| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
жад̇умаг̇г̇анаяасахассам̣
Catumagganayasahassaṃ
саб̣б̣амаг̇г̇зсу бад̣̇абадибаадияаа самасадтибад̣̇аани, жад̇уухи абан̣н̣аган̇г̇зхи сад̣̇д̇хим̣ жад̇усадти хонд̇и. асамбхиннад̇о бана д̇зд̇д̇им̣са. годтаасаваарасун̃н̃ад̇аваараа баагад̇игаа зва. яат̇аа жа бана батамамаг̇г̇з звам̣ д̣̇уд̇ияаад̣̇ийсуби наяасахассамзваад̇и жад̇д̇ааро маг̇г̇з жад̇уухи наяасахассзхи бхааж̇зд̇ваа д̣̇ассзси д̇хаммарааж̇аа.
Sabbamaggesu padapaṭipāṭiyā samasaṭṭhipadāni, catūhi apaṇṇakaṅgehi saddhiṃ catusaṭṭhi honti. Asambhinnato pana tettiṃsa. Koṭṭhāsavārasuññatavārā pākatikā eva. Yathā ca pana paṭhamamagge evaṃ dutiyādīsupi nayasahassamevāti cattāro magge catūhi nayasahassehi bhājetvā dassesi dhammarājā.
сажжавибхан̇г̇з бана садти наяасахассаани логуд̇д̇араани имзсам̣ зва васзна нигкид̇д̇аани. сад̇ибадтаанавибхан̇г̇з вийсад̇и наяасахассаани логуд̇д̇араани, саммаббад̇хаанавибхан̇г̇з вийсад̇и, ид̣̇д̇хибаад̣̇авибхан̇г̇з д̣̇вад̇д̇им̣са, б̣ож̇жхан̇г̇авибхан̇г̇з д̣̇вад̇д̇им̣са, маг̇г̇ан̇г̇авибхан̇г̇з адтавийсад̇и наяасахассаани логуд̇д̇араани имзсам̣ зва васзна нигкид̇д̇аани.
Saccavibhaṅge pana saṭṭhi nayasahassāni lokuttarāni imesaṃ eva vasena nikkhittāni. Satipaṭṭhānavibhaṅge vīsati nayasahassāni lokuttarāni, sammappadhānavibhaṅge vīsati, iddhipādavibhaṅge dvattiṃsa, bojjhaṅgavibhaṅge dvattiṃsa, maggaṅgavibhaṅge aṭṭhavīsati nayasahassāni lokuttarāni imesaṃ eva vasena nikkhittāni.
ид̇ха бана жад̇уусу маг̇г̇зсу жад̇д̇аариязва наяасахассаани. д̇зсу батамаж̇жхаанигз батамамаг̇г̇з адтан̇г̇аани бхааж̇ид̇аани; д̇ат̇аа д̣̇уд̇ияаад̣̇ийсу. д̇ад̇т̇а батамамаг̇г̇з саммаад̣̇идти мижчаад̣̇идтим̣ баж̇ахад̇ийд̇и саммаад̣̇идти. саммаасан̇габбаад̣̇аяоби мижчаасан̇габбаад̣̇ийнам̣ баж̇аханадтзнзва взд̣̇ид̇аб̣б̣аа. звам̣ санд̇з ‘батамамаг̇г̇знзва д̣̇ваасадтияаа д̣̇идтиг̇ад̇аанам̣ бахийнад̇д̇аа убаримаг̇г̇ад̇д̇аязна бахаад̇аб̣б̣аа д̣̇идти наама над̇т̇и. д̇ад̇т̇а саммаад̣̇идтийд̇и наамам̣ гат̇ам̣ ход̇ий’д̇и? ‘яат̇аа висам̣ ад̇т̇и ваа, ход̇у маа ваа, аг̇ад̣̇о аг̇ад̣̇о д̇взва вужжад̇и, звам̣ мижчаад̣̇идти ад̇т̇и ваа, ход̇у маа ваа, аяам̣ саммаад̣̇идти зва наама’.
Idha pana catūsu maggesu cattāriyeva nayasahassāni. Tesu paṭhamajjhānike paṭhamamagge aṭṭhaṅgāni bhājitāni; tathā dutiyādīsu. Tattha paṭhamamagge sammādiṭṭhi micchādiṭṭhiṃ pajahatīti sammādiṭṭhi. Sammāsaṅkappādayopi micchāsaṅkappādīnaṃ pajahanaṭṭheneva veditabbā. Evaṃ sante ‘paṭhamamaggeneva dvāsaṭṭhiyā diṭṭhigatānaṃ pahīnattā uparimaggattayena pahātabbā diṭṭhi nāma natthi. Tattha sammādiṭṭhīti nāmaṃ kathaṃ hotī’ti? ‘Yathā visaṃ atthi vā, hotu mā vā, agado agado tveva vuccati, evaṃ micchādiṭṭhi atthi vā, hotu mā vā, ayaṃ sammādiṭṭhi eva nāma’.
