| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
185. жад̇умахаабад̣̇зсагат̇аа
185. Catumahāpadesakathā
305. д̇зна ко бана самаязна бхигкуунам̣ гисмин̃жи гисмин̃жи таанз гуггужжам̣ уббаж̇ж̇ад̇и – ‘‘гим̣ ну ко бхаг̇авад̇аа анун̃н̃аад̇ам̣, гим̣ ананун̃н̃аад̇а’’нд̇и? бхаг̇авад̇о зд̇амад̇т̇ам̣ аарожзсум̣. ‘‘яам̣, бхигкавз, маяаа ‘ид̣̇ам̣ на габбад̇ий’д̇и аббадигкид̇д̇ам̣ д̇ан̃жз агаббияам̣ ануломзд̇и, габбияам̣ бадиб̣аахад̇и, д̇ам̣ во на габбад̇и. яам̣, бхигкавз, маяаа ‘ид̣̇ам̣ на габбад̇ий’д̇и аббадигкид̇д̇ам̣ д̇ан̃жз габбияам̣ ануломзд̇и, агаббияам̣ бадиб̣аахад̇и, д̇ам̣ во габбад̇и. яам̣, бхигкавз, маяаа ‘ид̣̇ам̣ габбад̇ий’д̇и ананун̃н̃аад̇ам̣ д̇ан̃жз агаббияам̣ ануломзд̇и, габбияам̣ бадиб̣аахад̇и, д̇ам̣ во на габбад̇и. яам̣, бхигкавз, маяаа ‘ид̣̇ам̣ габбад̇ий’д̇и ананун̃н̃аад̇ам̣, д̇ан̃жз габбияам̣ ануломзд̇и, агаббияам̣ бадиб̣аахад̇и, д̇ам̣ во габбад̇ий’’д̇и.
305. Tena kho pana samayena bhikkhūnaṃ kismiñci kismiñci ṭhāne kukkuccaṃ uppajjati – ‘‘kiṃ nu kho bhagavatā anuññātaṃ, kiṃ ananuññāta’’nti? Bhagavato etamatthaṃ ārocesuṃ. ‘‘Yaṃ, bhikkhave, mayā ‘idaṃ na kappatī’ti appaṭikkhittaṃ tañce akappiyaṃ anulometi, kappiyaṃ paṭibāhati, taṃ vo na kappati. Yaṃ, bhikkhave, mayā ‘idaṃ na kappatī’ti appaṭikkhittaṃ tañce kappiyaṃ anulometi, akappiyaṃ paṭibāhati, taṃ vo kappati. Yaṃ, bhikkhave, mayā ‘idaṃ kappatī’ti ananuññātaṃ tañce akappiyaṃ anulometi, kappiyaṃ paṭibāhati, taṃ vo na kappati. Yaṃ, bhikkhave, mayā ‘idaṃ kappatī’ti ananuññātaṃ, tañce kappiyaṃ anulometi, akappiyaṃ paṭibāhati, taṃ vo kappatī’’ti.
ат̇а ко бхигкуунам̣ зд̇ад̣̇ахоси – ‘‘габбад̇и ну ко яаавагаалигзна яаамагаалигам̣, на ну ко габбад̇и? габбад̇и ну ко яаавагаалигзна сад̇д̇аахагаалигам̣, на ну ко габбад̇и? габбад̇и ну ко яаавагаалигзна яааваж̇ийвигам̣, на ну ко габбад̇и? габбад̇и ну ко яаамагаалигзна сад̇д̇аахагаалигам̣, на ну ко габбад̇и? габбад̇и ну ко яаамагаалигзна яааваж̇ийвигам̣, на ну ко габбад̇и? габбад̇и ну ко сад̇д̇аахагаалигзна яааваж̇ийвигам̣, на ну ко габбад̇ий’’д̇и? бхаг̇авад̇о зд̇амад̇т̇ам̣ аарожзсум̣. ‘‘яаавагаалигзна, бхигкавз, яаамагаалигам̣, д̇ад̣̇аху бадиг̇г̇ахид̇ам̣ гаалз габбад̇и, вигаалз на габбад̇и. яаавагаалигзна, бхигкавз, сад̇д̇аахагаалигам̣, д̇ад̣̇аху бадиг̇г̇ахид̇ам̣ гаалз габбад̇и, вигаалз на габбад̇и. яаавагаалигзна, бхигкавз, яааваж̇ийвигам̣, д̇ад̣̇аху бадиг̇г̇ахид̇ам̣ гаалз габбад̇и, вигаалз на габбад̇и. яаамагаалигзна, бхигкавз, сад̇д̇аахагаалигам̣, д̇ад̣̇аху бадиг̇г̇ахид̇ам̣ яаамз габбад̇и, яаамаад̇игганд̇з на габбад̇и. яаамагаалигзна, бхигкавз, яааваж̇ийвигам̣, д̇ад̣̇аху бадиг̇г̇ахид̇ам̣ яаамз габбад̇и, яаамаад̇игганд̇з на габбад̇и. сад̇д̇аахагаалигзна, бхигкавз, яааваж̇ийвигам̣ бадиг̇г̇ахид̇ам̣, сад̇д̇аахам̣ габбад̇и, сад̇д̇аахаад̇игганд̇з на габбад̇ий’’д̇и.
Atha kho bhikkhūnaṃ etadahosi – ‘‘kappati nu kho yāvakālikena yāmakālikaṃ, na nu kho kappati? Kappati nu kho yāvakālikena sattāhakālikaṃ, na nu kho kappati? Kappati nu kho yāvakālikena yāvajīvikaṃ, na nu kho kappati? Kappati nu kho yāmakālikena sattāhakālikaṃ, na nu kho kappati? Kappati nu kho yāmakālikena yāvajīvikaṃ, na nu kho kappati? Kappati nu kho sattāhakālikena yāvajīvikaṃ, na nu kho kappatī’’ti? Bhagavato etamatthaṃ ārocesuṃ. ‘‘Yāvakālikena, bhikkhave, yāmakālikaṃ, tadahu paṭiggahitaṃ kāle kappati, vikāle na kappati. Yāvakālikena, bhikkhave, sattāhakālikaṃ, tadahu paṭiggahitaṃ kāle kappati, vikāle na kappati. Yāvakālikena, bhikkhave, yāvajīvikaṃ, tadahu paṭiggahitaṃ kāle kappati, vikāle na kappati. Yāmakālikena, bhikkhave, sattāhakālikaṃ, tadahu paṭiggahitaṃ yāme kappati, yāmātikkante na kappati. Yāmakālikena, bhikkhave, yāvajīvikaṃ, tadahu paṭiggahitaṃ yāme kappati, yāmātikkante na kappati. Sattāhakālikena, bhikkhave, yāvajīvikaṃ paṭiggahitaṃ, sattāhaṃ kappati, sattāhātikkante na kappatī’’ti.
жад̇умахаабад̣̇зсагат̇аа нидтид̇аа.
Catumahāpadesakathā niṭṭhitā.
бхзсаж̇ж̇агканд̇хаго чадто.
Bhesajjakkhandhako chaṭṭho.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / жад̇умахаабад̣̇зсагат̇аа • Catumahāpadesakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жад̇умахаабад̣̇зсагат̇ааван̣н̣анаа • Catumahāpadesakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гзн̣ияаж̇адилавад̇т̇угат̇ааван̣н̣анаа • Keṇiyajaṭilavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жад̇умахаабад̣̇зсагат̇ааван̣н̣анаа • Catumahāpadesakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 185. жад̇умахаабад̣̇зсагат̇аа • 185. Catumahāpadesakathā
