| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਚਤੁਮਹਾਰਾਜਸੁਤ੍ਤવਣ੍ਣਨਾ
7. Catumahārājasuttavaṇṇanā
੩੭. ਸਤ੍ਤਮੇ ਅਮਚ੍ਚਾ ਪਾਰਿਸਜ੍ਜਾਤਿ ਪਰਿਚਾਰਿਕਦੇવਤਾ। ਇਮਂ ਲੋਕਂ ਅਨੁવਿਚਰਨ੍ਤੀਤਿ ਅਟ੍ਠਮੀਦਿવਸੇ ਕਿਰ ਸਕ੍ਕੋ ਦੇવਰਾਜਾ ਚਤ੍ਤਾਰੋ ਮਹਾਰਾਜਾਨੋ ਆਣਾਪੇਤਿ – ‘‘ਤਾਤਾ, ਅਜ੍ਜ ਅਟ੍ਠਮੀਦਿવਸੇ ਮਨੁਸ੍ਸਲੋਕਂ ਅਨੁવਿਚਰਿਤ੍વਾ ਪੁਞ੍ਞਾਨਿ ਕਰੋਨ੍ਤਾਨਂ ਨਾਮਗੋਤ੍ਤਂ ਉਗ੍ਗਣ੍ਹਿਤ੍વਾ ਆਗਚ੍ਛਥਾ’’ਤਿ। ਤੇ ਗਨ੍ਤ੍વਾ ਅਤ੍ਤਨੋ ਪਰਿਚਾਰਕੇ ਪੇਸੇਨ੍ਤਿ – ‘‘ਗਚ੍ਛਥ, ਤਾਤਾ, ਮਨੁਸ੍ਸਲੋਕਂ વਿਚਰਿਤ੍વਾ ਪੁਞ੍ਞਕਾਰਕਾਨਂ ਨਾਮਗੋਤ੍ਤਾਨਿ ਸੁવਣ੍ਣਪਟ੍ਟੇ ਲਿਖਿਤ੍વਾ ਆਨੇਥਾ’’ਤਿ। ਤੇ ਤਥਾ ਕਰੋਨ੍ਤਿ। ਤੇਨ વੁਤ੍ਤਂ – ‘‘ਇਮਂ ਲੋਕਂ ਅਨੁવਿਚਰਨ੍ਤੀ’’ਤਿ। ਕਚ੍ਚਿ ਬਹੂਤਿਆਦਿ ਤੇਸਂ ਉਪਪਰਿਕ੍ਖਾਕਾਰਦਸ੍ਸਨਤ੍ਥਂ વੁਤ੍ਤਂ। ਏવਂ ਉਪਪਰਿਕ੍ਖਨ੍ਤਾ ਹਿ ਤੇ ਅਨੁવਿਚਰਨ੍ਤਿ। ਤਤ੍ਥ ਉਪੋਸਥਂ ਉਪવਸਨ੍ਤੀਤਿ ਮਾਸਸ੍ਸ ਅਟ੍ਠવਾਰੇ ਉਪੋਸਥਙ੍ਗਾਨਿ ਅਧਿਟ੍ਠਹਨ੍ਤਿ। ਪਟਿਜਾਗਰੋਨ੍ਤੀਤਿ ਪਟਿਜਾਗਰਉਪੋਸਥਕਮ੍ਮਂ ਨਾਮ ਕਰੋਨ੍ਤਿ। ਤਂ ਕਰੋਨ੍ਤਾ ਏਕਸ੍ਮਿਂ ਅਦ੍ਧਮਾਸੇ ਚਤੁਨ੍ਨਂ ਉਪੋਸਥਦਿવਸਾਨਂ ਪਚ੍ਚੁਗ੍ਗਮਨਾਨੁਗ੍ਗਮਨવਸੇਨ ਕਰੋਨ੍ਤਿ। ਪਞ੍ਚਮੀਉਪੋਸਥਂ ਪਚ੍ਚੁਗ੍ਗਚ੍ਛਨ੍ਤਾ ਚਤੁਤ੍ਥਿਯਂ ਉਪੋਸਥਿਕਾ ਹੋਨ੍ਤਿ, ਅਨੁਗਚ੍ਛਨ੍ਤਾ ਛਟ੍ਠਿਯਂ। ਅਟ੍ਠਮੀਉਪੋਸਥਂ ਪਚ੍ਚੁਗ੍ਗਚ੍ਛਨ੍ਤਾ ਸਤ੍ਤਮਿਯਂ, ਅਨੁਗਚ੍ਛਨ੍ਤਾ ਨવਮਿਯਂ। ਚਾਤੁਦ੍ਦਸਿਂ ਪਚ੍ਚੁਗ੍ਗਚ੍ਛਨ੍ਤਾ ਤੇਰਸਿਯਂ, ਪਨ੍ਨਰਸੀਉਪੋਸਥਂ ਅਨੁਗਚ੍ਛਨ੍ਤਾ ਪਾਟਿਪਦੇ ਉਪੋਸਥਿਕਾ ਹੋਨ੍ਤਿ। ਪੁਞ੍ਞਾਨਿ ਕਰੋਨ੍ਤੀਤਿ ਸਰਣਗਮਨਨਿਚ੍ਚਸੀਲਪੁਪ੍ਫਪੂਜਾਧਮ੍ਮਸ੍ਸવਨਪਦੀਪਸਹਸ੍ਸਆਰੋਪਨવਿਹਾਰਕਰਣਾਦੀਨਿ ਨਾਨਪ੍ਪਕਾਰਾਨਿ ਪੁਞ੍ਞਾਨਿ ਕਰੋਨ੍ਤਿ। ਤੇ ਏવਂ ਅਨੁવਿਚਰਿਤ੍વਾ ਪੁਞ੍ਞਕਮ੍ਮਕਾਰਕਾਨਂ ਨਾਮਗੋਤ੍ਤਾਨਿ ਸੋવਣ੍ਣਮਯੇ ਪਟ੍ਟੇ ਲਿਖਿਤ੍વਾ ਆਹਰਿਤ੍વਾ ਚਤੁਨ੍ਨਂ ਮਹਾਰਾਜਾਨਂ ਦੇਨ੍ਤਿ। ਪੁਤ੍ਤਾ ਇਮਂ ਲੋਕਂ ਅਨੁવਿਚਰਨ੍ਤੀਤਿ ਚਤੂਹਿ ਮਹਾਰਾਜੇਹਿ ਪੁਰਿਮਨਯੇਨੇવ ਪਹਿਤਤ੍ਤਾ ਅਨੁવਿਚਰਨ੍ਤਿ। ਤਦਹੂਤਿ ਤਂਦਿવਸਂ। ਉਪੋਸਥੇਤਿ ਉਪੋਸਥਦਿવਸੇ।
