| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੧. ਚਤੁਤ੍ਥਅਭਬ੍ਬਟ੍ਠਾਨਸੁਤ੍ਤਂ
11. Catutthaabhabbaṭṭhānasuttaṃ
੯੫. ‘‘ਛਯਿਮਾਨਿ , ਭਿਕ੍ਖવੇ, ਅਭਬ੍ਬਟ੍ਠਾਨਾਨਿ। ਕਤਮਾਨਿ ਛ? ਅਭਬ੍ਬੋ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਯਂਕਤਂ ਸੁਖਦੁਕ੍ਖਂ ਪਚ੍ਚਾਗਨ੍ਤੁਂ, ਅਭਬ੍ਬੋ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਪਰਂਕਤਂ 1 ਸੁਖਦੁਕ੍ਖਂ ਪਚ੍ਚਾਗਨ੍ਤੁਂ, ਅਭਬ੍ਬੋ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਯਂਕਤਞ੍ਚ ਪਰਂਕਤਞ੍ਚ ਸੁਖਦੁਕ੍ਖਂ ਪਚ੍ਚਾਗਨ੍ਤੁਂ, ਅਭਬ੍ਬੋ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਅਸਯਂਕਾਰਂ ਅਧਿਚ੍ਚਸਮੁਪ੍ਪਨ੍ਨਂ ਸੁਖਦੁਕ੍ਖਂ ਪਚ੍ਚਾਗਨ੍ਤੁਂ, ਅਭਬ੍ਬੋ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਅਪਰਂਕਾਰਂ ਅਧਿਚ੍ਚਸਮੁਪ੍ਪਨ੍ਨਂ ਸੁਖਦੁਕ੍ਖਂ ਪਚ੍ਚਾਗਨ੍ਤੁਂ, ਅਭਬ੍ਬੋ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਅਸਯਂਕਾਰਞ੍ਚ ਅਪਰਂਕਾਰਞ੍ਚ ਅਧਿਚ੍ਚਸਮੁਪ੍ਪਨ੍ਨਂ ਸੁਖਦੁਕ੍ਖਂ ਪਚ੍ਚਾਗਨ੍ਤੁਂ। ਤਂ ਕਿਸ੍ਸ ਹੇਤੁ? ਤਥਾ ਹਿਸ੍ਸ, ਭਿਕ੍ਖવੇ, ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਹੇਤੁ ਚ ਸੁਦਿਟ੍ਠੋ ਹੇਤੁਸਮੁਪ੍ਪਨ੍ਨਾ ਚ ਧਮ੍ਮਾ। ਇਮਾਨਿ ਖੋ, ਭਿਕ੍ਖવੇ, ਛ ਅਭਬ੍ਬਟ੍ਠਾਨਾਨੀ’’ਤਿ। ਏਕਾਦਸਮਂ।
95. ‘‘Chayimāni , bhikkhave, abhabbaṭṭhānāni. Katamāni cha? Abhabbo diṭṭhisampanno puggalo sayaṃkataṃ sukhadukkhaṃ paccāgantuṃ, abhabbo diṭṭhisampanno puggalo paraṃkataṃ 2 sukhadukkhaṃ paccāgantuṃ, abhabbo diṭṭhisampanno puggalo sayaṃkatañca paraṃkatañca sukhadukkhaṃ paccāgantuṃ, abhabbo diṭṭhisampanno puggalo asayaṃkāraṃ adhiccasamuppannaṃ sukhadukkhaṃ paccāgantuṃ, abhabbo diṭṭhisampanno puggalo aparaṃkāraṃ adhiccasamuppannaṃ sukhadukkhaṃ paccāgantuṃ, abhabbo diṭṭhisampanno puggalo asayaṃkārañca aparaṃkārañca adhiccasamuppannaṃ sukhadukkhaṃ paccāgantuṃ. Taṃ kissa hetu? Tathā hissa, bhikkhave, diṭṭhisampannassa puggalassa hetu ca sudiṭṭho hetusamuppannā ca dhammā. Imāni kho, bhikkhave, cha abhabbaṭṭhānānī’’ti. Ekādasamaṃ.
ਤਸ੍ਸੁਦ੍ਦਾਨਂ –
Tassuddānaṃ –
ਸੀਤਿਭਾવਂ ਆવਰਣਂ, વੋਰੋਪਿਤਾ ਸੁਸ੍ਸੂਸਤਿ।
Sītibhāvaṃ āvaraṇaṃ, voropitā sussūsati;
ਅਪ੍ਪਹਾਯ ਪਹੀਨਾਭਬ੍ਬੋ, ਤਟ੍ਠਾਨਾ ਚਤੁਰੋਪਿ ਚਾਤਿ॥
Appahāya pahīnābhabbo, taṭṭhānā caturopi cāti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮-੧੧. ਅਭਬ੍ਬਟ੍ਠਾਨਸੁਤ੍ਤਚਤੁਕ੍ਕવਣ੍ਣਨਾ • 8-11. Abhabbaṭṭhānasuttacatukkavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨-੧੧. ਆવਰਣਸੁਤ੍ਤਾਦਿવਣ੍ਣਨਾ • 2-11. Āvaraṇasuttādivaṇṇanā
