| Library / Tipiṭaka / తిపిటక • Tipiṭaka / సారత్థదీపనీ-టీకా • Sāratthadīpanī-ṭīkā |
చతుమహాపదేసకథావణ్ణనా
Catumahāpadesakathāvaṇṇanā
౩౦౫. పరిమద్దన్తాతి ఉపపరిక్ఖన్తా. పత్తుణ్ణదేసే సఞ్జాతవత్థం పత్తుణ్ణం. కోసేయ్యవిసేసోతి హి అభిధానకోసే వుత్తం. చీనదేసే సోమారదేసే చ సఞ్జాతవత్థాని చీనసోమారపటాని. పత్తుణ్ణాదీని తీణి కోసేయ్యస్స అనులోమాని పాణకేహి కతసుత్తమయత్తా. ఇద్ధిమయికం ఏహిభిక్ఖూనం పుఞ్ఞిద్ధియా నిబ్బత్తచీవరం. తం ఖోమాదీనం అఞ్ఞతరం హోతీతి తేసంయేవ అనులోమం. దేవతాహి దిన్నచీవరం దేవదత్తియం. తం కప్పరుక్ఖే నిబ్బత్తం జాలినీదేవకఞ్ఞాయ అనురుద్ధత్థేరస్స దిన్నవత్థసదిసం. తమ్పి ఖోమాదీనఞ్ఞేవ అనులోమం హోతి తేసు అఞ్ఞతరభావతో. ద్వే పటా దేసనామేనేవ వుత్తాతి తేసం సరూపదస్సనపరమేతం, నాఞ్ఞం నివత్తనపరం పత్తుణ్ణపటస్సపి దేసనామేనేవ వుత్తత్తా. తుమ్బాతి భాజనాని . ఫలతుమ్బోతి లాబుఆది. ఉదకతుమ్బోతి ఉదకుక్ఖిపనకకుటకో. కిలఞ్జచ్ఛత్తన్తి వేళువిలీవేహి వాయిత్వా కతఛత్తం. సమ్భిన్నరసన్తి సమ్మిస్సితరసం. పానకం పటిగ్గహితం హోతీతి అమ్బపానాదిపానకం పటిగ్గహితం హోతి, తం వికాలేపి కప్పతి అసమ్భిన్నరసత్తా. తేన తదహుపటిగ్గహితేన సద్ధిన్తి తేన సత్తాహకాలికేన తదహుపటిగ్గహితేన సద్ధిం. సేసమేత్థ సువిఞ్ఞేయ్యమేవ.
305.Parimaddantāti upaparikkhantā. Pattuṇṇadese sañjātavatthaṃ pattuṇṇaṃ. Koseyyavisesoti hi abhidhānakose vuttaṃ. Cīnadese somāradese ca sañjātavatthāni cīnasomārapaṭāni. Pattuṇṇādīni tīṇi koseyyassa anulomāni pāṇakehi katasuttamayattā. Iddhimayikaṃ ehibhikkhūnaṃ puññiddhiyā nibbattacīvaraṃ. Taṃ khomādīnaṃ aññataraṃ hotīti tesaṃyeva anulomaṃ. Devatāhi dinnacīvaraṃ devadattiyaṃ. Taṃ kapparukkhe nibbattaṃ jālinīdevakaññāya anuruddhattherassa dinnavatthasadisaṃ. Tampi khomādīnaññeva anulomaṃ hoti tesu aññatarabhāvato. Dve paṭā desanāmeneva vuttāti tesaṃ sarūpadassanaparametaṃ, nāññaṃ nivattanaparaṃ pattuṇṇapaṭassapi desanāmeneva vuttattā. Tumbāti bhājanāni . Phalatumboti lābuādi. Udakatumboti udakukkhipanakakuṭako. Kilañjacchattanti veḷuvilīvehi vāyitvā katachattaṃ. Sambhinnarasanti sammissitarasaṃ. Pānakaṃ paṭiggahitaṃ hotīti ambapānādipānakaṃ paṭiggahitaṃ hoti, taṃ vikālepi kappati asambhinnarasattā. Tena tadahupaṭiggahitena saddhinti tena sattāhakālikena tadahupaṭiggahitena saddhiṃ. Sesamettha suviññeyyameva.
చతుమహాపదేసకథావణ్ణనా నిట్ఠితా.
Catumahāpadesakathāvaṇṇanā niṭṭhitā.
భేసజ్జక్ఖన్ధకవణ్ణనా నిట్ఠితా.
Bhesajjakkhandhakavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi / ౧౮౫. చతుమహాపదేసకథా • 185. Catumahāpadesakathā
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావగ్గ-అట్ఠకథా • Mahāvagga-aṭṭhakathā / చతుమహాపదేసకథా • Catumahāpadesakathā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / కేణియజటిలవత్థుకథావణ్ణనా • Keṇiyajaṭilavatthukathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / చతుమహాపదేసకథావణ్ణనా • Catumahāpadesakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧౮౫. చతుమహాపదేసకథా • 185. Catumahāpadesakathā
