| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
7. жаад̇умасуд̇д̇ам̣
7. Cātumasuttaṃ
157. звам̣ мз суд̇ам̣ – згам̣ самаяам̣ бхаг̇аваа жаад̇умааяам̣ вихарад̇и аамалагийванз. д̇зна ко бана самаязна саарибуд̇д̇амог̇г̇аллаанаббамукаани бан̃жамад̇д̇аани бхигкусад̇аани жаад̇умам̣ ануббад̇д̇аани хонд̇и бхаг̇аванд̇ам̣ д̣̇ассанааяа. д̇з жа ааг̇анд̇угаа бхигкуу нзваасигзхи бхигкуухи сад̣̇д̇хим̣ бадисаммод̣̇амаанаа сзнаасанаани бан̃н̃аабаяамаанаа бад̇д̇ажийвараани бадисаамаяамаанаа ужжаасад̣̇д̣̇аа махаасад̣̇д̣̇аа ахзсум̣. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘гз банзд̇з, аананд̣̇а, ужжаасад̣̇д̣̇аа махаасад̣̇д̣̇аа, гзваддаа ман̃н̃з мажчавилобз’’д̇и? ‘‘зд̇аани, бханд̇з, саарибуд̇д̇амог̇г̇аллаанаббамукаани бан̃жамад̇д̇аани бхигкусад̇аани жаад̇умам̣ ануббад̇д̇аани бхаг̇аванд̇ам̣ д̣̇ассанааяа. д̇з ааг̇анд̇угаа бхигкуу нзваасигзхи бхигкуухи сад̣̇д̇хим̣ бадисаммод̣̇амаанаа сзнаасанаани бан̃н̃аабаяамаанаа бад̇д̇ажийвараани бадисаамаяамаанаа ужжаасад̣̇д̣̇аа махаасад̣̇д̣̇аа’’д̇и. ‘‘д̇знахаананд̣̇а, мама важанзна д̇з бхигкуу ааманд̇зхи – ‘сад̇т̇аа ааяасманд̇з ааманд̇зд̇ий’’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бадиссуд̇ваа язна д̇з бхигкуу д̇знубасан̇гами; убасан̇гамид̇ваа д̇з бхигкуу зд̇ад̣̇авожа – ‘‘сад̇т̇аа ааяасманд̇з ааманд̇зд̇ий’’д̇и. ‘‘звамаавусо’’д̇и ко д̇з бхигкуу ааяасмад̇о аананд̣̇асса бадиссуд̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннз ко д̇з бхигкуу бхаг̇аваа зд̇ад̣̇авожа – ‘‘гим̣ ну д̇умхз, бхигкавз, ужжаасад̣̇д̣̇аа махаасад̣̇д̣̇аа, гзваддаа ман̃н̃з мажчавилобз’’д̇и? ‘‘имаани, бханд̇з, саарибуд̇д̇амог̇г̇аллаанаббамукаани бан̃жамад̇д̇аани бхигкусад̇аани жаад̇умам̣ ануббад̇д̇аани бхаг̇аванд̇ам̣ д̣̇ассанааяа. д̇змз ааг̇анд̇угаа бхигкуу нзваасигзхи бхигкуухи сад̣̇д̇хим̣ бадисаммод̣̇амаанаа сзнаасанаани бан̃н̃аабаяамаанаа бад̇д̇ажийвараани бадисаамаяамаанаа ужжаасад̣̇д̣̇аа махаасад̣̇д̣̇аа’’д̇и. ‘‘г̇ажчат̇а, бхигкавз, бан̣аамзми во, на во мама санд̇игз вад̇т̇аб̣б̣а’’нд̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бадиссуд̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа сзнаасанам̣ сам̣саамзд̇ваа бад̇д̇ажийварамаад̣̇ааяа баггамим̣су.
157. Evaṃ me sutaṃ – ekaṃ samayaṃ bhagavā cātumāyaṃ viharati āmalakīvane. Tena kho pana samayena sāriputtamoggallānappamukhāni pañcamattāni bhikkhusatāni cātumaṃ anuppattāni honti bhagavantaṃ dassanāya. Te ca āgantukā bhikkhū nevāsikehi bhikkhūhi saddhiṃ paṭisammodamānā senāsanāni paññāpayamānā pattacīvarāni paṭisāmayamānā uccāsaddā mahāsaddā ahesuṃ. Atha kho bhagavā āyasmantaṃ ānandaṃ āmantesi – ‘‘ke panete, ānanda, uccāsaddā mahāsaddā, kevaṭṭā maññe macchavilope’’ti? ‘‘Etāni, bhante, sāriputtamoggallānappamukhāni pañcamattāni bhikkhusatāni cātumaṃ anuppattāni bhagavantaṃ dassanāya. Te āgantukā bhikkhū nevāsikehi bhikkhūhi saddhiṃ paṭisammodamānā senāsanāni paññāpayamānā pattacīvarāni paṭisāmayamānā uccāsaddā mahāsaddā’’ti. ‘‘Tenahānanda, mama vacanena te bhikkhū āmantehi – ‘satthā āyasmante āmantetī’’’ti. ‘‘Evaṃ, bhante’’ti kho āyasmā ānando bhagavato paṭissutvā yena te bhikkhū tenupasaṅkami; upasaṅkamitvā te bhikkhū etadavoca – ‘‘satthā āyasmante āmantetī’’ti. ‘‘Evamāvuso’’ti kho te bhikkhū āyasmato ānandassa paṭissutvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinne kho te bhikkhū bhagavā etadavoca – ‘‘kiṃ nu tumhe, bhikkhave, uccāsaddā mahāsaddā, kevaṭṭā maññe macchavilope’’ti? ‘‘Imāni, bhante, sāriputtamoggallānappamukhāni pañcamattāni bhikkhusatāni cātumaṃ anuppattāni bhagavantaṃ dassanāya. Teme āgantukā bhikkhū nevāsikehi bhikkhūhi saddhiṃ paṭisammodamānā senāsanāni paññāpayamānā pattacīvarāni paṭisāmayamānā uccāsaddā mahāsaddā’’ti. ‘‘Gacchatha, bhikkhave, paṇāmemi vo, na vo mama santike vatthabba’’nti. ‘‘Evaṃ, bhante’’ti kho te bhikkhū bhagavato paṭissutvā uṭṭhāyāsanā bhagavantaṃ abhivādetvā padakkhiṇaṃ katvā senāsanaṃ saṃsāmetvā pattacīvaramādāya pakkamiṃsu.
