| Library / Tipiṭaka / திபிடக • Tipiṭaka / மஜ்ஜி²மனிகாய (டீகா) • Majjhimanikāya (ṭīkā) |
7. சாதுமஸுத்தவண்ணனா
7. Cātumasuttavaṇṇanā
157. யதா²உபனிஸ்ஸயேனாதி யோ யோ உபனிஸ்ஸயோ யதா²உபனிஸ்ஸயோ, தேன யதா²உபனிஸ்ஸயேன ஸம்மாபயோகே³ன. பதிட்ட²ஹிஸ்ஸந்தி ஸாஸனே பதிட்ட²ங் படிலபி⁴ஸ்ஸந்தி. வஸனட்டா²னானீதி வஸ்ஸக்³கா³தி³வஸேன வஸனட்டா²னானி. ஸண்டா²பயமானாதி ஸுவிப⁴த்தபா⁴வேன ட²பெந்தா.
157.Yathāupanissayenāti yo yo upanissayo yathāupanissayo, tena yathāupanissayena sammāpayogena. Patiṭṭhahissanti sāsane patiṭṭhaṃ paṭilabhissanti. Vasanaṭṭhānānīti vassaggādivasena vasanaṭṭhānāni. Saṇṭhāpayamānāti suvibhattabhāvena ṭhapentā.
அவினிப்³போ⁴க³ஸத்³த³ந்தி வினிபு⁴ஞ்ஜித்வா க³ஹேதுங் அஸக்குணெய்யஸத்³த³ங். வசீகோ⁴ஸோபி ஹி ப³ஹூஹி ஏகச்சங் பவத்திதோ டா²னதோ ச தூ³ரதரோ கேவலங் மஹானிக்³கோ⁴ஸோ ஏவ ஹுத்வா ஸோதபத²மாக³ச்ச²தி. மச்ச²விலோபேதி மச்சே² விலும்பித்வா விய க³ஹணே, மச்சா²னங் வா நயனே.
Avinibbhogasaddanti vinibhuñjitvā gahetuṃ asakkuṇeyyasaddaṃ. Vacīghosopi hi bahūhi ekaccaṃ pavattito ṭhānato ca dūrataro kevalaṃ mahānigghoso eva hutvā sotapathamāgacchati. Macchavilopeti macche vilumpitvā viya gahaṇe, macchānaṃ vā nayane.
158. வவஸ்ஸக்³க³த்தே²தி நிச்ச²யத்தே², இத³ங் தாவ அம்ஹேஹி வுச்சமானவசனங் ஏகந்தஸோதப்³ப³ங், பச்சா² தும்ஹேஹி காதப்³ப³ங் கரோதா²தி அதி⁴ப்பாயோ. வசனபரிஹாரோதி தேஹி ஸக்யராஜூஹி வுத்தவசனஸ்ஸ பரிஹாரோ. லேஸகப்பந்தி கப்பியலேஸங். து⁴ரவஹாதி து⁴ரவாஹினோ, தோ⁴ரய்ஹாதி அத்தோ². பாத³மூலந்தி உபசாரங் வத³தி. விக³ச்சி²ஸ்ஸதீதி ஹாயிஸ்ஸதி. படிப்ப²ரிதோதி ந ப⁴க³வதோ ஸம்முகா²வ, ஸக்யராஜூனங் புரதோபி விப்ப²ரிதோவ ஹோதி.
158.Vavassaggattheti nicchayatthe, idaṃ tāva amhehi vuccamānavacanaṃ ekantasotabbaṃ, pacchā tumhehi kātabbaṃ karothāti adhippāyo. Vacanaparihāroti tehi sakyarājūhi vuttavacanassa parihāro. Lesakappanti kappiyalesaṃ. Dhuravahāti dhuravāhino, dhorayhāti attho. Pādamūlanti upacāraṃ vadati. Vigacchissatīti hāyissati. Paṭippharitoti na bhagavato sammukhāva, sakyarājūnaṃ puratopi vippharitova hoti.
159. அபி⁴னந்த³தூதி அபி⁴முகோ² ஹுத்வா பமோத³து. அபி⁴வத³தூதி அபி⁴ரூபவஸேன வத³து. பஸாத³ஞ்ஞத²த்தந்தி அப்பஸாத³ஸ்ஸ விபரிணாமோ ஹீனாயாவத்தனஸங்கா²தங் பரிவத்தனங், தேனாஹ ‘‘விப்³ப⁴மந்தானங். விபரிணாமஞ்ஞத²த்த’’ந்தி. காரணூபசாரேன ஸஸ்ஸேஸு பீ³ஜபரியாயோதி ஆஹ ‘‘பீ³ஜானங் தருணானந்தி தருணஸஸ்ஸான’’ந்தி. தருணபா⁴வேனேவ தஸ்ஸ பா⁴வினோ ப²லஸ்ஸ அபா⁴வேன விபரிணாமோ.
159.Abhinandatūti abhimukho hutvā pamodatu. Abhivadatūti abhirūpavasena vadatu. Pasādaññathattanti appasādassa vipariṇāmo hīnāyāvattanasaṅkhātaṃ parivattanaṃ, tenāha ‘‘vibbhamantānaṃ. Vipariṇāmaññathatta’’nti. Kāraṇūpacārena sassesu bījapariyāyoti āha ‘‘bījānaṃ taruṇānanti taruṇasassāna’’nti. Taruṇabhāveneva tassa bhāvino phalassa abhāvena vipariṇāmo.
160. கத்தப்³ப³ஸ்ஸ ஸரஸேனேவ கரணங் சித்தருசியங், ந ததா² பரஸ்ஸ உஸ்ஸாத³னேனாதி ஆஹ – ‘‘பக்கோஸியமானானங் க³மனங் நாம ந பா²ஸுக’’ந்தி. மயம்பி ப⁴க³வா விய தி³ட்ட²த⁴ம்மஸுக²விஹாரேனேவ விஹரிஸ்ஸாமாதி தீ³பேதி பகதியா விவேகஜ்ஜா²ஸயபா⁴வதோ விரத்³தோ⁴ ஆக³தஸ்ஸ பா⁴ரஸ்ஸ அவஹனதோயேவ. தேனாஹ ‘‘அத்தனோ பா⁴ரபா⁴வங் ந அஞ்ஞாஸீ’’தி.
160. Kattabbassa saraseneva karaṇaṃ cittaruciyaṃ, na tathā parassa ussādanenāti āha – ‘‘pakkosiyamānānaṃ gamanaṃ nāma na phāsuka’’nti. Mayampi bhagavā viya diṭṭhadhammasukhavihāreneva viharissāmāti dīpeti pakatiyā vivekajjhāsayabhāvato viraddho āgatassa bhārassa avahanatoyeva. Tenāha ‘‘attano bhārabhāvaṃ na aññāsī’’ti.
161. கஸ்மா ஆரபீ⁴தி? ஸப்பாயதோ. பஞ்சஸதா ஹி பி⁴க்கூ² அபி⁴னவா, தஸ்மா தேஸங் ஓவாத³தா³னத்த²ங் ப⁴க³வா இமங் தே³ஸனங் ஆரபீ⁴தி.
161.Kasmāārabhīti? Sappāyato. Pañcasatā hi bhikkhū abhinavā, tasmā tesaṃ ovādadānatthaṃ bhagavā imaṃ desanaṃ ārabhīti.
162. கோது⁴பாயாஸஸ்ஸாதி எத்த² குஜ்ஜ²னட்டே²ன கோதோ⁴, ஸ்வேவ சித்தஸ்ஸ காயஸ்ஸ ச அதிப்பமத்³த³னமத²னுப்பாத³னேஹி த³ள்ஹங் ஆயாஸட்டே²ன உபாயாஸோ. அனேகவாரங் பவத்தித்வா அத்தனா ஸமவேதங் ஸத்தங் அஜ்ஜொ²த்த²ரித்வா ஸீஸங் உக்கி²பிதுங் அத³த்வா அனயப்³யஸனபாபனேன கோது⁴பாயாஸஸ்ஸ ஊமிஸதி³ஸதா த³ட்ட²ப்³பா³. தேனாஹ ‘‘கோது⁴பாயாஸே’’திஆதி³.
162.Kodhupāyāsassāti ettha kujjhanaṭṭhena kodho, sveva cittassa kāyassa ca atippamaddanamathanuppādanehi daḷhaṃ āyāsaṭṭhena upāyāso. Anekavāraṃ pavattitvā attanā samavetaṃ sattaṃ ajjhottharitvā sīsaṃ ukkhipituṃ adatvā anayabyasanapāpanena kodhupāyāsassa ūmisadisatā daṭṭhabbā. Tenāha ‘‘kodhupāyāse’’tiādi.
