| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. жад̇уд̇т̇аанааг̇ад̇абхаяасуд̇д̇ам̣
10. Catutthaanāgatabhayasuttaṃ
80. ‘‘бан̃жимаани, бхигкавз, анааг̇ад̇абхаяаани зд̇арахи асамуббаннаани ааяад̇им̣ самуббаж̇ж̇иссанд̇и. д̇аани во бадиб̣уж̇жхид̇аб̣б̣аани; бадиб̣уж̇жхид̇ваа жа д̇зсам̣ бахаанааяа вааяамид̇аб̣б̣ам̣.
80. ‘‘Pañcimāni, bhikkhave, anāgatabhayāni etarahi asamuppannāni āyatiṃ samuppajjissanti. Tāni vo paṭibujjhitabbāni; paṭibujjhitvā ca tesaṃ pahānāya vāyamitabbaṃ.
‘‘гад̇амаани бан̃жа? бхависсанд̇и, бхигкавз, бхигкуу анааг̇ад̇амад̣̇д̇хаанам̣ жийварз галяаан̣агаамаа. д̇з жийварз галяаан̣агаамаа самаанаа рин̃жиссанд̇и бам̣сугуулигад̇д̇ам̣, рин̃жиссанд̇и аран̃н̃аванабад̇т̇аани банд̇аани сзнаасанаани; г̇ааманиг̇амарааж̇ад̇хаанийсу осарид̇ваа ваасам̣ габбзссанд̇и, жийварахзд̇у жа анзгавихид̇ам̣ анзсанам̣ аббад̇ируубам̣ аабаж̇ж̇иссанд̇и. ид̣̇ам̣, бхигкавз, батамам̣ анааг̇ад̇абхаяам̣ зд̇арахи асамуббаннам̣ ааяад̇им̣ самуббаж̇ж̇иссад̇и. д̇ам̣ во бадиб̣уж̇жхид̇аб̣б̣ам̣; бадиб̣уж̇жхид̇ваа жа д̇асса бахаанааяа вааяамид̇аб̣б̣ам̣.
‘‘Katamāni pañca? Bhavissanti, bhikkhave, bhikkhū anāgatamaddhānaṃ cīvare kalyāṇakāmā. Te cīvare kalyāṇakāmā samānā riñcissanti paṃsukūlikattaṃ, riñcissanti araññavanapatthāni pantāni senāsanāni; gāmanigamarājadhānīsu osaritvā vāsaṃ kappessanti, cīvarahetu ca anekavihitaṃ anesanaṃ appatirūpaṃ āpajjissanti. Idaṃ, bhikkhave, paṭhamaṃ anāgatabhayaṃ etarahi asamuppannaṃ āyatiṃ samuppajjissati. Taṃ vo paṭibujjhitabbaṃ; paṭibujjhitvā ca tassa pahānāya vāyamitabbaṃ.
‘‘буна жабарам̣, бхигкавз, бхависсанд̇и бхигкуу анааг̇ад̇амад̣̇д̇хаанам̣ бин̣д̣абаад̇з галяаан̣агаамаа. д̇з бин̣д̣абаад̇з галяаан̣агаамаа самаанаа рин̃жиссанд̇и бин̣д̣абаад̇игад̇д̇ам̣ , рин̃жиссанд̇и аран̃н̃аванабад̇т̇аани банд̇аани сзнаасанаани; г̇ааманиг̇амарааж̇ад̇хаанийсу осарид̇ваа ваасам̣ габбзссанд̇и ж̇ивхаг̇г̇зна расаг̇г̇аани бариязсамаанаа, бин̣д̣абаад̇ахзд̇у жа анзгавихид̇ам̣ анзсанам̣ аббад̇ируубам̣ аабаж̇ж̇иссанд̇и. ид̣̇ам̣, бхигкавз, д̣̇уд̇ияам̣ анааг̇ад̇абхаяам̣ зд̇арахи асамуббаннам̣ ааяад̇им̣ самуббаж̇ж̇иссад̇и. д̇ам̣ во бадиб̣уж̇жхид̇аб̣б̣ам̣; бадиб̣уж̇жхид̇ваа жа д̇асса бахаанааяа вааяамид̇аб̣б̣ам̣.
