| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
185. சதுமஹாபதே³ஸகதா²
185. Catumahāpadesakathā
305. இத³ங் ந கப்பதீதிஆதீ³தி ‘‘இத³ங் ந கப்பதீ’’திஆத³யோ இமே சத்தாரோ மஹாபதே³ஸேதி யோஜனா. அபஸ்ஸயங் கத்வா தி³ஸியந்தி எத்தா²தி அபதே³ஸா ஓகாஸா, அபஸ்ஸயங் கத்வா தி³ஸியந்தி ஏதேஹீதி வா அபதே³ஸா காரணா, ‘‘மஹந்தா அபதே³ஸா மஹாபதே³ஸா. தஞ்சாதி மஹாபதே³ஸஸங்கா²தங் தஞ்ச ஸுத்தங், க³ஹெத்வாதி யோஜனா. பரிமத்³த³ந்தாதி புனப்புனங் மத்³த³ந்தா, உபபரிக்க²ந்தாதி அத்தோ². இத³ந்தி காரணங். தந்தி நவமஹாப²லஅபரண்ணங். தானீதி கு²த்³த³கப²லபானானி. ஹீதி ஸச்சங்.
305.Idaṃ na kappatītiādīti ‘‘idaṃ na kappatī’’tiādayo ime cattāro mahāpadeseti yojanā. Apassayaṃ katvā disiyanti etthāti apadesā okāsā, apassayaṃ katvā disiyanti etehīti vā apadesā kāraṇā, ‘‘mahantā apadesā mahāpadesā. Tañcāti mahāpadesasaṅkhātaṃ tañca suttaṃ, gahetvāti yojanā. Parimaddantāti punappunaṃ maddantā, upaparikkhantāti attho. Idanti kāraṇaṃ. Tanti navamahāphalaaparaṇṇaṃ. Tānīti khuddakaphalapānāni. Hīti saccaṃ.
தேஸந்தி ச²ன்னங் சீவரானங். தத்தா²தி ச²ஸு அனுலோமசீவரேஸு. ‘‘பாணகேஹி ஸஞ்ஜாதவத்த²’’ந்தி இமினா கோஸெய்யவத்த²பா⁴வங் த³ஸ்ஸேதி. த்³வே படாதி சீனபடஸோமாரபடா. து³கூலங் ஸாணஸ்ஸ அனுலோமந்தி யோஜனா.
Tesanti channaṃ cīvarānaṃ. Tatthāti chasu anulomacīvaresu. ‘‘Pāṇakehi sañjātavattha’’nti iminā koseyyavatthabhāvaṃ dasseti. Dve paṭāti cīnapaṭasomārapaṭā. Dukūlaṃ sāṇassa anulomanti yojanā.
தேஸங்யேவாதி த்³வின்னங் பத்தானமேவ. தேஸங்யேவாதி திண்ணங் தும்பா³னமேவ. தேஸங்யேவாதி த்³வின்னங் காயப³ந்த⁴னானமேவ. ஸேதச்ச²த்தந்தி ஸேதேஹி வத்தே²ஹி கதங் ச²த்தங். தேஸங்யேவாதி திண்ணங் ச²த்தானமேவ.
Tesaṃyevāti dvinnaṃ pattānameva. Tesaṃyevāti tiṇṇaṃ tumbānameva. Tesaṃyevāti dvinnaṃ kāyabandhanānameva. Setacchattanti setehi vatthehi kataṃ chattaṃ. Tesaṃyevāti tiṇṇaṃ chattānameva.