37. Sattame amaccā pārisajjāti paricārikadevatā. Imaṃ lokaṃ anuvicarantīti aṭṭhamīdivase kira sakko devarājā cattāro mahārājāno āṇāpeti – ‘‘tātā, ajja aṭṭhamīdivase manussalokaṃ anuvicaritvā puññāni karontānaṃ nāmagottaṃ uggaṇhitvā āgacchathā’’ti. Te gantvā attano paricārake pesenti – ‘‘gacchatha, tātā, manussalokaṃ vicaritvā puññakārakānaṃ nāmagottāni suvaṇṇapaṭṭe likhitvā ānethā’’ti. Te tathā karonti. Tena vuttaṃ – ‘‘imaṃ lokaṃ anuvicarantī’’ti. Kaccibahūtiādi tesaṃ upaparikkhākāradassanatthaṃ vuttaṃ. Evaṃ upaparikkhantā hi te anuvicaranti. Tattha uposathaṃ upavasantīti māsassa aṭṭhavāre uposathaṅgāni adhiṭṭhahanti. Paṭijāgarontīti paṭijāgarauposathakammaṃ nāma karonti. Taṃ karontā ekasmiṃ addhamāse catunnaṃ uposathadivasānaṃ paccuggamanānuggamanavasena karonti. Pañcamīuposathaṃ paccuggacchantā catutthiyaṃ uposathikā honti, anugacchantā chaṭṭhiyaṃ. Aṭṭhamīuposathaṃ paccuggacchantā sattamiyaṃ, anugacchantā navamiyaṃ. Cātuddasiṃ paccuggacchantā terasiyaṃ, pannarasīuposathaṃ anugacchantā pāṭipade uposathikā honti. Puññāni karontīti saraṇagamananiccasīlapupphapūjādhammassavanapadīpasahassaāropanavihārakaraṇādīni nānappakārāni puññāni karonti. Te evaṃ anuvicaritvā puññakammakārakānaṃ nāmagottāni sovaṇṇamaye paṭṭe likhitvā āharitvā catunnaṃ mahārājānaṃ denti. Puttā imaṃ lokaṃ anuvicarantīti catūhi mahārājehi purimanayeneva pahitattā anuvicaranti. Tadahūti taṃdivasaṃ. Uposatheti uposathadivase.