‘яад̣̇и звам̣ наамамад̇д̇амзвзд̇ам̣ ход̇и, убаримаг̇г̇ад̇д̇аяз бана саммаад̣̇идтияаа гижжаабхааво аабаж̇ж̇ад̇и, маг̇г̇ан̇г̇аани на барибуурзнд̇и, д̇асмаа саммаад̣̇идти сагижжагаа гаад̇аб̣б̣аа маг̇г̇ан̇г̇аани буурзд̇аб̣б̣ааний’д̇и. сагижжагаа жзд̇т̇а саммаад̣̇идти яат̇аалаабханияамзна д̣̇ийбзд̇аб̣б̣аа. убаримаг̇г̇ад̇д̇аяаваж̇жхо хи зго маано ад̇т̇и, со д̣̇идтидтаанз д̇идтад̇и. саа д̇ам̣ маанам̣ баж̇ахад̇ийд̇и саммаад̣̇идти. сод̇аабад̇д̇имаг̇г̇асмин̃хи саммаад̣̇идти мижчаад̣̇идтим̣ баж̇ахад̇и. сод̇аабаннасса бана сагад̣̇ааг̇аамимаг̇г̇аваж̇жхо маано ад̇т̇и, со д̣̇идтидтаанз д̇идтад̇и саа д̇ам̣ маанам̣ баж̇ахад̇ийд̇и саммаад̣̇идти. д̇ассзва сад̇д̇аагусалажид̇д̇асахаж̇аад̇о сан̇габбо ад̇т̇и. д̇зхзва жид̇д̇зхи ваажан̇г̇ажобанам̣ ад̇т̇и, гааяан̇г̇ажобанам̣ ад̇т̇и , бажжаяабарибхог̇о ад̇т̇и, сахаж̇аад̇авааяаамо ад̇т̇и, асад̇ибхааво ад̇т̇и, сахаж̇аад̇ажид̇д̇згаг̇г̇ад̇аа ад̇т̇и. зд̇з мижчаасан̇габбаад̣̇аяо наама сагад̣̇ааг̇аамимаг̇г̇з саммаасан̇габбаад̣̇аяо. д̇зсам̣ бахаанзна саммаасан̇габбаад̣̇аяод̇и взд̣̇ид̇аб̣б̣аа. звам̣ сагад̣̇ааг̇аамимаг̇г̇з адтан̇г̇аани сагижжагаани гад̇ваа ааг̇ад̇аани. сагад̣̇ааг̇аамисса анааг̇аамимаг̇г̇аваж̇жхо маано ад̇т̇и. со д̣̇идтидтаанз д̇идтад̇и. д̇ассзва сад̇д̇ахи жид̇д̇зхи сахаж̇аад̇аа сан̇габбаад̣̇аяо. д̇зсам̣ бахаанзна анааг̇аамимаг̇г̇з адтаннам̣ ан̇г̇аанам̣ сагижжагад̇аа взд̣̇ид̇аб̣б̣аа. анааг̇аамисса арахад̇д̇амаг̇г̇аваж̇жхо маано ад̇т̇и. со д̣̇идтидтаанз д̇идтад̇и. яаани банасса бан̃жа агусалажид̇д̇аани, д̇зхи сахаж̇аад̇аа сан̇габбаад̣̇аяо. д̇зсам̣ бахаанзна арахад̇д̇амаг̇г̇з адтаннам̣ ан̇г̇аанам̣ сагижжагад̇аа взд̣̇ид̇аб̣б̣аа.
‘Yadi evaṃ nāmamattamevetaṃ hoti, uparimaggattaye pana sammādiṭṭhiyā kiccābhāvo āpajjati, maggaṅgāni na paripūrenti, tasmā sammādiṭṭhi sakiccakā kātabbā maggaṅgāni pūretabbānī’ti. Sakiccakā cettha sammādiṭṭhi yathālābhaniyamena dīpetabbā. Uparimaggattayavajjho hi eko māno atthi, so diṭṭhiṭṭhāne tiṭṭhati. Sā taṃ mānaṃ pajahatīti sammādiṭṭhi. Sotāpattimaggasmiñhi sammādiṭṭhi micchādiṭṭhiṃ pajahati. Sotāpannassa pana sakadāgāmimaggavajjho māno atthi, so diṭṭhiṭṭhāne tiṭṭhati sā taṃ mānaṃ pajahatīti sammādiṭṭhi. Tasseva sattaakusalacittasahajāto saṅkappo atthi. Teheva cittehi vācaṅgacopanaṃ atthi, kāyaṅgacopanaṃ atthi , paccayaparibhogo atthi, sahajātavāyāmo atthi, asatibhāvo atthi, sahajātacittekaggatā atthi. Ete micchāsaṅkappādayo nāma sakadāgāmimagge sammāsaṅkappādayo. Tesaṃ pahānena sammāsaṅkappādayoti veditabbā. Evaṃ sakadāgāmimagge aṭṭhaṅgāni sakiccakāni katvā āgatāni. Sakadāgāmissa anāgāmimaggavajjho māno atthi. So diṭṭhiṭṭhāne tiṭṭhati. Tasseva sattahi cittehi sahajātā saṅkappādayo. Tesaṃ pahānena anāgāmimagge aṭṭhannaṃ aṅgānaṃ sakiccakatā veditabbā. Anāgāmissa arahattamaggavajjho māno atthi. So diṭṭhiṭṭhāne tiṭṭhati. Yāni panassa pañca akusalacittāni, tehi sahajātā saṅkappādayo. Tesaṃ pahānena arahattamagge aṭṭhannaṃ aṅgānaṃ sakiccakatā veditabbā.
имзсу жад̇уусу маг̇г̇зсу батамамаг̇г̇зна жад̇д̇аари сажжаани д̣̇идтаани. ‘убаримаг̇г̇ад̇д̇аяам̣ д̣̇идтагамзва бассад̇и, ад̣̇идтагам̣ бассад̇ий’д̇и д̣̇идтагамзва бассад̇ийд̇и аяам̣ аажарияаанам̣ самаанад̇т̇агат̇аа. вид̇ан̣д̣аваад̣̇ий банааха ‘ад̣̇идтам̣ бассад̇ий’д̇и. со вад̇д̇аб̣б̣о – ‘батамамаг̇г̇з гад̇амам̣ инд̣̇рияам̣ бхааж̇зсий’д̇и? ж̇аанамаано ‘анан̃н̃аад̇ан̃н̃ассаамийд̇инд̣̇рияа’нд̇и вагкад̇и. ‘убаримаг̇г̇зсу гад̇ара’нд̇и? вуд̇д̇зби ‘ан̃н̃инд̣̇рияа’нд̇и вагкад̇и. со вад̇д̇аб̣б̣о – ‘ад̣̇идтасажжад̣̇ассанз сад̇и убаримаг̇г̇зсуби анан̃н̃аад̇ан̃н̃ассаамийд̇инд̣̇рияамзва бхааж̇зхи. звам̣ д̇з бан̃хо самзссад̇ий’д̇и. ‘гилзсз бана ан̃н̃з ан̃н̃о баж̇ахад̇и; бахийнз зва баж̇ахад̇ий’д̇и? ‘ан̃н̃з ан̃н̃о баж̇ахад̇ий’д̇и. ‘яад̣̇и ан̃н̃з ан̃н̃о, аббахийнз гилзсз баж̇ахад̇и. сажжааниби ад̣̇идтаанзва бассад̇ий’д̇и звам̣ваад̣̇ий буг̇г̇ало бужчид̇аб̣б̣о – ‘сажжаани наама гад̇ий’д̇и? ж̇аананд̇о ‘жад̇д̇аарий’д̇и вагкад̇и. со вад̇д̇аб̣б̣о – ‘д̇ава ваад̣̇з сол̣аса сажжаани аабаж̇ж̇анд̇и. д̇вам̣ б̣уд̣̇д̇хзхиби ад̣̇идтам̣ бассаси. б̣ахусажжаго наама д̇вам̣. звам̣ маа г̇ан̣ха. сажжад̣̇ассанам̣ наама абуб̣б̣ам̣ над̇т̇и, гилзсз бана аббахийнз баж̇ахад̇ий’д̇и.
