| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੪. ਚਤੁਕ੍ਕવਾਰੋ
4. Catukkavāro
੩੨੪. ਅਤ੍ਥਾਪਤ੍ਤਿ ਸਕવਾਚਾਯ ਆਪਜ੍ਜਤਿ, ਪਰવਾਚਾਯ વੁਟ੍ਠਾਤਿ; ਅਤ੍ਥਾਪਤ੍ਤਿ ਪਰવਾਚਾਯ ਆਪਜ੍ਜਤਿ, ਸਕવਾਚਾਯ વੁਟ੍ਠਾਤਿ; ਅਤ੍ਥਾਪਤ੍ਤਿ ਸਕવਾਚਾਯ ਆਪਜ੍ਜਤਿ, ਸਕવਾਚਾਯ વੁਟ੍ਠਾਤਿ; ਅਤ੍ਥਾਪਤ੍ਤਿ ਪਰવਾਚਾਯ ਆਪਜ੍ਜਤਿ, ਪਰવਾਚਾਯ વੁਟ੍ਠਾਤਿ। ਅਤ੍ਥਾਪਤ੍ਤਿ ਕਾਯੇਨ ਆਪਜ੍ਜਤਿ, વਾਚਾਯ વੁਟ੍ਠਾਤਿ; ਅਤ੍ਥਾਪਤ੍ਤਿ વਾਚਾਯ ਆਪਜ੍ਜਤਿ, ਕਾਯੇਨ વੁਟ੍ਠਾਤਿ; ਅਤ੍ਥਾਪਤ੍ਤਿ ਕਾਯੇਨ ਆਪਜ੍ਜਤਿ, ਕਾਯੇਨ વੁਟ੍ਠਾਤਿ; ਅਤ੍ਥਾਪਤ੍ਤਿ વਾਚਾਯ ਆਪਜ੍ਜਤਿ, વਾਚਾਯ વੁਟ੍ਠਾਤਿ। ਅਤ੍ਥਾਪਤ੍ਤਿ ਪਸੁਤ੍ਤੋ ਆਪਜ੍ਜਤਿ, ਪਟਿਬੁਦ੍ਧੋ વੁਟ੍ਠਾਤਿ; ਅਤ੍ਥਾਪਤ੍ਤਿ ਪਟਿਬੁਦ੍ਧੋ ਆਪਜ੍ਜਤਿ, ਪਸੁਤ੍ਤੋ વੁਟ੍ਠਾਤਿ; ਅਤ੍ਥਾਪਤ੍ਤਿ ਪਸੁਤ੍ਤੋ ਆਪਜ੍ਜਤਿ, ਪਸੁਤ੍ਤੋ વੁਟ੍ਠਾਤਿ; ਅਤ੍ਥਾਪਤ੍ਤਿ ਪਟਿਬੁਦ੍ਧੋ ਆਪਜ੍ਜਤਿ, ਪਟਿਬੁਦ੍ਧੋ વੁਟ੍ਠਾਤਿ। ਅਤ੍ਥਾਪਤ੍ਤਿ ਅਚਿਤ੍ਤਕੋ ਆਪਜ੍ਜਤਿ, ਸਚਿਤ੍ਤਕੋ વੁਟ੍ਠਾਤਿ; ਅਤ੍ਥਾਪਤ੍ਤਿ ਸਚਿਤ੍ਤਕੋ ਆਪਜ੍ਜਤਿ, ਅਚਿਤ੍ਤਕੋ વੁਟ੍ਠਾਤਿ; ਅਤ੍ਥਾਪਤ੍ਤਿ ਅਚਿਤ੍ਤਕੋ ਆਪਜ੍ਜਤਿ, ਅਚਿਤ੍ਤਕੋ વੁਟ੍ਠਾਤਿ; ਅਤ੍ਥਾਪਤ੍ਤਿ ਸਚਿਤ੍ਤਕੋ ਆਪਜ੍ਜਤਿ, ਸਚਿਤ੍ਤਕੋ વੁਟ੍ਠਾਤਿ। ਅਤ੍ਥਾਪਤ੍ਤਿ ਆਪਜ੍ਜਨ੍ਤੋ ਦੇਸੇਤਿ; ਦੇਸੇਨ੍ਤੋ ਆਪਜ੍ਜਤਿ; ਅਤ੍ਥਾਪਤ੍ਤਿ ਆਪਜ੍ਜਨ੍ਤੋ વੁਟ੍ਠਾਤਿ; વੁਟ੍ਠਹਨ੍ਤੋ ਆਪਜ੍ਜਤਿ। ਅਤ੍ਥਾਪਤ੍ਤਿ ਕਮ੍ਮੇਨ ਆਪਜ੍ਜਤਿ, ਅਕਮ੍ਮੇਨ વੁਟ੍ਠਾਤਿ; ਅਤ੍ਥਾਪਤ੍ਤਿ ਅਕਮ੍ਮੇਨ ਆਪਜ੍ਜਤਿ, ਕਮ੍ਮੇਨ વੁਟ੍ਠਾਤਿ; ਅਤ੍ਥਾਪਤ੍ਤਿ ਕਮ੍ਮੇਨ ਆਪਜ੍ਜਤਿ, ਕਮ੍ਮੇਨ વੁਟ੍ਠਾਤਿ; ਅਤ੍ਥਾਪਤ੍ਤਿ ਅਕਮ੍ਮੇਨ ਆਪਜ੍ਜਤਿ, ਅਕਮ੍ਮੇਨ વੁਟ੍ਠਾਤਿ।
324. Atthāpatti sakavācāya āpajjati, paravācāya vuṭṭhāti; atthāpatti paravācāya āpajjati, sakavācāya vuṭṭhāti; atthāpatti sakavācāya āpajjati, sakavācāya vuṭṭhāti; atthāpatti paravācāya āpajjati, paravācāya vuṭṭhāti. Atthāpatti kāyena āpajjati, vācāya vuṭṭhāti; atthāpatti vācāya āpajjati, kāyena vuṭṭhāti; atthāpatti kāyena āpajjati, kāyena vuṭṭhāti; atthāpatti vācāya āpajjati, vācāya vuṭṭhāti. Atthāpatti pasutto āpajjati, paṭibuddho vuṭṭhāti; atthāpatti paṭibuddho āpajjati, pasutto vuṭṭhāti; atthāpatti pasutto āpajjati, pasutto vuṭṭhāti; atthāpatti paṭibuddho āpajjati, paṭibuddho vuṭṭhāti. Atthāpatti acittako āpajjati, sacittako vuṭṭhāti; atthāpatti sacittako āpajjati, acittako vuṭṭhāti; atthāpatti acittako āpajjati, acittako vuṭṭhāti; atthāpatti sacittako āpajjati, sacittako vuṭṭhāti. Atthāpatti āpajjanto deseti; desento āpajjati; atthāpatti āpajjanto vuṭṭhāti; vuṭṭhahanto āpajjati. Atthāpatti kammena āpajjati, akammena vuṭṭhāti; atthāpatti akammena āpajjati, kammena vuṭṭhāti; atthāpatti kammena āpajjati, kammena vuṭṭhāti; atthāpatti akammena āpajjati, akammena vuṭṭhāti.