158. д̇зна ко бана самаязна жаад̇умзяяагаа сагяаа сант̇ааг̇аарз 1 саннибад̇ид̇аа хонд̇и гзнажид̣̇зва гаран̣ийязна. ад̣̇д̣̇асам̣су ко жаад̇умзяяагаа сагяаа д̇з бхигкуу д̣̇уурад̇ова ааг̇ажчанд̇з; д̣̇исваана язна д̇з бхигкуу д̇знубасан̇гамим̣су; убасан̇гамид̇ваа д̇з бхигкуу зд̇ад̣̇авожум̣ – ‘‘ханд̣̇а, гахам̣ бана д̇умхз ааяасманд̇о г̇ажчат̇аа’’д̇и? ‘‘бхаг̇авад̇аа ко, аавусо, бхигкусан̇гхо бан̣аамид̇о’’д̇и. ‘‘д̇знахааяасманд̇о мухуд̇д̇ам̣ нисийд̣̇ат̇а, аббзва наама маяам̣ саггун̣зяяаама бхаг̇аванд̇ам̣ басаад̣̇зд̇у’’нд̇и. ‘‘звамаавусо’’д̇и ко д̇з бхигкуу жаад̇умзяяагаанам̣ сагяаанам̣ бажжассосум̣. ат̇а ко жаад̇умзяяагаа сагяаа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко жаад̇умзяяагаа сагяаа бхаг̇аванд̇ам̣ зд̇ад̣̇авожум̣ – ‘‘абхинанд̣̇ад̇у, бханд̇з, бхаг̇аваа бхигкусан̇гхам̣; абхивад̣̇ад̇у, бханд̇з, бхаг̇аваа бхигкусан̇гхам̣. сзяяат̇ааби, бханд̇з , бхаг̇авад̇аа буб̣б̣з бхигкусан̇гхо ануг̇г̇ахид̇о, звамзва бхаг̇аваа зд̇арахи ануг̇г̇ан̣хаад̇у бхигкусан̇гхам̣. санд̇зд̇т̇а, бханд̇з, бхигкуу наваа ажирабаб̣б̣аж̇ид̇аа ад̇хунааг̇ад̇аа имам̣ д̇хаммавинаяам̣. д̇зсам̣ бхаг̇аванд̇ам̣ д̣̇ассанааяа алабханд̇аанам̣ сияаа ан̃н̃ат̇ад̇д̇ам̣, сияаа вибарин̣аамо. сзяяат̇ааби, бханд̇з, б̣ийж̇аанам̣ д̇арун̣аанам̣ уд̣̇агам̣ алабханд̇аанам̣ сияаа ан̃н̃ат̇ад̇д̇ам̣ сияаа вибарин̣аамо; звамзва ко, бханд̇з, санд̇зд̇т̇а бхигкуу наваа ажирабаб̣б̣аж̇ид̇аа ад̇хунааг̇ад̇аа имам̣ д̇хаммавинаяам̣, д̇зсам̣ бхаг̇аванд̇ам̣ д̣̇ассанааяа алабханд̇аанам̣ сияаа ан̃н̃ат̇ад̇д̇ам̣, сияаа вибарин̣аамо. сзяяат̇ааби, бханд̇з, важчасса д̇арун̣асса маад̇арам̣ абассанд̇асса сияаа ан̃н̃ат̇ад̇д̇ам̣, сияаа вибарин̣аамо; звамзва ко, бханд̇з, санд̇зд̇т̇а бхигкуу наваа ажирабаб̣б̣аж̇ид̇аа ад̇хунааг̇ад̇аа имам̣ д̇хаммавинаяам̣, д̇зсам̣ бхаг̇аванд̇ам̣ абассанд̇аанам̣ сияаа ан̃н̃ат̇ад̇д̇ам̣, сияаа вибарин̣аамо. абхинанд̣̇ад̇у, бханд̇з, бхаг̇аваа бхигкусан̇гхам̣; абхивад̣̇ад̇у, бханд̇з, бхаг̇аваа бхигкусан̇гхам̣. сзяяат̇ааби, бханд̇з, бхаг̇авад̇аа буб̣б̣з бхигкусан̇гхо ануг̇г̇ахид̇о; звамзва бхаг̇аваа зд̇арахи ануг̇г̇ан̣хаад̇у бхигкусан̇гха’’нд̇и.
