| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਚਤੁਕ੍ਕવਾਰવਣ੍ਣਨਾ
Catukkavāravaṇṇanā
੩੨੪. ਚਤੁਕ੍ਕੇਸੁ ਸਕવਾਚਾਯ ਆਪਜ੍ਜਤਿ ਪਰવਾਚਾਯ વੁਟ੍ਠਾਤੀਤਿ વਚੀਦ੍વਾਰਿਕਂ ਪਦਸੋਧਮ੍ਮਾਦਿਭੇਦਂ ਆਪਤ੍ਤਿਂ ਆਪਜ੍ਜਿਤ੍વਾ ਤਿਣવਤ੍ਥਾਰਕਸਮਥਟ੍ਠਾਨਂ ਗਤੋ ਪਰਸ੍ਸ ਕਮ੍ਮવਾਚਾਯ વੁਟ੍ਠਾਤਿ । ਪਰવਾਚਾਯ ਆਪਜ੍ਜਤਿ ਸਕવਾਚਾਯ વੁਟ੍ਠਾਤੀਤਿ ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਪਰਸ੍ਸ ਕਮ੍ਮવਾਚਾਯ ਆਪਜ੍ਜਤਿ, ਪੁਗ੍ਗਲਸ੍ਸ ਸਨ੍ਤਿਕੇ ਦੇਸੇਨ੍ਤੋ ਸਕવਾਚਾਯ વੁਟ੍ਠਾਤਿ। ਸਕવਾਚਾਯ ਆਪਜ੍ਜਤਿ ਸਕવਾਚਾਯ વੁਟ੍ਠਾਤੀਤਿ વਚੀਦ੍વਾਰਿਕਂ ਪਦਸੋਧਮ੍ਮਾਦਿਭੇਦਂ ਆਪਤ੍ਤਿਂ ਸਕવਾਚਾਯ ਆਪਜ੍ਜਤਿ, ਦੇਸੇਤ੍વਾ વੁਟ੍ਠਹਨ੍ਤੋਪਿ ਸਕવਾਚਾਯ વੁਟ੍ਠਾਤਿ। ਪਰવਾਚਾਯ ਆਪਜ੍ਜਤਿ ਪਰવਾਚਾਯ વੁਟ੍ਠਾਤੀਤਿ ਯਾવਤਤਿਯਕਂ ਸਙ੍ਘਾਦਿਸੇਸਂ ਪਰਸ੍ਸ ਕਮ੍ਮવਾਚਾਯ ਆਪਜ੍ਜਤਿ, વੁਟ੍ਠਹਨ੍ਤੋਪਿ ਪਰਸ੍ਸ ਪਰਿવਾਸਕਮ੍ਮવਾਚਾਦੀਹਿ વੁਟ੍ਠਾਤਿ। ਤਤੋ ਪਰੇਸੁ ਕਾਯਦ੍વਾਰਿਕਂ ਕਾਯੇਨ ਆਪਜ੍ਜਤਿ, ਦੇਸੇਨ੍ਤੋ વਾਚਾਯ વੁਟ੍ਠਾਤਿ। વਚੀਦ੍વਾਰਿਕਂ વਾਚਾਯ ਆਪਜ੍ਜਤਿ, ਤਿਣવਤ੍ਥਾਰਕੇ ਕਾਯੇਨ વੁਟ੍ਠਾਤਿ। ਕਾਯਦ੍વਾਰਿਕਂ ਕਾਯੇਨਆਪਜ੍ਜਤਿ, ਤਮੇવ ਤਿਣવਤ੍ਥਾਰਕੇ ਕਾਯੇਨ વੁਟ੍ਠਾਤਿ। વਚੀਦ੍વਾਰਿਕਂ વਾਚਾਯ ਆਪਜ੍ਜਤਿ, ਤਮੇવ ਦੇਸੇਨ੍ਤੋ વਾਚਾਯ વੁਟ੍ਠਾਤਿ। ਸਙ੍ਘਿਕਮਞ੍ਚਸ੍ਸ ਅਤ੍ਤਨੋ ਪਚ੍ਚਤ੍ਥਰਣੇਨ ਅਨਤ੍ਥਰਤੋ ਕਾਯਸਮ੍ਫੁਸਨੇ ਲੋਮਗਣਨਾਯ ਆਪਜ੍ਜਿਤਬ੍ਬਾਪਤ੍ਤਿਂ ਸਹਗਾਰਸੇਯ੍ਯਾਪਤ੍ਤਿਞ੍ਚ ਪਸੁਤ੍ਤੋ ਆਪਜ੍ਜਤਿ, ਪਬੁਜ੍ਝਿਤ੍વਾ ਪਨ ਆਪਨ੍ਨਭਾવਂ ਞਤ੍વਾ ਦੇਸੇਨ੍ਤੋ ਪਟਿਬੁਦ੍ਧੋ વੁਟ੍ਠਾਤਿ। ਜਗ੍ਗਨ੍ਤੋ ਆਪਜ੍ਜਿਤ੍વਾ ਪਨ ਤਿਣવਤ੍ਥਾਰਕਸਮਥਟ੍ਠਾਨੇ ਸਯਨ੍ਤੋ ਪਟਿਬੁਦ੍ਧੋ ਆਪਜ੍ਜਤਿ ਪਸੁਤ੍ਤੋ વੁਟ੍ਠਾਤਿ ਨਾਮ। ਪਚ੍ਛਿਮਪਦਦ੍વਯਮ੍ਪਿ વੁਤ੍ਤਾਨੁਸਾਰੇਨੇવ વੇਦਿਤਬ੍ਬਂ।
324. Catukkesu sakavācāya āpajjati paravācāya vuṭṭhātīti vacīdvārikaṃ padasodhammādibhedaṃ āpattiṃ āpajjitvā tiṇavatthārakasamathaṭṭhānaṃ gato parassa kammavācāya vuṭṭhāti . Paravācāya āpajjati sakavācāya vuṭṭhātīti pāpikāya diṭṭhiyā appaṭinissagge parassa kammavācāya āpajjati, puggalassa santike desento sakavācāya vuṭṭhāti. Sakavācāya āpajjati sakavācāya vuṭṭhātīti vacīdvārikaṃ padasodhammādibhedaṃ āpattiṃ sakavācāya āpajjati, desetvā vuṭṭhahantopi sakavācāya vuṭṭhāti. Paravācāya āpajjati paravācāya vuṭṭhātīti yāvatatiyakaṃ saṅghādisesaṃ parassa kammavācāya āpajjati, vuṭṭhahantopi parassa parivāsakammavācādīhi vuṭṭhāti. Tato paresu kāyadvārikaṃ kāyena āpajjati, desento vācāya vuṭṭhāti. Vacīdvārikaṃ vācāya āpajjati, tiṇavatthārake kāyena vuṭṭhāti. Kāyadvārikaṃ kāyenaāpajjati, tameva tiṇavatthārake kāyena vuṭṭhāti. Vacīdvārikaṃ vācāya āpajjati, tameva desento vācāya vuṭṭhāti. Saṅghikamañcassa attano paccattharaṇena anattharato kāyasamphusane lomagaṇanāya āpajjitabbāpattiṃ sahagāraseyyāpattiñca pasutto āpajjati, pabujjhitvā pana āpannabhāvaṃ ñatvā desento paṭibuddho vuṭṭhāti. Jagganto āpajjitvā pana tiṇavatthārakasamathaṭṭhāne sayanto paṭibuddho āpajjati pasutto vuṭṭhāti nāma. Pacchimapadadvayampi vuttānusāreneva veditabbaṃ.