1 ਚਤ੍ਤਾਰੋ ਅਨਰਿਯવੋਹਾਰਾ – ਅਦਿਟ੍ਠੇ ਦਿਟ੍ਠવਾਦਿਤਾ, ਅਸ੍ਸੁਤੇ ਸੁਤવਾਦਿਤਾ, ਅਮੁਤੇ ਮੁਤવਾਦਿਤਾ, ਅવਿਞ੍ਞਾਤੇ વਿਞ੍ਞਾਤવਾਦਿਤਾ। ਚਤ੍ਤਾਰੋ ਅਰਿਯવੋਹਾਰਾ – ਅਦਿਟ੍ਠੇ ਅਦਿਟ੍ਠવਾਦਿਤਾ, ਅਸ੍ਸੁਤੇ ਅਸ੍ਸੁਤવਾਦਿਤਾ, ਅਮੁਤੇ ਅਮੁਤવਾਦਿਤਾ, ਅવਿਞ੍ਞਾਤੇ ਅવਿਞ੍ਞਾਤવਾਦਿਤਾ। ਅਪਰੇਪਿ ਚਤ੍ਤਾਰੋ ਅਨਰਿਯવੋਹਾਰਾ – ਦਿਟ੍ਠੇ ਅਦਿਟ੍ਠવਾਦਿਤਾ, ਸੁਤੇ ਅਸ੍ਸੁਤવਾਦਿਤਾ, ਮੁਤੇ ਅਮੁਤવਾਦਿਤਾ, વਿਞ੍ਞਾਤੇ ਅવਿਞ੍ਞਾਤવਾਦਿਤਾ। ਚਤ੍ਤਾਰੋ ਅਰਿਯવੋਹਾਰਾ – ਦਿਟ੍ਠੇ ਦਿਟ੍ਠવਾਦਿਤਾ, ਸੁਤੇ ਸੁਤવਾਦਿਤਾ, ਮੁਤੇ ਮੁਤવਾਦਿਤਾ, વਿਞ੍ਞਾਤੇ વਿਞ੍ਞਾਤવਾਦਿਤਾ।
2 Cattāro anariyavohārā – adiṭṭhe diṭṭhavāditā, assute sutavāditā, amute mutavāditā, aviññāte viññātavāditā. Cattāro ariyavohārā – adiṭṭhe adiṭṭhavāditā, assute assutavāditā, amute amutavāditā, aviññāte aviññātavāditā. Aparepi cattāro anariyavohārā – diṭṭhe adiṭṭhavāditā, sute assutavāditā, mute amutavāditā, viññāte aviññātavāditā. Cattāro ariyavohārā – diṭṭhe diṭṭhavāditā, sute sutavāditā, mute mutavāditā, viññāte viññātavāditā.
ਚਤ੍ਤਾਰੋ ਪਾਰਾਜਿਕਾ ਭਿਕ੍ਖੂਨਂ ਭਿਕ੍ਖੁਨੀਹਿ ਸਾਧਾਰਣਾ; ਚਤ੍ਤਾਰੋ ਪਾਰਾਜਿਕਾ ਭਿਕ੍ਖੁਨੀਨਂ ਭਿਕ੍ਖੂਹਿ ਅਸਾਧਾਰਣਾ। ਚਤ੍ਤਾਰੋ ਪਰਿਕ੍ਖਾਰਾ – ਅਤ੍ਥਿ ਪਰਿਕ੍ਖਾਰੋ ਰਕ੍ਖਿਤਬ੍ਬੋ ਗੋਪੇਤਬ੍ਬੋ ਮਮਾਯਿਤਬ੍ਬੋ ਪਰਿਭੁਞ੍ਜਿਤਬ੍ਬੋ; ਅਤ੍ਥਿ ਪਰਿਕ੍ਖਾਰੋ ਰਕ੍ਖਿਤਬ੍ਬੋ ਗੋਪੇਤਬ੍ਬੋ ਮਮਾਯਿਤਬ੍ਬੋ, ਨ ਪਰਿਭੁਞ੍ਜਿਤਬ੍ਬੋ; ਅਤ੍ਥਿ ਪਰਿਕ੍ਖਾਰੋ ਰਕ੍ਖਿਤਬ੍ਬੋ ਗੋਪੇਤਬ੍ਬੋ, ਨ ਮਮਾਯਿਤਬ੍ਬੋ ਨ ਪਰਿਭੁਞ੍ਜਿਤਬ੍ਬੋ; ਅਤ੍ਥਿ ਪਰਿਕ੍ਖਾਰੋ ਨ ਰਕ੍ਖਿਤਬ੍ਬੋ ਨ ਗੋਪੇਤਬ੍ਬੋ, ਨ ਮਮਾਯਿਤਬ੍ਬੋ ਨ ਪਰਿਭੁਞ੍ਜਿਤਬ੍ਬੋ। ਅਤ੍ਥਾਪਤ੍ਤਿ ਸਮ੍ਮੁਖਾ ਆਪਜ੍ਜਤਿ, ਪਰਮ੍ਮੁਖਾ વੁਟ੍ਠਾਤਿ; ਅਤ੍ਥਾਪਤ੍ਤਿ ਪਰਮ੍ਮੁਖਾ ਆਪਜ੍ਜਤਿ , ਸਮ੍ਮੁਖਾ વੁਟ੍ਠਾਤਿ; ਅਤ੍ਥਾਪਤ੍ਤਿ ਸਮ੍ਮੁਖਾ ਆਪਜ੍ਜਤਿ, ਸਮ੍ਮੁਖਾ વੁਟ੍ਠਾਤਿ; ਅਤ੍ਥਾਪਤ੍ਤਿ ਪਰਮ੍ਮੁਖਾ ਆਪਜ੍ਜਤਿ, ਪਰਮ੍ਮੁਖਾ વੁਟ੍ਠਾਤਿ। ਅਤ੍ਥਾਪਤ੍ਤਿ ਅਜਾਨਨ੍ਤੋ ਆਪਜ੍ਜਤਿ, ਜਾਨਨ੍ਤੋ વੁਟ੍ਠਾਤਿ; ਅਤ੍ਥਾਪਤ੍ਤਿ ਜਾਨਨ੍ਤੋ ਆਪਜ੍ਜਤਿ, ਅਜਾਨਨ੍ਤੋ વੁਟ੍ਠਾਤਿ; ਅਤ੍ਥਾਪਤ੍ਤਿ ਅਜਾਨਨ੍ਤੋ ਆਪਜ੍ਜਤਿ, ਅਜਾਨਨ੍ਤੋ વੁਟ੍ਠਾਤਿ; ਅਤ੍ਥਾਪਤ੍ਤਿ ਜਾਨਨ੍ਤੋ ਆਪਜ੍ਜਤਿ, ਜਾਨਨ੍ਤੋ વੁਟ੍ਠਾਤਿ।
Cattāro pārājikā bhikkhūnaṃ bhikkhunīhi sādhāraṇā; cattāro pārājikā bhikkhunīnaṃ bhikkhūhi asādhāraṇā. Cattāro parikkhārā – atthi parikkhāro rakkhitabbo gopetabbo mamāyitabbo paribhuñjitabbo; atthi parikkhāro rakkhitabbo gopetabbo mamāyitabbo, na paribhuñjitabbo; atthi parikkhāro rakkhitabbo gopetabbo, na mamāyitabbo na paribhuñjitabbo; atthi parikkhāro na rakkhitabbo na gopetabbo, na mamāyitabbo na paribhuñjitabbo. Atthāpatti sammukhā āpajjati, parammukhā vuṭṭhāti; atthāpatti parammukhā āpajjati , sammukhā vuṭṭhāti; atthāpatti sammukhā āpajjati, sammukhā vuṭṭhāti; atthāpatti parammukhā āpajjati, parammukhā vuṭṭhāti. Atthāpatti ajānanto āpajjati, jānanto vuṭṭhāti; atthāpatti jānanto āpajjati, ajānanto vuṭṭhāti; atthāpatti ajānanto āpajjati, ajānanto vuṭṭhāti; atthāpatti jānanto āpajjati, jānanto vuṭṭhāti.