158. Tena kho pana samayena cātumeyyakā sakyā santhāgāre 2 sannipatitā honti kenacideva karaṇīyena. Addasaṃsu kho cātumeyyakā sakyā te bhikkhū dūratova āgacchante; disvāna yena te bhikkhū tenupasaṅkamiṃsu; upasaṅkamitvā te bhikkhū etadavocuṃ – ‘‘handa, kahaṃ pana tumhe āyasmanto gacchathā’’ti? ‘‘Bhagavatā kho, āvuso, bhikkhusaṅgho paṇāmito’’ti. ‘‘Tenahāyasmanto muhuttaṃ nisīdatha, appeva nāma mayaṃ sakkuṇeyyāma bhagavantaṃ pasādetu’’nti. ‘‘Evamāvuso’’ti kho te bhikkhū cātumeyyakānaṃ sakyānaṃ paccassosuṃ. Atha kho cātumeyyakā sakyā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho cātumeyyakā sakyā bhagavantaṃ etadavocuṃ – ‘‘abhinandatu, bhante, bhagavā bhikkhusaṅghaṃ; abhivadatu, bhante, bhagavā bhikkhusaṅghaṃ. Seyyathāpi, bhante , bhagavatā pubbe bhikkhusaṅgho anuggahito, evameva bhagavā etarahi anuggaṇhātu bhikkhusaṅghaṃ. Santettha, bhante, bhikkhū navā acirapabbajitā adhunāgatā imaṃ dhammavinayaṃ. Tesaṃ bhagavantaṃ dassanāya alabhantānaṃ siyā aññathattaṃ, siyā vipariṇāmo. Seyyathāpi, bhante, bījānaṃ taruṇānaṃ udakaṃ alabhantānaṃ siyā aññathattaṃ siyā vipariṇāmo; evameva kho, bhante, santettha bhikkhū navā acirapabbajitā adhunāgatā imaṃ dhammavinayaṃ, tesaṃ bhagavantaṃ dassanāya alabhantānaṃ siyā aññathattaṃ, siyā vipariṇāmo. Seyyathāpi, bhante, vacchassa taruṇassa mātaraṃ apassantassa siyā aññathattaṃ, siyā vipariṇāmo; evameva kho, bhante, santettha bhikkhū navā acirapabbajitā adhunāgatā imaṃ dhammavinayaṃ, tesaṃ bhagavantaṃ apassantānaṃ siyā aññathattaṃ, siyā vipariṇāmo. Abhinandatu, bhante, bhagavā bhikkhusaṅghaṃ; abhivadatu, bhante, bhagavā bhikkhusaṅghaṃ. Seyyathāpi, bhante, bhagavatā pubbe bhikkhusaṅgho anuggahito; evameva bhagavā etarahi anuggaṇhātu bhikkhusaṅgha’’nti.
159. ат̇а ко б̣рахмаа сахамбад̇и бхаг̇авад̇о жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо самин̃ж̇ид̇ам̣ 3 ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва – б̣рахмалогз анд̇арахид̇о бхаг̇авад̇о бурад̇о баад̇урахоси. ат̇а ко б̣рахмаа сахамбад̇и згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘абхинанд̣̇ад̇у, бханд̇з, бхаг̇аваа бхигкусан̇гхам̣; абхивад̣̇ад̇у, бханд̇з, бхаг̇аваа бхигкусан̇гхам̣. сзяяат̇ааби, бханд̇з, бхаг̇авад̇аа буб̣б̣з бхигкусан̇гхо ануг̇г̇ахид̇о; звамзва бхаг̇аваа зд̇арахи ануг̇г̇ан̣хаад̇у бхигкусан̇гхам̣. санд̇зд̇т̇а, бханд̇з, бхигкуу наваа ажирабаб̣б̣аж̇ид̇аа ад̇хунааг̇ад̇аа имам̣ д̇хаммавинаяам̣, д̇зсам̣ бхаг̇аванд̇ам̣ д̣̇ассанааяа алабханд̇аанам̣ сияаа ан̃н̃ат̇ад̇д̇ам̣, сияаа вибарин̣аамо. сзяяат̇ааби, бханд̇з, б̣ийж̇аанам̣ д̇арун̣аанам̣ уд̣̇агам̣ алабханд̇аанам̣ сияаа ан̃н̃ат̇ад̇д̇ам̣, сияаа вибарин̣аамо; звамзва ко, бханд̇з, санд̇зд̇т̇а бхигкуу наваа ажирабаб̣б̣аж̇ид̇аа ад̇хунааг̇ад̇аа имам̣ д̇хаммавинаяам̣, д̇зсам̣ бхаг̇аванд̇ам̣ д̣̇ассанааяа алабханд̇аанам̣ сияаа ан̃н̃ат̇ад̇д̇ам̣, сияаа вибарин̣аамо. сзяяат̇ааби бханд̇з, важчасса д̇арун̣асса маад̇арам̣ абассанд̇асса сияаа ан̃н̃ат̇ад̇д̇ам̣, сияаа вибарин̣аамо; звамзва ко, бханд̇з, санд̇зд̇т̇а бхигкуу наваа ажирабаб̣б̣аж̇ид̇аа ад̇хунааг̇ад̇аа имам̣ д̇хаммавинаяам̣, д̇зсам̣ бхаг̇аванд̇ам̣ абассанд̇аанам̣ сияаа ан̃н̃ат̇ад̇д̇ам̣, сияаа вибарин̣аамо. абхинанд̣̇ад̇у, бханд̇з, бхаг̇аваа бхигкусан̇гхам̣; абхивад̣̇ад̇у, бханд̇з, бхаг̇аваа бхигкусан̇гхам̣. сзяяат̇ааби, бханд̇з, бхаг̇авад̇аа буб̣б̣з бхигкусан̇гхо ануг̇г̇ахид̇о; звамзва бхаг̇аваа зд̇арахи ануг̇г̇ан̣хаад̇у бхигкусан̇гха’’нд̇и.
