| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭. ਚਤੁਮਹਾਰਾਜਸੁਤ੍ਤવਣ੍ਣਨਾ
7. Catumahārājasuttavaṇṇanā
੩੭. ਸਤ੍ਤਮੇ ਅਮਾ ਸਹ વਤ੍ਤਨ੍ਤਿ ਤਸ੍ਮਿਂ ਤਸ੍ਮਿਂ ਕਿਚ੍ਚੇਤਿ ਅਮਚ੍ਚਾ, ਸਹਿਤਾ। ਪਰਿਸਤਿ ਭવਾਤਿ ਪਾਰਿਸਜ੍ਜਾ, ਪਰਿવਾਰਟ੍ਠਾਨਿਯਾ ਪਰਿਸਾਪਰਿਯਾਪਨ੍ਨਾ। ਤੇਨਾਹ ‘‘ਪਰਿਚਾਰਿਕਦੇવਤਾ’’ਤਿ। ਤਾਤਾਤਿ ਆਲਪਨਂ। ਏવਨ੍ਤਿ ‘‘ਕਚ੍ਚਿ ਬਹੂ ਮਨੁਸ੍ਸਾ’’ਤਿਆਦਿਨਾ વੁਤ੍ਤਾਕਾਰੇਨ। ਅਟ੍ਠ વਾਰੇਤਿ ਏਕਸ੍ਮਿਂ ਅਡ੍ਢਮਾਸੇ ਚਤੁਕ੍ਖਤ੍ਤੁਂ ਤਥਾ ਇਤਰਸ੍ਮਿਨ੍ਤਿ ਏવਂ ਅਟ੍ਠ વਾਰੇ। ਅਧਿਟ੍ਠਹਨ੍ਤੀਤਿ ਅਧਿਤਿਟ੍ਠਨ੍ਤਿ। ਪਟਿਜਾਗਰੋਨ੍ਤੀਤਿ ਪਟਿ ਪਟਿ ਜਾਗਰੋਨ੍ਤਿ। ਪੁਞ੍ਞਂ ਕਰੋਨ੍ਤਾ ਹਿ ਸਤ੍ਤਾ ਜਾਗਰੋਨ੍ਤਿ ਨਾਮ ਕਾਤਬ੍ਬਕਿਚ੍ਚਪ੍ਪਸੁਤਤ੍ਤਾ, ਇਤਰੇ ਪਨ ਸੁਪਨ੍ਤਿ ਨਾਮ ਸਹਿਤਪਰਹਿਤવਿਮੁਤ੍ਤਤ੍ਤਾ। ਚਾਤੁਦ੍ਦਸਿਉਪੋਸਥਸ੍ਸ ਅਨੁਗਮਨਂ વਿਯ ਪਨ੍ਨਰਸਿਉਪੋਸਥਸ੍ਸ ਪਚ੍ਚੁਗ੍ਗਮਨਂ ਨ ਲਬ੍ਭਤਿ ਦਿવਸਾਭਾવਤੋ।
37. Sattame amā saha vattanti tasmiṃ tasmiṃ kicceti amaccā, sahitā. Parisati bhavāti pārisajjā, parivāraṭṭhāniyā parisāpariyāpannā. Tenāha ‘‘paricārikadevatā’’ti. Tātāti ālapanaṃ. Evanti ‘‘kacci bahū manussā’’tiādinā vuttākārena. Aṭṭha vāreti ekasmiṃ aḍḍhamāse catukkhattuṃ tathā itarasminti evaṃ aṭṭha vāre. Adhiṭṭhahantīti adhitiṭṭhanti. Paṭijāgarontīti paṭi paṭi jāgaronti. Puññaṃ karontā hi sattā jāgaronti nāma kātabbakiccappasutattā, itare pana supanti nāma sahitaparahitavimuttattā. Cātuddasiuposathassa anugamanaṃ viya pannarasiuposathassa paccuggamanaṃ na labbhati divasābhāvato.
ਤਤੋਤਿ ਤਤੋ ਤਤੋ। ਤਂ ਉਪਨਿਸ੍ਸਾਯਾਤਿ ਤਾ ਤਾ ਗਾਮਨਿਗਮਰਾਜਧਾਨਿਯੋ ਉਪਨਿਸ੍ਸਾਯ। ਅਧਿવਤ੍ਥਾਤਿ ਆਰਾਮવਨਰੁਕ੍ਖਾਦੀਸੁ ਅਧਿવਤ੍ਥਾ ਦੇવਤਾ। ਤੇਤਿ ਤੇ ਦੇવਾ। ਸਨ੍ਧਾਯ ਕਥੇਤੀਤਿ ਭਗવਾ ਕਥੇਤਿ। વੁਤ੍ਤਨ੍ਤਿ ਅਟ੍ਠਕਥਾਯਂ વੁਤ੍ਤਂ।
Tatoti tato tato. Taṃ upanissāyāti tā tā gāmanigamarājadhāniyo upanissāya. Adhivatthāti ārāmavanarukkhādīsu adhivatthā devatā. Teti te devā. Sandhāya kathetīti bhagavā katheti. Vuttanti aṭṭhakathāyaṃ vuttaṃ.
