| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
7. жаад̇умасуд̇д̇аван̣н̣анаа
7. Cātumasuttavaṇṇanā
157. яат̇ааубаниссаязнаад̇и яо яо убаниссаяо яат̇ааубаниссаяо, д̇зна яат̇ааубаниссаязна саммаабаяог̇зна. бад̇идтахиссанд̇и саасанз бад̇идтам̣ бадилабхиссанд̇и. васанадтаанаанийд̇и вассаг̇г̇аад̣̇ивасзна васанадтаанаани. сан̣таабаяамаанаад̇и сувибхад̇д̇абхаавзна табзнд̇аа.
157.Yathāupanissayenāti yo yo upanissayo yathāupanissayo, tena yathāupanissayena sammāpayogena. Patiṭṭhahissanti sāsane patiṭṭhaṃ paṭilabhissanti. Vasanaṭṭhānānīti vassaggādivasena vasanaṭṭhānāni. Saṇṭhāpayamānāti suvibhattabhāvena ṭhapentā.
авиниб̣бхог̇асад̣̇д̣̇анд̇и винибхун̃ж̇ид̇ваа г̇ахзд̇ум̣ асаггун̣зяяасад̣̇д̣̇ам̣. важийгхособи хи б̣ахуухи згажжам̣ бавад̇д̇ид̇о таанад̇о жа д̣̇уурад̇аро гзвалам̣ махааниг̇гхосо зва худ̇ваа сод̇абат̇амааг̇ажчад̇и. мажчавилобзд̇и мажчз вилумбид̇ваа вияа г̇ахан̣з, мажчаанам̣ ваа наяанз.
Avinibbhogasaddanti vinibhuñjitvā gahetuṃ asakkuṇeyyasaddaṃ. Vacīghosopi hi bahūhi ekaccaṃ pavattito ṭhānato ca dūrataro kevalaṃ mahānigghoso eva hutvā sotapathamāgacchati. Macchavilopeti macche vilumpitvā viya gahaṇe, macchānaṃ vā nayane.
158. вавассаг̇г̇ад̇т̇зд̇и нижчаяад̇т̇з, ид̣̇ам̣ д̇аава амхзхи вужжамаанаважанам̣ зганд̇асод̇аб̣б̣ам̣, бажчаа д̇умхзхи гаад̇аб̣б̣ам̣ гарот̇аад̇и ад̇хиббааяо. важанабарихаарод̇и д̇зхи сагяарааж̇уухи вуд̇д̇аважанасса барихааро. лзсагаббанд̇и габбияалзсам̣. д̇хуравахаад̇и д̇хураваахино, д̇хораяхаад̇и ад̇т̇о. баад̣̇амууланд̇и убажаарам̣ вад̣̇ад̇и. виг̇ажчиссад̇ийд̇и хааяиссад̇и. бадибпарид̇од̇и на бхаг̇авад̇о саммукаава, сагяарааж̇уунам̣ бурад̇оби вибпарид̇ова ход̇и.
158.Vavassaggattheti nicchayatthe, idaṃ tāva amhehi vuccamānavacanaṃ ekantasotabbaṃ, pacchā tumhehi kātabbaṃ karothāti adhippāyo. Vacanaparihāroti tehi sakyarājūhi vuttavacanassa parihāro. Lesakappanti kappiyalesaṃ. Dhuravahāti dhuravāhino, dhorayhāti attho. Pādamūlanti upacāraṃ vadati. Vigacchissatīti hāyissati. Paṭippharitoti na bhagavato sammukhāva, sakyarājūnaṃ puratopi vippharitova hoti.
159. абхинанд̣̇ад̇ууд̇и абхимуко худ̇ваа бамод̣̇ад̇у. абхивад̣̇ад̇ууд̇и абхируубавасзна вад̣̇ад̇у. басаад̣̇ан̃н̃ат̇ад̇д̇анд̇и аббасаад̣̇асса вибарин̣аамо хийнааяаавад̇д̇анасан̇каад̇ам̣ баривад̇д̇анам̣, д̇знааха ‘‘виб̣бхаманд̇аанам̣. вибарин̣ааман̃н̃ат̇ад̇д̇а’’нд̇и. гааран̣уубажаарзна сассзсу б̣ийж̇абарияааяод̇и ааха ‘‘б̣ийж̇аанам̣ д̇арун̣аананд̇и д̇арун̣асассаана’’нд̇и. д̇арун̣абхаавзнзва д̇асса бхаавино паласса абхаавзна вибарин̣аамо.
159.Abhinandatūti abhimukho hutvā pamodatu. Abhivadatūti abhirūpavasena vadatu. Pasādaññathattanti appasādassa vipariṇāmo hīnāyāvattanasaṅkhātaṃ parivattanaṃ, tenāha ‘‘vibbhamantānaṃ. Vipariṇāmaññathatta’’nti. Kāraṇūpacārena sassesu bījapariyāyoti āha ‘‘bījānaṃ taruṇānanti taruṇasassāna’’nti. Taruṇabhāveneva tassa bhāvino phalassa abhāvena vipariṇāmo.
160. гад̇д̇аб̣б̣асса сарасзнзва гаран̣ам̣ жид̇д̇аружияам̣, на д̇ат̇аа барасса уссаад̣̇анзнаад̇и ааха – ‘‘баггосияамаанаанам̣ г̇аманам̣ наама на паасуга’’нд̇и. маяамби бхаг̇аваа вияа д̣̇идтад̇хаммасукавихаарзнзва вихариссаамаад̇и д̣̇ийбзд̇и багад̇ияаа вивзгаж̇жхаасаяабхаавад̇о вирад̣̇д̇хо ааг̇ад̇асса бхаарасса аваханад̇оязва. д̇знааха ‘‘ад̇д̇ано бхаарабхаавам̣ на ан̃н̃аасий’’д̇и.
160. Kattabbassa saraseneva karaṇaṃ cittaruciyaṃ, na tathā parassa ussādanenāti āha – ‘‘pakkosiyamānānaṃ gamanaṃ nāma na phāsuka’’nti. Mayampi bhagavā viya diṭṭhadhammasukhavihāreneva viharissāmāti dīpeti pakatiyā vivekajjhāsayabhāvato viraddho āgatassa bhārassa avahanatoyeva. Tenāha ‘‘attano bhārabhāvaṃ na aññāsī’’ti.
161. гасмаа аарабхийд̇и? саббааяад̇о. бан̃жасад̇аа хи бхигкуу абхинаваа, д̇асмаа д̇зсам̣ оваад̣̇ад̣̇аанад̇т̇ам̣ бхаг̇аваа имам̣ д̣̇зсанам̣ аарабхийд̇и.
161.Kasmāārabhīti? Sappāyato. Pañcasatā hi bhikkhū abhinavā, tasmā tesaṃ ovādadānatthaṃ bhagavā imaṃ desanaṃ ārabhīti.
162. год̇хубааяаасассаад̇и зд̇т̇а гуж̇жханадтзна год̇хо, свзва жид̇д̇асса гааяасса жа ад̇иббамад̣̇д̣̇анамат̇ануббаад̣̇анзхи д̣̇ал̣хам̣ ааяаасадтзна убааяаасо. анзгаваарам̣ бавад̇д̇ид̇ваа ад̇д̇анаа самавзд̇ам̣ сад̇д̇ам̣ аж̇жход̇т̇арид̇ваа сийсам̣ угкибид̇ум̣ ад̣̇ад̇ваа анаяаб̣яасанабаабанзна год̇хубааяаасасса уумисад̣̇исад̇аа д̣̇адтаб̣б̣аа. д̇знааха ‘‘год̇хубааяаасз’’д̇иаад̣̇и.
162.Kodhupāyāsassāti ettha kujjhanaṭṭhena kodho, sveva cittassa kāyassa ca atippamaddanamathanuppādanehi daḷhaṃ āyāsaṭṭhena upāyāso. Anekavāraṃ pavattitvā attanā samavetaṃ sattaṃ ajjhottharitvā sīsaṃ ukkhipituṃ adatvā anayabyasanapāpanena kodhupāyāsassa ūmisadisatā daṭṭhabbā. Tenāha ‘‘kodhupāyāse’’tiādi.
