| Library / Tipiṭaka / තිපිටක • Tipiṭaka / ධම්‌මසඞ්‌ගණී-අනුටීකා • Dhammasaṅgaṇī-anuṭīkā |
චතුමග්‌ගනයසහස්‌සවණ්‌ණනා
Catumagganayasahassavaṇṇanā
362. මානස්‌ස දිට්‌ඨිසදිසා පවත්‌ති. තථා හි සො අධිපති විය අඤ්‌ඤාධිපතිනා දිට්‌ඨියා සහ නප්‌පවත්‌තතීති. එකදෙස…පෙ.… උපමා හොති, න සබ්‌බසාමඤ්‌ඤෙන, ඉතරථා සූරියත්‌ථඞ්‌ගමනෙ අන්‌ධකාරාවත්‌ථරණං විය අග්‌ගමග්‌ගතිරොධානෙ සච්‌චපටිච්‌ඡාදකතමප්‌පවත්‌ති ආපජ්‌ජෙය්‍යාති අධිප්‌පායො. අඤ්‌ඤමඤ්‌ඤන්‌ති අඤ්‌ඤෙ අඤ්‌ඤෙ. ‘‘ආනීතං ඉදං සුත්‌ත’’න්‌ති විභත්‌ති පරිණාමෙතබ්‌බා. යථාවුත්‌තනයෙනාති ඉමිස්‌සා අට්‌ඨකථායං වුත්‌තනයෙන. න උපමාය වුත්‌තත්‌තාති ඉමස්‌මිං සුත්‌තෙ න උපමාය වුත්‌තභාවතො. යථාවුත්‌තනයෙනාති වා එතස්‌මිං සුත්‌තෙ වුත්‌තප්‌පකාරෙන නයෙන ඉමිස්‌සා අට්‌ඨකථායං උපමාය න වුත්‌තත්‌තා. අවයවා විය හොන්‌ති, යෙන තෙ චෙතසි නියුත්‌තා, චිත්‌තස්‌ස එතෙති ච චෙතසිකාතිආදිනා වුච්‌චන්‌ති, න පන ‘‘ඵස්‌සිකා’’තිආදිනාති දට්‌ඨබ්‌බං.
362. Mānassa diṭṭhisadisā pavatti. Tathā hi so adhipati viya aññādhipatinā diṭṭhiyā saha nappavattatīti. Ekadesa…pe… upamā hoti, na sabbasāmaññena, itarathā sūriyatthaṅgamane andhakārāvattharaṇaṃ viya aggamaggatirodhāne saccapaṭicchādakatamappavatti āpajjeyyāti adhippāyo. Aññamaññanti aññe aññe. ‘‘Ānītaṃ idaṃ sutta’’nti vibhatti pariṇāmetabbā. Yathāvuttanayenāti imissā aṭṭhakathāyaṃ vuttanayena. Na upamāya vuttattāti imasmiṃ sutte na upamāya vuttabhāvato. Yathāvuttanayenāti vā etasmiṃ sutte vuttappakārena nayena imissā aṭṭhakathāyaṃ upamāya na vuttattā. Avayavā viya honti, yena te cetasi niyuttā, cittassa eteti ca cetasikātiādinā vuccanti, na pana ‘‘phassikā’’tiādināti daṭṭhabbaṃ.
කුසලකථාවණ්‌ණනා නිට්‌ඨිතා.
Kusalakathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / ධම්‌මසඞ්‌ගණීපාළි • Dhammasaṅgaṇīpāḷi / ලොකුත්‌තරකුසලං • Lokuttarakusalaṃ
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / ධම්‌මසඞ්‌ගණි-අට්‌ඨකථා • Dhammasaṅgaṇi-aṭṭhakathā / තතියචතුත්‌ථමග්‌ගා • Tatiyacatutthamaggā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-මූලටීකා • Dhammasaṅgaṇī-mūlaṭīkā / තතියචතුත්‌ථමග්‌ගවණ්‌ණනා • Tatiyacatutthamaggavaṇṇanā