ਸਚੇ, ਭਿਕ੍ਖવੇ, ਅਪ੍ਪਕਾ ਹੋਨ੍ਤੀਤਿ ਚਤੁਨ੍ਨਂ ਮਹਾਰਾਜਾਨਂ ਅਮਚ੍ਚਾ ਪਾਰਿਸਜ੍ਜਾ ਤਾ ਤਾ ਗਾਮਨਿਗਮਰਾਜਧਾਨਿਯੋ ਉਪਸਙ੍ਕਮਨ੍ਤਿ, ਤਤੋ ਤਂ ਉਪਨਿਸ੍ਸਾਯ ਅਧਿવਤ੍ਥਾ ਦੇવਤਾ ‘‘ਮਹਾਰਾਜਾਨਂ ਅਮਚ੍ਚਾ ਆਗਤਾ’’ਤਿ ਪਣ੍ਣਾਕਾਰਂ ਗਹੇਤ੍વਾ ਤੇਸਂ ਸਨ੍ਤਿਕਂ ਗਚ੍ਛਨ੍ਤਿ। ਤੇ ਪਣ੍ਣਾਕਾਰਂ ਗਹੇਤ੍વਾ ‘‘ਕਚ੍ਚਿ ਨੁ ਖੋ ਮਾਰਿਸਾ ਬਹੂ ਮਨੁਸ੍ਸਾ ਮਤ੍ਤੇਯ੍ਯਾ’’ਤਿ વੁਤ੍ਤਨਯੇਨ ਮਨੁਸ੍ਸਾਨਂ ਪੁਞ੍ਞਪਟਿਪਤ੍ਤਿਂ ਪੁਚ੍ਛਿਤ੍વਾ ‘‘ਆਮ, ਮਾਰਿਸ, ਇਮਸ੍ਮਿਂ ਗਾਮੇ ਅਸੁਕੋ ਚ ਅਸੁਕੋ ਚ ਪੁਞ੍ਞਾਨਿ ਕਰੋਨ੍ਤੀ’’ਤਿ વੁਤ੍ਤੇ ਤੇਸਂ ਨਾਮਗੋਤ੍ਤਂ ਲਿਖਿਤ੍વਾ ਅਞ੍ਞਤ੍ਥ ਗਚ੍ਛਨ੍ਤਿ। ਅਥ ਚਾਤੁਦ੍ਦਸਿਯਂ ਚਤੁਨ੍ਨਂ ਮਹਾਰਾਜਾਨਂ ਪੁਤ੍ਤਾਪਿ ਤਮੇવ ਸੁવਣ੍ਣਪਟ੍ਟਂ ਗਹੇਤ੍વਾ ਤੇਨੇવ ਨਯੇਨ ਅਨੁવਿਚਰਨ੍ਤਾ ਨਾਮਗੋਤ੍ਤਾਨਿ ਲਿਖਨ੍ਤਿ। ਤਦਹੁਪੋਸਥੇ ਪਨ੍ਨਰਸੇ ਚਤ੍ਤਾਰੋਪਿ ਮਹਾਰਾਜਾਨੋ ਤੇਨੇવ ਨਯੇਨ ਤਸ੍ਮਿਂਯੇવ ਸੁવਣ੍ਣਪਟ੍ਟੇ ਨਾਮਗੋਤ੍ਤਾਨਿ ਲਿਖਨ੍ਤਿ। ਤੇ ਸੁવਣ੍ਣਪਟ੍ਟਪਰਿਮਾਣੇਨੇવ – ‘‘ਇਮਸ੍ਮਿਂ ਕਾਲੇ ਮਨੁਸ੍ਸਾ ਅਪ੍ਪਕਾ, ਇਮਸ੍ਮਿਂ ਕਾਲੇ ਬਹੁਕਾ’’ਤਿ ਜਾਨਨ੍ਤਿ। ਤਂ ਸਨ੍ਧਾਯ ‘‘ਸਚੇ, ਭਿਕ੍ਖવੇ, ਅਪ੍ਪਕਾ ਹੋਨ੍ਤਿ ਮਨੁਸ੍ਸਾ’’ਤਿਆਦਿ વੁਤ੍ਤਂ। ਦੇવਾਨਂ ਤਾવਤਿਂਸਾਨਨ੍ਤਿ ਪਠਮਂ ਅਭਿਨਿਬ੍ਬਤ੍ਤੇ ਤੇਤ੍ਤਿਂਸ ਦੇવਪੁਤ੍ਤੇ ਉਪਾਦਾਯ ਏવਂਲਦ੍ਧਨਾਮਾਨਂ। ਤੇਸਂ ਪਨ ਉਪ੍ਪਤ੍ਤਿਕਥਾ ਦੀਘਨਿਕਾਯੇ ਸਕ੍ਕਪਞ੍ਹਸੁਤ੍ਤવਣ੍ਣਨਾਯ વਿਤ੍ਥਾਰਿਤਾ। ਤੇਨਾਤਿ ਤੇਨ ਆਰੋਚਨੇਨ, ਤੇਨ વਾ ਪੁਞ੍ਞਕਾਰਕਾਨਂ ਅਪ੍ਪਕਭਾવੇਨ। ਦਿਬ੍ਬਾ વਤ, ਭੋ, ਕਾਯਾ ਪਰਿਹਾਯਿਸ੍ਸਨ੍ਤੀਤਿ ਨવਨવਾਨਂ ਦੇવਪੁਤ੍ਤਾਨਂ ਅਪਾਤੁਭਾવੇਨ ਦੇવਕਾਯਾ ਪਰਿਹਾਯਿਸ੍ਸਨ੍ਤਿ, ਰਮਣੀਯਂ ਦਸਯੋਜਨਸਹਸ੍ਸਂ ਦੇવਨਗਰਂ ਸੁਞ੍ਞਂ ਭવਿਸ੍ਸਤਿ। ਪਰਿਪੂਰਿਸ੍ਸਨ੍ਤਿ ਅਸੁਰਕਾਯਾਤਿ ਚਤ੍ਤਾਰੋ ਅਪਾਯਾ ਪਰਿਪੂਰਿਸ੍ਸਨ੍ਤਿ। ਇਮਿਨਾ ‘‘ਮਯਂ ਪਰਿਪੁਣ੍ਣੇ ਦੇવਨਗਰੇ ਦੇવਸਙ੍ਘਮਜ੍ਝੇ ਨਕ੍ਖਤ੍ਤਂ ਕੀਲ਼ਿਤੁਂ ਨ ਲਭਿਸ੍ਸਾਮਾ’’ਤਿ ਅਨਤ੍ਤਮਨਾ ਹੋਨ੍ਤਿ। ਸੁਕ੍ਕਪਕ੍ਖੇਪਿ ਇਮਿਨਾવ ਉਪਾਯੇਨ ਅਤ੍ਥੋ વੇਦਿਤਬ੍ਬੋ।
Sace, bhikkhave, appakā hontīti catunnaṃ mahārājānaṃ amaccā pārisajjā tā tā gāmanigamarājadhāniyo upasaṅkamanti, tato taṃ upanissāya adhivatthā devatā ‘‘mahārājānaṃ amaccā āgatā’’ti paṇṇākāraṃ gahetvā tesaṃ santikaṃ gacchanti. Te paṇṇākāraṃ gahetvā ‘‘kacci nu kho mārisā bahū manussā matteyyā’’ti vuttanayena manussānaṃ puññapaṭipattiṃ pucchitvā ‘‘āma, mārisa, imasmiṃ gāme asuko ca asuko ca puññāni karontī’’ti vutte tesaṃ nāmagottaṃ likhitvā aññattha gacchanti. Atha cātuddasiyaṃ catunnaṃ mahārājānaṃ puttāpi tameva suvaṇṇapaṭṭaṃ gahetvā teneva nayena anuvicarantā nāmagottāni likhanti. Tadahuposathe pannarase cattāropi mahārājāno teneva nayena tasmiṃyeva suvaṇṇapaṭṭe nāmagottāni likhanti. Te suvaṇṇapaṭṭaparimāṇeneva – ‘‘imasmiṃ kāle manussā appakā, imasmiṃ kāle bahukā’’ti jānanti. Taṃ sandhāya ‘‘sace, bhikkhave, appakā honti manussā’’tiādi vuttaṃ. Devānaṃ tāvatiṃsānanti paṭhamaṃ abhinibbatte tettiṃsa devaputte upādāya evaṃladdhanāmānaṃ. Tesaṃ pana uppattikathā dīghanikāye sakkapañhasuttavaṇṇanāya vitthāritā. Tenāti tena ārocanena, tena vā puññakārakānaṃ appakabhāvena. Dibbā vata, bho, kāyā parihāyissantīti navanavānaṃ devaputtānaṃ apātubhāvena devakāyā parihāyissanti, ramaṇīyaṃ dasayojanasahassaṃ devanagaraṃ suññaṃ bhavissati. Paripūrissanti asurakāyāti cattāro apāyā paripūrissanti. Iminā ‘‘mayaṃ paripuṇṇe devanagare devasaṅghamajjhe nakkhattaṃ kīḷituṃ na labhissāmā’’ti anattamanā honti. Sukkapakkhepi imināva upāyena attho veditabbo.
ਭੂਤਪੁਬ੍ਬਂ, ਭਿਕ੍ਖવੇ, ਸਕ੍ਕੋ ਦੇવਾਨਮਿਨ੍ਦੋਤਿ ਅਤ੍ਤਨੋ ਸਕ੍ਕਦੇવਰਾਜਕਾਲਂ ਸਨ੍ਧਾਯ ਕਥੇਤਿ। ਏਕਸ੍ਸ વਾ ਸਕ੍ਕਸ੍ਸ ਅਜ੍ਝਾਸਯਂ ਗਹੇਤ੍વਾ ਕਥੇਤੀਤਿ વੁਤ੍ਤਂ। ਅਨੁਨਯਮਾਨੋਤਿ ਅਨੁਬੋਧਯਮਾਨੋ। ਤਾਯਂ વੇਲਾਯਨ੍ਤਿ ਤਸ੍ਮਿਂ ਕਾਲੇ।
Bhūtapubbaṃ, bhikkhave, sakko devānamindoti attano sakkadevarājakālaṃ sandhāya katheti. Ekassa vā sakkassa ajjhāsayaṃ gahetvā kathetīti vuttaṃ. Anunayamānoti anubodhayamāno. Tāyaṃ velāyanti tasmiṃ kāle.