159. Atha kho brahmā sahampati bhagavato cetasā cetoparivitakkamaññāya – seyyathāpi nāma balavā puriso samiñjitaṃ 4 vā bāhaṃ pasāreyya, pasāritaṃ vā bāhaṃ samiñjeyya, evameva – brahmaloke antarahito bhagavato purato pāturahosi. Atha kho brahmā sahampati ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā bhagavantaṃ etadavoca – ‘‘abhinandatu, bhante, bhagavā bhikkhusaṅghaṃ; abhivadatu, bhante, bhagavā bhikkhusaṅghaṃ. Seyyathāpi, bhante, bhagavatā pubbe bhikkhusaṅgho anuggahito; evameva bhagavā etarahi anuggaṇhātu bhikkhusaṅghaṃ. Santettha, bhante, bhikkhū navā acirapabbajitā adhunāgatā imaṃ dhammavinayaṃ, tesaṃ bhagavantaṃ dassanāya alabhantānaṃ siyā aññathattaṃ, siyā vipariṇāmo. Seyyathāpi, bhante, bījānaṃ taruṇānaṃ udakaṃ alabhantānaṃ siyā aññathattaṃ, siyā vipariṇāmo; evameva kho, bhante, santettha bhikkhū navā acirapabbajitā adhunāgatā imaṃ dhammavinayaṃ, tesaṃ bhagavantaṃ dassanāya alabhantānaṃ siyā aññathattaṃ, siyā vipariṇāmo. Seyyathāpi bhante, vacchassa taruṇassa mātaraṃ apassantassa siyā aññathattaṃ, siyā vipariṇāmo; evameva kho, bhante, santettha bhikkhū navā acirapabbajitā adhunāgatā imaṃ dhammavinayaṃ, tesaṃ bhagavantaṃ apassantānaṃ siyā aññathattaṃ, siyā vipariṇāmo. Abhinandatu, bhante, bhagavā bhikkhusaṅghaṃ; abhivadatu, bhante, bhagavā bhikkhusaṅghaṃ. Seyyathāpi, bhante, bhagavatā pubbe bhikkhusaṅgho anuggahito; evameva bhagavā etarahi anuggaṇhātu bhikkhusaṅgha’’nti.
160. асагким̣су ко жаад̇умзяяагаа жа сагяаа б̣рахмаа жа сахамбад̇и бхаг̇аванд̇ам̣ басаад̣̇зд̇ум̣ б̣ийж̇уубамзна жа д̇арун̣уубамзна жа. ат̇а ко ааяасмаа махаамог̇г̇аллаано бхигкуу ааманд̇зси – ‘‘удтзт̇аавусо, г̇ан̣хат̇а бад̇д̇ажийварам̣. басаад̣̇ид̇о бхаг̇аваа жаад̇умзяяагзхи жа сагязхи б̣рахмунаа жа сахамбад̇инаа б̣ийж̇уубамзна жа д̇арун̣уубамзна жаа’’д̇и. ‘‘звамаавусо’’д̇и ко д̇з бхигкуу ааяасмад̇о махаамог̇г̇аллаанасса бадиссуд̇ваа удтааяаасанаа бад̇д̇ажийварамаад̣̇ааяа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннам̣ ко ааяасманд̇ам̣ саарибуд̇д̇ам̣ бхаг̇аваа зд̇ад̣̇авожа – ‘‘гинд̇и д̇з, саарибуд̇д̇а, ахоси маяаа бхигкусан̇гхз бан̣аамид̇з’’д̇и? ‘‘звам̣ ко мз, бханд̇з, ахоси – ‘бхаг̇авад̇аа бхигкусан̇гхо бан̣аамид̇о. аббоссугго д̣̇аани бхаг̇аваа д̣̇идтад̇хаммасукавихаарам̣ ануяуд̇д̇о вихариссад̇и, маяамби д̣̇аани аббоссуггаа д̣̇идтад̇хаммасукавихаарамануяуд̇д̇аа вихариссаамаа’’’д̇и. ‘‘ааг̇амзхи д̇вам̣, саарибуд̇д̇а, ааг̇амзхи д̇вам̣, саарибуд̇д̇а, д̣̇идтад̇хаммасукавихаара’’нд̇и. ат̇а ко бхаг̇аваа ааяасманд̇ам̣ махаамог̇г̇аллаанам̣ ааманд̇зси – ‘‘гинд̇и д̇з, мог̇г̇аллаана, ахоси маяаа бхигкусан̇гхз бан̣аамид̇з’’д̇и? ‘‘звам̣ ко мз, бханд̇з, ахоси – ‘бхаг̇авад̇аа бхигкусан̇гхо бан̣аамид̇о. аббоссугго д̣̇аани бхаг̇аваа д̣̇идтад̇хаммасукавихаарам̣ ануяуд̇д̇о вихариссад̇и, ахан̃жа д̣̇аани ааяасмаа жа саарибуд̇д̇о бхигкусан̇гхам̣ барихариссаамаа’’’д̇и. ‘‘саад̇ху саад̇ху, мог̇г̇аллаана! ахам̣ ваа хи, мог̇г̇аллаана , бхигкусан̇гхам̣ барихарзяяам̣ саарибуд̇д̇амог̇г̇аллаанаа ваа’’д̇и.