ਚਤੂਹਾਕਾਰੇਹਿ ਆਪਤ੍ਤਿਂ ਆਪਜ੍ਜਤਿ – ਕਾਯੇਨ ਆਪਜ੍ਜਤਿ, વਾਚਾਯ ਆਪਜ੍ਜਤਿ, ਕਾਯੇਨ વਾਚਾਯ ਆਪਜ੍ਜਤਿ, ਕਮ੍ਮવਾਚਾਯ ਆਪਜ੍ਜਤਿ। ਅਪਰੇਹਿਪਿ ਚਤੂਹਾਕਾਰੇਹਿ ਆਪਤ੍ਤਿਂ ਆਪਜ੍ਜਤਿ – ਸਙ੍ਘਮਜ੍ਝੇ, ਗਣਮਜ੍ਝੇ, ਪੁਗ੍ਗਲਸ੍ਸ ਸਨ੍ਤਿਕੇ, ਲਿਙ੍ਗਪਾਤੁਭਾવੇਨ। ਚਤੂਹਾਕਾਰੇਹਿ ਆਪਤ੍ਤਿਯਾ વੁਟ੍ਠਾਤਿ – ਕਾਯੇਨ વੁਟ੍ਠਾਤਿ, વਾਚਾਯ વੁਟ੍ਠਾਤਿ, ਕਾਯੇਨ વਾਚਾਯ વੁਟ੍ਠਾਤਿ, ਕਮ੍ਮવਾਚਾਯ વੁਟ੍ਠਾਤਿ। ਅਪਰੇਹਿਪਿ ਚਤੂਹਾਕਾਰੇਹਿ ਆਪਤ੍ਤਿਯਾ વੁਟ੍ਠਾਤਿ – ਸਙ੍ਘਮਜ੍ਝੇ, ਗਣਮਜ੍ਝੇ, ਪੁਗ੍ਗਲਸ੍ਸ ਸਨ੍ਤਿਕੇ, ਲਿਙ੍ਗਪਾਤੁਭਾવੇਨ। ਸਹ ਪਟਿਲਾਭੇਨ ਪੁਰਿਮਂ ਜਹਤਿ, ਪਚ੍ਛਿਮੇ ਪਤਿਟ੍ਠਾਤਿ, વਿਞ੍ਞਤ੍ਤਿਯੋ ਪਟਿਪ੍ਪਸ੍ਸਮ੍ਭਨ੍ਤਿ, ਪਣ੍ਣਤ੍ਤਿਯੋ ਨਿਰੁਜ੍ਝਨ੍ਤਿ। ਸਹ ਪਟਿਲਾਭੇਨ ਪਚ੍ਛਿਮਂ ਜਹਤਿ, ਪੁਰਿਮੇ ਪਤਿਟ੍ਠਾਤਿ, વਿਞ੍ਞਤ੍ਤਿਯੋ ਪਟਿਪ੍ਪਸ੍ਸਮ੍ਭਨ੍ਤਿ, ਪਪ੍ਣਤ੍ਤਿਯੋ ਨਿਰੁਜ੍ਝਨ੍ਤਿ। ਚਤਸ੍ਸੋ ਚੋਦਨਾ – ਸੀਲવਿਪਤ੍ਤਿਯਾ ਚੋਦੇਤਿ , ਆਚਾਰવਿਪਤ੍ਤਿਯਾ ਚੋਦੇਤਿ, ਦਿਟ੍ਠਿવਿਪਤ੍ਤਿਯਾ ਚੋਦੇਤਿ, ਆਜੀવવਿਪਤ੍ਤਿਯਾ ਚੋਦੇਤਿ। ਚਤ੍ਤਾਰੋ ਪਰਿવਾਸਾ – ਪਟਿਚ੍ਛਨ੍ਨਪਰਿવਾਸੋ , ਅਪ੍ਪਟਿਚ੍ਛਨ੍ਨਪਰਿવਾਸੋ, ਸੁਦ੍ਧਨ੍ਤਪਰਿવਾਸੋ, ਸਮੋਧਾਨਪਰਿવਾਸੋ। ਚਤ੍ਤਾਰੋ ਮਾਨਤ੍ਤਾ – ਪਟਿਚ੍ਛਨ੍ਨਮਾਨਤ੍ਤਂ, ਅਪ੍ਪਟਿਚ੍ਛਨ੍ਨਮਾਨਤ੍ਤਂ, ਪਕ੍ਖਮਾਨਤ੍ਤਂ, ਸਮੋਧਾਨਮਾਨਤ੍ਤਂ। ਚਤ੍ਤਾਰੋ ਮਾਨਤ੍ਤਚਾਰਿਕਸ੍ਸ ਭਿਕ੍ਖੁਨੋ ਰਤ੍ਤਿਚ੍ਛੇਦਾ – ਸਹવਾਸੋ, વਿਪ੍ਪવਾਸੋ, ਅਨਾਰੋਚਨਾ, ਊਨੇ ਗਣੇ ਚਰਤਿ। ਚਤ੍ਤਾਰੋ ਸਾਮੁਕ੍ਕਂਸਾ । ਚਤ੍ਤਾਰੋ ਪਟਿਗ੍ਗਹਿਤਪਰਿਭੋਗਾ – ਯਾવਕਾਲਿਕਂ, ਯਾਮਕਾਲਿਕਂ, ਸਤ੍ਤਾਹਕਾਲਿਕਂ, ਯਾવਜੀવਿਕਂ। ਚਤ੍ਤਾਰਿ ਮਹਾવਿਕਟਾਨਿ – ਗੂਥੋ, ਮੁਤ੍ਤਂ, ਛਾਰਿਕਾ, ਮਤ੍ਤਿਕਾ। ਚਤ੍ਤਾਰਿ ਕਮ੍ਮਾਨਿ – ਅਪਲੋਕਨਕਮ੍ਮਂ, ਞਤ੍ਤਿਕਮ੍ਮਂ, ਞਤ੍ਤਿਦੁਤਿਯਕਮ੍ਮਂ, ਞਤ੍ਤਿਚਤੁਤ੍ਥਕਮ੍ਮਂ। ਅਪਰਾਨਿਪਿ ਚਤ੍ਤਾਰਿ ਕਮ੍ਮਾਨਿ – ਅਧਮ੍ਮੇਨ વਗ੍ਗਕਮ੍ਮਂ, ਅਧਮ੍ਮੇਨ ਸਮਗ੍ਗਕਮ੍ਮਂ, ਧਮ੍ਮੇਨ વਗ੍ਗਕਮ੍ਮਂ, ਧਮ੍ਮੇਨ ਸਮਗ੍ਗਕਮ੍ਮਂ। ਚਤਸ੍ਸੋ વਿਪਤ੍ਤਿਯੋ – ਸੀਲવਿਪਤ੍ਤਿ, ਆਚਾਰવਿਪਤ੍ਤਿ, ਦਿਟ੍ਠਿવਿਪਤ੍ਤਿ, ਆਜੀવવਿਪਤ੍ਤਿ। ਚਤ੍ਤਾਰਿ ਅਧਿਕਰਣਾਨਿ – વਿવਾਦਾਧਿਕਰਣਂ, ਅਨੁવਾਦਾਧਿਕਰਣਂ, ਆਪਤ੍ਤਾਧਿਕਰਣਂ, ਕਿਚ੍ਚਾਧਿਕਰਣਂ। 3 ਚਤ੍ਤਾਰੋ ਪਰਿਸਦੂਸਨਾ – ਭਿਕ੍ਖੁ ਦੁਸ੍ਸੀਲੋ ਪਾਪਧਮ੍ਮੋ ਪਰਿਸਦੂਸਨੋ, ਭਿਕ੍ਖੁਨੀ ਦੁਸ੍ਸੀਲਾ ਪਾਪਧਮ੍ਮਾ ਪਰਿਸਦੂਸਨਾ, ਉਪਾਸਕੋ ਦੁਸ੍ਸੀਲੋ ਪਾਪਧਮ੍ਮੋ ਪਰਿਸਦੂਸਨੋ, ਉਪਾਸਿਕਾ ਦੁਸ੍ਸੀਲਾ ਪਾਪਧਮ੍ਮਾ ਪਰਿਸਦੂਸਨਾ। ਚਤ੍ਤਾਰੋ ਪਰਿਸਸੋਭਨਾ 4 – ਭਿਕ੍ਖੁ ਸੀਲવਾ ਕਲ੍ਯਾਣਧਮ੍ਮੋ ਪਰਿਸਸੋਭਨੋ, ਭਿਕ੍ਖੁਨੀ ਸੀਲવਤੀ ਕਲ੍ਯਾਣਧਮ੍ਮਾ ਪਰਿਸਸੋਭਨਾ, ਉਪਾਸਕੋ ਸੀਲવਾ ਕਲ੍ਯਾਣਧਮ੍ਮੋ ਪਰਿਸਸੋਭਨੋ, ਉਪਾਸਿਕਾ ਸੀਲવਤੀ ਕਲ੍ਯਾਣਧਮ੍ਮਾ ਪਰਿਸਸੋਭਨਾ।
Catūhākārehi āpattiṃ āpajjati – kāyena āpajjati, vācāya āpajjati, kāyena vācāya āpajjati, kammavācāya āpajjati. Aparehipi catūhākārehi āpattiṃ āpajjati – saṅghamajjhe, gaṇamajjhe, puggalassa santike, liṅgapātubhāvena. Catūhākārehi āpattiyā vuṭṭhāti – kāyena vuṭṭhāti, vācāya vuṭṭhāti, kāyena vācāya vuṭṭhāti, kammavācāya vuṭṭhāti. Aparehipi catūhākārehi āpattiyā vuṭṭhāti – saṅghamajjhe, gaṇamajjhe, puggalassa santike, liṅgapātubhāvena. Saha paṭilābhena purimaṃ jahati, pacchime patiṭṭhāti, viññattiyo paṭippassambhanti, paṇṇattiyo