ਪਾਟਿਹਾਰਿਯਪਕ੍ਖਞ੍ਚਾਤਿ ਏਤ੍ਥ ਪਾਟਿਹਾਰਿਯਪਕ੍ਖੋ ਨਾਮ ਅਨ੍ਤੋવਸ੍ਸੇ ਤੇਮਾਸਂ ਨਿਬਦ੍ਧੁਪੋਸਥੋ, ਤਂ ਅਸਕ੍ਕੋਨ੍ਤਸ੍ਸ ਦ੍વਿਨ੍ਨਂ ਪવਾਰਣਾਨਂ ਅਨ੍ਤਰੇ ਏਕਮਾਸਂ ਨਿਬਦ੍ਧੁਪੋਸਥੋ, ਤਮ੍ਪਿ ਅਸਕ੍ਕੋਨ੍ਤਸ੍ਸ ਪਠਮਪવਾਰਣਤੋ ਪਟ੍ਠਾਯ ਏਕੋ ਅਦ੍ਧਮਾਸੋ ਪਾਟਿਹਾਰਿਯਪਕ੍ਖੋਯੇવ ਨਾਮ। ਅਟ੍ਠਙ੍ਗਸੁਸਮਾਗਤਨ੍ਤਿ ਅਟ੍ਠਹਿ ਗੁਣਙ੍ਗੇਹਿ ਸਮਨ੍ਨਾਗਤਂ। ਯੋਪਿਸ੍ਸ ਮਾਦਿਸੋ ਨਰੋਤਿ ਯੋਪਿ ਸਤ੍ਤੋ ਮਾਦਿਸੋ ਭવੇਯ੍ਯ। ਸਕ੍ਕੋਪਿ ਕਿਰ વੁਤ੍ਤਪ੍ਪਕਾਰਸ੍ਸ ਉਪੋਸਥਕਮ੍ਮਸ੍ਸ ਗੁਣਂ ਜਾਨਿਤ੍વਾ ਦ੍વੇ ਦੇવਲੋਕਸਮ੍ਪਤ੍ਤਿਯੋ ਪਹਾਯ ਮਾਸਸ੍ਸ ਅਟ੍ਠ વਾਰੇ ਉਪੋਸਥਂ ਉਪવਸਤਿ। ਤਸ੍ਮਾ ਏવਮਾਹ। ਅਪਰੋ ਨਯੋ – ਯੋਪਿਸ੍ਸ ਮਾਦਿਸੋ ਨਰੋਤਿ ਯੋਪਿ ਸਤ੍ਤੋ ਮਾਦਿਸੋ ਅਸ੍ਸ, ਮਯਾ ਪਤ੍ਤਂ ਸਮ੍ਪਤ੍ਤਿਂ ਪਾਪੁਣਿਤੁਂ ਇਚ੍ਛੇਯ੍ਯਾਤਿ ਅਤ੍ਥੋ। ਸਕ੍ਕਾ ਹਿ ਏવਰੂਪੇਨ ਉਪੋਸਥਕਮ੍ਮੇਨ ਸਕ੍ਕਸਮ੍ਪਤ੍ਤਿਂ ਪਾਪੁਣਿਤੁਨ੍ਤਿ ਅਯਮੇਤ੍ਥ ਅਧਿਪ੍ਪਾਯੋ।
Pāṭihāriyapakkhañcāti ettha pāṭihāriyapakkho nāma antovasse temāsaṃ nibaddhuposatho, taṃ asakkontassa dvinnaṃ pavāraṇānaṃ antare ekamāsaṃ nibaddhuposatho, tampi asakkontassa paṭhamapavāraṇato paṭṭhāya eko addhamāso pāṭihāriyapakkhoyeva nāma. Aṭṭhaṅgasusamāgatanti aṭṭhahi guṇaṅgehi samannāgataṃ. Yopissamādiso naroti yopi satto mādiso bhaveyya. Sakkopi kira vuttappakārassa uposathakammassa guṇaṃ jānitvā dve devalokasampattiyo pahāya māsassa aṭṭha vāre uposathaṃ upavasati. Tasmā evamāha. Aparo nayo – yopissa mādiso naroti yopi satto mādiso assa, mayā pattaṃ sampattiṃ pāpuṇituṃ iccheyyāti attho. Sakkā hi evarūpena uposathakammena sakkasampattiṃ pāpuṇitunti ayamettha adhippāyo.