163. од̣̇аригад̇д̇зна каад̣̇ид̇од̇и од̣̇аригабхаавзна аамисаг̇зд̇хзна мижчааж̇ийвзна ж̇ийвигаагаббанзна наасид̇асийлаад̣̇иг̇ун̣ад̇ааяа каад̣̇ид̇ад̇хаммасарийро.
163.Odarikattena khāditoti odarikabhāvena āmisagedhena micchājīvena jīvikākappanena nāsitasīlādiguṇatāya khāditadhammasarīro.
164. бан̃жагаамаг̇ун̣ааваддз нимуж̇ж̇ид̇ваад̇и зд̇т̇а гаамарааг̇аабхибхууд̇з сад̇д̇з ид̇о жа зд̇д̇о, зд̇д̇о жа ид̇од̇и звам̣ манаабияаруубаад̣̇ивисаяасан̇каад̇з ааваддз ад̇д̇аанам̣ сам̣саарзд̇ваа яат̇аа д̇ад̇о б̣ахибхууд̇з нзгкаммз жид̇д̇амби на уббаад̣̇зд̇и, звам̣ ааваддзд̇ваа б̣яасанаабаад̣̇анзна гаамаг̇ун̣аанам̣ ааваддасад̣̇исад̇аа д̣̇адтаб̣б̣аа. д̇знааха ‘‘яат̇аа хий’’д̇иаад̣̇и.
164.Pañcakāmaguṇāvaṭṭenimujjitvāti ettha kāmarāgābhibhūte satte ito ca etto, etto ca itoti evaṃ manāpiyarūpādivisayasaṅkhāte āvaṭṭe attānaṃ saṃsāretvā yathā tato bahibhūte nekkhamme cittampi na uppādeti, evaṃ āvaṭṭetvā byasanāpādanena kāmaguṇānaṃ āvaṭṭasadisatā daṭṭhabbā. Tenāha ‘‘yathā hī’’tiādi.
165. рааг̇аануд̣̇д̇хам̣сид̇знаад̇и рааг̇зна ануд̣̇д̇хам̣сид̇зна. жан̣д̣амажчам̣ ааг̇аммаад̇и сусугаад̣̇ижан̣д̣амажчам̣ ааг̇амма. маад̇уг̇аамам̣ ааг̇аммаад̇и маад̇уг̇аамо хи яонисоманасигаарарахид̇ам̣ ад̇хийрабурисам̣ ид̇т̇игуд̇д̇абхууд̇зхи ад̇д̇ано хаавабхаававилаасзхи абхибхуяяа г̇ахзд̇ваа д̇хийраж̇аад̇ияамби ад̇д̇ано руубаад̣̇ийхи балобханавасзна анавасзсам̣ ад̇д̇ано убагаарад̇хаммз сийлаад̣̇игз самбаад̣̇зд̇ум̣ асамад̇т̇ам̣ гаронд̇о анаяаб̣яасанам̣ баабзд̇и. д̇знааха – ‘‘маад̇уг̇аамам̣ ааг̇амма уббаннагаамарааг̇о виб̣бхамад̇ий’’д̇и.
165.Rāgānuddhaṃsitenāti rāgena anuddhaṃsitena. Caṇḍamacchaṃ āgammāti susukādicaṇḍamacchaṃ āgamma. Mātugāmaṃ āgammāti mātugāmo hi yonisomanasikārarahitaṃ adhīrapurisaṃ itthikuttabhūtehi attano hāvabhāvavilāsehi abhibhuyya gahetvā dhīrajātiyampi attano rūpādīhi palobhanavasena anavasesaṃ attano upakāradhamme sīlādike sampādetuṃ asamatthaṃ karonto anayabyasanaṃ pāpeti. Tenāha – ‘‘mātugāmaṃ āgamma uppannakāmarāgo vibbhamatī’’ti.