nirujjhanti. Saha paṭilābhena pacchimaṃ jahati, purime patiṭṭhāti, viññattiyo paṭippassambhanti, papṇattiyo nirujjhanti. Catasso codanā – sīlavipattiyā codeti , ācāravipattiyā codeti, diṭṭhivipattiyā codeti, ājīvavipattiyā codeti. Cattāro parivāsā – paṭicchannaparivāso , appaṭicchannaparivāso, suddhantaparivāso, samodhānaparivāso. Cattāro mānattā – paṭicchannamānattaṃ, appaṭicchannamānattaṃ, pakkhamānattaṃ, samodhānamānattaṃ. Cattāro mānattacārikassa bhikkhuno ratticchedā – sahavāso, vippavāso, anārocanā, ūne gaṇe carati. Cattāro sāmukkaṃsā . Cattāro paṭiggahitaparibhogā – yāvakālikaṃ, yāmakālikaṃ, sattāhakālikaṃ, yāvajīvikaṃ. Cattāri mahāvikaṭāni – gūtho, muttaṃ, chārikā, mattikā. Cattāri kammāni – apalokanakammaṃ, ñattikammaṃ, ñattidutiyakammaṃ, ñatticatutthakammaṃ. Aparānipi cattāri kammāni – adhammena vaggakammaṃ, adhammena samaggakammaṃ, dhammena vaggakammaṃ, dhammena samaggakammaṃ. Catasso vipattiyo – sīlavipatti, ācāravipatti, diṭṭhivipatti, ājīvavipatti. Cattāri adhikaraṇāni – vivādādhikaraṇaṃ, anuvādādhikaraṇaṃ, āpattādhikaraṇaṃ, kiccādhikaraṇaṃ. 5 Cattāro parisadūsanā – bhikkhu dussīlo pāpadhammo parisadūsano, bhikkhunī dussīlā pāpadhammā parisadūsanā, upāsako dussīlo pāpadhammo parisadūsano, upāsikā dussīlā pāpadhammā parisadūsanā. Cattāro parisasobhanā 6 – bhikkhu sīlavā kalyāṇadhammo parisasobhano, bhikkhunī sīlavatī kalyāṇadhammā parisasobhanā, upāsako sīlavā kalyāṇadhammo parisasobhano, upāsikā sīlavatī kalyāṇadhammā parisasobhanā.
ਅਤ੍ਥਾਪਤ੍ਤਿ ਆਗਨ੍ਤੁਕੋ ਆਪਜ੍ਜਤਿ, ਨੋ ਆવਾਸਿਕੋ; ਅਤ੍ਥਾਪਤ੍ਤਿ ਆવਾਸਿਕੋ ਆਪਜ੍ਜਤਿ, ਨੋ ਆਗਨ੍ਤੁਕੋ; ਅਤ੍ਥਾਪਤ੍ਤਿ ਆਗਨ੍ਤੁਕੋ ਚੇવ ਆਪਜ੍ਜਤਿ ਆવਾਸਿਕੋ ਚ ਅਤ੍ਥਾਪਤ੍ਤਿ ਨੇવ ਆਗਨ੍ਤੁਕੋ ਆਪਜ੍ਜਤਿ, ਨੋ ਆવਾਸਿਕੋ। ਅਤ੍ਥਾਪਤ੍ਤਿ ਗਮਿਕੋ ਆਪਜ੍ਜਤਿ, ਨੋ ਆવਾਸਿਕੋ; ਅਤ੍ਥਾਪਤ੍ਤਿ ਆવਾਸਿਕੋ ਆਪਜ੍ਜਤਿ, ਨੋ ਗਮਿਕੋ; ਅਤ੍ਥਾਪਤ੍ਤਿ ਗਮਿਕੋ ਚੇવ ਆਪਜ੍ਜਤਿ ਆવਾਸਿਕੋ ਚ; ਅਤ੍ਥਾਪਤ੍ਤਿ ਨੇવ ਗਮਿਕੋ ਆਪਜ੍ਜਤਿ ਨੋ ਆવਾਸਿਕੋ। ਅਤ੍ਥਿ વਤ੍ਥੁਨਾਨਤ੍ਤਤਾ ਨੋ ਆਪਤ੍ਤਿਨਾਨਤ੍ਤਤਾ, ਅਤ੍ਥਿ ਆਪਤ੍ਤਿਨਾਨਤ੍ਤਤਾ ਨੋ વਤ੍ਥੁਨਾਨਤ੍ਤਤਾ, ਅਤ੍ਥਿ વਤ੍ਥੁਨਾਨਤ੍ਤਤਾ ਚੇવ ਆਪਤ੍ਤਿਨਾਨਤ੍ਤਤਾ ਚ, ਅਤ੍ਥਿ ਨੇવ વਤ੍ਥੁਨਾਨਤ੍ਤਤਾ ਨੋ ਆਪਤ੍ਤਿਨਾਨਤ੍ਤਤਾ। ਅਤ੍ਥਿ વਤ੍ਥੁਸਭਾਗਤਾ ਨੋ ਆਪਤ੍ਤਿਸਭਾਗਤਾ, ਅਤ੍ਥਿ ਆਪਤ੍ਤਿਸਭਾਗਤਾ ਨੋ વਤ੍ਥੁਸਭਾਗਤਾ, ਅਤ੍ਥਿ વਤ੍ਥੁਸਭਾਗਤਾ ਚੇવ ਆਪਤ੍ਤਿਸਭਾਗਤਾ ਚ ਅਤ੍ਥਿ ਨੇવ વਤ੍ਥੁਸਭਾਗਤਾ ਨੋ ਆਪਤ੍ਤਿਸਭਾਗਤਾ। ਅਤ੍ਥਾਪਤ੍ਤਿ ਉਪਜ੍ਝਾਯੋ ਆਪਜ੍ਜਤਿ ਨੋ ਸਦ੍ਧਿવਿਹਾਰਿਕੋ, ਅਤ੍ਥਾਪਤ੍ਤਿ ਸਦ੍ਧਿવਿਹਾਰਿਕੋ ਆਪਜ੍ਜਤਿ ਨੋ ਉਪਜ੍ਝਾਯੋ, ਅਤ੍ਥਾਪਤ੍ਤਿ ਉਪਜ੍ਝਾਯੋ ਚੇવ ਆਪਜ੍ਜਤਿ ਸਦ੍ਧਿવਿਹਾਰਿਕੋ ਚ, ਅਤ੍ਥਾਪਤ੍ਤਿ ਨੇવ ਉਪਜ੍ਝਾਯੋ ਆਪਜ੍ਜਤਿ ਨੋ ਸਦ੍ਧਿવਿਹਾਰਿਕੋ। ਅਤ੍ਥਾਪਤ੍ਤਿ ਆਚਰਿਯੋ ਆਪਜ੍ਜਤਿ ਨੋ ਅਨ੍ਤੇવਾਸਿਕੋ, ਅਤ੍ਥਾਪਤ੍ਤਿ ਅਨ੍ਤੇવਾਸਿਕੋ ਆਪਜ੍ਜਤਿ ਨੋ ਆਚਰਿਯੋ, ਅਤ੍ਥਾਪਤ੍ਤਿ ਆਚਰਿਯੋ ਚੇવ ਆਪਜ੍ਜਤਿ ਅਨ੍ਤੇવਾਸਿਕੋ ਚ, ਅਤ੍ਥਾਪਤ੍ਤਿ ਨੇવ ਆਚਰਿਯੋ ਆਪਜ੍ਜਤਿ ਨੋ ਅਨ੍ਤੇવਾਸਿਕੋ। ਚਤ੍ਤਾਰੋ ਪਚ੍ਚਯਾ ਅਨਾਪਤ੍ਤਿ વਸ੍ਸਚ੍ਛੇਦਸ੍ਸ – ਸਙ੍ਘੋ વਾ ਭਿਨ੍ਨੋ ਹੋਤਿ, ਸਙ੍ਘਂ વਾ ਭਿਨ੍ਦਿਤੁਕਾਮਾ ਹੋਨ੍ਤਿ, ਜੀવਿਤਨ੍ਤਰਾਯੋ વਾ ਹੋਤਿ, ਬ੍ਰਹ੍ਮਚਰਿਯਨ੍ਤਰਾਯੋ વਾ ਹੋਤਿ। ਚਤ੍ਤਾਰਿ વਚੀਦੁਚ੍ਚਰਿਤਾਨਿ – ਮੁਸਾવਾਦੋ, ਪਿਸੁਣਾ વਾਚਾ, ਫਰੁਸਾ વਾਚਾ, ਸਮ੍ਫਪ੍ਪਲਾਪੋ। ਚਤ੍ਤਾਰਿ વਚੀਸੁਚਰਿਤਾਨਿ – ਸਚ੍ਚવਾਚਾ, ਅਪਿਸੁਣਾ વਾਚਾ, ਸਣ੍ਹਾ વਾਚਾ, ਮਨ੍ਤਾ ਭਾਸਾ। ਅਤ੍ਥਿ ਆਦਿਯਨ੍ਤੋ ਗਰੁਕਂ ਆਪਤ੍ਤਿਂ ਆਪਜ੍ਜਤਿ, ਪਯੋਜੇਨ੍ਤੋ ਲਹੁਕਂ; ਅਤ੍ਥਿ ਆਦਿਯਨ੍ਤੋ ਲਹੁਕਂ ਆਪਤ੍ਤਿਂ ਆਪਜ੍ਜਤਿ, ਪਯੋਜੇਨ੍ਤੋ ਗਰੁਕਂ, ਅਤ੍ਥਿ ਆਦਿਯਨ੍ਤੋਪਿ ਪਯੋਜੇਨ੍ਤੋਪਿ ਗਰੁਕਂ ਆਪਤ੍ਤਿਂ ਆਪਜ੍ਜਤਿ; ਅਤ੍ਥਿ ਆਦਿਯਨ੍ਤੋਪਿ ਪਯੋਜੇਨ੍ਤੋਪਿ ਲਹੁਕਂ ਆਪਤ੍ਤਿਂ ਆਪਜ੍ਜਤਿ।
Atthāpatti āgantuko āpajjati, no āvāsiko; atthāpatti āvāsiko āpajjati, no āgantuko; atthāpatti āgantuko ceva āpajjati āvāsiko ca atthāpatti neva āgantuko āpajjati, no āvāsiko. Atthāpatti gamiko āpajjati, no āvāsiko; atthāpatti āvāsiko āpajjati, no gamiko; atthāpatti gamiko ceva āpajjati āvāsiko ca; atthāpatti neva gamiko āpajjati no āvāsiko. Atthi vatthunānattatā no āpattinānattatā, atthi āpattinānattatā no vatthunānattatā, atthi vatthunānattatā ceva āpattinānattatā ca, atthi neva vatthunānattatā no āpattinānattatā. Atthi vatthusabhāgatā no āpattisabhāgatā, atthi āpattisabhāgatā no vatthusabhāgatā, atthi vatthusabhāgatā ceva āpattisabhāgatā ca atthi neva vatthusabhāgatā no āpattisabhāgatā. Atthāpatti upajjhāyo āpajjati no saddhivihāriko, atthāpatti saddhivihāriko āpajjati no upajjhāyo, atthāpatti upajjhāyo ceva āpajjati saddhivihāriko ca, atthāpatti neva upajjhāyo āpajjati no saddhivihāriko. Atthāpatti ācariyo āpajjati no antevāsiko, atthāpatti antevāsiko āpajjati no ācariyo, atthāpatti ācariyo ceva āpajjati antevāsiko ca, atthāpatti neva ācariyo āpajjati no antevāsiko. Cattāro paccayā anāpatti vassacchedassa – saṅgho vā bhinno hoti, saṅghaṃ vā bhinditukāmā honti, jīvitantarāyo vā hoti, brahmacariyantarāyo vā hoti. Cattāri vacīduccaritāni – musāvādo, pisuṇā vācā, pharusā vācā, samphappalāpo. Cattāri vacīsucaritāni – saccavācā, apisuṇā vācā, saṇhā vācā, mantā bhāsā. Atthi ādiyanto garukaṃ āpattiṃ āpajjati, payojento lahukaṃ; atthi ādiyanto lahukaṃ āpattiṃ āpajjati, payojento garukaṃ, atthi ādiyantopi payojentopi garukaṃ āpattiṃ āpajjati; atthi ādiyantopi payojentopi lahukaṃ āpattiṃ āpajjati.