Imesu catūsu maggesu paṭhamamaggena cattāri saccāni diṭṭhāni. ‘Uparimaggattayaṃ diṭṭhakameva passati, adiṭṭhakaṃ passatī’ti diṭṭhakameva passatīti ayaṃ ācariyānaṃ samānatthakathā. Vitaṇḍavādī panāha ‘adiṭṭhaṃ passatī’ti. So vattabbo – ‘paṭhamamagge katamaṃ indriyaṃ bhājesī’ti? Jānamāno ‘anaññātaññassāmītindriya’nti vakkhati. ‘Uparimaggesu katara’nti? Vuttepi ‘aññindriya’nti vakkhati. So vattabbo – ‘adiṭṭhasaccadassane sati uparimaggesupi anaññātaññassāmītindriyameva bhājehi. Evaṃ te pañho samessatī’ti. ‘Kilese pana aññe añño pajahati; pahīne eva pajahatī’ti? ‘Aññe añño pajahatī’ti. ‘Yadi aññe añño, appahīne kilese pajahati. Saccānipi adiṭṭhāneva passatī’ti evaṃvādī puggalo pucchitabbo – ‘saccāni nāma katī’ti? Jānanto ‘cattārī’ti vakkhati. So vattabbo – ‘tava vāde soḷasa saccāni āpajjanti. Tvaṃ buddhehipi adiṭṭhaṃ passasi. Bahusaccako nāma tvaṃ. Evaṃ mā gaṇha. Saccadassanaṃ nāma apubbaṃ natthi, kilese pana appahīne pajahatī’ti.
д̇ад̇т̇а сажжад̣̇ассанасса абуб̣б̣аабхаавз бзл̣обамам̣ наама г̇ахид̇ам̣ – згасса гира жад̇д̇ааро рад̇анабзл̣аа саараг̇аб̣бхз табид̇аа. со рад̇д̇ибхааг̇з бзл̣аасу уббаннагижжо д̣̇ваарам̣ виварид̇ваа, д̣̇ийбам̣ ж̇аалзд̇ваа, д̣̇ийбзна вихад̇з анд̇хагаарз, бзл̣аасу баагадабхаавам̣ г̇ад̇аасу, д̇аасу гижжам̣ гад̇ваа д̣̇ваарам̣ бид̣̇ахид̇ваа г̇ад̇о. буна анд̇хагаарам̣ авад̇т̇ари. д̣̇уд̇ияаваарзби д̇ад̇ияаваарзби д̇ат̇зва агааси. жад̇уд̇т̇аваарз д̣̇ваарз вивадз анд̇хагаарз бзл̣аа на бан̃н̃ааяанд̇ийд̇и виймам̣санд̇ассзва суурияо уг̇г̇ан̃чи, суурияобхаасзна вихад̇з анд̇хагаарз бзл̣аасу гижжам̣ гад̇ваа баггаами.
Tattha saccadassanassa apubbābhāve peḷopamaṃ nāma gahitaṃ – ekassa kira cattāro ratanapeḷā sāragabbhe ṭhapitā. So rattibhāge peḷāsu uppannakicco dvāraṃ vivaritvā, dīpaṃ jāletvā, dīpena vihate andhakāre, peḷāsu pākaṭabhāvaṃ gatāsu, tāsu kiccaṃ katvā dvāraṃ pidahitvā gato. Puna andhakāraṃ avatthari. Dutiyavārepi tatiyavārepi tatheva akāsi. Catutthavāre dvāre vivaṭe andhakāre peḷā na paññāyantīti vīmaṃsantasseva sūriyo uggañchi, sūriyobhāsena vihate andhakāre peḷāsu kiccaṃ katvā pakkāmi.
д̇ад̇т̇а жад̇д̇ааро бзл̣аа вияа жад̇д̇аари сажжаани. д̇аасу гижжз уббаннз д̣̇вааравиваран̣агаало вияа сод̇аабад̇д̇имаг̇г̇асса вибассанаабхинийхаран̣агаало. анд̇хагаарам̣ вияа сажжабадижчаад̣̇агад̇амам̣. д̣̇ийбо бхаасо вияа сод̇аабад̇д̇имаг̇г̇обхаасо. вихад̇з анд̇хагаарз д̇асса бурисасса бзл̣аанам̣ баагадабхааво вияа маг̇г̇ан̃аан̣асса сажжаанам̣ баагадабхааво. маг̇г̇ан̃аан̣асса баагадаани бана маг̇г̇асаман̇г̇исса буг̇г̇аласса баагадаанзва хонд̇и. бзл̣аасу гижжам̣ гад̇ваа г̇ад̇агаало вияа сод̇аабад̇д̇имаг̇г̇асса ад̇д̇анаа бахаад̇аб̣б̣агилзсз баж̇ахид̇ваа нируд̣̇д̇хагаало. буна анд̇хагаараавад̇т̇аран̣ам̣ вияа убаримаг̇г̇ад̇д̇аяаваж̇жхасажжабадижчаад̣̇агад̇амам̣.
Tattha cattāro peḷā viya cattāri saccāni. Tāsu kicce uppanne dvāravivaraṇakālo viya sotāpattimaggassa vipassanābhinīharaṇakālo. Andhakāraṃ viya saccapaṭicchādakatamaṃ. Dīpo bhāso viya sotāpattimaggobhāso. Vihate andhakāre tassa purisassa peḷānaṃ pākaṭabhāvo viya maggañāṇassa saccānaṃ pākaṭabhāvo. Maggañāṇassa pākaṭāni pana maggasamaṅgissa puggalassa pākaṭāneva honti. Peḷāsu kiccaṃ katvā gatakālo viya sotāpattimaggassa attanā pahātabbakilese pajahitvā niruddhakālo. Puna andhakārāvattharaṇaṃ viya uparimaggattayavajjhasaccapaṭicchādakatamaṃ.
д̣̇уд̇ияаваарз д̣̇вааравиваран̣агаало вияа сагад̣̇ааг̇аамимаг̇г̇асса вибассанаабхинийхаран̣агаало. д̣̇ийбобхаасо вияа сагад̣̇ааг̇аамимаг̇г̇обхаасо. бзл̣аасу гижжам̣ гад̇ваа г̇ад̇агаало вияа сагад̣̇ааг̇аамимаг̇г̇асса ад̇д̇анаа бахаад̇аб̣б̣агилзсз баж̇ахид̇ваа нируд̣̇д̇хагаало. буна анд̇хагаараавад̇т̇аран̣ам̣ вияа убаримаг̇г̇ад̣̇ваяаваж̇жхасажжабадижчаад̣̇агад̇амам̣.
Dutiyavāre dvāravivaraṇakālo viya sakadāgāmimaggassa vipassanābhinīharaṇakālo. Dīpobhāso viya sakadāgāmimaggobhāso. Peḷāsu kiccaṃ katvā gatakālo viya sakadāgāmimaggassa attanā pahātabbakilese pajahitvā niruddhakālo. Puna andhakārāvattharaṇaṃ viya uparimaggadvayavajjhasaccapaṭicchādakatamaṃ.
д̇ад̇ияаваарз д̣̇вааравиваран̣агаало вияа анааг̇аамимаг̇г̇асса вибассанаабхинийхаран̣агаало. д̣̇ийбобхаасо вияа анааг̇аамимаг̇г̇обхаасо. бзл̣аасу гижжам̣ гад̇ваа г̇ад̇агаало вияа анааг̇аамимаг̇г̇асса ад̇д̇анаа бахаад̇аб̣б̣агилзсз баж̇ахид̇ваа нируд̣̇д̇хагаало. буна анд̇хагаараавад̇т̇аран̣ам̣ вияа убариарахад̇д̇амаг̇г̇аваж̇жхасажжабадижчаад̣̇агад̇амам̣.
Tatiyavāre dvāravivaraṇakālo viya anāgāmimaggassa vipassanābhinīharaṇakālo. Dīpobhāso viya anāgāmimaggobhāso. Peḷāsu kiccaṃ katvā gatakālo viya anāgāmimaggassa attanā pahātabbakilese pajahitvā niruddhakālo. Puna andhakārāvattharaṇaṃ viya upariarahattamaggavajjhasaccapaṭicchādakatamaṃ.
жад̇уд̇т̇аваарз д̣̇вааравиваран̣агаало вияа арахад̇д̇амаг̇г̇асса вибассанаабхинийхаран̣агаало. суурияуг̇г̇аманам̣ вияа арахад̇д̇амаг̇г̇уббаад̣̇о. анд̇хагааравид̇хаманам̣ вияа арахад̇д̇амаг̇г̇асса сажжабадижчаад̣̇агад̇амавинод̣̇анам̣ . вихад̇з анд̇хагаарз д̇асса бзл̣аанам̣ баагадабхааво вияа арахад̇д̇амаг̇г̇ан̃аан̣асса жад̇уннам̣ сажжаанам̣ баагадабхааво. н̃аан̣асса баагадаани бана буг̇г̇аласса баагадаанзва хонд̇и. бзл̣аасу гижжам̣ гад̇ваа г̇ад̇агаало вияа арахад̇д̇амаг̇г̇асса саб̣б̣агилзсакзбанам̣. суурияуг̇г̇аманад̇о бадтааяа аалогассзва бавад̇д̇игаало вияа арахад̇д̇амаг̇г̇асса уббаннагаалад̇о бадтааяа буна сажжабадижчаад̣̇агад̇амаабхааво . ид̣̇ам̣ д̇аава сажжад̣̇ассанасса абуб̣б̣аабхаавз обаммам̣.
Catutthavāre dvāravivaraṇakālo viya arahattamaggassa vipassanābhinīharaṇakālo. Sūriyuggamanaṃ viya arahattamagguppādo. Andhakāravidhamanaṃ viya arahattamaggassa saccapaṭicchādakatamavinodanaṃ . Vihate andhakāre tassa peḷānaṃ pākaṭabhāvo viya arahattamaggañāṇassa catunnaṃ saccānaṃ pākaṭabhāvo. Ñāṇassa pākaṭāni pana puggalassa pākaṭāneva honti. Peḷāsu kiccaṃ katvā gatakālo viya arahattamaggassa sabbakilesakhepanaṃ. Sūriyuggamanato paṭṭhāya ālokasseva pavattikālo viya arahattamaggassa uppannakālato paṭṭhāya puna saccapaṭicchādakatamābhāvo . Idaṃ tāva saccadassanassa apubbābhāve opammaṃ.
д̣̇идтагамзва хи бассад̇и. ‘гилзсз бана ан̃н̃з ан̃н̃о баж̇ахад̇ий’д̇и зд̇т̇а кааробамам̣ наама г̇ахид̇ам̣. зго бурисо гилидтам̣ вад̇т̇ам̣ раж̇агасса ад̣̇ааси. раж̇аго уусакаарам̣ чааригакаарам̣ г̇омаяакааранд̇и д̇аяо каарз д̣̇ад̇ваа каарзхи каад̣̇ид̇абхаавам̣ н̃ад̇ваа уд̣̇агз вигкаалзд̇ваа ол̣ааригол̣ааригам̣ малам̣ баваахзси. д̇ад̇о на д̇аава барисуд̣̇д̇ханд̇и д̣̇уд̇ияамби д̇ат̇зва каарз д̣̇ад̇ваа, уд̣̇агз вигкаалзд̇ваа, д̇ад̇о наад̇исан̣хад̇арам̣ малам̣ баваахзси. д̇ад̇о на д̇аава барисуд̣̇д̇ханд̇и д̇ад̇ияамби д̇з каарз д̣̇ад̇ваа уд̣̇агз вигкаалзд̇ваа д̇ад̇о сан̣хад̇арам̣ малам̣ баваахзси. д̇ад̇о на д̇аава барисуд̣̇д̇ханд̇и жад̇уд̇т̇амби д̇з каарз д̣̇ад̇ваа, уд̣̇агз вигкаалзд̇ваа ам̣суаб̣бханд̇араг̇ад̇амби ниссзсам̣ малам̣ баваахзд̇ваа саамигасса ад̣̇ааси. со г̇анд̇хагаран̣д̣агз багкибид̇ваа ижчид̇ижчид̇агаалз барид̣̇ахад̇и.
