| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੮੫. ਚਤੁਮਹਾਪਦੇਸਕਥਾ
185. Catumahāpadesakathā
੩੦੫. ਇਦਂ ਨ ਕਪ੍ਪਤੀਤਿਆਦੀਤਿ ‘‘ਇਦਂ ਨ ਕਪ੍ਪਤੀ’’ਤਿਆਦਯੋ ਇਮੇ ਚਤ੍ਤਾਰੋ ਮਹਾਪਦੇਸੇਤਿ ਯੋਜਨਾ। ਅਪਸ੍ਸਯਂ ਕਤ੍વਾ ਦਿਸਿਯਨ੍ਤਿ ਏਤ੍ਥਾਤਿ ਅਪਦੇਸਾ ਓਕਾਸਾ, ਅਪਸ੍ਸਯਂ ਕਤ੍વਾ ਦਿਸਿਯਨ੍ਤਿ ਏਤੇਹੀਤਿ વਾ ਅਪਦੇਸਾ ਕਾਰਣਾ, ‘‘ਮਹਨ੍ਤਾ ਅਪਦੇਸਾ ਮਹਾਪਦੇਸਾ। ਤਞ੍ਚਾਤਿ ਮਹਾਪਦੇਸਸਙ੍ਖਾਤਂ ਤਞ੍ਚ ਸੁਤ੍ਤਂ, ਗਹੇਤ੍વਾਤਿ ਯੋਜਨਾ। ਪਰਿਮਦ੍ਦਨ੍ਤਾਤਿ ਪੁਨਪ੍ਪੁਨਂ ਮਦ੍ਦਨ੍ਤਾ, ਉਪਪਰਿਕ੍ਖਨ੍ਤਾਤਿ ਅਤ੍ਥੋ। ਇਦਨ੍ਤਿ ਕਾਰਣਂ। ਤਨ੍ਤਿ ਨવਮਹਾਫਲਅਪਰਣ੍ਣਂ। ਤਾਨੀਤਿ ਖੁਦ੍ਦਕਫਲਪਾਨਾਨਿ। ਹੀਤਿ ਸਚ੍ਚਂ।
305.Idaṃ na kappatītiādīti ‘‘idaṃ na kappatī’’tiādayo ime cattāro mahāpadeseti yojanā. Apassayaṃ katvā disiyanti etthāti apadesā okāsā, apassayaṃ katvā disiyanti etehīti vā apadesā kāraṇā, ‘‘mahantā apadesā mahāpadesā. Tañcāti mahāpadesasaṅkhātaṃ tañca suttaṃ, gahetvāti yojanā. Parimaddantāti punappunaṃ maddantā, upaparikkhantāti attho. Idanti kāraṇaṃ. Tanti navamahāphalaaparaṇṇaṃ. Tānīti khuddakaphalapānāni. Hīti saccaṃ.
ਤੇਸਨ੍ਤਿ ਛਨ੍ਨਂ ਚੀવਰਾਨਂ। ਤਤ੍ਥਾਤਿ ਛਸੁ ਅਨੁਲੋਮਚੀવਰੇਸੁ। ‘‘ਪਾਣਕੇਹਿ ਸਞ੍ਜਾਤવਤ੍ਥ’’ਨ੍ਤਿ ਇਮਿਨਾ ਕੋਸੇਯ੍ਯવਤ੍ਥਭਾવਂ ਦਸ੍ਸੇਤਿ। ਦ੍વੇ ਪਟਾਤਿ ਚੀਨਪਟਸੋਮਾਰਪਟਾ। ਦੁਕੂਲਂ ਸਾਣਸ੍ਸ ਅਨੁਲੋਮਨ੍ਤਿ ਯੋਜਨਾ।
Tesanti channaṃ cīvarānaṃ. Tatthāti chasu anulomacīvaresu. ‘‘Pāṇakehi sañjātavattha’’nti iminā koseyyavatthabhāvaṃ dasseti. Dve paṭāti cīnapaṭasomārapaṭā. Dukūlaṃ sāṇassa anulomanti yojanā.