ਅਤ੍ਥਿ ਪੁਗ੍ਗਲੋ ਅਭਿવਾਦਨਾਰਹੋ, ਨੋ ਪਚ੍ਚੁਟ੍ਠਾਨਾਰਹੋ; ਅਤ੍ਥਿ ਪੁਗ੍ਗਲੋ ਪਚ੍ਚੁਟ੍ਠਾਨਾਰਹੋ, ਨੋ ਅਭਿવਾਦਨਾਰਹੋ; ਅਤ੍ਥਿ ਪੁਗ੍ਗਲੋ ਅਭਿવਾਦਨਾਰਹੋ ਚੇવ ਪਚ੍ਚੁਟ੍ਠਾਨਾਰਹੋ ਚ; ਅਤ੍ਥਿ ਪੁਗ੍ਗਲੋ ਨੇવ ਅਭਿવਾਦਨਾਰਹੋ ਨੋ ਪਚ੍ਚੁਟ੍ਠਾਨਾਰਹੋ। ਅਤ੍ਥਿ ਪੁਗ੍ਗਲੋ ਆਸਨਾਰਹੋ, ਨੋ ਅਭਿવਾਦਨਾਰਹੋ; ਅਤ੍ਥਿ ਪੁਗ੍ਗਲੋ ਅਭਿવਾਦਨਾਰਹੋ, ਨੋ ਆਸਨਾਰਹੋ; ਅਤ੍ਥਿ ਪੁਗ੍ਗਲੋ ਆਸਨਾਰਹੋ ਚੇવ ਅਭਿવਾਦਨਾਰਹੋ ਚ; ਅਤ੍ਥਿ ਪੁਗ੍ਗਲੋ ਨੇવ ਆਸਨਾਰਹੋ ਨੋ ਅਭਿવਾਦਨਾਰਹੋ। ਅਤ੍ਥਾਪਤ੍ਤਿ ਕਾਲੇ ਆਪਜ੍ਜਤਿ, ਨੋ વਿਕਾਲੇ; ਅਤ੍ਥਾਪਤ੍ਤਿ વਿਕਾਲੇ ਆਪਜ੍ਜਤਿ, ਨੋ ਕਾਲੇ; ਅਤ੍ਥਾਪਤ੍ਤਿ ਕਾਲੇ ਚੇવ ਆਪਜ੍ਜਤਿ વਿਕਾਲੇ ਚ; ਅਤ੍ਥਾਪਤ੍ਤਿ ਨੇવ ਕਾਲੇ ਆਪਜ੍ਜਤਿ ਨੋ વਿਕਾਲੇ। ਅਤ੍ਥਿ ਪਟਿਗ੍ਗਹਿਤਂ ਕਾਲੇ ਕਪ੍ਪਤਿ, ਨੋ વਿਕਾਲੇ; ਅਤ੍ਥਿ ਪਟਿਗ੍ਗਹਿਤਂ વਿਕਾਲੇ ਕਪ੍ਪਤਿ, ਨੋ ਕਾਲੇ; ਅਤ੍ਥਿ ਪਟਿਗ੍ਗਹਿਤਂ ਕਾਲੇ ਚੇવ ਕਪ੍ਪਤਿ વਿਕਾਲੇ ਚ; ਅਤ੍ਥਿ ਪਟਿਗ੍ਗਹਿਤਂ ਨੇવ ਕਾਲੇ ਕਪ੍ਪਤਿ ਨੋ વਿਕਾਲੇ। ਅਤ੍ਥਾਪਤ੍ਤਿ ਪਚ੍ਚਨ੍ਤਿਮੇਸੁ ਜਨਪਦੇਸੁ ਆਪਜ੍ਜਤਿ, ਨੋ ਮਜ੍ਝਿਮੇਸੁ; ਅਤ੍ਥਾਪਤ੍ਤਿ ਮਜ੍ਝਿਮੇਸੁ ਜਨਪਦੇਸੁ ਆਪਜ੍ਜਤਿ, ਨੋ ਪਚ੍ਚਨ੍ਤਿਮੇਸੁ; ਅਤ੍ਥਾਪਤ੍ਤਿ ਪਚ੍ਚਨ੍ਤਿਮੇਸੁ ਚੇવ ਜਨਪਦੇਸੁ ਆਪਜ੍ਜਤਿ ਮਜ੍ਝਿਮੇਸੁ ਚ; ਅਤ੍ਥਾਪਤ੍ਤਿ ਨੇવ ਪਚ੍ਚਨ੍ਤਿਮੇਸੁ ਜਨਪਦੇਸੁ ਆਪਜ੍ਜਤਿ ਨੋ ਮਜ੍ਝਿਮੇਸੁ। ਅਤ੍ਥਿ ਪਚ੍ਚਨ੍ਤਿਮੇਸੁ ਜਨਪਦੇਸੁ ਕਪ੍ਪਤਿ, ਨੋ ਮਜ੍ਝਿਮੇਸੁ; ਅਤ੍ਥਿ ਮਜ੍ਝਿਮੇਸੁ ਜਨਪਦੇਸੁ ਕਪ੍ਪਤਿ, ਨੋ ਪਚ੍ਚਨ੍ਤਿਮੇਸੁ; ਅਤ੍ਥਿ ਪਚ੍ਚਨ੍ਤਿਮੇਸੁ ਚੇવ ਜਨਪਦੇਸੁ ਕਪ੍ਪਤਿ ਮਜ੍ਝਿਮੇਸੁ ਚ; ਅਤ੍ਥਿ ਨੇવ ਪਚ੍ਚਨ੍ਤਿਮੇਸੁ ਜਨਪਦੇਸੁ ਕਪ੍ਪਤਿ ਨੋ ਮਜ੍ਝਿਮੇਸੁ। ਅਤ੍ਥਾਪਤ੍ਤਿ ਅਨ੍ਤੋ ਆਪਜ੍ਜਤਿ, ਨੋ ਬਹਿ; ਅਤ੍ਥਾਪਤ੍ਤਿ ਬਹਿ ਆਪਜ੍ਜਤਿ, ਨੋ ਅਨ੍ਤੋ; ਅਤ੍ਥਾਪਤ੍ਤਿ ਅਨ੍ਤੋ ਚੇવ ਆਪਜ੍ਜਤਿ ਬਹਿ ਚ; ਅਤ੍ਥਾਪਤ੍ਤਿ ਨੇવ ਅਨ੍ਤੋ ਆਪਜ੍ਜਤਿ ਨੋ ਬਹਿ। ਅਤ੍ਥਾਪਤ੍ਤਿ ਅਨ੍ਤੋਸੀਮਾਯ ਆਪਜ੍ਜਤਿ, ਨੋ ਬਹਿਸੀਮਾਯ; ਅਤ੍ਥਾਪਤ੍ਤਿ ਬਹਿਸੀਮਾਯ ਆਪਜ੍ਜਤਿ, ਨੋ ਅਨ੍ਤੋਸੀਮਾਯ; ਅਤ੍ਥਾਪਤ੍ਤਿ ਅਨ੍ਤੋਸੀਮਾਯ ਚੇવ ਆਪਜ੍ਜਤਿ ਬਹਿਸੀਮਾਯ ਚ; ਅਤ੍ਥਾਪਤ੍ਤਿ ਨੇવ ਅਨ੍ਤੋਸੀਮਾਯ ਆਪਜ੍ਜਤਿ ਨੋ ਬਹਿਸੀਮਾਯ। ਅਤ੍ਥਾਪਤ੍ਤਿ ਗਾਮੇ ਆਪਜ੍ਜਤਿ, ਨੋ ਅਰਞ੍ਞੇ; ਅਤ੍ਥਾਪਤ੍ਤਿ ਅਰਞ੍ਞੇ ਆਪਜ੍ਜਤਿ, ਨੋ ਗਾਮੇ; ਅਤ੍ਥਾਪਤ੍ਤਿ ਗਾਮੇ ਚੇવ ਆਪਜ੍ਜਤਿ ਅਰਞ੍ਞੇ ਚ; ਅਤ੍ਥਾਪਤ੍ਤਿ ਨੇવ ਗਾਮੇ ਆਪਜ੍ਜਤਿ ਨੋ ਅਰਞ੍ਞੇ।
Atthi puggalo abhivādanāraho, no paccuṭṭhānāraho; atthi puggalo paccuṭṭhānāraho, no abhivādanāraho; atthi puggalo abhivādanāraho ceva paccuṭṭhānāraho ca; atthi puggalo neva abhivādanāraho no paccuṭṭhānāraho. Atthi puggalo āsanāraho, no abhivādanāraho; atthi puggalo abhivādanāraho, no āsanāraho; atthi puggalo āsanāraho ceva abhivādanāraho ca; atthi puggalo neva āsanāraho no abhivādanāraho. Atthāpatti kāle āpajjati, no vikāle; atthāpatti vikāle āpajjati, no kāle; atthāpatti kāle ceva āpajjati vikāle ca; atthāpatti neva kāle āpajjati no vikāle. Atthi paṭiggahitaṃ kāle kappati, no vikāle; atthi paṭiggahitaṃ vikāle kappati, no kāle; atthi paṭiggahitaṃ kāle ceva kappati vikāle ca; atthi paṭiggahitaṃ neva kāle kappati no vikāle. Atthāpatti paccantimesu janapadesu āpajjati, no majjhimesu; atthāpatti majjhimesu janapadesu āpajjati, no paccantimesu; atthāpatti paccantimesu ceva janapadesu āpajjati majjhimesu ca; atthāpatti neva paccantimesu janapadesu āpajjati no majjhimesu. Atthi paccantimesu janapadesu kappati, no majjhimesu; atthi majjhimesu janapadesu kappati, no paccantimesu; atthi paccantimesu ceva janapadesu kappati majjhimesu ca; atthi neva paccantimesu janapadesu kappati no majjhimesu. Atthāpatti anto āpajjati, no bahi; atthāpatti bahi āpajjati, no anto; atthāpatti anto ceva āpajjati bahi ca; atthāpatti neva anto āpajjati no bahi. Atthāpatti antosīmāya āpajjati, no bahisīmāya; atthāpatti bahisīmāya āpajjati, no antosīmāya; atthāpatti antosīmāya ceva āpajjati bahisīmāya ca; atthāpatti neva antosīmāya āpajjati no bahisīmāya. Atthāpatti gāme āpajjati, no araññe; atthāpatti araññe āpajjati, no gāme; atthāpatti gāme ceva āpajjati araññe ca; atthāpatti neva gāme āpajjati no araññe.