ਅਚਿਤ੍ਤਕਾਪਤ੍ਤਿਂ ਅਚਿਤ੍ਤਕੋ ਆਪਜ੍ਜਤਿ ਨਾਮ। ਪਚ੍ਛਾ ਦੇਸੇਨ੍ਤੋ ਸਚਿਤ੍ਤਕੋ વੁਟ੍ਠਾਤਿ। ਸਚਿਤ੍ਤਕਾਪਤ੍ਤਿਂ ਸਚਿਤ੍ਤਕੋ ਆਪਜ੍ਜਤਿ ਨਾਮ। ਤਿਣવਤ੍ਥਾਰਕਟ੍ਠਾਨੇ ਸਯਨ੍ਤੋ ਅਚਿਤ੍ਤਕੋ વੁਟ੍ਠਾਤਿ। ਸੇਸਪਦਦ੍વਯਮ੍ਪਿ વੁਤ੍ਤਾਨੁਸਾਰੇਨੇવ વੇਦਿਤਬ੍ਬਂ। ਯੋ ਸਭਾਗਂ ਆਪਤ੍ਤਿਂ ਦੇਸੇਤਿ, ਅਯਂ ਦੇਸਨਾਪਚ੍ਚਯਾ ਦੁਕ੍ਕਟਂ ਆਪਜ੍ਜਨ੍ਤੋ ਪਾਚਿਤ੍ਤਿਯਾਦੀਸੁ ਅਞ੍ਞਤਰਂ ਦੇਸੇਤਿ, ਤਞ੍ਚ ਦੇਸੇਨ੍ਤੋ ਦੁਕ੍ਕਟਂ ਆਪਜ੍ਜਤਿ। ਤਂ ਪਨ ਦੁਕ੍ਕਟਂ ਆਪਜ੍ਜਨ੍ਤੋ ਪਾਚਿਤ੍ਤਿਯਾਦਿਤੋ વੁਟ੍ਠਾਤਿ। ਪਾਚਿਤ੍ਤਿਯਾਦਿਤੋ ਚ વੁਟ੍ਠਹਨ੍ਤੋ ਤਂ ਆਪਜ੍ਜਤਿ। ਇਤਿ ਏਕਸ੍ਸ ਪੁਗ੍ਗਲਸ੍ਸ ਏਕਮੇવ ਪਯੋਗਂ ਸਨ੍ਧਾਯ ‘‘ਆਪਤ੍ਤਿਂ ਆਪਜ੍ਜਨ੍ਤੋ ਦੇਸੇਤੀ’’ਤਿ ਇਦਂ ਚਤੁਕ੍ਕਂ વੁਤ੍ਤਨ੍ਤਿ વੇਦਿਤਬ੍ਬਂ।
Acittakāpattiṃ acittako āpajjati nāma. Pacchā desento sacittako vuṭṭhāti. Sacittakāpattiṃ sacittako āpajjati nāma. Tiṇavatthārakaṭṭhāne sayanto acittako vuṭṭhāti. Sesapadadvayampi vuttānusāreneva veditabbaṃ. Yo sabhāgaṃ āpattiṃ deseti, ayaṃ desanāpaccayā dukkaṭaṃ āpajjanto pācittiyādīsu aññataraṃ deseti, tañca desento dukkaṭaṃ āpajjati. Taṃ pana dukkaṭaṃ āpajjanto pācittiyādito vuṭṭhāti. Pācittiyādito ca vuṭṭhahanto taṃ āpajjati. Iti ekassa puggalassa ekameva payogaṃ sandhāya ‘‘āpattiṃ āpajjanto desetī’’ti idaṃ catukkaṃ vuttanti veditabbaṃ.
ਕਮ੍ਮਚਤੁਕ੍ਕੇ ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗਾਪਤ੍ਤਿਂ ਕਮ੍ਮੇਨ ਆਪਜ੍ਜਤਿ, ਦੇਸੇਨ੍ਤੋ ਅਕਮ੍ਮੇਨ વੁਟ੍ਠਾਤਿ। વਿਸ੍ਸਟ੍ਠਿਆਦਿਕਂ ਅਕਮ੍ਮੇਨ ਆਪਜ੍ਜਤਿ, ਪਰਿવਾਸਾਦਿਨਾ ਕਮ੍ਮੇਨ વੁਟ੍ਠਾਤਿ। ਸਮਨੁਭਾਸਨਂ ਕਮ੍ਮੇਨੇવ ਆਪਜ੍ਜਤਿ, ਕਮ੍ਮੇਨ વੁਟ੍ਠਾਤਿ। ਸੇਸਂ ਅਕਮ੍ਮੇਨ ਆਪਜ੍ਜਤਿ, ਅਕਮ੍ਮੇਨ વੁਟ੍ਠਾਤਿ।
Kammacatukke pāpikāya diṭṭhiyā appaṭinissaggāpattiṃ kammena āpajjati, desento akammena vuṭṭhāti. Vissaṭṭhiādikaṃ akammena āpajjati, parivāsādinā kammena vuṭṭhāti. Samanubhāsanaṃ kammeneva āpajjati, kammena vuṭṭhāti. Sesaṃ akammena āpajjati,akammenavuṭṭhāti.
ਪਰਿਕ੍ਖਾਰਚਤੁਕ੍ਕੇ ਪਠਮੋ ਸਕਪਰਿਕ੍ਖਾਰੋ, ਦੁਤਿਯੋ ਸਙ੍ਘਿਕੋવ ਤਤਿਯੋ ਚੇਤਿਯਸਨ੍ਤਕੋ, ਚਤੁਤ੍ਥੋ ਗਿਹਿਪਰਿਕ੍ਖਾਰੋ। ਸਚੇ ਪਨ ਸੋ ਪਤ੍ਤਚੀવਰਨવਕਮ੍ਮਭੇਸਜ੍ਜਾਨਂ ਅਤ੍ਥਾਯ ਆਹਟੋ ਹੋਤਿ, ਅવਾਪੁਰਣਂ ਦਾਤੁਂ ਅਨ੍ਤੋ ਠਪਾਪੇਤੁਞ੍ਚ વਟ੍ਟਤਿ।
Parikkhāracatukke paṭhamo sakaparikkhāro, dutiyo saṅghikova tatiyo cetiyasantako, catuttho gihiparikkhāro. Sace pana so pattacīvaranavakammabhesajjānaṃ atthāya āhaṭo hoti, avāpuraṇaṃ dātuṃ anto ṭhapāpetuñca vaṭṭati.
ਸਮ੍ਮੁਖਾਚਤੁਕ੍ਕੇ ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗਾਪਤ੍ਤਿਂ ਸਙ੍ਘਸ੍ਸ ਸਮ੍ਮੁਖਾ ਆਪਜ੍ਜਤਿ, વੁਟ੍ਠਾਨਕਾਲੇ ਪਨ ਸਙ੍ਘੇਨ ਕਿਚ੍ਚਂ ਨਤ੍ਥੀਤਿ ਪਰਮ੍ਮੁਖਾ વੁਟ੍ਠਾਤਿ। વਿਸ੍ਸਟ੍ਠਿਆਦਿਕਂ ਪਰਮ੍ਮੁਖਾ ਆਪਜ੍ਜਤਿ, ਸਙ੍ਘਸ੍ਸ ਸਮ੍ਮੁਖਾ વੁਟ੍ਠਾਤਿ। ਸਮਨੁਭਾਸਨਂ ਸਙ੍ਘਸ੍ਸ ਸਮ੍ਮੁਖਾ ਏવ ਆਪਜ੍ਜਤਿ, ਸਮ੍ਮੁਖਾ વੁਟ੍ਠਾਤਿ। ਸੇਸਂ ਸਮ੍ਪਜਾਨਮੁਸਾવਾਦਾਦਿਭੇਦਂ ਪਰਮ੍ਮੁਖਾવ ਆਪਜ੍ਜਤਿ, ਪਰਮ੍ਮੁਖਾવ વੁਟ੍ਠਾਤਿ। ਅਜਾਨਨ੍ਤਚਤੁਕ੍ਕਂ ਅਚਿਤ੍ਤਕਚਤੁਕ੍ਕਸਦਿਸਂ।
Sammukhācatukke pāpikāya diṭṭhiyā appaṭinissaggāpattiṃ saṅghassa sammukhā āpajjati, vuṭṭhānakāle pana saṅghena kiccaṃ natthīti parammukhā vuṭṭhāti. Vissaṭṭhiādikaṃ parammukhā āpajjati, saṅghassa sammukhā vuṭṭhāti. Samanubhāsanaṃ saṅghassa sammukhā eva āpajjati, sammukhā vuṭṭhāti. Sesaṃ sampajānamusāvādādibhedaṃ parammukhāva āpajjati, parammukhāva vuṭṭhāti. Ajānantacatukkaṃ acittakacatukkasadisaṃ.