‘‘Puna caparaṃ, bhikkhave, bhavissanti bhikkhū anāgatamaddhānaṃ piṇḍapāte kalyāṇakāmā. Te piṇḍapāte kalyāṇakāmā samānā riñcissanti piṇḍapātikattaṃ , riñcissanti araññavanapatthāni pantāni senāsanāni; gāmanigamarājadhānīsu osaritvā vāsaṃ kappessanti jivhaggena rasaggāni pariyesamānā, piṇḍapātahetu ca anekavihitaṃ anesanaṃ appatirūpaṃ āpajjissanti. Idaṃ, bhikkhave, dutiyaṃ anāgatabhayaṃ etarahi asamuppannaṃ āyatiṃ samuppajjissati. Taṃ vo paṭibujjhitabbaṃ; paṭibujjhitvā ca tassa pahānāya vāyamitabbaṃ.
‘‘буна жабарам̣, бхигкавз, бхависсанд̇и бхигкуу анааг̇ад̇амад̣̇д̇хаанам̣ сзнаасанз галяаан̣агаамаа. д̇з сзнаасанз галяаан̣агаамаа самаанаа рин̃жиссанд̇и ругкамуулигад̇д̇ам̣ 1, рин̃жиссанд̇и аран̃н̃аванабад̇т̇аани банд̇аани сзнаасанаани; г̇ааманиг̇амарааж̇ад̇хаанийсу осарид̇ваа ваасам̣ габбзссанд̇и, сзнаасанахзд̇у жа анзгавихид̇ам̣ анзсанам̣ аббад̇ируубам̣ аабаж̇ж̇иссанд̇и. ид̣̇ам̣, бхигкавз, д̇ад̇ияам̣ анааг̇ад̇абхаяам̣ зд̇арахи асамуббаннам̣ ааяад̇им̣ самуббаж̇ж̇иссад̇и. д̇ам̣ во бадиб̣уж̇жхид̇аб̣б̣ам̣; бадиб̣уж̇жхид̇ваа жа д̇асса бахаанааяа вааяамид̇аб̣б̣ам̣.
‘‘Puna caparaṃ, bhikkhave, bhavissanti bhikkhū anāgatamaddhānaṃ senāsane kalyāṇakāmā. Te senāsane kalyāṇakāmā samānā riñcissanti rukkhamūlikattaṃ 2, riñcissanti araññavanapatthāni pantāni senāsanāni; gāmanigamarājadhānīsu osaritvā vāsaṃ kappessanti, senāsanahetu ca anekavihitaṃ anesanaṃ appatirūpaṃ āpajjissanti. Idaṃ, bhikkhave, tatiyaṃ anāgatabhayaṃ etarahi asamuppannaṃ āyatiṃ samuppajjissati. Taṃ vo paṭibujjhitabbaṃ; paṭibujjhitvā ca tassa pahānāya vāyamitabbaṃ.
‘‘буна жабарам̣, бхигкавз, бхависсанд̇и бхигкуу анааг̇ад̇амад̣̇д̇хаанам̣ бхигкунийсигкамаанаасаман̣уд̣̇д̣̇зсзхи сам̣садтаа вихариссанд̇и. бхигкунийсигкамаанаасаман̣уд̣̇д̣̇зсзхи сам̣саг̇г̇з ко бана, бхигкавз, сад̇и зд̇ам̣ баадиган̇кам̣ – ‘анабхирад̇аа ваа б̣рахмажарияам̣ жариссанд̇и, ан̃н̃ад̇арам̣ ваа сам̣гилидтам̣ аабад̇д̇им̣ аабаж̇ж̇иссанд̇и, сигкам̣ ваа бажжагкааяа хийнааяаавад̇д̇иссанд̇и’. ид̣̇ам̣, бхигкавз, жад̇уд̇т̇ам̣ анааг̇ад̇абхаяам̣ зд̇арахи асамуббаннам̣ ааяад̇им̣ самуббаж̇ж̇иссад̇и. д̇ам̣ во бадиб̣уж̇жхид̇аб̣б̣ам̣; бадиб̣уж̇жхид̇ваа жа д̇асса бахаанааяа вааяамид̇аб̣б̣ам̣.
