| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[187] 7. жад̇умадтаж̇аад̇агаван̣н̣анаа
[187] 7. Catumaṭṭhajātakavaṇṇanā
ужжз видабхимааруяхаад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ махаллагабхигкум̣ аараб̣бха гат̇зси. згад̣̇ивасам̣ гира д̣̇вийсу аг̇г̇асаавагзсу ан̃н̃аман̃н̃ам̣ бан̃хабужчанависсаж̇ж̇анагат̇ааяа нисиннзсу зго махаллаго бхигку д̇зсам̣ санд̇игам̣ г̇анд̇ваа д̇ад̇ияо худ̇ваа нисийд̣̇ид̇ваа ‘‘бханд̇з, маяамби д̇умхз бан̃хам̣ бужчиссаама, д̇умхзби ад̇д̇ано ган̇кам̣ амхз бужчат̇аа’’д̇и ааха. т̇зраа д̇ам̣ ж̇иг̇ужчид̇ваа удтааяа баггамим̣су. т̇зраанам̣ д̇хаммам̣ сод̇ум̣ нисиннабарисаа самааг̇амасса бхиннагаалз сад̇т̇у санд̇игам̣ г̇анд̇ваа ‘‘гим̣ агаалз ааг̇ад̇ад̇т̇аа’’д̇и вуд̇д̇з д̇ам̣ гааран̣ам̣ аарожаяим̣су. сад̇т̇аа ‘‘на, бхигкавз, ид̣̇аанзва саарибуд̇д̇амог̇г̇аллаанаа зд̇ам̣ ж̇иг̇ужчид̇ваа агат̇зд̇ваа баггаманд̇и, буб̣б̣зби баггамим̣суу’’д̇и вад̇ваа ад̇ийд̇ам̣ аахари.
Ucceviṭabhimāruyhāti idaṃ satthā jetavane viharanto aññataraṃ mahallakabhikkhuṃ ārabbha kathesi. Ekadivasaṃ kira dvīsu aggasāvakesu aññamaññaṃ pañhapucchanavissajjanakathāya nisinnesu eko mahallako bhikkhu tesaṃ santikaṃ gantvā tatiyo hutvā nisīditvā ‘‘bhante, mayampi tumhe pañhaṃ pucchissāma, tumhepi attano kaṅkhaṃ amhe pucchathā’’ti āha. Therā taṃ jigucchitvā uṭṭhāya pakkamiṃsu. Therānaṃ dhammaṃ sotuṃ nisinnaparisā samāgamassa bhinnakāle satthu santikaṃ gantvā ‘‘kiṃ akāle āgatatthā’’ti vutte taṃ kāraṇaṃ ārocayiṃsu. Satthā ‘‘na, bhikkhave, idāneva sāriputtamoggallānā etaṃ jigucchitvā akathetvā pakkamanti, pubbepi pakkamiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о аран̃н̃ааяад̇анз ругкад̣̇звад̇аа ахоси. ат̇а д̣̇вз хам̣сабод̇агаа жид̇д̇агуудабаб̣б̣ад̇аа нигкамид̇ваа д̇асмим̣ ругкз нисийд̣̇ид̇ваа г̇ожарааяа г̇анд̇ваа нивад̇д̇анд̇ааби д̇асмим̣язва виссамид̇ваа жид̇д̇агуудам̣ г̇ажчанд̇и. г̇ажчанд̇з г̇ажчанд̇з гаалз д̇зсам̣ б̣од̇хисад̇д̇зна сад̣̇д̇хим̣ виссаасо ахоси. г̇ажчанд̇аа жа ааг̇ажчанд̇аа жа ан̃н̃аман̃н̃ам̣ саммод̣̇ид̇ваа д̇хаммагат̇ам̣ гат̇зд̇ваа баггамим̣су. ат̇згад̣̇ивасам̣ д̇зсу ругкаг̇г̇з нисийд̣̇ид̇ваа б̣од̇хисад̇д̇зна сад̣̇д̇хим̣ гат̇знд̇зсу зго син̇г̇аало д̇асса ругкасса хздтаа тад̇ваа д̇зхи хам̣сабод̇агзхи сад̣̇д̇хим̣ манд̇знд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto araññāyatane rukkhadevatā ahosi. Atha dve haṃsapotakā cittakūṭapabbatā nikkhamitvā tasmiṃ rukkhe nisīditvā gocarāya gantvā nivattantāpi tasmiṃyeva vissamitvā cittakūṭaṃ gacchanti. Gacchante gacchante kāle tesaṃ bodhisattena saddhiṃ vissāso ahosi. Gacchantā ca āgacchantā ca aññamaññaṃ sammoditvā dhammakathaṃ kathetvā pakkamiṃsu. Athekadivasaṃ tesu rukkhagge nisīditvā bodhisattena saddhiṃ kathentesu eko siṅgālo tassa rukkhassa heṭṭhā ṭhatvā tehi haṃsapotakehi saddhiṃ mantento paṭhamaṃ gāthamāha –
73.