ਲਿਙ੍ਗਪਾਤੁਭਾવੇਨਾਤਿ ਸਯਿਤਸ੍ਸੇવ ਭਿਕ੍ਖੁਸ੍ਸ વਾ ਭਿਕ੍ਖੁਨਿਯਾ વਾ ਲਿਙ੍ਗਪਰਿવਤ੍ਤੇ ਜਾਤੇ ਸਹਗਾਰਸੇਯ੍ਯਾਪਤ੍ਤਿ ਹੋਤਿ ਇਦਮੇવ ਤਂ ਪਟਿਚ੍ਚ વੁਤ੍ਤਂ। ਉਭਿਨ੍ਨਮ੍ਪਿ ਪਨ ਅਸਾਧਾਰਣਾਪਤ੍ਤਿ ਲਿਙ੍ਗਪਾਤੁਭਾવੇਨ વੁਟ੍ਠਾਤਿ। ਸਹਪਟਿਲਾਭਚਤੁਕ੍ਕੇ ਯਸ੍ਸ ਭਿਕ੍ਖੁਨੋ ਲਿਙ੍ਗਂ ਪਰਿવਤ੍ਤਤਿ, ਸੋ ਸਹ ਲਿਙ੍ਗਪਟਿਲਾਭੇਨ ਪਠਮਂ ਉਪ੍ਪਨ੍ਨવਸੇਨ ਸੇਟ੍ਠਭਾવੇਨ ਚ ਪੁਰਿਮਂ ਪੁਰਿਸਲਿਙ੍ਗਂ ਜਹਤਿ, ਪਚ੍ਛਿਮੇ ਇਤ੍ਥਿਲਿਙ੍ਗੇ ਪਤਿਟ੍ਠਾਤਿ, ਪੁਰਿਸਕੁਤ੍ਤਪੁਰਿਸਾਕਾਰਾਦਿવਸੇਨ ਪવਤ੍ਤਾ ਕਾਯવਚੀવਿਞ੍ਞਤ੍ਤਿਯੋ ਪਟਿਪ੍ਪਸ੍ਸਮ੍ਭਨ੍ਤਿ, ਭਿਕ੍ਖੂਤਿ વਾ ਪੁਰਿਸੋਤਿ વਾ ਏવਂ ਪવਤ੍ਤਾ ਪਣ੍ਣਤ੍ਤਿਯੋ ਨਿਰੁਜ੍ਝਨ੍ਤਿ, ਯਾਨਿ ਭਿਕ੍ਖੁਨੀਹਿ ਅਸਾਧਾਰਣਾਨਿ ਛਚਤ੍ਤਾਲੀਸ ਸਿਕ੍ਖਾਪਦਾਨਿ ਤੇਹਿ ਅਨਾਪਤ੍ਤਿਯੇવ ਹੋਤਿ। ਦੁਤਿਯਚਤੁਕ੍ਕੇ ਪਨ ਯਸ੍ਸਾ ਭਿਕ੍ਖੁਨਿਯਾ ਲਿਙ੍ਗਂ ਪਰਿવਤ੍ਤਤਿ, ਸਾ ਪਚ੍ਛਾਸਮੁਪ੍ਪਤ੍ਤਿਯਾ વਾ ਹੀਨਭਾવੇਨ વਾ ਪਚ੍ਛਿਮਨ੍ਤਿ ਸਙ੍ਖ੍ਯਂ ਗਤਂ ਇਤ੍ਥਿਲਿਙ੍ਗਂ ਜਹਤਿ, વੁਤ੍ਤਪ੍ਪਕਾਰੇਨ ਪੁਰਿਮਨ੍ਤਿ ਸਙ੍ਖ੍ਯਂ ਗਤੇ ਪੁਰਿਸਲਿਙ੍ਗੇ ਪਤਿਟ੍ਠਾਤਿ। વੁਤ੍ਤવਿਪਰੀਤਾ વਿਞ੍ਞਤ੍ਤਿਯੋ ਪਟਿਪ੍ਪਸ੍ਸਮ੍ਭਨ੍ਤਿ, ਭਿਕ੍ਖੁਨੀਤਿ વਾ ਇਤ੍ਥੀਤਿ વਾ ਏવਂ ਪવਤ੍ਤਾ ਪਣ੍ਣਤ੍ਤਿਯੋਪਿ ਨਿਰੁਜ੍ਝਨ੍ਤਿ, ਯਾਨਿ ਭਿਕ੍ਖੂਹਿ ਅਸਾਧਾਰਣਾਨਿ ਸਤਂ ਤਿਂਸਞ੍ਚ ਸਿਕ੍ਖਾਪਦਾਨਿ, ਤੇਹਿ ਅਨਾਪਤ੍ਤਿਯੇવ ਹੋਤਿ।
Liṅgapātubhāvenāti sayitasseva bhikkhussa vā bhikkhuniyā vā liṅgaparivatte jāte sahagāraseyyāpatti hoti idameva taṃ paṭicca vuttaṃ. Ubhinnampi pana asādhāraṇāpatti liṅgapātubhāvena vuṭṭhāti. Sahapaṭilābhacatukke yassa bhikkhuno liṅgaṃ parivattati, so saha liṅgapaṭilābhena paṭhamaṃ uppannavasena seṭṭhabhāvena ca purimaṃ purisaliṅgaṃ jahati, pacchime itthiliṅge patiṭṭhāti, purisakuttapurisākārādivasena pavattā kāyavacīviññattiyo paṭippassambhanti, bhikkhūti vā purisoti vā evaṃ pavattā paṇṇattiyo nirujjhanti, yāni bhikkhunīhi asādhāraṇāni chacattālīsa sikkhāpadāni tehi anāpattiyeva hoti. Dutiyacatukke pana yassā bhikkhuniyā liṅgaṃ parivattati, sā pacchāsamuppattiyā vā hīnabhāvena vā pacchimanti saṅkhyaṃ gataṃ itthiliṅgaṃ jahati, vuttappakārena purimanti saṅkhyaṃ gate purisaliṅge patiṭṭhāti. Vuttaviparītā viññattiyo paṭippassambhanti, bhikkhunīti vā itthīti vā evaṃ pavattā paṇṇattiyopi nirujjhanti, yāni bhikkhūhi asādhāraṇāni sataṃ tiṃsañca sikkhāpadāni, tehi anāpattiyeva hoti.