Diṭṭhakameva hi passati. ‘Kilese pana aññe añño pajahatī’ti ettha khāropamaṃ nāma gahitaṃ. Eko puriso kiliṭṭhaṃ vatthaṃ rajakassa adāsi. Rajako ūsakhāraṃ chārikakhāraṃ gomayakhāranti tayo khāre datvā khārehi khāditabhāvaṃ ñatvā udake vikkhāletvā oḷārikoḷārikaṃ malaṃ pavāhesi. Tato na tāva parisuddhanti dutiyampi tatheva khāre datvā, udake vikkhāletvā, tato nātisaṇhataraṃ malaṃ pavāhesi. Tato na tāva parisuddhanti tatiyampi te khāre datvā udake vikkhāletvā tato saṇhataraṃ malaṃ pavāhesi. Tato na tāva parisuddhanti catutthampi te khāre datvā, udake vikkhāletvā aṃsuabbhantaragatampi nissesaṃ malaṃ pavāhetvā sāmikassa adāsi. So gandhakaraṇḍake pakkhipitvā icchiticchitakāle paridahati.
д̇ад̇т̇а гилидтавад̇т̇ам̣ вияа гилзсаануг̇ад̇ам̣ жид̇д̇ам̣. д̇ивид̇хакаарад̣̇аанагаало вияа д̇ийсу анубассанаасу гаммасса бавад̇д̇анагаало. уд̣̇агз вигкаалзд̇ваа ол̣ааригол̣ааригамалаббавааханам̣ вияа сод̇аабад̇д̇имаг̇г̇зна бан̃жагилзсакзбанам̣. д̣̇уд̇ияамби д̇зсам̣ каараанам̣ ануббад̣̇аанам̣ вияа ‘на д̇аава барисуд̣̇д̇хам̣ ид̣̇ам̣ жид̇д̇а’нд̇и д̇аасуязва д̇ийсу анубассанаасу гаммаббавад̇д̇анам̣. д̇ад̇о наад̇исан̣хад̇арамалаббавааханам̣ вияа сагад̣̇ааг̇аамимаг̇г̇зна ол̣ааригасам̣яож̇анад̣̇ваяакзбанам̣. д̇ад̇о ‘на д̇аава барисуд̣̇д̇хам̣ вад̇т̇а’нд̇и буна каарад̇д̇аяад̣̇аанам̣ вияа ‘на д̇аава барисуд̣̇д̇хам̣ ид̣̇ам̣ жид̇д̇а’нд̇и д̇аасуязва д̇ийсу анубассанаасу гаммаббавад̇д̇анам̣. д̇ад̇о сан̣хад̇арамалаббавааханам̣ вияа анааг̇аамимаг̇г̇зна ан̣усахаг̇ад̇асам̣яож̇анад̣̇ваяакзбанам̣. ‘на д̇аава барисуд̣̇д̇хам̣ вад̇т̇а’нд̇и буна каарад̇д̇аяад̣̇аанам̣ вияа ‘на д̇аава барисуд̣̇д̇хам̣ ид̣̇ам̣ жид̇д̇а’нд̇и д̇аасуязва д̇ийсу анубассанаасу гаммаббавад̇д̇анам̣. д̇ад̇о вигкааланзна ам̣суаб̣бханд̇араг̇ад̇з малз баваахзд̇ваа барисуд̣̇д̇хасса раж̇ад̇абаддасад̣̇исасса г̇анд̇хагаран̣д̣агз нигкид̇д̇асса вад̇т̇асса ижчид̇ижчид̇агкан̣з барид̣̇аханам̣ вияа арахад̇д̇амаг̇г̇зна адтаннам̣ гилзсаанам̣ кзбид̇ад̇д̇аа барисуд̣̇д̇хасса кийн̣аасаважид̇д̇асса ижчид̇ижчид̇агкан̣з паласамаабад̇д̇ивихаарзна вийд̇инааманам̣. ид̣̇ам̣ ‘ан̃н̃з ан̃н̃о гилзсз баж̇ахад̇ий’д̇и зд̇т̇а обаммам̣. вуд̇д̇амби жзд̇ам̣ –
Tattha kiliṭṭhavatthaṃ viya kilesānugataṃ cittaṃ. Tividhakhāradānakālo viya tīsu anupassanāsu kammassa pavattanakālo. Udake vikkhāletvā oḷārikoḷārikamalappavāhanaṃ viya sotāpattimaggena pañcakilesakhepanaṃ. Dutiyampi tesaṃ khārānaṃ anuppadānaṃ viya ‘na tāva parisuddhaṃ idaṃ citta’nti tāsuyeva tīsu anupassanāsu kammappavattanaṃ. Tato nātisaṇhataramalappavāhanaṃ viya sakadāgāmimaggena oḷārikasaṃyojanadvayakhepanaṃ. Tato ‘na tāva parisuddhaṃ vattha’nti puna khārattayadānaṃ viya ‘na tāva parisuddhaṃ idaṃ citta’nti tāsuyeva tīsu anupassanāsu kammappavattanaṃ. Tato saṇhataramalappavāhanaṃ viya anāgāmimaggena aṇusahagatasaṃyojanadvayakhepanaṃ. ‘Na tāva parisuddhaṃ vattha’nti puna khārattayadānaṃ viya ‘na tāva parisuddhaṃ idaṃ citta’nti tāsuyeva tīsu anupassanāsu kammappavattanaṃ. Tato vikkhālanena aṃsuabbhantaragate male pavāhetvā parisuddhassa rajatapaṭṭasadisassa gandhakaraṇḍake nikkhittassa vatthassa icchiticchitakkhaṇe paridahanaṃ viya arahattamaggena aṭṭhannaṃ kilesānaṃ khepitattā parisuddhassa khīṇāsavacittassa icchiticchitakkhaṇe phalasamāpattivihārena vītināmanaṃ. Idaṃ ‘aññe añño kilese pajahatī’ti ettha opammaṃ. Vuttampi cetaṃ –