વੁਸਿਤવਾਤਿ વੁਤ੍ਥવਾਸੋ। ਕਤਕਰਣੀਯੋਤਿ ਚਤੂਹਿ ਮਗ੍ਗੇਹਿ ਕਤ੍ਤਬ੍ਬਕਿਚ੍ਚਂ ਕਤ੍વਾ ਠਿਤੋ। ਓਹਿਤਭਾਰੋਤਿ ਖਨ੍ਧਭਾਰਕਿਲੇਸਭਾਰਅਭਿਸਙ੍ਖਾਰਭਾਰੇ ਓਤਾਰੇਤ੍વਾ ਠਿਤੋ। ਅਨੁਪ੍ਪਤ੍ਤਸਦਤ੍ਥੋਤਿ ਸਦਤ੍ਥੋ વੁਚ੍ਚਤਿ ਅਰਹਤ੍ਤਂ, ਤਂ ਅਨੁਪ੍ਪਤ੍ਤੋ। ਪਰਿਕ੍ਖੀਣਭવਸਂਯੋਜਨੋਤਿ ਯੇਨ ਸਂਯੋਜਨੇਨ ਬਦ੍ਧੋ ਭવੇਸੁ ਆਕਡ੍ਢੀਯਤਿ, ਤਸ੍ਸ ਖੀਣਤ੍ਤਾ ਪਰਿਕ੍ਖੀਣਭવਸਂਯੋਜਨੋ। ਸਮ੍ਮਦਞ੍ਞਾ વਿਮੁਤ੍ਤੋਤਿ ਹੇਤੁਨਾ ਨਯੇਨ ਕਾਰਣੇਨ ਜਾਨਿਤ੍વਾ વਿਮੁਤ੍ਤੋ। ਕਲ੍ਲਂ વਚਨਾਯਾਤਿ ਯੁਤ੍ਤਂ વਤ੍ਤੁਂ।
Vusitavāti vutthavāso. Katakaraṇīyoti catūhi maggehi kattabbakiccaṃ katvā ṭhito. Ohitabhāroti khandhabhārakilesabhāraabhisaṅkhārabhāre otāretvā ṭhito. Anuppattasadatthoti sadattho vuccati arahattaṃ, taṃ anuppatto. Parikkhīṇabhavasaṃyojanoti yena saṃyojanena baddho bhavesu ākaḍḍhīyati, tassa khīṇattā parikkhīṇabhavasaṃyojano. Sammadaññā vimuttoti hetunā nayena kāraṇena jānitvā vimutto. Kallaṃ vacanāyāti yuttaṃ vattuṃ.
ਯੋਪਿਸ੍ਸ ਮਾਦਿਸੋ ਨਰੋਤਿ ਯੋਪਿ ਮਾਦਿਸੋ ਖੀਣਾਸવੋ ਅਸ੍ਸ, ਸੋਪਿ ਏવਰੂਪਂ ਉਪੋਸਥਂ ਉਪવਸੇਯ੍ਯਾਤਿ ਉਪੋਸਥਕਮ੍ਮਸ੍ਸ ਗੁਣਂ ਜਾਨਨ੍ਤੋ ਏવਂ વਦੇਯ੍ਯ। ਅਪਰੋ ਨਯੋ ਯੋਪਿਸ੍ਸ ਮਾਦਿਸੋ ਨਰੋਤਿ ਯੋਪਿ ਸਤ੍ਤੋ ਮਾਦਿਸੋ ਅਸ੍ਸ, ਮਯਾ ਪਤ੍ਤਂ ਸਮ੍ਪਤ੍ਤਿਂ ਪਾਪੁਣਿਤੁਂ ਇਚ੍ਛੇਯ੍ਯਾਤਿ ਅਤ੍ਥੋ। ਸਕ੍ਕਾ ਹਿ ਏવਰੂਪੇਨ ਉਪੋਸਥਕਮ੍ਮੇਨ ਖੀਣਾਸવਸਮ੍ਪਤ੍ਤਿਂ ਪਾਪੁਣਿਤੁਨ੍ਤਿ ਅਯਮੇਤ੍ਥ ਅਧਿਪ੍ਪਾਯੋ। ਅਟ੍ਠਮਂ ਉਤ੍ਤਾਨਤ੍ਥਮੇવ।
Yopissa mādiso naroti yopi mādiso khīṇāsavo assa, sopi evarūpaṃ uposathaṃ upavaseyyāti uposathakammassa guṇaṃ jānanto evaṃ vadeyya. Aparo nayo yopissa mādiso naroti yopi satto mādiso assa, mayā pattaṃ sampattiṃ pāpuṇituṃ iccheyyāti attho. Sakkā hi evarūpena uposathakammena khīṇāsavasampattiṃ pāpuṇitunti ayamettha adhippāyo. Aṭṭhamaṃ uttānatthameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਚਤੁਮਹਾਰਾਜਸੁਤ੍ਤਂ • 7. Catumahārājasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. ਚਤੁਮਹਾਰਾਜਸੁਤ੍ਤવਣ੍ਣਨਾ • 7. Catumahārājasuttavaṇṇanā