бхаяам̣ наама яад̇т̇а бхааяид̇аб̣б̣авад̇т̇у, д̇ад̇т̇а од̇аранд̇ассзва ход̇и, на анод̇аранд̇асса, д̇ам̣ од̇арид̇ваа бхаяам̣ винод̣̇зд̇ваа д̇ад̇т̇а гижжам̣ саад̇хзд̇аб̣б̣ам̣, ид̇арат̇аа жад̇т̇асид̣̇д̇хи на ход̇ийд̇и имамад̇т̇ам̣ убамобамид̇аб̣б̣асаруубавасзна д̣̇ассзд̇ум̣ ‘‘яат̇аа’’д̇иаад̣̇и вуд̇д̇ам̣. д̇ад̇т̇а уд̣̇агам̣ ниссааяа аанисам̣со бибаасавинаяанам̣ сарийрасуд̣̇д̇хи барил̣аахуубасамо гааяауд̇уг̇г̇аахаабананд̇и звамаад̣̇и. саасанам̣ ниссааяа аанисам̣со бана сан̇кзбад̇о ваддад̣̇угкуубасамо, вид̇т̇аарад̇о бана сийлаанисам̣саад̣̇ивасзна анзгавид̇хо, со висуд̣̇д̇химаг̇г̇з (висуд̣̇д̇хи. 1.9) вуд̇д̇анаязна взд̣̇ид̇аб̣б̣о. вуд̇д̇аббагааро аанисам̣со ход̇и д̇аани бхаяаани абхибхуяяа бавад̇д̇ассаад̇и ад̇хиббааяо. имаани абхааяид̇ваад̇и имаани год̇хуубааяаасаад̣̇ибхаяаани абхибхуяяа бавад̇д̇ид̇ваа абхааяид̇ваа. год̇хуубааяаасаад̣̇аяо хи бхааяад̇и зд̇асмаад̇и бхаяанд̇и вуд̇д̇аа. т̇зрод̇и махаад̇хаммарагкид̇ад̇т̇зро. гаамам̣ бахаанаабхисамаяагаало зва сажчигирияаабхисамаяо, саммаад̣̇идтияаа бана сам̣гилзсавод̣̇аанад̇хаммзсу гижжам̣ асам̣гин̣н̣ам̣ гад̇ваа д̣̇ассзд̇ум̣ самаанагаалигамби асамаанагаалигам̣ вияа вуд̇д̇ам̣ ‘‘д̇ан̣хаасод̇ам̣ чинд̣̇ид̇ваа ниб̣б̣аанабаарам̣ д̣̇адтум̣ на саггод̇ий’’д̇и. сзсам̣ сувин̃н̃зяяамзва.
Bhayaṃ nāma yattha bhāyitabbavatthu, tattha otarantasseva hoti, na anotarantassa, taṃ otaritvā bhayaṃ vinodetvā tattha kiccaṃ sādhetabbaṃ, itarathā catthasiddhi na hotīti imamatthaṃ upamopamitabbasarūpavasena dassetuṃ ‘‘yathā’’tiādi vuttaṃ. Tattha udakaṃ nissāya ānisaṃso pipāsavinayanaṃ sarīrasuddhi pariḷāhūpasamo kāyautuggāhāpananti evamādi. Sāsanaṃ nissāya ānisaṃso pana saṅkhepato vaṭṭadukkhūpasamo, vitthārato pana sīlānisaṃsādivasena anekavidho, so visuddhimagge (visuddhi. 1.9) vuttanayena veditabbo. Vuttappakāro ānisaṃso hoti tāni bhayāni abhibhuyya pavattassāti adhippāyo. Imāni abhāyitvāti imāni kodhūpāyāsādibhayāni abhibhuyya pavattitvā abhāyitvā. Kodhūpāyāsādayo hi bhāyati etasmāti bhayanti vuttā. Theroti mahādhammarakkhitatthero. Kāmaṃ pahānābhisamayakālo eva sacchikiriyābhisamayo, sammādiṭṭhiyā pana saṃkilesavodānadhammesu kiccaṃ asaṃkiṇṇaṃ katvā dassetuṃ samānakālikampi asamānakālikaṃ viya vuttaṃ ‘‘taṇhāsotaṃ chinditvā nibbānapāraṃ daṭṭhuṃ na sakkotī’’ti. Sesaṃ suviññeyyameva.
жаад̇умасуд̇д̇аван̣н̣анааяа лийнад̇т̇аббагаасанаа самад̇д̇аа.
Cātumasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. жаад̇умасуд̇д̇ам̣ • 7. Cātumasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. жаад̇умасуд̇д̇аван̣н̣анаа • 7. Cātumasuttavaṇṇanā