‘‘сзяяат̇ааби , аавусо, вад̇т̇ам̣ сам̣гилидтам̣ малаг̇г̇ахид̇ам̣, д̇амзнам̣ саамигаа раж̇агасса анубад̣̇аж̇ж̇зяяум̣. д̇амзнам̣ раж̇аго уусз ваа каарз ваа г̇омаяз ваа саммад̣̇д̣̇ид̇ваа ажчз уд̣̇агз вигкаалзд̇и. гин̃жааби д̇ам̣ ход̇и вад̇т̇ам̣ барисуд̣̇д̇хам̣ барияод̣̇аад̇ам̣, ат̇а квасса ход̇иязва ‘ан̣усахаг̇ад̇о уусаг̇анд̇хо ваа каараг̇анд̇хо ваа г̇омаяаг̇анд̇хо ваа асамуухад̇о’. д̇амзнам̣ раж̇аго саамигаанам̣ д̣̇зд̇и. д̇амзнам̣ саамигаа г̇анд̇хабарибхаавид̇з гаран̣д̣агз нигкибанд̇и. яобисса ход̇и ан̣усахаг̇ад̇о уусаг̇анд̇хо ваа каараг̇анд̇хо ваа г̇омаяаг̇анд̇хо ваа асамуухад̇о, соби самуг̇гхаад̇ам̣ г̇ажчад̇и. звамзва ко, аавусо, гин̃жааби арияасаавагасса бан̃жорамбхааг̇ияаани сам̣яож̇анаани бахийнаани бхаванд̇и, ат̇а квасса ход̇иязва бан̃жасу убаад̣̇аанагканд̇хзсу ан̣усахаг̇ад̇о ‘асмий’д̇и маано, ‘асмий’д̇и чанд̣̇о, ‘асмий’д̇и анусаяо асамуухад̇о, со абарзна самаязна бан̃жасу убаад̣̇аанагканд̇хзсу уд̣̇аяаб̣б̣аяаанубассий вихарад̇и – ‘ид̇и руубам̣, ид̇и руубасса самуд̣̇аяо, ид̇и руубасса ад̇т̇ан̇г̇амо; ид̇и взд̣̇анаа ид̇и сан̃н̃аа ид̇и сан̇каараа ид̇и вин̃н̃аан̣ам̣, ид̇и вин̃н̃аан̣асса самуд̣̇аяо, ид̇и вин̃н̃аан̣асса ад̇т̇ан̇г̇амо’д̇и. д̇ассимзсу бан̃жасу убаад̣̇аанагканд̇хзсу уд̣̇аяаб̣б̣аяаанубассино вихарад̇о яобисса ход̇и бан̃жасу убаад̣̇аанагканд̇хзсу ан̣усахаг̇ад̇о ‘асмий’д̇и маано, ‘асмий’д̇и чанд̣̇о, ‘асмий’д̇и анусаяо асамуухад̇о, соби самуг̇гхаад̇ам̣ г̇ажчад̇ий’’д̇и (сам̣. ни. 3.89).
‘‘Seyyathāpi , āvuso, vatthaṃ saṃkiliṭṭhaṃ malaggahitaṃ, tamenaṃ sāmikā rajakassa anupadajjeyyuṃ. Tamenaṃ rajako ūse vā khāre vā gomaye vā sammadditvā acche udake vikkhāleti. Kiñcāpi taṃ hoti vatthaṃ parisuddhaṃ pariyodātaṃ, atha khvassa hotiyeva ‘aṇusahagato ūsagandho vā khāragandho vā gomayagandho vā asamūhato’. Tamenaṃ rajako sāmikānaṃ deti. Tamenaṃ sāmikā gandhaparibhāvite karaṇḍake nikkhipanti. Yopissa hoti aṇusahagato ūsagandho vā khāragandho vā gomayagandho vā asamūhato, sopi samugghātaṃ gacchati. Evameva kho, āvuso, kiñcāpi ariyasāvakassa pañcorambhāgiyāni saṃyojanāni pahīnāni bhavanti, atha khvassa hotiyeva pañcasu upādānakkhandhesu aṇusahagato ‘asmī’ti māno, ‘asmī’ti chando, ‘asmī’ti anusayo asamūhato, so aparena samayena pañcasu upādānakkhandhesu udayabbayānupassī viharati – ‘iti rūpaṃ, iti rūpassa samudayo, iti rūpassa atthaṅgamo; iti vedanā iti saññā iti saṅkhārā iti viññāṇaṃ, iti viññāṇassa samudayo, iti viññāṇassa atthaṅgamo’ti. Tassimesu pañcasu upādānakkhandhesu udayabbayānupassino viharato yopissa hoti pañcasu upādānakkhandhesu aṇusahagato ‘asmī’ti māno, ‘asmī’ti chando, ‘asmī’ti anusayo asamūhato, sopi samugghātaṃ gacchatī’’ti (saṃ. ni. 3.89).
д̇ад̇т̇а сод̇аабад̇д̇имаг̇г̇зна бан̃жа агусалажид̇д̇аани бахийяанд̇и сад̣̇д̇хим̣ жид̇д̇ан̇г̇авасзна уббаж̇ж̇анагабаабад̇хаммзхи. сагад̣̇ааг̇аамимаг̇г̇зна д̣̇вз д̣̇оманассасахаг̇ад̇ажид̇д̇аани д̇анугаани бхаванд̇и сад̣̇д̇хим̣ жид̇д̇ан̇г̇авасзна уббаж̇ж̇анагабаабад̇хаммзхи. анааг̇аамимаг̇г̇зна д̇ааниязва бахийяанд̇и сад̣̇д̇хим̣ самбаяуд̇д̇ад̇хаммзхи. арахад̇д̇амаг̇г̇зна бан̃жа агусалажид̇д̇аани бахийяанд̇и сад̣̇д̇хим̣ жид̇д̇ан̇г̇авасзна уббаж̇ж̇анагабаабад̇хаммзхи. имзсам̣ д̣̇ваад̣̇асаннам̣ агусалажид̇д̇аанам̣ бахийнагаалад̇о бадтааяа кийн̣аасавасса жид̇д̇ан̇г̇авасзна буна бажчад̇обавад̇д̇анагагилзсо наама на ход̇и.
Tattha sotāpattimaggena pañca akusalacittāni pahīyanti saddhiṃ cittaṅgavasena uppajjanakapāpadhammehi. Sakadāgāmimaggena dve domanassasahagatacittāni tanukāni bhavanti saddhiṃ cittaṅgavasena uppajjanakapāpadhammehi. Anāgāmimaggena tāniyeva pahīyanti saddhiṃ sampayuttadhammehi. Arahattamaggena pañca akusalacittāni pahīyanti saddhiṃ cittaṅgavasena uppajjanakapāpadhammehi. Imesaṃ dvādasannaṃ akusalacittānaṃ pahīnakālato paṭṭhāya khīṇāsavassa cittaṅgavasena puna pacchatopavattanakakileso nāma na hoti.