163. ஓத³ரிகத்தேன கா²தி³தோதி ஓத³ரிகபா⁴வேன ஆமிஸகே³தே⁴ன மிச்சா²ஜீவேன ஜீவிகாகப்பனேன நாஸிதஸீலாதி³கு³ணதாய கா²தி³தத⁴ம்மஸரீரோ.
163.Odarikattena khāditoti odarikabhāvena āmisagedhena micchājīvena jīvikākappanena nāsitasīlādiguṇatāya khāditadhammasarīro.
164. பஞ்சகாமகு³ணாவட்டே நிமுஜ்ஜித்வாதி எத்த² காமராகா³பி⁴பூ⁴தே ஸத்தே இதோ ச எத்தோ, எத்தோ ச இதோதி ஏவங் மனாபியரூபாதி³விஸயஸங்கா²தே ஆவட்டே அத்தானங் ஸங்ஸாரெத்வா யதா² ததோ ப³ஹிபூ⁴தே நெக்க²ம்மே சித்தம்பி ந உப்பாதே³தி, ஏவங் ஆவட்டெத்வா ப்³யஸனாபாத³னேன காமகு³ணானங் ஆவட்டஸதி³ஸதா த³ட்ட²ப்³பா³. தேனாஹ ‘‘யதா² ஹீ’’திஆதி³.
164.Pañcakāmaguṇāvaṭṭenimujjitvāti ettha kāmarāgābhibhūte satte ito ca etto, etto ca itoti evaṃ manāpiyarūpādivisayasaṅkhāte āvaṭṭe attānaṃ saṃsāretvā yathā tato bahibhūte nekkhamme cittampi na uppādeti, evaṃ āvaṭṭetvā byasanāpādanena kāmaguṇānaṃ āvaṭṭasadisatā daṭṭhabbā. Tenāha ‘‘yathā hī’’tiādi.
165. ராகா³னுத்³த⁴ங்ஸிதேனாதி ராகே³ன அனுத்³த⁴ங்ஸிதேன. சண்ட³மச்ச²ங் ஆக³ம்மாதி ஸுஸுகாதி³சண்ட³மச்ச²ங் ஆக³ம்ம. மாதுகா³மங் ஆக³ம்மாதி மாதுகா³மோ ஹி யோனிஸோமனஸிகாரரஹிதங் அதீ⁴ரபுரிஸங் இத்தி²குத்தபூ⁴தேஹி அத்தனோ ஹாவபா⁴வவிலாஸேஹி அபி⁴பு⁴ய்ய க³ஹெத்வா தீ⁴ரஜாதியம்பி அத்தனோ ரூபாதீ³ஹி பலோப⁴னவஸேன அனவஸேஸங் அத்தனோ உபகாரத⁴ம்மே ஸீலாதி³கே ஸம்பாதே³துங் அஸமத்த²ங் கரொந்தோ அனயப்³யஸனங் பாபேதி. தேனாஹ – ‘‘மாதுகா³மங் ஆக³ம்ம உப்பன்னகாமராகோ³ விப்³ப⁴மதீ’’தி.
165.Rāgānuddhaṃsitenāti rāgena anuddhaṃsitena. Caṇḍamacchaṃ āgammāti susukādicaṇḍamacchaṃ āgamma. Mātugāmaṃ āgammāti mātugāmo hi yonisomanasikārarahitaṃ adhīrapurisaṃ itthikuttabhūtehi attano hāvabhāvavilāsehi abhibhuyya gahetvā dhīrajātiyampi attano rūpādīhi palobhanavasena anavasesaṃ attano upakāradhamme sīlādike sampādetuṃ asamatthaṃ karonto anayabyasanaṃ pāpeti. Tenāha – ‘‘mātugāmaṃ āgamma uppannakāmarāgo vibbhamatī’’ti.