ਚਤ੍ਤਾਰੋ ਸਾਮੁਕ੍ਕਂਸਾਤਿ ਚਤ੍ਤਾਰੋ ਮਹਾਪਦੇਸਾ, ਤੇ ਹਿ ਭਗવਤਾ ਅਨੁਪ੍ਪਨ੍ਨੇ વਤ੍ਥੁਮ੍ਹਿ ਸਯਂ ਉਕ੍ਕਂਸਿਤ੍વਾ ਉਕ੍ਖਿਪਿਤ੍વਾ ਠਪਿਤਤ੍ਤਾ ‘‘ਸਾਮੁਕ੍ਕਂਸਾ’’ਤਿ વੁਚ੍ਚਨ੍ਤਿ। ਪਰਿਭੋਗਾਤਿ ਅਜ੍ਝੋਹਰਣੀਯਪਰਿਭੋਗਾ , ਉਦਕਂ ਪਨ ਅਕਾਲਿਕਤ੍ਤਾ ਅਪ੍ਪਟਿਗ੍ਗਹਿਤਕਂ વਟ੍ਟਤਿ। ਯਾવਕਾਲਿਕਾਦੀਨਿ ਅਪ੍ਪਟਿਗ੍ਗਹਿਤਕਾਨਿ ਅਜ੍ਝੋਹਰਿਤੁਂ ਨ વਟ੍ਟਨ੍ਤਿ। ਚਤ੍ਤਾਰਿ ਮਹਾવਿਕਟਾਨਿ ਕਾਲੋਦਿਸ੍ਸਤ੍ਤਾ ਯਥਾવੁਤ੍ਤੇ ਕਾਲੇ વਟ੍ਟਨ੍ਤਿ। ਉਪਾਸਕੋ ਸੀਲવਾਤਿ ਪਞ੍ਚ વਾ ਦਸ વਾ ਸੀਲਾਨਿ ਗੋਪਯਮਾਨੋ।
Cattāro sāmukkaṃsāti cattāro mahāpadesā, te hi bhagavatā anuppanne vatthumhi sayaṃ ukkaṃsitvā ukkhipitvā ṭhapitattā ‘‘sāmukkaṃsā’’ti vuccanti. Paribhogāti ajjhoharaṇīyaparibhogā , udakaṃ pana akālikattā appaṭiggahitakaṃ vaṭṭati. Yāvakālikādīni appaṭiggahitakāni ajjhoharituṃ na vaṭṭanti. Cattāri mahāvikaṭāni kālodissattā yathāvutte kāle vaṭṭanti. Upāsako sīlavāti pañca vā dasa vā sīlāni gopayamāno.
ਆਗਨ੍ਤੁਕਾਦਿਚਤੁਕ੍ਕੇ ਸਛਤ੍ਤੁਪਾਹਨੋ ਸਸੀਸਂ ਪਾਰੁਤੋ વਿਹਾਰਂ ਪવਿਸਨ੍ਤੋ ਤਤ੍ਥ વਿਚਰਨ੍ਤੋ ਚ ਆਗਨ੍ਤੁਕੋવ ਆਪਜ੍ਜਤਿ, ਨੋ ਆવਾਸਿਕੋ। ਆવਾਸਿਕવਤ੍ਤਂ ਅਕਰੋਨ੍ਤੋ ਪਨ ਆવਾਸਿਕੋ ਆਪਜ੍ਜਤਿ, ਨੋ ਆਗਨ੍ਤੁਕੋ। ਸੇਸਂ ਕਾਯવਚੀਦ੍વਾਰਿਕਂ ਆਪਤ੍ਤਿਂ ਉਭੋਪਿ ਆਪਜ੍ਜਨ੍ਤਿ, ਅਸਾਧਾਰਣਂ ਆਪਤ੍ਤਿਂ ਨੇવ ਆਗਨ੍ਤੁਕੋ ਆਪਜ੍ਜਤਿ, ਨੋ ਆવਾਸਿਕੋ। ਗਮਿਯਚਤੁਕ੍ਕੇਪਿ ਗਮਿਯવਤ੍ਤਂ ਅਪੂਰੇਤ੍વਾ ਗਚ੍ਛਨ੍ਤੋ ਗਮਿਕੋ ਆਪਜ੍ਜਤਿ, ਨੋ ਆવਾਸਿਕੋ। ਆવਾਸਿਕવਤ੍ਤਂ ਅਕਰੋਨ੍ਤੋ ਪਨ ਆવਾਸਿਕੋ ਆਪਜ੍ਜਤਿ, ਨੋ ਗਮਿਕੋ। ਸੇਸਂ ਉਭੋਪਿ ਆਪਜ੍ਜਨ੍ਤਿ, ਅਸਾਧਾਰਣਂ ਉਭੋਪਿ ਨਾਪਜ੍ਜਨ੍ਤਿ। વਤ੍ਥੁਨਾਨਤ੍ਤਤਾਦਿਚਤੁਕ੍ਕੇ ਚਤੁਨ੍ਨਂ ਪਾਰਾਜਿਕਾਨਂ ਅਞ੍ਞਮਞ੍ਞਂ વਤ੍ਥੁਨਾਨਤ੍ਤਤਾવ ਹੋਤਿ,ਨਆਪਤ੍ਤਿਨਾਨਤ੍ਤਤਾ। ਸਬ੍ਬਾਪਿ ਹਿ ਸਾ ਪਾਰਾਜਿਕਾਪਤ੍ਤਿਯੇવ। ਸਙ੍ਘਾਦਿਸੇਸਾਦੀਸੁਪਿ ਏਸੇવ ਨਯੋ। ਭਿਕ੍ਖੁਸ੍ਸ ਚ ਭਿਕ੍ਖੁਨਿਯਾ ਚ ਅਞ੍ਞਮਞ੍ਞਂ ਕਾਯਸਂਸਗ੍ਗੇ ਭਿਕ੍ਖੁਸ੍ਸ ਸਙ੍ਘਾਦਿਸੇਸੋ ਭਿਕ੍ਖੁਨਿਯਾ ਪਾਰਾਜਿਕਨ੍ਤਿ ਏવਂ ਆਪਤ੍ਤਿਨਾਨਤ੍ਤਤਾવ ਹੋਤਿ, ਨ વਤ੍ਥੁਨਾਨਤ੍ਤਤਾ, ਉਭਿਨ੍ਨਮ੍ਪਿ ਹਿ ਕਾਯਸਂਸਗ੍ਗੋવ વਤ੍ਥੁ। ਤਥਾ ‘‘ਲਸੁਣਕ੍ਖਾਦਨੇ ਭਿਕ੍ਖੁਨਿਯਾ ਪਾਚਿਤ੍ਤਿਯਂ, ਭਿਕ੍ਖੁਸ੍ਸ ਦੁਕ੍ਕਟ’’ਨ੍ਤਿ ਏવਮਾਦਿਨਾਪੇਤ੍ਥ ਨਯੇਨ ਯੋਜਨਾ વੇਦਿਤਬ੍ਬਾ। ਚਤੁਨ੍ਨਂ ਪਾਰਾਜਿਕਾਨਂ ਤੇਰਸਹਿ ਸਙ੍ਘਾਦਿਸੇਸੇਹਿ ਸਦ੍ਧਿਂ વਤ੍ਥੁਨਾਨਤ੍ਤਤਾ ਚੇવ ਆਪਤ੍ਤਿਨਾਨਤ੍ਤਤਾ ਚ। ਏવਂ ਸਙ੍ਘਾਦਿਸੇਸਾਦੀਨਂ ਅਨਿਯਤਾਦੀਹਿ। ਆਦਿਤੋ ਪਟ੍ਠਾਯ ਚਤ੍ਤਾਰਿ ਪਾਰਾਜਿਕਾਨਿ ਏਕਤੋ ਆਪਜ੍ਜਨ੍ਤਾਨਂ ਭਿਕ੍ਖੁਭਿਕ੍ਖੁਨੀਨਂ ਨੇવ વਤ੍ਥੁਨਾਨਤ੍ਤਤਾ ਨੋ ਆਪਤ੍ਤਿਨਾਨਤ੍ਤਤਾ। વਿਸੁਂ ਆਪਜ੍ਜਨ੍ਤੇਸੁਪਿ ਸੇਸਾ ਸਾਧਾਰਣਾਪਤ੍ਤਿਯੋ ਆਪਜ੍ਜਨ੍ਤੇਸੁਪਿ ਏਸੇવ ਨਯੋ।
Āgantukādicatukke sachattupāhano sasīsaṃ pāruto vihāraṃ pavisanto tattha vicaranto ca āgantukova āpajjati, no āvāsiko. Āvāsikavattaṃ akaronto pana āvāsiko āpajjati, no āgantuko. Sesaṃ kāyavacīdvārikaṃ āpattiṃ ubhopi āpajjanti, asādhāraṇaṃ āpattiṃ neva āgantuko āpajjati, no āvāsiko. Gamiyacatukkepi gamiyavattaṃ apūretvā gacchanto gamiko āpajjati, no āvāsiko. Āvāsikavattaṃ akaronto pana āvāsiko