д̇ад̇рид̣̇ам̣ обаммам̣ – зго гира махаарааж̇аа бажжанд̇з аарагкам̣ д̣̇ад̇ваа махаанаг̇арз иссарияам̣ анубхаванд̇о васад̇и. ат̇асса бажжанд̇о губби. д̇асмим̣ самаяз д̣̇ваад̣̇аса жораж̇здтагаа анзгзхи бурисасахассзхи сад̣̇д̇хим̣ радтам̣ вилумбанд̇и. бажжанд̇аваасино махаамад̇д̇аа ‘бажжанд̇о губид̇о’д̇и ран̃н̃о бахин̣им̣су. рааж̇аа ‘виссадтаа г̇ан̣хат̇а, ахам̣ д̇умхаагам̣ гад̇д̇аб̣б̣ам̣ гариссаамий’д̇и саасанам̣ бахин̣и . д̇з батамасамбахаарзнзва анзгзхи бурисасахассзхи сад̣̇д̇хим̣ бан̃жа жораж̇здтагз гхаад̇аяим̣су. сзсаа сад̇д̇а ж̇анаа ад̇д̇ано ад̇д̇ано бариваарз г̇ахзд̇ваа баб̣б̣ад̇ам̣ бависим̣су. амажжаа д̇ам̣ бавад̇д̇им̣ ран̃н̃о бзсаяим̣су.
Tatridaṃ opammaṃ – eko kira mahārājā paccante ārakkhaṃ datvā mahānagare issariyaṃ anubhavanto vasati. Athassa paccanto kuppi. Tasmiṃ samaye dvādasa corajeṭṭhakā anekehi purisasahassehi saddhiṃ raṭṭhaṃ vilumpanti. Paccantavāsino mahāmattā ‘paccanto kupito’ti rañño pahiṇiṃsu. Rājā ‘vissaṭṭhā gaṇhatha, ahaṃ tumhākaṃ kattabbaṃ karissāmī’ti sāsanaṃ pahiṇi . Te paṭhamasampahāreneva anekehi purisasahassehi saddhiṃ pañca corajeṭṭhake ghātayiṃsu. Sesā satta janā attano attano parivāre gahetvā pabbataṃ pavisiṃsu. Amaccā taṃ pavattiṃ rañño pesayiṃsu.
рааж̇аа ‘д̇умхаагам̣ гад̇д̇аб̣б̣аяуд̇д̇ам̣ ахам̣ ж̇ааниссаами, д̇зби г̇ан̣хат̇аа’д̇и д̇ханам̣ бахин̣и. д̇з д̣̇уд̇ияасамбахаарзна д̣̇вз жораж̇здтагз бахарим̣су, бариваарзби д̇зсам̣ д̣̇уб̣б̣алз агам̣су. д̇з саб̣б̣зби балааяид̇ваа баб̣б̣ад̇ам̣ бависим̣су. д̇амби бавад̇д̇им̣ амажжаа ран̃н̃о бзсаяим̣су.
Rājā ‘tumhākaṃ kattabbayuttaṃ ahaṃ jānissāmi, tepi gaṇhathā’ti dhanaṃ pahiṇi. Te dutiyasampahārena dve corajeṭṭhake pahariṃsu, parivārepi tesaṃ dubbale akaṃsu. Te sabbepi palāyitvā pabbataṃ pavisiṃsu. Tampi pavattiṃ amaccā rañño pesayiṃsu.
буна рааж̇аа ‘виссадтаа г̇ан̣ханд̇уу’д̇и д̇ханам̣ бахин̣и. д̇з д̇ад̇ияасамбахаарзна сад̣̇д̇хим̣ сахааяабурисзхи д̣̇вз жораж̇здтагз гхаад̇аяид̇ваа д̇ам̣ бавад̇д̇им̣ ран̃н̃о бзсаяим̣су.
Puna rājā ‘vissaṭṭhā gaṇhantū’ti dhanaṃ pahiṇi. Te tatiyasampahārena saddhiṃ sahāyapurisehi dve corajeṭṭhake ghātayitvā taṃ pavattiṃ rañño pesayiṃsu.
буна рааж̇аа ‘авасзсз виссадтаа г̇ан̣ханд̇уу’д̇и д̇ханам̣ бахин̣и. д̇з жад̇уд̇т̇асамбахаарзна сабариваарз бан̃жа жораж̇здтагз гхаад̇аяим̣су. д̣̇ваад̣̇асаннам̣ жораж̇здтагаанам̣ гхаад̇ид̇агаалад̇о бадтааяа гожи жоро наама над̇т̇и. кзмаа ж̇анабад̣̇аа урз буд̇д̇з нажжзнд̇аа ман̃н̃з вихаранд̇и. рааж̇аа виж̇ид̇асан̇г̇аамзхи яод̇хзхи баривуд̇о варабаасаад̣̇аг̇ад̇о махаасамбад̇д̇им̣ анубхави.
Puna rājā ‘avasese vissaṭṭhā gaṇhantū’ti dhanaṃ pahiṇi. Te catutthasampahārena saparivāre pañca corajeṭṭhake ghātayiṃsu. Dvādasannaṃ corajeṭṭhakānaṃ ghātitakālato paṭṭhāya koci coro nāma natthi. Khemā janapadā ure putte naccentā maññe viharanti. Rājā vijitasaṅgāmehi yodhehi parivuto varapāsādagato mahāsampattiṃ anubhavi.
д̇ад̇т̇а маханд̇о рааж̇аа вияа д̇хаммарааж̇аа. бажжанд̇аваасино амажжаа вияа яог̇ааважараа гулабуд̇д̇аа. д̣̇ваад̣̇аса жораж̇здтагаа вияа д̣̇ваад̣̇аса агусалажид̇д̇аани. д̇зсам̣ сахааяаа анзгасахассабурисаа вияа жид̇д̇ан̇г̇авасзна уббаж̇ж̇анагабаабад̇хаммаа. ран̃н̃о бажжанд̇о губид̇од̇и бахид̇агаало вияа аарамман̣з гилзсзсу уббаннзсу ‘бханд̇з, гилзсо мз уббанно’д̇и сад̇т̇у аарожанагаало. ‘виссадтаа г̇ан̣ханд̇уу’д̇и д̇ханад̣̇аанам̣ вияа ‘гилзсз ниг̇г̇ан̣ха бхигкуу’д̇и д̇хаммаран̃н̃о гаммадтаанаажигканам̣. сабариваараанам̣ бан̃жаннам̣ жораж̇здтагаанам̣ гхаад̇ид̇агаало вияа сод̇аабад̇д̇имаг̇г̇зна самбаяуд̇д̇аанам̣ бан̃жаннам̣ агусалажид̇д̇аанам̣ бахаанам̣.