160. Asakkhiṃsu kho cātumeyyakā ca sakyā brahmā ca sahampati bhagavantaṃ pasādetuṃ bījūpamena ca taruṇūpamena ca. Atha kho āyasmā mahāmoggallāno bhikkhū āmantesi – ‘‘uṭṭhethāvuso, gaṇhatha pattacīvaraṃ. Pasādito bhagavā cātumeyyakehi ca sakyehi brahmunā ca sahampatinā bījūpamena ca taruṇūpamena cā’’ti. ‘‘Evamāvuso’’ti kho te bhikkhū āyasmato mahāmoggallānassa paṭissutvā uṭṭhāyāsanā pattacīvaramādāya yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnaṃ kho āyasmantaṃ sāriputtaṃ bhagavā etadavoca – ‘‘kinti te, sāriputta, ahosi mayā bhikkhusaṅghe paṇāmite’’ti? ‘‘Evaṃ kho me, bhante, ahosi – ‘bhagavatā bhikkhusaṅgho paṇāmito. Appossukko dāni bhagavā diṭṭhadhammasukhavihāraṃ anuyutto viharissati, mayampi dāni appossukkā diṭṭhadhammasukhavihāramanuyuttā viharissāmā’’’ti. ‘‘Āgamehi tvaṃ, sāriputta, āgamehi tvaṃ, sāriputta, diṭṭhadhammasukhavihāra’’nti. Atha kho bhagavā āyasmantaṃ mahāmoggallānaṃ āmantesi – ‘‘kinti te, moggallāna, ahosi mayā bhikkhusaṅghe paṇāmite’’ti? ‘‘Evaṃ kho me, bhante, ahosi – ‘bhagavatā bhikkhusaṅgho paṇāmito. Appossukko dāni bhagavā diṭṭhadhammasukhavihāraṃ anuyutto viharissati, ahañca dāni āyasmā ca sāriputto bhikkhusaṅghaṃ pariharissāmā’’’ti. ‘‘Sādhu sādhu, moggallāna! Ahaṃ vā hi, moggallāna , bhikkhusaṅghaṃ parihareyyaṃ sāriputtamoggallānā vā’’ti.
161. ат̇а ко бхаг̇аваа бхигкуу ааманд̇зси – ‘‘жад̇д̇ааримаани, бхигкавз, бхаяаани уд̣̇агороханд̇з баадиган̇кид̇аб̣б̣аани. гад̇амаани жад̇д̇аари? уумибхаяам̣ 5, гумбхийлабхаяам̣, ааваддабхаяам̣, сусугаабхаяам̣ – имаани, бхигкавз, жад̇д̇аари бхаяаани уд̣̇агороханд̇з баадиган̇кид̇аб̣б̣аани. звамзва ко, бхигкавз, жад̇д̇ааримаани бхаяаани ид̇хзгажжз буг̇г̇алз имасмим̣ д̇хаммавинаяз аг̇аарасмаа анаг̇аарияам̣ баб̣б̣аж̇ид̇з баадиган̇кид̇аб̣б̣аани. гад̇амаани жад̇д̇аари? уумибхаяам̣, гумбхийлабхаяам̣, ааваддабхаяам̣, сусугаабхаяам̣.
161. Atha kho bhagavā bhikkhū āmantesi – ‘‘cattārimāni, bhikkhave, bhayāni udakorohante pāṭikaṅkhitabbāni. Katamāni cattāri? Ūmibhayaṃ 6, kumbhīlabhayaṃ, āvaṭṭabhayaṃ, susukābhayaṃ – imāni, bhikkhave, cattāri bhayāni udakorohante pāṭikaṅkhitabbāni. Evameva kho, bhikkhave, cattārimāni bhayāni idhekacce puggale imasmiṃ dhammavinaye agārasmā anagāriyaṃ pabbajite pāṭikaṅkhitabbāni. Katamāni cattāri? Ūmibhayaṃ, kumbhīlabhayaṃ, āvaṭṭabhayaṃ, susukābhayaṃ.