āpajjati, no gamiko. Sesaṃ ubhopi āpajjanti, asādhāraṇaṃ ubhopi nāpajjanti. Vatthunānattatādicatukke catunnaṃ pārājikānaṃ aññamaññaṃ vatthunānattatāva hoti,naāpattinānattatā. Sabbāpi hi sā pārājikāpattiyeva. Saṅghādisesādīsupi eseva nayo. Bhikkhussa ca bhikkhuniyā ca aññamaññaṃ kāyasaṃsagge bhikkhussa saṅghādiseso bhikkhuniyā pārājikanti evaṃ āpattinānattatāva hoti, na vatthunānattatā, ubhinnampi hi kāyasaṃsaggova vatthu. Tathā ‘‘lasuṇakkhādane bhikkhuniyā pācittiyaṃ, bhikkhussa dukkaṭa’’nti evamādināpettha nayena yojanā veditabbā. Catunnaṃ pārājikānaṃ terasahi saṅghādisesehi saddhiṃ vatthunānattatā ceva āpattinānattatāca. Evaṃ saṅghādisesādīnaṃ aniyatādīhi. Ādito paṭṭhāya cattāri pārājikāni ekato āpajjantānaṃ bhikkhubhikkhunīnaṃ neva vatthunānattatā no āpattinānattatā. Visuṃ āpajjantesupi sesā sādhāraṇāpattiyo āpajjantesupi eseva nayo.
વਤ੍ਥੁਸਭਾਗਾਦਿਚਤੁਕ੍ਕੇ ਭਿਕ੍ਖੁਸ੍ਸ ਚ ਭਿਕ੍ਖੁਨਿਯਾ ਚ ਕਾਯਸਂਸਗ੍ਗੇ વਤ੍ਥੁਸਭਾਗਤਾ, ਨੋ ਆਪਤ੍ਤਿਸਭਾਗਤਾ, ਚਤੂਸੁ ਪਾਰਾਜਿਕੇਸੁ ਆਪਤ੍ਤਿਸਭਾਗਤਾ, ਨੋ વਤ੍ਥੁਸਭਾਗਤਾ। ਏਸ ਨਯੋ ਸਙ੍ਘਾਦਿਸੇਸਾਦੀਸੁ। ਭਿਕ੍ਖੁਸ੍ਸ ਚ ਭਿਕ੍ਖੁਨਿਯਾ ਚ ਚਤੂਸੁ ਪਾਰਾਜਿਕੇਸੁ વਤ੍ਥੁਸਭਾਗਤਾ ਚੇવ ਆਪਤ੍ਤਿਸਭਾਗਤਾ ਚ। ਏਸ ਨਯੋ ਸਬ੍ਬਾਸੁ ਸਾਧਾਰਣਾਪਤ੍ਤੀਸੁ। ਅਸਾਧਾਰਣਾਪਤ੍ਤਿਯਂ ਨੇવ વਤ੍ਥੁਸਭਾਗਤਾ ਨੋ ਆਪਤ੍ਤਿਸਭਾਗਤਾ। ਯੋ ਹਿ ਪੁਰਿਮਚਤੁਕ੍ਕੇ ਪਠਮੋ ਪਞ੍ਹੋ, ਸੋ ਇਧ ਦੁਤਿਯੋ; ਯੋ ਚ ਤਤ੍ਥ ਦੁਤਿਯੋ, ਸੋ ਇਧ ਪਠਮੋ। ਤਤਿਯਚਤੁਤ੍ਥੇਸੁ ਨਾਨਾਕਰਣਂ ਨਤ੍ਥਿ।
Vatthusabhāgādicatukke bhikkhussa ca bhikkhuniyā ca kāyasaṃsagge vatthusabhāgatā, no āpattisabhāgatā, catūsu pārājikesu āpattisabhāgatā, no vatthusabhāgatā. Esa nayo saṅghādisesādīsu. Bhikkhussa ca bhikkhuniyā ca catūsu pārājikesu vatthusabhāgatā ceva āpattisabhāgatā ca. Esa nayo sabbāsu sādhāraṇāpattīsu. Asādhāraṇāpattiyaṃ neva vatthusabhāgatā no āpattisabhāgatā. Yo hi purimacatukke paṭhamo pañho, so idha dutiyo; yo ca tattha dutiyo, so idha paṭhamo. Tatiyacatutthesu nānākaraṇaṃ natthi.
ਉਪਜ੍ਝਾਯਚਤੁਕ੍ਕੇ ਸਦ੍ਧਿવਿਹਾਰਿਕਸ੍ਸ ਉਪਜ੍ਝਾਯੇਨ ਕਤ੍ਤਬ੍ਬવਤ੍ਤਸ੍ਸ ਅਕਰਣੇ ਆਪਤ੍ਤਿਂ ਉਪਜ੍ਝਾਯੋ ਆਪਜ੍ਜਤਿ, ਨੋ ਸਦ੍ਧਿવਿਹਾਰਿਕੋ ਉਪਜ੍ਝਾਯਸ੍ਸ ਕਤ੍ਤਬ੍ਬવਤ੍ਤਂ ਅਕਰੋਨ੍ਤੋ ਸਦ੍ਧਿવਿਹਾਰਿਕੋ ਆਪਜ੍ਜਤਿ, ਨੋ ਉਪਜ੍ਝਾਯੋ; ਸੇਸਂ ਉਭੋਪਿ ਆਪਜ੍ਜਨ੍ਤਿ, ਅਸਾਧਾਰਣਂ ਉਭੋਪਿ ਨਾਪਜ੍ਜਨ੍ਤਿ। ਆਚਰਿਯਚਤੁਕ੍ਕੇਪਿ ਏਸੇવ ਨਯੋ।
Upajjhāyacatukke saddhivihārikassa upajjhāyena kattabbavattassa akaraṇe āpattiṃ upajjhāyoāpajjati, no saddhivihāriko upajjhāyassa kattabbavattaṃ akaronto saddhivihāriko āpajjati, no upajjhāyo; sesaṃ ubhopi āpajjanti, asādhāraṇaṃ ubhopi nāpajjanti. Ācariyacatukkepi eseva nayo.
