‘‘chandapārisuddhī’’tiādimāha.
จตุกฺกวารวณฺณนา นิฎฺฐิตาฯ
Catukkavāravaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๔. จตุกฺกวาโร • 4. Catukkavāro
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / จตุกฺกวารวณฺณนา • Catukkavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / จตุกฺกวารวณฺณนา • Catukkavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / จตุกฺกวารวณฺณนา • Catukkavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / เอกุตฺตริกนโย จตุกฺกวารวณฺณนา • Ekuttarikanayo catukkavāravaṇṇanā