ਚਤਸ੍ਸੋ ਚੋਦਨਾ – વਤ੍ਥੁਸਨ੍ਦਸ੍ਸਨਾ, ਆਪਤ੍ਤਿਸਨ੍ਦਸ੍ਸਨਾ, ਸਂવਾਸਪਟਿਕ੍ਖੇਪੋ , ਸਾਮੀਚਿਪਟਿਕ੍ਖੇਪੋ। ਚਤ੍ਤਾਰੋ ਪੁਬ੍ਬਕਿਚ੍ਚਾ। ਚਤ੍ਤਾਰੋ ਪਤ੍ਤਕਲ੍ਲਾ। ਚਤ੍ਤਾਰਿ ਅਨਞ੍ਞਪਾਚਿਤ੍ਤਿਯਾਨਿ। ਚਤਸ੍ਸੋ ਭਿਕ੍ਖੁਸਮ੍ਮੁਤਿਯੋ। 7 ਚਤ੍ਤਾਰਿ ਅਗਤਿਗਮਨਾਨਿ – ਛਨ੍ਦਾਗਤਿਂ ਗਚ੍ਛਤਿ, ਦੋਸਾਗਤਿਂ ਗਚ੍ਛਤਿ, ਮੋਹਾਗਤਿਂ ਗਚ੍ਛਤਿ, ਭਯਾਗਤਿਂ ਗਚ੍ਛਤਿ। ਚਤ੍ਤਾਰਿ ਨਾਗਤਿਗਮਨਾਨਿ – ਨ ਛਨ੍ਦਾਗਤਿਂ ਗਚ੍ਛਤਿ, ਨ ਦੋਸਾਗਤਿਂ ਗਚ੍ਛਤਿ, ਨ ਮੋਹਾਗਤਿਂ ਗਚ੍ਛਤਿ, ਨ ਭਯਾਗਤਿਂ ਗਚ੍ਛਤਿ। ਚਤੂਹਙ੍ਗੇਹਿ ਸਮਨ੍ਨਾਗਤੋ ਅਲਜ੍ਜੀ ਭਿਕ੍ਖੁ ਸਙ੍ਘਂ ਭਿਨ੍ਦਤਿ – ਛਨ੍ਦਾਗਤਿਂ ਗਚ੍ਛਨ੍ਤੋ, ਦੋਸਾਗਤਿਂ ਗਚ੍ਛਨ੍ਤੋ, ਮੋਹਾਗਤਿਂ ਗਚ੍ਛਨ੍ਤੋ, ਭਯਾਗਤਿਂ ਗਚ੍ਛਨ੍ਤੋ। ਚਤੂਹਙ੍ਗੇਹਿ ਸਮਨ੍ਨਾਗਤੋ ਪੇਸਲੋ ਭਿਕ੍ਖੁ ਭਿਨ੍ਨਂ ਸਙ੍ਘਂ ਸਮਗ੍ਗਂ ਕਰੋਤਿ – ਨ ਛਨ੍ਦਾਗਤਿਂ ਗਚ੍ਛਨ੍ਤੋ, ਨ ਦੋਸਾਗਤਿਂ ਗਚ੍ਛਨ੍ਤੋ, ਨ ਮੋਹਾਗਤਿਂ ਗਚ੍ਛਨ੍ਤੋ, ਨ ਭਯਾਗਤਿਂ ਗਚ੍ਛਨ੍ਤੋ। ਚਤੂਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ વਿਨਯੋ ਨ ਪੁਚ੍ਛਿਤਬ੍ਬੋ – ਛਨ੍ਦਾਗਤਿਂ ਗਚ੍ਛਤਿ, ਦੋਸਾਗਤਿਂ ਗਚ੍ਛਤਿ, ਮੋਹਾਗਤਿਂ ਗਚ੍ਛਤਿ , ਭਯਾਗਤਿਂ ਗਚ੍ਛਤਿ। ਚਤੂਹਙ੍ਗੇਹਿ ਸਮਨ੍ਨਾਗਤੇਨ ਭਿਕ੍ਖੁਨਾ વਿਨਯੋ ਨ ਪੁਚ੍ਛਿਤਬ੍ਬੋ – ਛਨ੍ਦਾਗਤਿਂ ਗਚ੍ਛਤਿ, ਦੋਸਾਗਤਿਂ ਗਚ੍ਛਤਿ, ਮੋਹਾਗਤਿਂ ਗਚ੍ਛਤਿ, ਭਯਾਗਤਿਂ ਗਚ੍ਛਤਿ। ਚਤੂਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ વਿਨਯੋ ਨ વਿਸ੍ਸਜ੍ਜੇਤਬ੍ਬੋ – ਛਨ੍ਦਾਗਤਿਂ ਗਚ੍ਛਤਿ, ਦੋਸਾਗਤਿਂ ਗਚ੍ਛਤਿ, ਮੋਹਾਗਤਿਂ ਗਚ੍ਛਤਿ, ਭਯਾਗਤਿਂ ਗਚ੍ਛਤਿ। ਚਤੂਹਙ੍ਗੇਹਿ ਸਮਨ੍ਨਾਗਤੇਨ ਭਿਕ੍ਖੁਨਾ વਿਨਯੋ ਨ વਿਸ੍ਸਜ੍ਜੇਤਬ੍ਬੋ – ਛਨ੍ਦਾਗਤਿਂ ਗਚ੍ਛਤਿ, ਦੋਸਾਗਤਿਂ ਗਚ੍ਛਤਿ, ਮੋਹਾਗਤਿਂ ਗਚ੍ਛਤਿ, ਭਯਾਗਤਿਂ ਗਚ੍ਛਤਿ। ਚਤੂਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ ਅਨੁਯੋਗੋ ਨ ਦਾਤਬ੍ਬੋ – ਛਨ੍ਦਾਗਤਿਂ ਗਚ੍ਛਤਿ , ਦੋਸਾਗਤਿਂ ਗਚ੍ਛਤਿ, ਮੋਹਾਗਤਿਂ ਗਚ੍ਛਤਿ, ਭਯਾਗਤਿਂ ਗਚ੍ਛਤਿ। ਚਤੂਹਙ੍ਗੇਹਿ ਸਮਨ੍ਨਾਗਤੇ ਭਿਕ੍ਖੁਨਾ ਸਦ੍ਧਿਂ વਿਨਯੋ ਨ ਸਾਕਚ੍ਛਿਤਬ੍ਬੋ – ਛਨ੍ਦਾਗਤਿਂ ਗਚ੍ਛਤਿ, ਦੋਸਾਗਤਿਂ ਗਚ੍ਛਤਿ, ਮੋਹਾਗਤਿਂ ਗਚ੍ਛਤਿ, ਭਯਾਗਤਿਂ ਗਚ੍ਛਤਿ। ਅਤ੍ਥਾਪਤ੍ਤਿ ਗਿਲਾਨੋ ਆਪਜ੍ਜਤਿ, ਨੋ ਅਗਿਲਾਨੋ; ਅਤ੍ਥਾਪਤ੍ਤਿ ਅਗਿਲਾਨੋ ਆਪਜ੍ਜਤਿ, ਨੋ ਗਿਲਾਨੋ; ਅਤ੍ਥਾਪਤ੍ਤਿ ਗਿਲਾਨੋ ਚੇવ ਆਪਜ੍ਜਤਿ ਅਗਿਲਾਨੋ ਚ; ਅਤ੍ਥਾਪਤ੍ਤਿ ਨੇવ ਗਿਲਾਨੋ ਆਪਜ੍ਜਤਿ ਨੋ ਅਗਿਲਾਨੋ। ਚਤ੍ਤਾਰਿ ਅਧਮ੍ਮਿਕਾਨਿ ਪਾਤਿਮੋਕ੍ਖਟ੍ਠਪਨਾਨਿ। ਚਤ੍ਤਾਰਿ ਧਮ੍ਮਿਕਾਨਿ ਪਾਤਿਮੋਕ੍ਖਟ੍ਠਪਨਾਨਿ।
Catasso codanā – vatthusandassanā, āpattisandassanā, saṃvāsapaṭikkhepo , sāmīcipaṭikkhepo. Cattāro pubbakiccā. Cattāro pattakallā. Cattāri anaññapācittiyāni. Catasso bhikkhusammutiyo. 8 Cattāri agatigamanāni – chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati. Cattāri nāgatigamanāni – na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati. Catūhaṅgehi samannāgato alajjī bhikkhu saṅghaṃ bhindati – chandāgatiṃ gacchanto, dosāgatiṃ gacchanto, mohāgatiṃ gacchanto, bhayāgatiṃ gacchanto. Catūhaṅgehi samannāgato pesalo bhikkhu bhinnaṃ saṅghaṃ samaggaṃ karoti – na chandāgatiṃ gacchanto, na dosāgatiṃ gacchanto, na mohāgatiṃ gacchanto, na bhayāgatiṃ gacchanto. Catūhaṅgehi samannāgatassa bhikkhuno vinayo na pucchitabbo – chandāgatiṃ gacchati, dosāgatiṃ gacchati, mohāgatiṃ gacchati , bhayāgatiṃ gacchati. Catūhaṅgehi samannāgatena bhikkhunā vinayo na pucchitabbo – chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati. Catūhaṅgehi