ਤੇਸਂਯੇવਾਤਿ ਦ੍વਿਨ੍ਨਂ ਪਤ੍ਤਾਨਮੇવ। ਤੇਸਂਯੇવਾਤਿ ਤਿਣ੍ਣਂ ਤੁਮ੍ਬਾਨਮੇવ। ਤੇਸਂਯੇવਾਤਿ ਦ੍વਿਨ੍ਨਂ ਕਾਯਬਨ੍ਧਨਾਨਮੇવ। ਸੇਤਚ੍ਛਤ੍ਤਨ੍ਤਿ ਸੇਤੇਹਿ વਤ੍ਥੇਹਿ ਕਤਂ ਛਤ੍ਤਂ। ਤੇਸਂਯੇવਾਤਿ ਤਿਣ੍ਣਂ ਛਤ੍ਤਾਨਮੇવ।
Tesaṃyevāti dvinnaṃ pattānameva. Tesaṃyevāti tiṇṇaṃ tumbānameva. Tesaṃyevāti dvinnaṃ kāyabandhanānameva. Setacchattanti setehi vatthehi kataṃ chattaṃ. Tesaṃyevāti tiṇṇaṃ chattānameva.
ਸਮ੍ਭਿਨ੍ਨਰਸਨ੍ਤਿ ਸਂਸਗ੍ਗਰਸਂ। ਏਤ੍ਥ ਭਿਜ੍ਜਿਤ੍ਥਾਤਿ ਭਿਨ੍ਨੋਤਿ વਚਨਤ੍ਥੇਨ ਭਿਦਿਧਾਤੁ ਦ੍વਿਧਾਕਰਣਸਙ੍ਖਾਤੋ ਭੇਦਤ੍ਥੋ ਹੋਤਿ, ਧਾਤ੍વਤ੍ਥਬਾਧਕੇਨ ਸਂਤ੍ਯੂਪਸਗ੍ਗੇਨ ਭਿਦਿਧਾਤੁਯਾ ਭੇਦਤ੍ਥਂ ਬਾਧੇਤ੍વਾ ਸਂਸਗ੍ਗਤ੍ਥવਾਚਕੋ ਹੋਤੀਤਿ ਦਟ੍ਠਬ੍ਬਂ। ਛਲ੍ਲਿਮ੍ਪੀਤਿ ਤਚਮ੍ਪਿ। ਸਕਲੇਨੇવਾਤਿ ਛਲ੍ਲਿਯਾ ਏવ। ਪਾਯਾਸੇਨ ਅਸਂਸਟ੍ਠਂ ਯਂ ਸਬ੍ਬੀਤਿ ਯੋਜਨਾ। ਤਾਨੀਤਿ ਤਕ੍ਕੋਲਜਾਤਿਫਲਾਦੀਨਿ। ਯਟ੍ਠਿਮਧੁਕਾਦੀਸੁਪੀਤਿ ਮਧੁਲਟ੍ਠਿਕਾਦੀਸੁਪਿ। ‘‘ਲਟ੍ਠਿਮਧੁਕਾਦੀਸੁਪੀ’’ਤਿ વਾ ਪਾਠੋ, ਸੋ ਅਪਾਠੋਯੇવ। ਯਂ ਯਨ੍ਤਿ વਤ੍ਥੁ। ਯਥਾਤਿ ਯੇਨਾਕਾਰੇਨ, ਧੋવਿਯਮਾਨੇ ਤਚ੍ਛਿਯਮਾਨੇਤਿ ਸਮ੍ਬਨ੍ਧੋ।
Sambhinnarasanti saṃsaggarasaṃ. Ettha bhijjitthāti bhinnoti vacanatthena bhididhātu dvidhākaraṇasaṅkhāto bhedattho hoti, dhātvatthabādhakena saṃtyūpasaggena bhididhātuyā bhedatthaṃ bādhetvā saṃsaggatthavācako hotīti daṭṭhabbaṃ. Challimpīti tacampi. Sakalenevāti challiyā eva. Pāyāsena asaṃsaṭṭhaṃ yaṃ sabbīti yojanā. Tānīti takkolajātiphalādīni. Yaṭṭhimadhukādīsupīti madhulaṭṭhikādīsupi. ‘‘Laṭṭhimadhukādīsupī’’ti vā pāṭho, so apāṭhoyeva. Yaṃ yanti vatthu. Yathāti yenākārena, dhoviyamāne tacchiyamāneti sambandho.