162. ‘‘гад̇аман̃жа, бхигкавз, уумибхаяам̣? ид̇ха, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи д̣̇угкод̇ин̣н̣о д̣̇угкабарзд̇о; аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. д̇амзнам̣ д̇ат̇аа баб̣б̣аж̇ид̇ам̣ самаанам̣ саб̣рахмажаарий овад̣̇анд̇и, анусаасанд̇и – ‘звам̣ д̇з абхиггамид̇аб̣б̣ам̣, звам̣ д̇з бадиггамид̇аб̣б̣ам̣, звам̣ д̇з аалогид̇аб̣б̣ам̣, звам̣ д̇з вилогид̇аб̣б̣ам̣, звам̣ д̇з самин̃ж̇ид̇аб̣б̣ам̣, звам̣ д̇з басаарид̇аб̣б̣ам̣, звам̣ д̇з сан̇гхаадибад̇д̇ажийварам̣ д̇хаарзд̇аб̣б̣а’нд̇и. д̇асса звам̣ ход̇и – ‘маяам̣ ко буб̣б̣з аг̇аарияабхууд̇аа самаанаа ан̃н̃з овад̣̇аама, анусаасаама 7. имз банамхаагам̣ буд̇д̇амад̇д̇аа ман̃н̃з, над̇д̇амад̇д̇аа ман̃н̃з, амхз 8 овад̣̇ид̇аб̣б̣ам̣ анусаасид̇аб̣б̣ам̣ ман̃н̃анд̇ий’д̇и. со сигкам̣ бажжагкааяа хийнааяаавад̇д̇ад̇и. аяам̣ вужжад̇и, бхигкавз, уумибхаяасса бхийд̇о сигкам̣ бажжагкааяа хийнааяаавад̇д̇о. ‘уумибхаяа’нд̇и ко, бхигкавз, год̇хубааяаасассзд̇ам̣ ад̇хиважанам̣.
162. ‘‘Katamañca, bhikkhave, ūmibhayaṃ? Idha, bhikkhave, ekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi dukkhotiṇṇo dukkhapareto; appeva nāma imassa kevalassa dukkhakkhandhassa antakiriyā paññāyethā’ti. Tamenaṃ tathā pabbajitaṃ samānaṃ sabrahmacārī ovadanti, anusāsanti – ‘evaṃ te abhikkamitabbaṃ, evaṃ te paṭikkamitabbaṃ, evaṃ te ālokitabbaṃ, evaṃ te vilokitabbaṃ, evaṃ te samiñjitabbaṃ, evaṃ te pasāritabbaṃ, evaṃ te saṅghāṭipattacīvaraṃ dhāretabba’nti. Tassa evaṃ hoti – ‘mayaṃ kho pubbe agāriyabhūtā samānā aññe ovadāma, anusāsāma 9. Ime panamhākaṃ puttamattā maññe, nattamattā maññe, amhe 10 ovaditabbaṃ anusāsitabbaṃ maññantī’ti. So sikkhaṃ paccakkhāya hīnāyāvattati. Ayaṃ vuccati, bhikkhave, ūmibhayassa bhīto sikkhaṃ paccakkhāya hīnāyāvatto. ‘Ūmibhaya’nti kho, bhikkhave, kodhupāyāsassetaṃ adhivacanaṃ.
163. ‘‘гад̇аман̃жа, бхигкавз, гумбхийлабхаяам̣? ид̇ха, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи д̣̇угкод̇ин̣н̣о д̣̇угкабарзд̇о; аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. д̇амзнам̣ д̇ат̇аа баб̣б̣аж̇ид̇ам̣ самаанам̣ саб̣рахмажаарий овад̣̇анд̇и анусаасанд̇и – ‘ид̣̇ам̣ д̇з каад̣̇ид̇аб̣б̣ам̣, ид̣̇ам̣ д̇з на каад̣̇ид̇аб̣б̣ам̣; ид̣̇ам̣ д̇з бхун̃ж̇ид̇аб̣б̣ам̣, ид̣̇ам̣ д̇з на бхун̃ж̇ид̇аб̣б̣ам̣; ид̣̇ам̣ д̇з сааяид̇аб̣б̣ам̣, ид̣̇ам̣ д̇з на сааяид̇аб̣б̣ам̣; ид̣̇ам̣ д̇з баад̇аб̣б̣ам̣, ид̣̇ам̣ д̇з на баад̇аб̣б̣ам̣; габбияам̣ д̇з каад̣̇ид̇аб̣б̣ам̣, агаббияам̣ д̇з на каад̣̇ид̇аб̣б̣ам̣; габбияам̣ д̇з бхун̃ж̇ид̇аб̣б̣ам̣, агаббияам̣ д̇з на бхун̃ж̇ид̇аб̣б̣ам̣; габбияам̣ д̇з сааяид̇аб̣б̣ам̣, агаббияам̣ д̇з на сааяид̇аб̣б̣ам̣ ; габбияам̣ д̇з баад̇аб̣б̣ам̣, агаббияам̣ д̇з на баад̇аб̣б̣ам̣; гаалз д̇з каад̣̇ид̇аб̣б̣ам̣, вигаалз д̇з на каад̣̇ид̇аб̣б̣ам̣; гаалз д̇з бхун̃ж̇ид̇аб̣б̣ам̣, вигаалз д̇з на бхун̃ж̇ид̇аб̣б̣ам̣; гаалз д̇з сааяид̇аб̣б̣ам̣, вигаалз д̇з на сааяид̇аб̣б̣ам̣; гаалз д̇з баад̇аб̣б̣ам̣, вигаалз д̇з на баад̇аб̣б̣а’нд̇и. д̇асса звам̣ ход̇и – ‘маяам̣ ко буб̣б̣з аг̇аарияабхууд̇аа самаанаа яам̣ ижчаама д̇ам̣ каад̣̇аама, яам̣ на ижчаама на д̇ам̣ каад̣̇аама; яам̣ ижчаама д̇ам̣ бхун̃ж̇аама, яам̣ на ижчаама на д̇ам̣ бхун̃ж̇аама; яам̣ ижчаама д̇ам̣ сааяаама, яам̣ на ижчаама на д̇ам̣ сааяаама; яам̣ ижчаама д̇ам̣ биваама 11, яам̣ на ижчаама на д̇ам̣ биваама; габбияамби каад̣̇аама, агаббияамби каад̣̇аама; габбияамби бхун̃ж̇аама, агаббияамби бхун̃ж̇аама; габбияамби сааяаама, агаббияамби сааяаама; габбияамби биваама, агаббияамби биваама; гаалзби каад̣̇аама, вигаалзби каад̣̇аама; гаалзби бхун̃ж̇аама вигаалзби бхун̃ж̇аама; гаалзби сааяаама, вигаалзби сааяаама; гаалзби биваама, вигаалзби биваама. яамби но сад̣̇д̇хаа г̇ахабад̇игаа д̣̇иваа вигаалз бан̣ийд̇ам̣ каад̣̇анийяам̣ бхож̇анийяам̣ д̣̇знд̇и д̇ад̇т̇абимз мукааваран̣ам̣ ман̃н̃з гаронд̇ий’д̇и. со сигкам̣ бажжагкааяа хийнааяаавад̇д̇ад̇и. аяам̣ вужжад̇и, бхигкавз, гумбхийлабхаяасса бхийд̇о сигкам̣ бажжагкааяа хийнааяаавад̇д̇о. ‘гумбхийлабхаяа’нд̇и ко, бхигкавз, од̣̇аригад̇д̇ассзд̇ам̣ ад̇хиважанам̣.