ਆਦਿਯਨ੍ਤਚਤੁਕ੍ਕੇ ਪਾਦਂ વਾ ਅਤਿਰੇਕਪਾਦਂ વਾ ਸਹਤ੍ਥਾ ਆਦਿਯਨ੍ਤੋ ਗਰੁਕਂ ਆਪਜ੍ਜਤਿ, ਊਨਕਪਾਦਂ ਗਣ੍ਹਾਹੀਤਿ ਆਣਤ੍ਤਿਯਾ ਅਞ੍ਞਂ ਪਯੋਜੇਨ੍ਤੋ ਲਹੁਕਂ ਆਪਜ੍ਜਤਿ। ਏਤੇਨ ਨਯੇਨ ਸੇਸਪਦਤ੍ਤਯਂ વੇਦਿਤਬ੍ਬਂ।
Ādiyantacatukke pādaṃ vā atirekapādaṃ vā sahatthā ādiyanto garukaṃ āpajjati, ūnakapādaṃ gaṇhāhīti āṇattiyā aññaṃ payojento lahukaṃ āpajjati. Etena nayena sesapadattayaṃ veditabbaṃ.
ਅਭਿવਾਦਨਾਰਹਚਤੁਕ੍ਕੇ ਭਿਕ੍ਖੁਨੀਨਂ ਤਾવ ਭਤ੍ਤਗ੍ਗੇ ਨવਮਭਿਕ੍ਖੁਨਿਤੋ ਪਟ੍ਠਾਯ ਉਪਜ੍ਝਾਯਾਪਿ ਅਭਿવਾਦਨਾਰਹਾ ਨੋ ਪਚ੍ਚੁਟ੍ਠਾਨਾਰਹਾ। ਅવਿਸੇਸੇਨ ਚ વਿਪ੍ਪਕਤਭੋਜਨਸ੍ਸ ਭਿਕ੍ਖੁਸ੍ਸ ਯੋ ਕੋਚਿ વੁਡ੍ਢਤਰੋ। ਸਟ੍ਠਿવਸ੍ਸਸ੍ਸਾਪਿ ਪਾਰਿવਾਸਿਕਸ੍ਸ ਸਮੀਪਗਤੋ ਤਦਹੁਪਸਮ੍ਪਨ੍ਨੋਪਿ ਪਚ੍ਚੁਟ੍ਠਾਨਾਰਹੋ ਨੋ ਅਭਿવਾਦਨਾਰਹੋ। ਅਪ੍ਪਟਿਕ੍ਖਿਤ੍ਤੇਸੁ ਠਾਨੇਸੁ વੁਡ੍ਢੋ ਨવਕਸ੍ਸ ਅਭਿવਾਦਨਾਰਹੋ ਚੇવ ਪਚ੍ਚੁਟ੍ਠਾਨਾਰਹੋ ਚ। ਨવਕੋ ਪਨ વੁਡ੍ਢਸ੍ਸ ਨੇવ ਅਭਿવਾਦਨਾਰਹੋ ਨ ਪਚ੍ਚੁਟ੍ਠਾਨਾਰਹੋ। ਆਸਨਾਰਹਚਤੁਕ੍ਕਸ੍ਸ ਪਠਮਪਦਂ ਪੁਰਿਮਚਤੁਕ੍ਕੇ ਦੁਤਿਯਪਦੇਨ, ਦੁਤਿਯਪਦਞ੍ਚ ਪਠਮਪਦੇਨ ਅਤ੍ਥਤੋ ਸਦਿਸਂ।
Abhivādanārahacatukke bhikkhunīnaṃ tāva bhattagge navamabhikkhunito paṭṭhāya upajjhāyāpi abhivādanārahā no paccuṭṭhānārahā. Avisesena ca vippakatabhojanassa bhikkhussa yo koci vuḍḍhataro. Saṭṭhivassassāpi pārivāsikassa samīpagato tadahupasampannopi paccuṭṭhānāraho no abhivādanāraho. Appaṭikkhittesu ṭhānesu vuḍḍho navakassa abhivādanāraho ceva paccuṭṭhānāraho ca. Navako pana vuḍḍhassa neva abhivādanāraho na paccuṭṭhānāraho. Āsanārahacatukkassa paṭhamapadaṃ purimacatukke dutiyapadena, dutiyapadañca paṭhamapadena atthato sadisaṃ.
ਕਾਲਚਤੁਕ੍ਕੇ ਪવਾਰੇਤ੍વਾ ਭੁਞ੍ਜਨ੍ਤੋ ਕਾਲੇ ਆਪਜ੍ਜਤਿ ਨੋ વਿਕਾਲੇ, વਿਕਾਲਭੋਜਨਾਪਤ੍ਤਿਂ વਿਕਾਲੇ ਆਪਜ੍ਜਤਿ ਨੋ ਕਾਲੇ, ਸੇਸਂ ਕਾਲੇ ਚੇવ ਆਪਜ੍ਜਤਿ વਿਕਾਲੇ ਚ, ਅਸਾਧਾਰਣਂ ਨੇવ ਕਾਲੇ ਨੋ વਿਕਾਲੇ। ਪਟਿਗ੍ਗਹਿਤਚਤੁਕ੍ਕੇ ਪੁਰੇਭਤ੍ਤਂ ਪਟਿਗ੍ਗਹਿਤਾਮਿਸਂ ਕਾਲੇ ਕਪ੍ਪਤਿ ਨੋ વਿਕਾਲੇ। ਪਾਨਕਂ વਿਕਾਲੇ ਕਪ੍ਪਤਿ, ਪੁਨਦਿવਸਮ੍ਹਿ ਨੋ ਕਾਲੇ। ਸਤ੍ਤਾਹਕਾਲਿਕਂ ਯਾવਜੀવਿਕਂ ਕਾਲੇ ਚੇવ ਕਪ੍ਪਤਿ વਿਕਾਲੇ ਚ। ਅਤ੍ਤਨੋ ਅਤ੍ਤਨੋ ਕਾਲਾਤੀਤਂ ਯਾવਕਾਲਿਕਾਦਿਤ੍ਤਯਂ ਅਕਪ੍ਪਿਯਮਂਸਂ ਉਗ੍ਗਹਿਤਕਮਪ੍ਪਟਿਗ੍ਗਹਿਤਕਞ੍ਚ ਨੇવ ਕਾਲੇ ਕਪ੍ਪਤਿ ਨੋ વਿਕਾਲੇ।
Kālacatukke pavāretvā bhuñjanto kāle āpajjati no vikāle, vikālabhojanāpattiṃ vikāle āpajjati no kāle, sesaṃ kāle ceva āpajjati vikāle ca, asādhāraṇaṃ neva kāle no vikāle. Paṭiggahitacatukke purebhattaṃ paṭiggahitāmisaṃ kāle kappati no vikāle. Pānakaṃ vikāle kappati, punadivasamhi no kāle. Sattāhakālikaṃ yāvajīvikaṃ kāle ceva kappati vikāle ca. Attano attano kālātītaṃ yāvakālikādittayaṃ akappiyamaṃsaṃ uggahitakamappaṭiggahitakañca neva kāle kappati no vikāle.
