| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
жад̇умаг̇г̇анаяасахассаван̣н̣анаа
Catumagganayasahassavaṇṇanā
362. маанасса д̣̇идтисад̣̇исаа бавад̇д̇и. д̇ат̇аа хи со ад̇хибад̇и вияа ан̃н̃аад̇хибад̇инаа д̣̇идтияаа саха наббавад̇д̇ад̇ийд̇и. згад̣̇зса…бз… убамаа ход̇и, на саб̣б̣асааман̃н̃зна, ид̇арат̇аа суурияад̇т̇ан̇г̇аманз анд̇хагаараавад̇т̇аран̣ам̣ вияа аг̇г̇амаг̇г̇ад̇ирод̇хаанз сажжабадижчаад̣̇агад̇амаббавад̇д̇и аабаж̇ж̇зяяаад̇и ад̇хиббааяо. ан̃н̃аман̃н̃анд̇и ан̃н̃з ан̃н̃з. ‘‘аанийд̇ам̣ ид̣̇ам̣ суд̇д̇а’’нд̇и вибхад̇д̇и барин̣аамзд̇аб̣б̣аа. яат̇аавуд̇д̇анаязнаад̇и имиссаа адтагат̇ааяам̣ вуд̇д̇анаязна. на убамааяа вуд̇д̇ад̇д̇аад̇и имасмим̣ суд̇д̇з на убамааяа вуд̇д̇абхаавад̇о. яат̇аавуд̇д̇анаязнаад̇и ваа зд̇асмим̣ суд̇д̇з вуд̇д̇аббагаарзна наязна имиссаа адтагат̇ааяам̣ убамааяа на вуд̇д̇ад̇д̇аа. аваяаваа вияа хонд̇и, язна д̇з жзд̇аси нияуд̇д̇аа, жид̇д̇асса зд̇зд̇и жа жзд̇асигаад̇иаад̣̇инаа вужжанд̇и, на бана ‘‘пассигаа’’д̇иаад̣̇инаад̇и д̣̇адтаб̣б̣ам̣.
362. Mānassa diṭṭhisadisā pavatti. Tathā hi so adhipati viya aññādhipatinā diṭṭhiyā saha nappavattatīti. Ekadesa…pe… upamā hoti, na sabbasāmaññena, itarathā sūriyatthaṅgamane andhakārāvattharaṇaṃ viya aggamaggatirodhāne saccapaṭicchādakatamappavatti āpajjeyyāti adhippāyo. Aññamaññanti aññe aññe. ‘‘Ānītaṃ idaṃ sutta’’nti vibhatti pariṇāmetabbā. Yathāvuttanayenāti imissā aṭṭhakathāyaṃ vuttanayena. Na upamāya vuttattāti imasmiṃ sutte na upamāya vuttabhāvato. Yathāvuttanayenāti vā etasmiṃ sutte vuttappakārena nayena imissā aṭṭhakathāyaṃ upamāya na vuttattā. Avayavā viya honti, yena te cetasi niyuttā, cittassa eteti ca cetasikātiādinā vuccanti, na pana ‘‘phassikā’’tiādināti daṭṭhabbaṃ.
гусалагат̇ааван̣н̣анаа нидтид̇аа.
Kusalakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / логуд̇д̇арагусалам̣ • Lokuttarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / д̇ад̇ияажад̇уд̇т̇амаг̇г̇аа • Tatiyacatutthamaggā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̇ад̇ияажад̇уд̇т̇амаг̇г̇аван̣н̣анаа • Tatiyacatutthamaggavaṇṇanā