ப⁴யங் நாம யத்த² பா⁴யிதப்³ப³வத்து², தத்த² ஓதரந்தஸ்ஸேவ ஹோதி, ந அனோதரந்தஸ்ஸ, தங் ஓதரித்வா ப⁴யங் வினோதெ³த்வா தத்த² கிச்சங் ஸாதே⁴தப்³ப³ங், இதரதா² சத்த²ஸித்³தி⁴ ந ஹோதீதி இமமத்த²ங் உபமோபமிதப்³ப³ஸரூபவஸேன த³ஸ்ஸேதுங் ‘‘யதா²’’திஆதி³ வுத்தங். தத்த² உத³கங் நிஸ்ஸாய ஆனிஸங்ஸோ பிபாஸவினயனங் ஸரீரஸுத்³தி⁴ பரிளாஹூபஸமோ காயஉதுக்³கா³ஹாபனந்தி ஏவமாதி³. ஸாஸனங் நிஸ்ஸாய ஆனிஸங்ஸோ பன ஸங்கே²பதோ வட்டது³க்கூ²பஸமோ, வித்தா²ரதோ பன ஸீலானிஸங்ஸாதி³வஸேன அனேகவிதோ⁴, ஸோ விஸுத்³தி⁴மக்³கே³ (விஸுத்³தி⁴॰ 1.9) வுத்தனயேன வேதி³தப்³போ³. வுத்தப்பகாரோ ஆனிஸங்ஸோ ஹோதி தானி ப⁴யானி அபி⁴பு⁴ய்ய பவத்தஸ்ஸாதி அதி⁴ப்பாயோ. இமானி அபா⁴யித்வாதி இமானி கோதூ⁴பாயாஸாதி³ப⁴யானி அபி⁴பு⁴ய்ய பவத்தித்வா அபா⁴யித்வா. கோதூ⁴பாயாஸாத³யோ ஹி பா⁴யதி ஏதஸ்மாதி ப⁴யந்தி வுத்தா. தே²ரோதி மஹாத⁴ம்மரக்கி²தத்தே²ரோ. காமங் பஹானாபி⁴ஸமயகாலோ ஏவ ஸச்சி²கிரியாபி⁴ஸமயோ, ஸம்மாதி³ட்டி²யா பன ஸங்கிலேஸவோதா³னத⁴ம்மேஸு கிச்சங் அஸங்கிண்ணங் கத்வா த³ஸ்ஸேதுங் ஸமானகாலிகம்பி அஸமானகாலிகங் விய வுத்தங் ‘‘தண்ஹாஸோதங் சி²ந்தி³த்வா நிப்³பா³னபாரங் த³ட்டு²ங் ந ஸக்கோதீ’’தி. ஸேஸங் ஸுவிஞ்ஞெய்யமேவ.
Bhayaṃ nāma yattha bhāyitabbavatthu, tattha otarantasseva hoti, na anotarantassa, taṃ otaritvā bhayaṃ vinodetvā tattha kiccaṃ sādhetabbaṃ, itarathā catthasiddhi na hotīti imamatthaṃ upamopamitabbasarūpavasena dassetuṃ ‘‘yathā’’tiādi vuttaṃ. Tattha udakaṃ nissāya ānisaṃso pipāsavinayanaṃ sarīrasuddhi pariḷāhūpasamo kāyautuggāhāpananti evamādi. Sāsanaṃ nissāya ānisaṃso pana saṅkhepato vaṭṭadukkhūpasamo, vitthārato pana sīlānisaṃsādivasena anekavidho, so visuddhimagge (visuddhi. 1.9) vuttanayena veditabbo. Vuttappakāro ānisaṃso hoti tāni bhayāni abhibhuyya pavattassāti adhippāyo. Imāni abhāyitvāti imāni kodhūpāyāsādibhayāni abhibhuyya pavattitvā abhāyitvā. Kodhūpāyāsādayo hi bhāyati etasmāti bhayanti vuttā. Theroti mahādhammarakkhitatthero. Kāmaṃ pahānābhisamayakālo eva sacchikiriyābhisamayo, sammādiṭṭhiyā pana saṃkilesavodānadhammesu kiccaṃ asaṃkiṇṇaṃ katvā dassetuṃ samānakālikampi asamānakālikaṃ viya vuttaṃ ‘‘taṇhāsotaṃ chinditvā nibbānapāraṃ daṭṭhuṃ na sakkotī’’ti. Sesaṃ suviññeyyameva.
சாதுமஸுத்தவண்ணனாய லீனத்த²ப்பகாஸனா ஸமத்தா.
Cātumasuttavaṇṇanāya līnatthappakāsanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / மஜ்ஜி²மனிகாய • Majjhimanikāya / 7. சாதுமஸுத்தங் • 7. Cātumasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / மஜ்ஜி²மனிகாய (அட்ட²கதா²) • Majjhimanikāya (aṭṭhakathā) / 7. சாதுமஸுத்தவண்ணனா • 7. Cātumasuttavaṇṇanā