163. ‘‘Katamañca, bhikkhave, kumbhīlabhayaṃ? Idha, bhikkhave, ekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi dukkhotiṇṇo dukkhapareto; appeva nāma imassa kevalassa dukkhakkhandhassa antakiriyā paññāyethā’ti. Tamenaṃ tathā pabbajitaṃ samānaṃ sabrahmacārī ovadanti anusāsanti – ‘idaṃ te khāditabbaṃ, idaṃ te na khāditabbaṃ; idaṃ te bhuñjitabbaṃ, idaṃ te na bhuñjitabbaṃ; idaṃ te sāyitabbaṃ, idaṃ te na sāyitabbaṃ; idaṃ te pātabbaṃ, idaṃ te na pātabbaṃ; kappiyaṃ te khāditabbaṃ, akappiyaṃ te na khāditabbaṃ; kappiyaṃ te bhuñjitabbaṃ, akappiyaṃ te na bhuñjitabbaṃ; kappiyaṃ te sāyitabbaṃ, akappiyaṃ te na sāyitabbaṃ ; kappiyaṃ te pātabbaṃ, akappiyaṃ te na pātabbaṃ; kāle te khāditabbaṃ, vikāle te na khāditabbaṃ; kāle te bhuñjitabbaṃ, vikāle te na bhuñjitabbaṃ; kāle te sāyitabbaṃ, vikāle te na sāyitabbaṃ; kāle te pātabbaṃ, vikāle te na pātabba’nti. Tassa evaṃ hoti – ‘mayaṃ kho pubbe agāriyabhūtā samānā yaṃ icchāma taṃ khādāma, yaṃ na icchāma na taṃ khādāma; yaṃ icchāma taṃ bhuñjāma, yaṃ na icchāma na taṃ bhuñjāma; yaṃ icchāma taṃ sāyāma, yaṃ na icchāma na taṃ sāyāma; yaṃ icchāma taṃ pivāma 12, yaṃ na icchāma na taṃ pivāma; kappiyampi khādāma, akappiyampi khādāma; kappiyampi bhuñjāma, akappiyampi bhuñjāma; kappiyampi sāyāma, akappiyampi sāyāma; kappiyampi pivāma, akappiyampi pivāma; kālepi khādāma, vikālepi khādāma; kālepi bhuñjāma vikālepi bhuñjāma; kālepi sāyāma, vikālepi sāyāma; kālepi pivāma, vikālepi pivāma. Yampi no saddhā gahapatikā divā vikāle paṇītaṃ khādanīyaṃ bhojanīyaṃ denti tatthapime mukhāvaraṇaṃ maññe karontī’ti. So sikkhaṃ paccakkhāya hīnāyāvattati. Ayaṃ vuccati, bhikkhave, kumbhīlabhayassa bhīto sikkhaṃ paccakkhāya hīnāyāvatto. ‘Kumbhīlabhaya’nti kho, bhikkhave, odarikattassetaṃ adhivacanaṃ.