ਪਚ੍ਚਨ੍ਤਿਮਚਤੁਕ੍ਕੇ ਸਮੁਦ੍ਦੇ ਸੀਮਂ ਬਨ੍ਧਨ੍ਤੋ ਪਚ੍ਚਨ੍ਤਿਮੇਸੁ ਜਨਪਦੇਸੁ ਆਪਜ੍ਜਤਿ, ਨੋ ਮਜ੍ਝਿਮੇਸੁ; ਪਞ੍ਚવਗ੍ਗੇਨ ਗਣੇਨ ਉਪਸਮ੍ਪਾਦੇਨ੍ਤੋ ਗੁਣਙ੍ਗੁਣੂਪਾਹਨਂ ਧੁવਨਹਾਨਂ ਚਮ੍ਮਤ੍ਥਰਣਾਨਿ ਚ ਮਜ੍ਝਿਮੇਸੁ ਜਨਪਦੇਸੁ ਆਪਜ੍ਜਤਿ ਨੋ ਪਚ੍ਚਨ੍ਤਿਮੇਸੁ। ਇਮਾਨਿ ਚਤ੍ਤਾਰਿ ‘‘ਇਧ ਨ ਕਪ੍ਪਨ੍ਤੀ’’ਤਿ વਦਨ੍ਤੋਪਿ ਪਚ੍ਚਨ੍ਤਿਮੇਸੁ ਆਪਜ੍ਜਤਿ, ‘‘ਇਧ ਕਪ੍ਪਨ੍ਤੀ’’ਤਿ વਦਨ੍ਤੋ ਪਨ ਮਜ੍ਝਿਮੇਸੁ ਆਪਜ੍ਜਤਿ। ਸੇਸਾਪਤ੍ਤਿਂ ਉਭਯਤ੍ਥ ਆਪਜ੍ਜਤਿ, ਅਸਾਧਾਰਣਂ ਨ ਕਤ੍ਥਚਿ ਆਪਜ੍ਜਤਿ। ਦੁਤਿਯਚਤੁਕ੍ਕੇ ਪਞ੍ਚવਗ੍ਗੇਨ ਗਣੇਨ ਉਪਸਮ੍ਪਦਾਦਿ ਚਤੁਬ੍ਬਿਧਮ੍ਪਿ વਤ੍ਥੁ ਪਚ੍ਚਨ੍ਤਿਮੇਸੁ ਜਨਪਦੇਸੁ ਕਪ੍ਪਤਿ। ‘‘ਇਦਂ ਕਪ੍ਪਤੀ’’ਤਿ ਦੀਪੇਤੁਮ੍ਪਿ ਤਤ੍ਥੇવ ਕਪ੍ਪਤਿ ਨੋ ਮਜ੍ਝਿਮੇਸੁ। ‘‘ਇਦਂ ਨ ਕਪ੍ਪਤੀ’’ਤਿ ਦੀਪੇਤੁਂ ਪਨ ਮਜ੍ਝਿਮੇਸੁ ਜਨਪਦੇਸੁ ਕਪ੍ਪਤਿ ਨੋ ਪਚ੍ਚਨ੍ਤਿਮੇਸੁ । ਸੇਸਂ ‘‘ਅਨੁਜਾਨਾਮਿ ਭਿਕ੍ਖવੇ ਪਞ੍ਚ ਲੋਣਾਨੀ’’ਤਿਆਦਿ ਅਨੁਞ੍ਞਾਤਕਂ ਉਭਯਤ੍ਥ ਕਪ੍ਪਤਿ। ਯਂ ਪਨ ਅਕਪ੍ਪਿਯਨ੍ਤਿ ਪਟਿਕ੍ਖਿਤ੍ਤਂ, ਤਂ ਉਭਯਤ੍ਥਾਪਿ ਨ ਕਪ੍ਪਤਿ।
Paccantimacatukke samudde sīmaṃ bandhanto paccantimesu janapadesu āpajjati, no majjhimesu; pañcavaggena gaṇena upasampādento guṇaṅguṇūpāhanaṃ dhuvanahānaṃ cammattharaṇāni ca majjhimesu janapadesu āpajjati no paccantimesu. Imāni cattāri ‘‘idha na kappantī’’ti vadantopi paccantimesu āpajjati, ‘‘idha kappantī’’ti vadanto pana majjhimesu āpajjati. Sesāpattiṃ ubhayattha āpajjati, asādhāraṇaṃ na katthaci āpajjati. Dutiyacatukke pañcavaggena gaṇena upasampadādi catubbidhampi vatthu paccantimesu janapadesu kappati. ‘‘Idaṃ kappatī’’ti dīpetumpi tattheva kappati no majjhimesu. ‘‘Idaṃ na kappatī’’ti dīpetuṃ pana majjhimesu janapadesu kappati no paccantimesu. Sesaṃ ‘‘anujānāmi bhikkhave pañca loṇānī’’tiādi anuññātakaṃ ubhayattha kappati. Yaṃ pana akappiyanti paṭikkhittaṃ, taṃ ubhayatthāpi na kappati.
ਅਨ੍ਤੋਆਦਿਚਤੁਕ੍ਕੇ ਅਨੁਪਖਜ੍ਜ ਸੇਯ੍ਯਾਦਿਂ ਅਨ੍ਤੋ ਆਪਜ੍ਜਤਿ ਨੋ ਬਹਿ, ਅਜ੍ਝੋਕਾਸੇ ਸਙ੍ਘਿਕਮਞ੍ਚਾਦੀਨਿ ਨਿਕ੍ਖਿਪਿਤ੍વਾ ਪਕ੍ਕਮਨ੍ਤੋ ਬਹਿ ਆਪਜ੍ਜਤਿ ਨੋ ਅਨ੍ਤੋ, ਸੇਸਂ ਅਨ੍ਤੋ ਚੇવ ਬਹਿ ਚ, ਅਸਾਧਾਰਣਂ ਨੇવ ਅਨ੍ਤੋ ਨ ਬਹਿ। ਅਨ੍ਤੋਸੀਮਾਦਿਚਤੁਕ੍ਕੇ ਆਗਨ੍ਤੁਕੋ વਤ੍ਤਂ ਅਪੂਰੇਨ੍ਤੋ ਅਨ੍ਤੋਸੀਮਾਯ ਆਪਜ੍ਜਤਿ, ਗਮਿਯੋ ਬਹਿਸੀਮਾਯ ਮੁਸਾવਾਦਾਦਿਂ ਅਨ੍ਤੋਸੀਮਾਯ ਚ ਬਹਿਸੀਮਾਯ ਚ ਆਪਜ੍ਜਤਿ,ਅਸਾਧਾਰਣਂ ਨ ਕਤ੍ਥਚਿ।ਗਾਮਚਤੁਕ੍ਕੇ ਅਨ੍ਤਰਘਰਪਟਿਸਂਯੁਤ੍ਤਂ ਸੇਖਿਯਪਞ੍ਞਤ੍ਤਿਂ ਗਾਮੇ ਆਪਜ੍ਜਤਿ ਨੋ ਅਰਞ੍ਞੇ। ਭਿਕ੍ਖੁਨੀ ਅਰੁਣਂ ਉਟ੍ਠਾਪਯਮਾਨਾ ਅਰਞ੍ਞੇ ਆਪਜ੍ਜਤਿ ਨੋ ਗਾਮੇ। ਮੁਸਾવਾਦਾਦਿਂ ਗਾਮੇ ਚੇવ ਆਪਜ੍ਜਤਿ ਅਰਞ੍ਞੇ ਚ, ਅਸਾਧਾਰਣਂ ਨ ਕਤ੍ਥਚਿ।
Antoādicatukke anupakhajja seyyādiṃ anto āpajjati no bahi, ajjhokāse saṅghikamañcādīni nikkhipitvā pakkamanto bahi āpajjati no anto, sesaṃ anto ceva bahi ca, asādhāraṇaṃ neva anto na bahi. Antosīmādicatukke āgantuko vattaṃ apūrento antosīmāya āpajjati, gamiyo bahisīmāya musāvādādiṃ antosīmāya ca bahisīmāya ca āpajjati,asādhāraṇaṃ na katthaci.Gāmacatukke antaragharapaṭisaṃyuttaṃ sekhiyapaññattiṃ gāme āpajjati no araññe. Bhikkhunī aruṇaṃ uṭṭhāpayamānā araññe āpajjati no gāme. Musāvādādiṃ gāme ceva āpajjati araññe ca, asādhāraṇaṃ na katthaci.