ஸம்பி⁴ன்னரஸந்தி ஸங்ஸக்³க³ரஸங். எத்த² பி⁴ஜ்ஜித்தா²தி பி⁴ன்னோதி வசனத்தே²ன பி⁴தி³தா⁴து த்³விதா⁴கரணஸங்கா²தோ பே⁴த³த்தோ² ஹோதி, தா⁴த்வத்த²பா³த⁴கேன ஸங்த்யூபஸக்³கே³ன பி⁴தி³தா⁴துயா பே⁴த³த்த²ங் பா³தெ⁴த்வா ஸங்ஸக்³க³த்த²வாசகோ ஹோதீதி த³ட்ட²ப்³ப³ங். ச²ல்லிம்பீதி தசம்பி. ஸகலேனேவாதி ச²ல்லியா ஏவ. பாயாஸேன அஸங்ஸட்ட²ங் யங் ஸப்³பீ³தி யோஜனா. தானீதி தக்கோலஜாதிப²லாதீ³னி. யட்டி²மது⁴காதீ³ஸுபீதி மது⁴லட்டி²காதீ³ஸுபி. ‘‘லட்டி²மது⁴காதீ³ஸுபீ’’தி வா பாடோ², ஸோ அபாடோ²யேவ. யங் யந்தி வத்து². யதா²தி யேனாகாரேன, தோ⁴வியமானே தச்சி²யமானேதி ஸம்ப³ந்தோ⁴.
Sambhinnarasanti saṃsaggarasaṃ. Ettha bhijjitthāti bhinnoti vacanatthena bhididhātu dvidhākaraṇasaṅkhāto bhedattho hoti, dhātvatthabādhakena saṃtyūpasaggena bhididhātuyā bhedatthaṃ bādhetvā saṃsaggatthavācako hotīti daṭṭhabbaṃ. Challimpīti tacampi. Sakalenevāti challiyā eva. Pāyāsena asaṃsaṭṭhaṃ yaṃ sabbīti yojanā. Tānīti takkolajātiphalādīni. Yaṭṭhimadhukādīsupīti madhulaṭṭhikādīsupi. ‘‘Laṭṭhimadhukādīsupī’’ti vā pāṭho, so apāṭhoyeva. Yaṃ yanti vatthu. Yathāti yenākārena, dhoviyamāne tacchiyamāneti sambandho.
ஸம்பி⁴ன்னரஸந்தி வத்வா தமேவத்த²ங் த³ஸ்ஸேதுங் வுத்தங் ‘‘ஸங்ஸட்ட²’’ந்தி. ஸபா⁴வந்தி யாவகாலங் கப்பியஸபா⁴வங் . தஸ்மாதி யஸ்மா உபனேதி, தஸ்மா. தேனாதி ஸத்தாஹகாலிகேன. தத³ஹுபடிக்³க³ஹிதந்தி தத³ஹேவ படிக்³க³ஹிதங். த்³வீஹபடிக்³க³ஹிதேன ஸத்தாஹகாலிகேனாதி ஸம்ப³ந்தோ⁴.
Sambhinnarasanti vatvā tamevatthaṃ dassetuṃ vuttaṃ ‘‘saṃsaṭṭha’’nti. Sabhāvanti yāvakālaṃ kappiyasabhāvaṃ . Tasmāti yasmā upaneti, tasmā. Tenāti sattāhakālikena. Tadahupaṭiggahitanti tadaheva paṭiggahitaṃ. Dvīhapaṭiggahitena sattāhakālikenāti sambandho.
எத்தா²தி காலிகஸங்ஸக்³கே³. ஆபத்தியோ வேதி³தப்³பா³தி யதா²க்கமங் ஆபத்தியோ வேதி³தப்³பா³. ஸப்³ப³த்தா²தி ஸப்³ப³ஸ்மிங் பே⁴ஸஜ்ஜக்க²ந்த⁴கே.
Etthāti kālikasaṃsagge. Āpattiyo veditabbāti yathākkamaṃ āpattiyo veditabbā. Sabbatthāti sabbasmiṃ bhesajjakkhandhake.
இதி பே⁴ஸஜ்ஜக்க²ந்த⁴கவண்ணனாய யோஜனா ஸமத்தா.
Iti bhesajjakkhandhakavaṇṇanāya yojanā samattā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 185. சதுமஹாபதே³ஸகதா² • 185. Catumahāpadesakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / சதுமஹாபதே³ஸகதா² • Catumahāpadesakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / சதுமஹாபதே³ஸகதா²வண்ணனா • Catumahāpadesakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / கேணியஜடிலவத்து²கதா²வண்ணனா • Keṇiyajaṭilavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / சதுமஹாபதே³ஸகதா²வண்ணனா • Catumahāpadesakathāvaṇṇanā