ਨਿਚ੍ਚਂ ਨਿਬਦ੍ਧਂ ਉਪੋਸਥੋ ਸਂવਚ੍ਛਰੇ ਸਂવਚ੍ਛਰੇ ਪਟਿ ਪਟਿ ਹਰਿਤਬ੍ਬਤੋ ਪવਤ੍ਤੇਤਬ੍ਬਤੋ ਪਾਟਿਹਾਰਿਯਪਕ੍ਖੋ ਨਾਮ। ਗੁਣਙ੍ਗੇਹੀਤਿ ਉਪੋਸਥਙ੍ਗੇਹਿ।
Niccaṃ nibaddhaṃ uposatho saṃvacchare saṃvacchare paṭi paṭi haritabbato pavattetabbato pāṭihāriyapakkho nāma. Guṇaṅgehīti uposathaṅgehi.
વੁਤ੍ਥવਾਸੋਤਿ વੁਸਿਤਬ੍ਰਹ੍ਮਚਰਿਯવਾਸੋ। ਕਤ੍ਤਬ੍ਬਕਿਚ੍ਚਨ੍ਤਿ ਦੁਕ੍ਖਾਦੀਸੁ ਪਰਿਞ੍ਞਾਤਾਦਿਕਿਚ੍ਚਂ। ਓਤਾਰੇਤ੍વਾਤਿ ਛਡ੍ਡੇਤ੍વਾ। ਪਰਿਕ੍ਖੀਣਭવਸਂਯੋਜਨੋਤਿ ਸਬ੍ਬਸੋ ਖੀਣਭવਬਨ੍ਧਨੋ। ਕਾਰਣੇਨ ਜਾਨਿਤ੍વਾਤਿ વਿਪਸ੍ਸਨਾਪਞ੍ਞਾਸਹਿਤਾਯ ਮਗ੍ਗਪਞ੍ਞਾਯ ਚਤ੍ਤਾਰਿ ਅਰਿਯਸਚ੍ਚਾਨਿ ਜਾਨਿਤ੍વਾ।
Vutthavāsoti vusitabrahmacariyavāso. Kattabbakiccanti dukkhādīsu pariññātādikiccaṃ. Otāretvāti chaḍḍetvā. Parikkhīṇabhavasaṃyojanoti sabbaso khīṇabhavabandhano. Kāraṇena jānitvāti vipassanāpaññāsahitāya maggapaññāya cattāri ariyasaccāni jānitvā.
ਜਾਨਨ੍ਤੋਤਿ ‘‘ਅਰਹਨ੍ਤਾਨਂ ਅਨੁਕਰਣਪ੍ਪਟਿਪਤ੍ਤਿ ਏਸਾ, ਯਦਿਦਂ ਸਮ੍ਮਦੇવ ਉਪੋਸਥਾਨੁਟ੍ਠਾਨ’’ਨ੍ਤਿ ਏવਂ ਉਪੋਸਥਕਮ੍ਮਸ੍ਸ ਗੁਣਂ ਜਾਨਨ੍ਤੋ। ਏવਰੂਪੇਨਾਤਿ ਯਾਦਿਸੋ ਭਗવਤੋ ਉਪੋਸਥਭਾવੋ વਿਹਿਤੋ, ਏવਰੂਪੇਨ ਅਰਹਨ੍ਤਾਨੁਕਰਣੇਨ ਉਪੋਸਥਕਮ੍ਮੇਨ। ਸਕ੍ਕਾ ਪਹਿਤਤ੍ਤੋ વਿਪਸ੍ਸਨਂ ਉਸ੍ਸੁਕ੍ਕਾਪੇਤ੍વਾ ਖੀਣਾਸવਸਮ੍ਪਤ੍ਤਿਂ ਪਾਪੁਣਿਤੁਂ। ਅਟ੍ਠਮਂ ਉਤ੍ਤਾਨਤ੍ਥਮੇવ ਸਤ੍ਤਮੇ વੁਤ੍ਤਨਯਤ੍ਤਾ।
Jānantoti ‘‘arahantānaṃ anukaraṇappaṭipatti esā, yadidaṃ sammadeva uposathānuṭṭhāna’’nti evaṃ uposathakammassa guṇaṃ jānanto. Evarūpenāti yādiso bhagavato uposathabhāvo vihito, evarūpena arahantānukaraṇena uposathakammena. Sakkā pahitatto vipassanaṃ ussukkāpetvā khīṇāsavasampattiṃ pāpuṇituṃ. Aṭṭhamaṃ uttānatthameva sattame vuttanayattā.
ਚਤੁਮਹਾਰਾਜਸੁਤ੍ਤવਣ੍ਣਨਾ ਨਿਟ੍ਠਿਤਾ।
Catumahārājasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਚਤੁਮਹਾਰਾਜਸੁਤ੍ਤਂ • 7. Catumahārājasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. ਚਤੁਮਹਾਰਾਜਸੁਤ੍ਤવਣ੍ਣਨਾ • 7. Catumahārājasuttavaṇṇanā
