| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
11. චතුත්‌ථඅභබ්‌බට්‌ඨානසුත්‌තං
11. Catutthaabhabbaṭṭhānasuttaṃ
95. ‘‘ඡයිමානි , භික්‌ඛවෙ, අභබ්‌බට්‌ඨානානි. කතමානි ඡ? අභබ්‌බො දිට්‌ඨිසම්‌පන්‌නො පුග්‌ගලො සයංකතං සුඛදුක්‌ඛං පච්‌චාගන්‌තුං, අභබ්‌බො දිට්‌ඨිසම්‌පන්‌නො පුග්‌ගලො පරංකතං 1 සුඛදුක්‌ඛං පච්‌චාගන්‌තුං, අභබ්‌බො දිට්‌ඨිසම්‌පන්‌නො පුග්‌ගලො සයංකතඤ්‌ච පරංකතඤ්‌ච සුඛදුක්‌ඛං පච්‌චාගන්‌තුං, අභබ්‌බො දිට්‌ඨිසම්‌පන්‌නො පුග්‌ගලො අසයංකාරං අධිච්‌චසමුප්‌පන්‌නං සුඛදුක්‌ඛං පච්‌චාගන්‌තුං, අභබ්‌බො දිට්‌ඨිසම්‌පන්‌නො පුග්‌ගලො අපරංකාරං අධිච්‌චසමුප්‌පන්‌නං සුඛදුක්‌ඛං පච්‌චාගන්‌තුං, අභබ්‌බො දිට්‌ඨිසම්‌පන්‌නො පුග්‌ගලො අසයංකාරඤ්‌ච අපරංකාරඤ්‌ච අධිච්‌චසමුප්‌පන්‌නං සුඛදුක්‌ඛං පච්‌චාගන්‌තුං. තං කිස්‌ස හෙතු? තථා හිස්‌ස, භික්‌ඛවෙ, දිට්‌ඨිසම්‌පන්‌නස්‌ස පුග්‌ගලස්‌ස හෙතු ච සුදිට්‌ඨො හෙතුසමුප්‌පන්‌නා ච ධම්‌මා. ඉමානි ඛො, භික්‌ඛවෙ, ඡ අභබ්‌බට්‌ඨානානී’’ති. එකාදසමං.
95. ‘‘Chayimāni , bhikkhave, abhabbaṭṭhānāni. Katamāni cha? Abhabbo diṭṭhisampanno puggalo sayaṃkataṃ sukhadukkhaṃ paccāgantuṃ, abhabbo diṭṭhisampanno puggalo paraṃkataṃ 2 sukhadukkhaṃ paccāgantuṃ, abhabbo diṭṭhisampanno puggalo sayaṃkatañca paraṃkatañca sukhadukkhaṃ paccāgantuṃ, abhabbo diṭṭhisampanno puggalo asayaṃkāraṃ adhiccasamuppannaṃ sukhadukkhaṃ paccāgantuṃ, abhabbo diṭṭhisampanno puggalo aparaṃkāraṃ adhiccasamuppannaṃ sukhadukkhaṃ paccāgantuṃ, abhabbo diṭṭhisampanno puggalo asayaṃkārañca aparaṃkārañca adhiccasamuppannaṃ sukhadukkhaṃ paccāgantuṃ. Taṃ kissa hetu? Tathā hissa, bhikkhave, diṭṭhisampannassa puggalassa hetu ca sudiṭṭho hetusamuppannā ca dhammā. Imāni kho, bhikkhave, cha abhabbaṭṭhānānī’’ti. Ekādasamaṃ.
තස්‌සුද්‌දානං –
Tassuddānaṃ –
සීතිභාවං ආවරණං, වොරොපිතා සුස්‌සූසති;
Sītibhāvaṃ āvaraṇaṃ, voropitā sussūsati;
අප්‌පහාය පහීනාභබ්‌බො, තට්‌ඨානා චතුරොපි චාති.
Appahāya pahīnābhabbo, taṭṭhānā caturopi cāti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 8-11. අභබ්‌බට්‌ඨානසුත්‌තචතුක්‌කවණ්‌ණනා • 8-11. Abhabbaṭṭhānasuttacatukkavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 2-11. ආවරණසුත්‌තාදිවණ්‌ණනා • 2-11. Āvaraṇasuttādivaṇṇanā