164. ‘‘гад̇аман̃жа, бхигкавз, ааваддабхаяам̣? ид̇ха, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи д̣̇угкод̇ин̣н̣о д̣̇угкабарзд̇о; аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа г̇аамам̣ ваа ниг̇амам̣ ваа бин̣д̣ааяа бависад̇и. арагкид̇знзва гааязна арагкид̇ааяа ваажааяа анубадтид̇ааяа сад̇ияаа асам̣вуд̇зхи инд̣̇риязхи со д̇ад̇т̇а бассад̇и г̇ахабад̇им̣ ваа г̇ахабад̇ибуд̇д̇ам̣ ваа бан̃жахи гаамаг̇ун̣зхи самаббид̇ам̣ саман̇г̇ийбхууд̇ам̣ барижаараяамаанам̣ 13. д̇асса звам̣ ход̇и – ‘маяам̣ ко буб̣б̣з аг̇аарияабхууд̇аа самаанаа бан̃жахи гаамаг̇ун̣зхи самаббид̇аа саман̇г̇ийбхууд̇аа барижааримхаа. сам̣виж̇ж̇анд̇и ко бана мз гулз 14 бхог̇аа. саггаа бхог̇з жа бхун̃ж̇ид̇ум̣ бун̃н̃аани жа гаад̇у’нд̇и. со сигкам̣ бажжагкааяа хийнааяаавад̇д̇ад̇и. аяам̣ вужжад̇и, бхигкавз, ааваддабхаяасса бхийд̇о сигкам̣ бажжагкааяа хийнааяаавад̇д̇о. ‘ааваддабхаяа’нд̇и ко, бхигкавз, бан̃жаннзд̇ам̣ гаамаг̇ун̣аанам̣ ад̇хиважанам̣.
164. ‘‘Katamañca, bhikkhave, āvaṭṭabhayaṃ? Idha, bhikkhave, ekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi dukkhotiṇṇo dukkhapareto; appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisati. Arakkhiteneva kāyena arakkhitāya vācāya anupaṭṭhitāya satiyā asaṃvutehi indriyehi so tattha passati gahapatiṃ vā gahapatiputtaṃ vā pañcahi kāmaguṇehi samappitaṃ samaṅgībhūtaṃ paricārayamānaṃ 15. Tassa evaṃ hoti – ‘mayaṃ kho pubbe agāriyabhūtā samānā pañcahi kāmaguṇehi samappitā samaṅgībhūtā paricārimhā. Saṃvijjanti kho pana me kule 16 bhogā. Sakkā bhoge ca bhuñjituṃ puññāni ca kātu’nti. So sikkhaṃ paccakkhāya hīnāyāvattati. Ayaṃ vuccati, bhikkhave, āvaṭṭabhayassa bhīto sikkhaṃ paccakkhāya hīnāyāvatto. ‘Āvaṭṭabhaya’nti kho, bhikkhave, pañcannetaṃ kāmaguṇānaṃ adhivacanaṃ.
165. ‘‘гад̇аман̃жа , бхигкавз, сусугаабхаяам̣? ид̇ха, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи д̣̇угкод̇ин̣н̣о д̣̇угкабарзд̇о; аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа г̇аамам̣ ваа ниг̇амам̣ ваа бин̣д̣ааяа бависад̇и. арагкид̇знзва гааязна арагкид̇ааяа ваажааяа анубадтид̇ааяа сад̇ияаа асам̣вуд̇зхи инд̣̇риязхи со д̇ад̇т̇а бассад̇и маад̇уг̇аамам̣ д̣̇уннивад̇т̇ам̣ ваа д̣̇уббааруд̇ам̣ ваа. д̇асса маад̇уг̇аамам̣ д̣̇исваа д̣̇уннивад̇т̇ам̣ ваа д̣̇уббааруд̇ам̣ ваа рааг̇о жид̇д̇ам̣ ануд̣̇д̇хам̣сзд̇и. со рааг̇аануд̣̇д̇хам̣сзна 17 жид̇д̇зна сигкам̣ бажжагкааяа хийнааяаавад̇д̇ад̇и . аяам̣ вужжад̇и, бхигкавз, сусугаабхаяасса бхийд̇о сигкам̣ бажжагкааяа хийнааяаавад̇д̇о. ‘сусугаабхаяа’нд̇и ко, бхигкавз, маад̇уг̇аамассзд̇ам̣ ад̇хиважанам̣. имаани ко, бхигкавз, жад̇д̇аари бхаяаани, ид̇хзгажжз буг̇г̇алз имасмим̣ д̇хаммавинаяз аг̇аарасмаа анаг̇аарияам̣ баб̣б̣аж̇ид̇з баадиган̇кид̇аб̣б̣ааний’’д̇и.
165. ‘‘Katamañca , bhikkhave, susukābhayaṃ? Idha, bhikkhave, ekacco kulaputto saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi dukkhotiṇṇo dukkhapareto; appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisati. Arakkhiteneva kāyena arakkhitāya vācāya anupaṭṭhitāya satiyā asaṃvutehi indriyehi so tattha passati mātugāmaṃ dunnivatthaṃ vā duppārutaṃ vā. Tassa mātugāmaṃ disvā dunnivatthaṃ vā duppārutaṃ vā rāgo cittaṃ anuddhaṃseti. So rāgānuddhaṃsena 18 cittena sikkhaṃ paccakkhāya hīnāyāvattati . Ayaṃ vuccati, bhikkhave, susukābhayassa bhīto sikkhaṃ paccakkhāya hīnāyāvatto. ‘Susukābhaya’nti kho, bhikkhave, mātugāmassetaṃ adhivacanaṃ. Imāni kho, bhikkhave, cattāri bhayāni, idhekacce puggale imasmiṃ dhammavinaye agārasmā anagāriyaṃ pabbajite pāṭikaṅkhitabbānī’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
жаад̇умасуд̇д̇ам̣ нидтид̇ам̣ сад̇д̇амам̣.
Cātumasuttaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. жаад̇умасуд̇д̇аван̣н̣анаа • 7. Cātumasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. жаад̇умасуд̇д̇аван̣н̣анаа • 7. Cātumasuttavaṇṇanā
