| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. жад̇умахаарааж̇асуд̇д̇аван̣н̣анаа
7. Catumahārājasuttavaṇṇanā
37. сад̇д̇амз амаа саха вад̇д̇анд̇и д̇асмим̣ д̇асмим̣ гижжзд̇и амажжаа, сахид̇аа. барисад̇и бхаваад̇и баарисаж̇ж̇аа, бариваарадтаанияаа барисаабарияаабаннаа. д̇знааха ‘‘барижааригад̣̇звад̇аа’’д̇и. д̇аад̇аад̇и аалабанам̣. званд̇и ‘‘гажжи б̣ахуу мануссаа’’д̇иаад̣̇инаа вуд̇д̇аагаарзна. адта ваарзд̇и згасмим̣ ад̣дхамаасз жад̇угкад̇д̇ум̣ д̇ат̇аа ид̇арасминд̇и звам̣ адта ваарз. ад̇хидтаханд̇ийд̇и ад̇хид̇идтанд̇и. бадиж̇ааг̇аронд̇ийд̇и бади бади ж̇ааг̇аронд̇и. бун̃н̃ам̣ гаронд̇аа хи сад̇д̇аа ж̇ааг̇аронд̇и наама гаад̇аб̣б̣агижжаббасуд̇ад̇д̇аа, ид̇арз бана субанд̇и наама сахид̇абарахид̇авимуд̇д̇ад̇д̇аа. жаад̇уд̣̇д̣̇асиубосат̇асса ануг̇аманам̣ вияа баннарасиубосат̇асса бажжуг̇г̇аманам̣ на лаб̣бхад̇и д̣̇ивасаабхаавад̇о.
37. Sattame amā saha vattanti tasmiṃ tasmiṃ kicceti amaccā, sahitā. Parisati bhavāti pārisajjā, parivāraṭṭhāniyā parisāpariyāpannā. Tenāha ‘‘paricārikadevatā’’ti. Tātāti ālapanaṃ. Evanti ‘‘kacci bahū manussā’’tiādinā vuttākārena. Aṭṭha vāreti ekasmiṃ aḍḍhamāse catukkhattuṃ tathā itarasminti evaṃ aṭṭha vāre. Adhiṭṭhahantīti adhitiṭṭhanti. Paṭijāgarontīti paṭi paṭi jāgaronti. Puññaṃ karontā hi sattā jāgaronti nāma kātabbakiccappasutattā, itare pana supanti nāma sahitaparahitavimuttattā. Cātuddasiuposathassa anugamanaṃ viya pannarasiuposathassa paccuggamanaṃ na labbhati divasābhāvato.
д̇ад̇од̇и д̇ад̇о д̇ад̇о. д̇ам̣ убаниссааяаад̇и д̇аа д̇аа г̇ааманиг̇амарааж̇ад̇хаанияо убаниссааяа. ад̇хивад̇т̇аад̇и аараамаванаругкаад̣̇ийсу ад̇хивад̇т̇аа д̣̇звад̇аа. д̇зд̇и д̇з д̣̇зваа. санд̇хааяа гат̇зд̇ийд̇и бхаг̇аваа гат̇зд̇и. вуд̇д̇анд̇и адтагат̇ааяам̣ вуд̇д̇ам̣.
Tatoti tato tato. Taṃ upanissāyāti tā tā gāmanigamarājadhāniyo upanissāya. Adhivatthāti ārāmavanarukkhādīsu adhivatthā devatā. Teti te devā. Sandhāya kathetīti bhagavā katheti. Vuttanti aṭṭhakathāyaṃ vuttaṃ.
нижжам̣ ниб̣ад̣̇д̇хам̣ убосат̇о сам̣важчарз сам̣важчарз бади бади харид̇аб̣б̣ад̇о бавад̇д̇зд̇аб̣б̣ад̇о баадихаарияабагко наама. г̇ун̣ан̇г̇зхийд̇и убосат̇ан̇г̇зхи.
Niccaṃ nibaddhaṃ uposatho saṃvacchare saṃvacchare paṭi paṭi haritabbato pavattetabbato pāṭihāriyapakkho nāma. Guṇaṅgehīti uposathaṅgehi.
вуд̇т̇аваасод̇и вусид̇аб̣рахмажарияаваасо. гад̇д̇аб̣б̣агижжанд̇и д̣̇угкаад̣̇ийсу барин̃н̃аад̇аад̣̇игижжам̣. од̇аарзд̇ваад̇и чад̣д̣зд̇ваа. баригкийн̣абхавасам̣яож̇анод̇и саб̣б̣асо кийн̣абхаваб̣анд̇хано. гааран̣зна ж̇аанид̇ваад̇и вибассанаабан̃н̃аасахид̇ааяа маг̇г̇абан̃н̃ааяа жад̇д̇аари арияасажжаани ж̇аанид̇ваа.
Vutthavāsoti vusitabrahmacariyavāso. Kattabbakiccanti dukkhādīsu pariññātādikiccaṃ. Otāretvāti chaḍḍetvā. Parikkhīṇabhavasaṃyojanoti sabbaso khīṇabhavabandhano. Kāraṇena jānitvāti vipassanāpaññāsahitāya maggapaññāya cattāri ariyasaccāni jānitvā.
ж̇аананд̇од̇и ‘‘араханд̇аанам̣ анугаран̣аббадибад̇д̇и зсаа, яад̣̇ид̣̇ам̣ саммад̣̇зва убосат̇аанудтаана’’нд̇и звам̣ убосат̇агаммасса г̇ун̣ам̣ ж̇аананд̇о. зваруубзнаад̇и яаад̣̇исо бхаг̇авад̇о убосат̇абхааво вихид̇о, зваруубзна араханд̇аанугаран̣зна убосат̇агаммзна. саггаа бахид̇ад̇д̇о вибассанам̣ уссуггаабзд̇ваа кийн̣аасавасамбад̇д̇им̣ баабун̣ид̇ум̣. адтамам̣ уд̇д̇аанад̇т̇амзва сад̇д̇амз вуд̇д̇анаяад̇д̇аа.
Jānantoti ‘‘arahantānaṃ anukaraṇappaṭipatti esā, yadidaṃ sammadeva uposathānuṭṭhāna’’nti evaṃ uposathakammassa guṇaṃ jānanto. Evarūpenāti yādiso bhagavato uposathabhāvo vihito, evarūpena arahantānukaraṇena uposathakammena. Sakkā pahitatto vipassanaṃ ussukkāpetvā khīṇāsavasampattiṃ pāpuṇituṃ. Aṭṭhamaṃ uttānatthameva sattame vuttanayattā.
жад̇умахаарааж̇асуд̇д̇аван̣н̣анаа нидтид̇аа.
Catumahārājasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. жад̇умахаарааж̇асуд̇д̇ам̣ • 7. Catumahārājasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. жад̇умахаарааж̇асуд̇д̇аван̣н̣анаа • 7. Catumahārājasuttavaṇṇanā