ਸਮ੍ਭਿਨ੍ਨਰਸਨ੍ਤਿ વਤ੍વਾ ਤਮੇવਤ੍ਥਂ ਦਸ੍ਸੇਤੁਂ વੁਤ੍ਤਂ ‘‘ਸਂਸਟ੍ਠ’’ਨ੍ਤਿ। ਸਭਾવਨ੍ਤਿ ਯਾવਕਾਲਂ ਕਪ੍ਪਿਯਸਭਾવਂ । ਤਸ੍ਮਾਤਿ ਯਸ੍ਮਾ ਉਪਨੇਤਿ, ਤਸ੍ਮਾ। ਤੇਨਾਤਿ ਸਤ੍ਤਾਹਕਾਲਿਕੇਨ। ਤਦਹੁਪਟਿਗ੍ਗਹਿਤਨ੍ਤਿ ਤਦਹੇવ ਪਟਿਗ੍ਗਹਿਤਂ। ਦ੍વੀਹਪਟਿਗ੍ਗਹਿਤੇਨ ਸਤ੍ਤਾਹਕਾਲਿਕੇਨਾਤਿ ਸਮ੍ਬਨ੍ਧੋ।
Sambhinnarasanti vatvā tamevatthaṃ dassetuṃ vuttaṃ ‘‘saṃsaṭṭha’’nti. Sabhāvanti yāvakālaṃ kappiyasabhāvaṃ . Tasmāti yasmā upaneti, tasmā. Tenāti sattāhakālikena. Tadahupaṭiggahitanti tadaheva paṭiggahitaṃ. Dvīhapaṭiggahitena sattāhakālikenāti sambandho.
ਏਤ੍ਥਾਤਿ ਕਾਲਿਕਸਂਸਗ੍ਗੇ। ਆਪਤ੍ਤਿਯੋ વੇਦਿਤਬ੍ਬਾਤਿ ਯਥਾਕ੍ਕਮਂ ਆਪਤ੍ਤਿਯੋ વੇਦਿਤਬ੍ਬਾ। ਸਬ੍ਬਤ੍ਥਾਤਿ ਸਬ੍ਬਸ੍ਮਿਂ ਭੇਸਜ੍ਜਕ੍ਖਨ੍ਧਕੇ।
Etthāti kālikasaṃsagge. Āpattiyo veditabbāti yathākkamaṃ āpattiyo veditabbā. Sabbatthāti sabbasmiṃ bhesajjakkhandhake.
ਇਤਿ ਭੇਸਜ੍ਜਕ੍ਖਨ੍ਧਕવਣ੍ਣਨਾਯ ਯੋਜਨਾ ਸਮਤ੍ਤਾ।
Iti bhesajjakkhandhakavaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੮੫. ਚਤੁਮਹਾਪਦੇਸਕਥਾ • 185. Catumahāpadesakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਚਤੁਮਹਾਪਦੇਸਕਥਾ • Catumahāpadesakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਚਤੁਮਹਾਪਦੇਸਕਥਾવਣ੍ਣਨਾ • Catumahāpadesakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕੇਣਿਯਜਟਿਲવਤ੍ਥੁਕਥਾવਣ੍ਣਨਾ • Keṇiyajaṭilavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚਤੁਮਹਾਪਦੇਸਕਥਾવਣ੍ਣਨਾ • Catumahāpadesakathāvaṇṇanā
