| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
жад̇умахаабад̣̇зсагат̇ааван̣н̣анаа
Catumahāpadesakathāvaṇṇanā
305. баримад̣̇д̣̇анд̇аад̇и убабаригканд̇аа. бад̇д̇ун̣н̣ад̣̇зсз сан̃ж̇аад̇авад̇т̇ам̣ бад̇д̇ун̣н̣ам̣. госзяяависзсод̇и хи абхид̇хаанагосз вуд̇д̇ам̣. жийнад̣̇зсз сомаарад̣̇зсз жа сан̃ж̇аад̇авад̇т̇аани жийнасомаарабадаани. бад̇д̇ун̣н̣аад̣̇ийни д̇ийн̣и госзяяасса ануломаани баан̣агзхи гад̇асуд̇д̇амаяад̇д̇аа. ид̣̇д̇химаяигам̣ зхибхигкуунам̣ бун̃н̃ид̣̇д̇хияаа ниб̣б̣ад̇д̇ажийварам̣. д̇ам̣ комаад̣̇ийнам̣ ан̃н̃ад̇арам̣ ход̇ийд̇и д̇зсам̣язва ануломам̣. д̣̇звад̇аахи д̣̇иннажийварам̣ д̣̇звад̣̇ад̇д̇ияам̣. д̇ам̣ габбаругкз ниб̣б̣ад̇д̇ам̣ ж̇аалинийд̣̇зваган̃н̃ааяа ануруд̣̇д̇хад̇т̇зрасса д̣̇иннавад̇т̇асад̣̇исам̣. д̇амби комаад̣̇ийнан̃н̃зва ануломам̣ ход̇и д̇зсу ан̃н̃ад̇арабхаавад̇о. д̣̇вз бадаа д̣̇зсанаамзнзва вуд̇д̇аад̇и д̇зсам̣ саруубад̣̇ассанабарамзд̇ам̣, наан̃н̃ам̣ нивад̇д̇анабарам̣ бад̇д̇ун̣н̣абадассаби д̣̇зсанаамзнзва вуд̇д̇ад̇д̇аа. д̇умб̣аад̇и бхааж̇анаани . палад̇умб̣од̇и лааб̣уаад̣̇и. уд̣̇агад̇умб̣од̇и уд̣̇агугкибанагагудаго. гилан̃ж̇ажчад̇д̇анд̇и взл̣увилийвзхи вааяид̇ваа гад̇ачад̇д̇ам̣. самбхиннарасанд̇и саммиссид̇арасам̣. баанагам̣ бадиг̇г̇ахид̇ам̣ ход̇ийд̇и амб̣абаанаад̣̇ибаанагам̣ бадиг̇г̇ахид̇ам̣ ход̇и, д̇ам̣ вигаалзби габбад̇и асамбхиннарасад̇д̇аа. д̇зна д̇ад̣̇ахубадиг̇г̇ахид̇зна сад̣̇д̇хинд̇и д̇зна сад̇д̇аахагаалигзна д̇ад̣̇ахубадиг̇г̇ахид̇зна сад̣̇д̇хим̣. сзсамзд̇т̇а сувин̃н̃зяяамзва.
305.Parimaddantāti upaparikkhantā. Pattuṇṇadese sañjātavatthaṃ pattuṇṇaṃ. Koseyyavisesoti hi abhidhānakose vuttaṃ. Cīnadese somāradese ca sañjātavatthāni cīnasomārapaṭāni. Pattuṇṇādīni tīṇi koseyyassa anulomāni pāṇakehi katasuttamayattā. Iddhimayikaṃ ehibhikkhūnaṃ puññiddhiyā nibbattacīvaraṃ. Taṃ khomādīnaṃ aññataraṃ hotīti tesaṃyeva anulomaṃ. Devatāhi dinnacīvaraṃ devadattiyaṃ. Taṃ kapparukkhe nibbattaṃ jālinīdevakaññāya anuruddhattherassa dinnavatthasadisaṃ. Tampi khomādīnaññeva anulomaṃ hoti tesu aññatarabhāvato. Dve paṭā desanāmeneva vuttāti tesaṃ sarūpadassanaparametaṃ, nāññaṃ nivattanaparaṃ pattuṇṇapaṭassapi desanāmeneva vuttattā. Tumbāti bhājanāni . Phalatumboti lābuādi. Udakatumboti udakukkhipanakakuṭako. Kilañjacchattanti veḷuvilīvehi vāyitvā katachattaṃ. Sambhinnarasanti sammissitarasaṃ. Pānakaṃ paṭiggahitaṃ hotīti ambapānādipānakaṃ paṭiggahitaṃ hoti, taṃ vikālepi kappati asambhinnarasattā. Tena tadahupaṭiggahitena saddhinti tena sattāhakālikena tadahupaṭiggahitena saddhiṃ. Sesamettha suviññeyyameva.
жад̇умахаабад̣̇зсагат̇ааван̣н̣анаа нидтид̇аа.
Catumahāpadesakathāvaṇṇanā niṭṭhitā.
бхзсаж̇ж̇агканд̇хагаван̣н̣анаа нидтид̇аа.
Bhesajjakkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 185. жад̇умахаабад̣̇зсагат̇аа • 185. Catumahāpadesakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / жад̇умахаабад̣̇зсагат̇аа • Catumahāpadesakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гзн̣ияаж̇адилавад̇т̇угат̇ааван̣н̣анаа • Keṇiyajaṭilavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жад̇умахаабад̣̇зсагат̇ааван̣н̣анаа • Catumahāpadesakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 185. жад̇умахаабад̣̇зсагат̇аа • 185. Catumahāpadesakathā
