| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
১৮৫. চতুমহাপদেসকথা
185. Catumahāpadesakathā
৩০৫. ইদং ন কপ্পতীতিআদীতি ‘‘ইদং ন কপ্পতী’’তিআদযো ইমে চত্তারো মহাপদেসেতি যোজনা। অপস্সযং কত্ৰা দিসিযন্তি এত্থাতি অপদেসা ওকাসা, অপস্সযং কত্ৰা দিসিযন্তি এতেহীতি ৰা অপদেসা কারণা, ‘‘মহন্তা অপদেসা মহাপদেসা। তঞ্চাতি মহাপদেসসঙ্খাতং তঞ্চ সুত্তং, গহেত্ৰাতি যোজনা। পরিমদ্দন্তাতি পুনপ্পুনং মদ্দন্তা, উপপরিক্খন্তাতি অত্থো। ইদন্তি কারণং। তন্তি নৰমহাফলঅপরণ্ণং। তানীতি খুদ্দকফলপানানি। হীতি সচ্চং।
305.Idaṃ na kappatītiādīti ‘‘idaṃ na kappatī’’tiādayo ime cattāro mahāpadeseti yojanā. Apassayaṃ katvā disiyanti etthāti apadesā okāsā, apassayaṃ katvā disiyanti etehīti vā apadesā kāraṇā, ‘‘mahantā apadesā mahāpadesā. Tañcāti mahāpadesasaṅkhātaṃ tañca suttaṃ, gahetvāti yojanā. Parimaddantāti punappunaṃ maddantā, upaparikkhantāti attho. Idanti kāraṇaṃ. Tanti navamahāphalaaparaṇṇaṃ. Tānīti khuddakaphalapānāni. Hīti saccaṃ.
তেসন্তি ছন্নং চীৰরানং। তত্থাতি ছসু অনুলোমচীৰরেসু। ‘‘পাণকেহি সঞ্জাতৰত্থ’’ন্তি ইমিনা কোসেয্যৰত্থভাৰং দস্সেতি। দ্ৰে পটাতি চীনপটসোমারপটা। দুকূলং সাণস্স অনুলোমন্তি যোজনা।
Tesanti channaṃ cīvarānaṃ. Tatthāti chasu anulomacīvaresu. ‘‘Pāṇakehi sañjātavattha’’nti iminā koseyyavatthabhāvaṃ dasseti. Dve paṭāti cīnapaṭasomārapaṭā. Dukūlaṃ sāṇassa anulomanti yojanā.
তেসংযেৰাতি দ্ৰিন্নং পত্তানমেৰ। তেসংযেৰাতি তিণ্ণং তুম্বানমেৰ। তেসংযেৰাতি দ্ৰিন্নং কাযবন্ধনানমেৰ। সেতচ্ছত্তন্তি সেতেহি ৰত্থেহি কতং ছত্তং। তেসংযেৰাতি তিণ্ণং ছত্তানমেৰ।
Tesaṃyevāti dvinnaṃ pattānameva. Tesaṃyevāti tiṇṇaṃ tumbānameva. Tesaṃyevāti dvinnaṃ kāyabandhanānameva. Setacchattanti setehi vatthehi kataṃ chattaṃ. Tesaṃyevāti tiṇṇaṃ chattānameva.
সম্ভিন্নরসন্তি সংসগ্গরসং। এত্থ ভিজ্জিত্থাতি ভিন্নোতি ৰচনত্থেন ভিদিধাতু দ্ৰিধাকরণসঙ্খাতো ভেদত্থো হোতি, ধাত্ৰত্থবাধকেন সংত্যূপসগ্গেন ভিদিধাতুযা ভেদত্থং বাধেত্ৰা সংসগ্গত্থৰাচকো হোতীতি দট্ঠব্বং। ছল্লিম্পীতি তচম্পি। সকলেনেৰাতি ছল্লিযা এৰ। পাযাসেন অসংসট্ঠং যং সব্বীতি যোজনা। তানীতি তক্কোলজাতিফলাদীনি। যট্ঠিমধুকাদীসুপীতি মধুলট্ঠিকাদীসুপি। ‘‘লট্ঠিমধুকাদীসুপী’’তি ৰা পাঠো, সো অপাঠোযেৰ। যং যন্তি ৰত্থু। যথাতি যেনাকারেন, ধোৰিযমানে তচ্ছিযমানেতি সম্বন্ধো।
Sambhinnarasanti saṃsaggarasaṃ. Ettha bhijjitthāti bhinnoti vacanatthena bhididhātu dvidhākaraṇasaṅkhāto bhedattho hoti, dhātvatthabādhakena saṃtyūpasaggena bhididhātuyā bhedatthaṃ bādhetvā saṃsaggatthavācako hotīti daṭṭhabbaṃ. Challimpīti tacampi. Sakalenevāti challiyā eva. Pāyāsena asaṃsaṭṭhaṃ yaṃ sabbīti yojanā. Tānīti takkolajātiphalādīni. Yaṭṭhimadhukādīsupīti madhulaṭṭhikādīsupi. ‘‘Laṭṭhimadhukādīsupī’’ti vā pāṭho, so apāṭhoyeva. Yaṃ yanti vatthu. Yathāti yenākārena, dhoviyamāne tacchiyamāneti sambandho.
সম্ভিন্নরসন্তি ৰত্ৰা তমেৰত্থং দস্সেতুং ৰুত্তং ‘‘সংসট্ঠ’’ন্তি। সভাৰন্তি যাৰকালং কপ্পিযসভাৰং । তস্মাতি যস্মা উপনেতি, তস্মা। তেনাতি সত্তাহকালিকেন। তদহুপটিগ্গহিতন্তি তদহেৰ পটিগ্গহিতং। দ্ৰীহপটিগ্গহিতেন সত্তাহকালিকেনাতি সম্বন্ধো।
Sambhinnarasanti vatvā tamevatthaṃ dassetuṃ vuttaṃ ‘‘saṃsaṭṭha’’nti. Sabhāvanti yāvakālaṃ kappiyasabhāvaṃ . Tasmāti yasmā upaneti, tasmā. Tenāti sattāhakālikena. Tadahupaṭiggahitanti tadaheva paṭiggahitaṃ. Dvīhapaṭiggahitena sattāhakālikenāti sambandho.
এত্থাতি কালিকসংসগ্গে। আপত্তিযো ৰেদিতব্বাতি যথাক্কমং আপত্তিযো ৰেদিতব্বা। সব্বত্থাতি সব্বস্মিং ভেসজ্জক্খন্ধকে।
Etthāti kālikasaṃsagge. Āpattiyo veditabbāti yathākkamaṃ āpattiyo veditabbā. Sabbatthāti sabbasmiṃ bhesajjakkhandhake.
ইতি ভেসজ্জক্খন্ধকৰণ্ণনায যোজনা সমত্তা।
Iti bhesajjakkhandhakavaṇṇanāya yojanā samattā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১৮৫. চতুমহাপদেসকথা • 185. Catumahāpadesakathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / চতুমহাপদেসকথা • Catumahāpadesakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / চতুমহাপদেসকথাৰণ্ণনা • Catumahāpadesakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / কেণিযজটিলৰত্থুকথাৰণ্ণনা • Keṇiyajaṭilavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / চতুমহাপদেসকথাৰণ্ণনা • Catumahāpadesakathāvaṇṇanā