73.
‘‘ужжз видабхимааруяха, манд̇аяавхо рахог̇ад̇аа;
‘‘Ucce viṭabhimāruyha, mantayavho rahogatā;
нийжз оруяха манд̇авхо, миг̇арааж̇ааби соссад̇ий’’д̇и.
Nīce oruyha mantavho, migarājāpi sossatī’’ti.
д̇ад̇т̇а ужжз видабхимааруяхаад̇и багад̇ияаа жа ужжз имасмим̣ ругкз ужжад̇арам̣ згам̣ видабам̣ абхирухид̇ваа. манд̇аяавход̇и манд̇зт̇а гат̇зт̇а. нийжз оруяхаад̇и од̇арид̇ваа нийжз таанз тад̇ваа манд̇зт̇а. миг̇арааж̇ааби соссад̇ийд̇и ад̇д̇аанам̣ миг̇арааж̇аанам̣ гад̇ваа ааха. хам̣сабод̇агаа ж̇иг̇ужчид̇ваа удтааяа жид̇д̇агуудамзва г̇ад̇аа.
Tattha ucce viṭabhimāruyhāti pakatiyā ca ucce imasmiṃ rukkhe uccataraṃ ekaṃ viṭapaṃ abhiruhitvā. Mantayavhoti mantetha kathetha. Nīce oruyhāti otaritvā nīce ṭhāne ṭhatvā mantetha. Migarājāpi sossatīti attānaṃ migarājānaṃ katvā āha. Haṃsapotakā jigucchitvā uṭṭhāya cittakūṭameva gatā.
д̇зсам̣ г̇ад̇агаалз б̣од̇хисад̇д̇о син̇г̇ааласса д̣̇уд̇ияам̣ г̇аат̇амааха –
Tesaṃ gatakāle bodhisatto siṅgālassa dutiyaṃ gāthamāha –
74.
74.
‘‘яам̣ суван̣н̣о суван̣н̣зна, д̣̇зво д̣̇звзна манд̇аяз;
‘‘Yaṃ suvaṇṇo suvaṇṇena, devo devena mantaye;
гим̣ д̇зд̇т̇а жад̇умадтасса, б̣илам̣ бависа ж̇амб̣угаа’’д̇и.
Kiṃ tettha catumaṭṭhassa, bilaṃ pavisa jambukā’’ti.
д̇ад̇т̇а суван̣н̣од̇и сунд̣̇араван̣н̣о. суван̣н̣знаад̇и д̣̇уд̇иязна хам̣сабод̇агзна. д̣̇зво д̣̇звзнаад̇и д̇зязва д̣̇вз д̣̇звз гад̇ваа гат̇зд̇и. жад̇умадтассаад̇и сарийрзна ж̇аад̇ияаа сарзна г̇ун̣знаад̇и имзхи жад̇уухи мадтасса суд̣̇д̇хассаад̇и агкарад̇т̇о. асуд̣̇д̇хам̣язва бана д̇ам̣ басам̣сааважанзна нинд̣̇анд̇о звамааха, жад̇уухи лаамагасса гим̣ д̇з зд̇т̇а син̇г̇аалассаад̇и аяамзд̇т̇а ад̇хиббааяо. ‘‘б̣илам̣ бависаа’’д̇и ид̣̇ам̣ б̣од̇хисад̇д̇о бхзраваарамман̣ам̣ д̣̇ассзд̇ваа д̇ам̣ балаабзнд̇о ааха.
Tattha suvaṇṇoti sundaravaṇṇo. Suvaṇṇenāti dutiyena haṃsapotakena. Devo devenāti teyeva dve deve katvā katheti. Catumaṭṭhassāti sarīrena jātiyā sarena guṇenāti imehi catūhi maṭṭhassa suddhassāti akkharattho. Asuddhaṃyeva pana taṃ pasaṃsāvacanena nindanto evamāha, catūhi lāmakassa kiṃ te ettha siṅgālassāti ayamettha adhippāyo. ‘‘Bilaṃ pavisā’’ti idaṃ bodhisatto bheravārammaṇaṃ dassetvā taṃ palāpento āha.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа син̇г̇аало махаллаго ахоси, д̣̇вз хам̣сабод̇агаа саарибуд̇д̇амог̇г̇аллаанаа, ругкад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā siṅgālo mahallako ahosi, dve haṃsapotakā sāriputtamoggallānā, rukkhadevatā pana ahameva ahosi’’nti.
жад̇умадтаж̇аад̇агаван̣н̣анаа сад̇д̇амаа.
Catumaṭṭhajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 187. жад̇умадтаж̇аад̇агам̣ • 187. Catumaṭṭhajātakaṃ