ਚਤ੍ਤਾਰੋ ਪੁਬ੍ਬਕਿਚ੍ਚਾਤਿ ‘‘ਸਮ੍ਮਜ੍ਜਨੀ ਪਦੀਪੋ ਚ ਉਦਕਂ ਆਸਨੇਨ ਚਾ’’ਤਿ ਇਦਂ ਚਤੁਬ੍ਬਿਧਂ ਪੁਬ੍ਬਕਰਣਨ੍ਤਿ વੁਚ੍ਚਤੀਤਿ વੁਤ੍ਤਂ। ‘‘ਛਨ੍ਦਪਾਰਿਸੁਦ੍ਧਿਉਤੁਕ੍ਖਾਨਂ ਭਿਕ੍ਖੁਗਣਨਾ ਚ ਓવਾਦੋ’’ਤਿ ਇਮੇ ਪਨ ‘‘ਚਤ੍ਤਾਰੋ ਪੁਬ੍ਬਕਿਚ੍ਚਾ’’ਤਿ વੇਦਿਤਬ੍ਬਾ। ਚਤ੍ਤਾਰੋ ਪਤ੍ਤਕਲ੍ਲਾਤਿ ਉਪੋਸਥੋ ਯਾવਤਿਕਾ ਚ ਭਿਕ੍ਖੂ ਕਮ੍ਮਪ੍ਪਤ੍ਤਾ ਤੇ ਆਗਤਾ ਹੋਨ੍ਤਿ, ਸਭਾਗਾਪਤ੍ਤਿਯੋ ਨ વਿਜ੍ਜਨ੍ਤਿ, વਜ੍ਜਨੀਯਾ ਚ ਪੁਗ੍ਗਲਾ ਤਸ੍ਮਿਂ ਨ ਹੋਨ੍ਤਿ, ਪਤ੍ਤਕਲ੍ਲਨ੍ਤਿ વੁਚ੍ਚਤੀਤਿ। ਚਤ੍ਤਾਰਿ ਅਨਞ੍ਞਪਾਚਿਤ੍ਤਿਯਾਨੀਤਿ ‘‘ਏਤਦੇવ ਪਚ੍ਚਯਂ ਕਰਿਤ੍વਾ ਅਨਞ੍ਞਂ ਪਾਚਿਤ੍ਤਿਯ’’ਨ੍ਤਿ ਏવਂ વੁਤ੍ਤਾਨਿ ਅਨੁਪਖਜ੍ਜਸੇਯ੍ਯਾਕਪ੍ਪਨਸਿਕ੍ਖਾਪਦਂ ‘‘ਏਹਾવੁਸੋ ਗਾਮਂ વਾ ਨਿਗਮਂ વਾ’’ਤਿ ਸਿਕ੍ਖਾਪਦਂ, ਸਞ੍ਚਿਚ੍ਚ ਕੁਕ੍ਕੁਚ੍ਚਉਪਦਹਨਂ, ਉਪਸ੍ਸੁਤਿਤਿਟ੍ਠਨਨ੍ਤਿ ਇਮਾਨਿ ਚਤ੍ਤਾਰਿ। ਚਤਸ੍ਸੋ ਭਿਕ੍ਖੁਸਮ੍ਮੁਤਿਯੋਤਿ ‘‘ਏਕਰਤ੍ਤਮ੍ਪਿ ਚੇ ਭਿਕ੍ਖੁ ਤਿਚੀવਰੇਨ વਿਪ੍ਪવਸੇਯ੍ਯ ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਅਞ੍ਞਂ ਨવਂ ਸਨ੍ਥਤਂ ਕਾਰਾਪੇਯ੍ਯ ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਤਤੋ ਚੇ ਉਤ੍ਤਰਿ વਿਪ੍ਪવਸੇਯ੍ਯ ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਦੁਟ੍ਠੁਲ੍ਲਂ ਆਪਤ੍ਤਿਂ ਅਨੁਪਸਮ੍ਪਨ੍ਨਸ੍ਸ ਆਰੋਚੇਯ੍ਯ ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ’’ਤਿ ਏવਂ ਆਗਤਾ ਤੇਰਸਹਿ ਸਮ੍ਮੁਤੀਹਿ ਮੁਤ੍ਤਾ ਸਮ੍ਮੁਤਿਯੋ। ਗਿਲਾਨਚਤੁਕ੍ਕੇ ਅਞ੍ਞਭੇਸਜ੍ਜੇਨ ਕਰਣੀਯੇਨ ਲੋਲਤਾਯ ਅਞ੍ਞਂ વਿਞ੍ਞਾਪੇਨ੍ਤੋ ਗਿਲਾਨੋ ਆਪਜ੍ਜਤਿ, ਅਭੇਸਜ੍ਜਕਰਣੀਯੇਨ ਭੇਸਜ੍ਜਂ વਿਞ੍ਞਾਪੇਨ੍ਤੋ ਅਗਿਲਾਨੋ ਆਪਜ੍ਜਤਿ, ਮੁਸਾવਾਦਾਦਿਂ ਉਭੋਪਿ ਆਪਜ੍ਜਨ੍ਤਿ, ਅਸਾਧਾਰਣਂ ਉਭੋਪਿ ਨਾਪਜ੍ਜਨ੍ਤਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Cattāropubbakiccāti ‘‘sammajjanī padīpo ca udakaṃ āsanena cā’’ti idaṃ catubbidhaṃ pubbakaraṇanti vuccatīti vuttaṃ. ‘‘Chandapārisuddhiutukkhānaṃ bhikkhugaṇanā ca ovādo’’ti ime pana ‘‘cattāro pubbakiccā’’ti veditabbā. Cattāro pattakallāti uposatho yāvatikā ca bhikkhū kammappattā te āgatā honti, sabhāgāpattiyo na vijjanti, vajjanīyā ca puggalā tasmiṃ na honti, pattakallanti vuccatīti. Cattāri anaññapācittiyānīti ‘‘etadeva paccayaṃ karitvā anaññaṃ pācittiya’’nti evaṃ vuttāni anupakhajjaseyyākappanasikkhāpadaṃ ‘‘ehāvuso gāmaṃ vā nigamaṃ vā’’ti sikkhāpadaṃ, sañcicca kukkuccaupadahanaṃ, upassutitiṭṭhananti imāni cattāri. Catasso bhikkhusammutiyoti ‘‘ekarattampi ce bhikkhu ticīvarena vippavaseyya aññatra bhikkhusammutiyā, aññaṃ navaṃ santhataṃ kārāpeyya aññatra bhikkhusammutiyā, tato ce uttari vippavaseyya aññatra bhikkhusammutiyā, duṭṭhullaṃ āpattiṃ anupasampannassa āroceyya aññatra bhikkhusammutiyā’’ti evaṃ āgatā terasahi sammutīhi muttā sammutiyo. Gilānacatukke aññabhesajjena karaṇīyena lolatāya aññaṃ viññāpento gilāno āpajjati, abhesajjakaraṇīyena bhesajjaṃ viññāpento agilāno āpajjati, musāvādādiṃ ubhopi āpajjanti, asādhāraṇaṃ ubhopi nāpajjanti. Sesaṃ sabbattha uttānamevāti.
ਚਤੁਕ੍ਕવਾਰવਣ੍ਣਨਾ ਨਿਟ੍ਠਿਤਾ।
Catukkavāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੪. ਚਤੁਕ੍ਕવਾਰੋ • 4. Catukkavāro
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚਤੁਕ੍ਕવਾਰવਣ੍ਣਨਾ • Catukkavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਚਤੁਕ੍ਕવਾਰવਣ੍ਣਨਾ • Catukkavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚਤੁਕ੍ਕવਾਰવਣ੍ਣਨਾ • Catukkavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਚਤੁਕ੍ਕવਾਰવਣ੍ਣਨਾ • Ekuttarikanayo catukkavāravaṇṇanā