samannāgatassa bhikkhuno vinayo na vissajjetabbo – chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati. Catūhaṅgehi samannāgatena bhikkhunā vinayo na vissajjetabbo – chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati. Catūhaṅgehi samannāgatassa bhikkhuno anuyogo na dātabbo – chandāgatiṃ gacchati , dosāgatiṃ gacchati, mohāgatiṃ gacchati, bhayāgatiṃ gacchati. Catūhaṅgehi samannāgate bhikkhunā saddhiṃ vinayo na sākacchitabbo – chandāgatiṃ gacchati, dosāgatiṃ gacchati, mohāgatiṃ gacchati, bhayāgatiṃ gacchati. Atthāpatti gilāno āpajjati, no agilāno; atthāpatti agilāno āpajjati, no gilāno; atthāpatti gilāno ceva āpajjati agilāno ca; atthāpatti neva gilāno āpajjati no agilāno. Cattāri adhammikāni pātimokkhaṭṭhapanāni. Cattāri dhammikāni pātimokkhaṭṭhapanāni.
ਚਤੁਕ੍ਕਂ ਨਿਟ੍ਠਿਤਂ।
Catukkaṃ niṭṭhitaṃ.
ਤਸ੍ਸੁਦ੍ਦਾਨਂ –
Tassuddānaṃ –
ਸਕવਾਚਾਯ ਕਾਯੇਨ, ਪਸੁਤ੍ਤੋ ਚ ਅਚਿਤ੍ਤਕੋ।
Sakavācāya kāyena, pasutto ca acittako;
ਆਪਜ੍ਜਨ੍ਤੋ ਚ ਕਮ੍ਮੇਨ, વੋਹਾਰਾ ਚਤੁਰੋ ਤਥਾ॥
Āpajjanto ca kammena, vohārā caturo tathā.
ਭਿਕ੍ਖੂਨਂ ਭਿਕ੍ਖੁਨੀਨਞ੍ਚ, ਪਰਿਕ੍ਖਾਰੋ ਚ ਸਮ੍ਮੁਖਾ।
Bhikkhūnaṃ bhikkhunīnañca, parikkhāro ca sammukhā;
ਅਜਾਨਕਾਯੇ ਮਜ੍ਝੇ ਚ, વੁਟ੍ਠਾਤਿ ਦੁવਿਧਾ ਤਥਾ॥
Ajānakāye majjhe ca, vuṭṭhāti duvidhā tathā.
ਪਟਿਲਾਭੇਨ ਚੋਦਨਾ, ਪਰਿવਾਸਾ ਚ વੁਚ੍ਚਤਿ।
Paṭilābhena codanā, parivāsā ca vuccati;
ਮਾਨਤ੍ਤਚਾਰਿਕਾ ਚਾਪਿ, ਸਾਮੁਕ੍ਕਂਸਾ ਪਟਿਗ੍ਗਹਿ॥
Mānattacārikā cāpi, sāmukkaṃsā paṭiggahi.
ਮਹਾવਿਕਟਕਮ੍ਮਾਨਿ, ਪੁਨ ਕਮ੍ਮੇ વਿਪਤ੍ਤਿਯੋ।
Mahāvikaṭakammāni, puna kamme vipattiyo;
ਅਧਿਕਰਣਾ ਦੁਸ੍ਸੀਲਾ ਚ, ਸੋਭਨਾਗਨ੍ਤੁਕੇਨ ਚ॥
Adhikaraṇā dussīlā ca, sobhanāgantukena ca.
ਗਮਿਕੋ વਤ੍ਥੁਨਾਨਤ੍ਤਾ, ਸਭਾਗੁਪਜ੍ਝਾਯੇਨ ਚ।
Gamiko vatthunānattā, sabhāgupajjhāyena ca;
ਆਚਰਿਯੋ ਪਚ੍ਚਯਾ વਾ, ਦੁਚ੍ਚਰਿਤਂ ਸੁਚਰਿਤਂ॥
Ācariyo paccayā vā, duccaritaṃ sucaritaṃ.
ਆਦਿਯਨ੍ਤੋ ਪੁਗ੍ਗਲੋ ਚ, ਅਰਹੋ ਆਸਨੇਨ ਚ।
Ādiyanto puggalo ca, araho āsanena ca;
ਕਾਲੇ ਚ ਕਪ੍ਪਤਿ ਚੇવ, ਪਚ੍ਚਨ੍ਤਿਮੇਸੁ ਕਪ੍ਪਤਿ॥
Kāle ca kappati ceva, paccantimesu kappati.
ਅਨ੍ਤੋ ਅਨ੍ਤੋ ਚ ਸੀਮਾਯ, ਗਾਮੇ ਚ ਚੋਦਨਾਯ ਚ।
Anto anto ca sīmāya, gāme ca codanāya ca;
ਪੁਬ੍ਬਕਿਚ੍ਚਂ ਪਤ੍ਤਕਲ੍ਲਂ, ਅਨਞ੍ਞਾ ਸਮ੍ਮੁਤਿਯੋ ਚ॥
Pubbakiccaṃ pattakallaṃ, anaññā sammutiyo ca.
ਅਗਤਿ ਨਾਗਤਿ ਚੇવ, ਅਲਜ੍ਜੀ ਪੇਸਲੇਨ ਚ।
Agati nāgati ceva, alajjī pesalena ca;
ਪੁਚ੍ਛਿਤਬ੍ਬਾ ਦੁવੇ ਚੇવ, વਿਸ੍ਸਜ੍ਜੇਯ੍ਯਾ ਤਥਾ ਦੁવੇ।
Pucchitabbā duve ceva, vissajjeyyā tathā duve;
ਅਨੁਯੋਗੋ ਚ ਸਾਕਚ੍ਛਾ, ਗਿਲਾਨੋ ਠਪਨੇਨ ਚਾਤਿ॥
Anuyogo ca sākacchā, gilāno ṭhapanena cāti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਚਤੁਕ੍ਕવਾਰવਣ੍ਣਨਾ • Catukkavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚਤੁਕ੍ਕવਾਰવਣ੍ਣਨਾ • Catukkavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਚਤੁਕ੍ਕવਾਰવਣ੍ਣਨਾ • Catukkavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚਤੁਕ੍ਕવਾਰવਣ੍ਣਨਾ • Catukkavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਚਤੁਕ੍ਕવਾਰવਣ੍ਣਨਾ • Ekuttarikanayo catukkavāravaṇṇanā