Tattha mahanto rājā viya dhammarājā. Paccantavāsino amaccā viya yogāvacarā kulaputtā. Dvādasa corajeṭṭhakā viya dvādasa akusalacittāni. Tesaṃ sahāyā anekasahassapurisā viya cittaṅgavasena uppajjanakapāpadhammā. Rañño paccanto kupitoti pahitakālo viya ārammaṇe kilesesu uppannesu ‘bhante, kileso me uppanno’ti satthu ārocanakālo. ‘Vissaṭṭhā gaṇhantū’ti dhanadānaṃ viya ‘kilese niggaṇha bhikkhū’ti dhammarañño kammaṭṭhānācikkhanaṃ. Saparivārānaṃ pañcannaṃ corajeṭṭhakānaṃ ghātitakālo viya sotāpattimaggena sampayuttānaṃ pañcannaṃ akusalacittānaṃ pahānaṃ.
буна ран̃н̃о бавад̇д̇ибзсанам̣ вияа саммаасамб̣уд̣̇д̇хасса бадилад̣̇д̇хаг̇ун̣аарожанам̣. ‘сзсагз жа г̇ан̣ханд̇уу’д̇и буна д̇ханад̣̇аанам̣ вияа бхаг̇авад̇о сагад̣̇ааг̇аамимаг̇г̇асса вибассанаажигканам̣. д̣̇уд̇ияасамбахаарзна сабариваараанам̣ д̣̇виннам̣ жораж̇здтагаанам̣ д̣̇уб̣б̣алийгаран̣ам̣ вияа сагад̣̇ааг̇аамимаг̇г̇зна сасамбаяуд̇д̇аанам̣ д̣̇виннам̣ д̣̇оманассажид̇д̇аанам̣ д̇анубхаавагаран̣ам̣.
Puna rañño pavattipesanaṃ viya sammāsambuddhassa paṭiladdhaguṇārocanaṃ. ‘Sesake ca gaṇhantū’ti puna dhanadānaṃ viya bhagavato sakadāgāmimaggassa vipassanācikkhanaṃ. Dutiyasampahārena saparivārānaṃ dvinnaṃ corajeṭṭhakānaṃ dubbalīkaraṇaṃ viya sakadāgāmimaggena sasampayuttānaṃ dvinnaṃ domanassacittānaṃ tanubhāvakaraṇaṃ.
буна ран̃н̃о бавад̇д̇ибзсанам̣ вияа сад̇т̇у бадилад̣̇д̇хаг̇ун̣аарожанам̣. ‘виссадтаа г̇ан̣ханд̇уу’д̇и буна д̇ханад̣̇аанам̣ вияа бхаг̇авад̇о анааг̇аамимаг̇г̇асса вибассанаажигканам̣. д̇ад̇ияасамбахаарзна сабариваараанам̣ д̣̇виннам̣ жораж̇здтагаанам̣ гхаад̇анам̣ вияа анааг̇аамимаг̇г̇зна сасамбаяуд̇д̇аанам̣ д̣̇виннам̣ д̣̇оманассажид̇д̇аанам̣ бахаанам̣.
Puna rañño pavattipesanaṃ viya satthu paṭiladdhaguṇārocanaṃ. ‘Vissaṭṭhā gaṇhantū’ti puna dhanadānaṃ viya bhagavato anāgāmimaggassa vipassanācikkhanaṃ. Tatiyasampahārena saparivārānaṃ dvinnaṃ corajeṭṭhakānaṃ ghātanaṃ viya anāgāmimaggena sasampayuttānaṃ dvinnaṃ domanassacittānaṃ pahānaṃ.
буна ран̃н̃о бавад̇д̇ибзсанам̣ вияа д̇ат̇ааг̇ад̇асса бадилад̣̇д̇хаг̇ун̣аарожанам̣. ‘виссадтаа г̇ан̣ханд̇уу’д̇и буна д̇ханад̣̇аанам̣ вияа бхаг̇авад̇о арахад̇д̇амаг̇г̇асса вибассанаажигканам̣. жад̇уд̇т̇асамбахаарзна сабариваараанам̣ бан̃жаннам̣ жораж̇здтагаанам̣ гхаад̇ид̇агаалад̇о бадтааяа ж̇анабад̣̇асса кзмагаало вияа арахад̇д̇амаг̇г̇зна сасамбаяуд̇д̇зсу бан̃жасу агусалажид̇д̇зсу бахийнзсу д̣̇ваад̣̇асаннам̣ агусалажид̇д̇аанам̣ бахийнагаалад̇о бадтааяа буна жид̇д̇ан̇г̇авасзна уббаж̇ж̇анагасса агусалад̇хаммасса абхааво. ран̃н̃о виж̇ид̇асан̇г̇аамасса амажжаг̇ан̣абаривуд̇асса варабаасаад̣̇з махаасамбад̇д̇ианубхаванам̣ вияа кийн̣аасавабаривуд̇асса д̇хаммаран̃н̃о сун̃н̃ад̇аанимид̇д̇ааббан̣ихид̇абхзд̣̇зсу самаабад̇д̇исукзсу ижчид̇ижчид̇апаласамаабад̇д̇исукаанубхаванам̣ взд̣̇ид̇аб̣б̣анд̇и.
Puna rañño pavattipesanaṃ viya tathāgatassa paṭiladdhaguṇārocanaṃ. ‘Vissaṭṭhā gaṇhantū’ti puna dhanadānaṃ viya bhagavato arahattamaggassa vipassanācikkhanaṃ. Catutthasampahārena saparivārānaṃ pañcannaṃ corajeṭṭhakānaṃ ghātitakālato paṭṭhāya janapadassa khemakālo viya arahattamaggena sasampayuttesu pañcasu akusalacittesu pahīnesu dvādasannaṃ akusalacittānaṃ pahīnakālato paṭṭhāya puna cittaṅgavasena uppajjanakassa akusaladhammassa abhāvo. Rañño vijitasaṅgāmassa amaccagaṇaparivutassa varapāsāde mahāsampattianubhavanaṃ viya khīṇāsavaparivutassa dhammarañño suññataanimittaappaṇihitabhedesu samāpattisukhesu icchiticchitaphalasamāpattisukhānubhavanaṃ veditabbanti.
гусалаа д̇хаммаад̇ибад̣̇асса ван̣н̣анаа нидтид̇аа.
Kusalā dhammātipadassa vaṇṇanā niṭṭhitā.