‘‘Puna caparaṃ, bhikkhave, bhavissanti bhikkhū anāgatamaddhānaṃ bhikkhunīsikkhamānāsamaṇuddesehi saṃsaṭṭhā viharissanti. Bhikkhunīsikkhamānāsamaṇuddesehi saṃsagge kho pana, bhikkhave, sati etaṃ pāṭikaṅkhaṃ – ‘anabhiratā vā brahmacariyaṃ carissanti, aññataraṃ vā saṃkiliṭṭhaṃ āpattiṃ āpajjissanti, sikkhaṃ vā paccakkhāya hīnāyāvattissanti’. Idaṃ, bhikkhave, catutthaṃ anāgatabhayaṃ etarahi asamuppannaṃ āyatiṃ samuppajjissati. Taṃ vo paṭibujjhitabbaṃ; paṭibujjhitvā ca tassa pahānāya vāyamitabbaṃ.
‘‘буна жабарам̣, бхигкавз, бхависсанд̇и бхигкуу анааг̇ад̇амад̣̇д̇хаанам̣ аараамигасаман̣уд̣̇д̣̇зсзхи сам̣садтаа вихариссанд̇и. аараамигасаман̣уд̣̇д̣̇зсзхи сам̣саг̇г̇з ко бана, бхигкавз, сад̇и зд̇ам̣ баадиган̇кам̣ – ‘анзгавихид̇ам̣ саннид̇хигаарабарибхог̇ам̣ ануяуд̇д̇аа вихариссанд̇и, ол̣ааригамби нимид̇д̇ам̣ гариссанд̇и, бат̇авияааби харид̇аг̇г̇зби’. ид̣̇ам̣, бхигкавз, бан̃жамам̣ анааг̇ад̇абхаяам̣ зд̇арахи асамуббаннам̣ ааяад̇им̣ самуббаж̇ж̇иссад̇и. д̇ам̣ во бадиб̣уж̇жхид̇аб̣б̣ам̣; бадиб̣уж̇жхид̇ваа жа д̇асса бахаанааяа вааяамид̇аб̣б̣ам̣.
‘‘Puna caparaṃ, bhikkhave, bhavissanti bhikkhū anāgatamaddhānaṃ ārāmikasamaṇuddesehi saṃsaṭṭhā viharissanti. Ārāmikasamaṇuddesehi saṃsagge kho pana, bhikkhave, sati etaṃ pāṭikaṅkhaṃ – ‘anekavihitaṃ sannidhikāraparibhogaṃ anuyuttā viharissanti, oḷārikampi nimittaṃ karissanti, pathaviyāpi haritaggepi’. Idaṃ, bhikkhave, pañcamaṃ anāgatabhayaṃ etarahi asamuppannaṃ āyatiṃ samuppajjissati. Taṃ vo paṭibujjhitabbaṃ; paṭibujjhitvā ca tassa pahānāya vāyamitabbaṃ.
‘‘имаани ко, бхигкавз, бан̃жа анааг̇ад̇абхаяаани зд̇арахи асамуббаннаани ааяад̇им̣ самуббаж̇ж̇иссанд̇и. д̇аани во бадиб̣уж̇жхид̇аб̣б̣аани; бадиб̣уж̇жхид̇ваа жа д̇зсам̣ бахаанааяа вааяамид̇аб̣б̣а’’нд̇и. д̣̇асамам̣.
‘‘Imāni kho, bhikkhave, pañca anāgatabhayāni etarahi asamuppannāni āyatiṃ samuppajjissanti. Tāni vo paṭibujjhitabbāni; paṭibujjhitvā ca tesaṃ pahānāya vāyamitabba’’nti. Dasamaṃ.
яод̇хааж̇ийваваг̇г̇о д̇ад̇ияо.
Yodhājīvavaggo tatiyo.
д̇ассуд̣̇д̣̇аанам̣ –
Tassuddānaṃ –
д̣̇вз жзд̇овимуд̇д̇ипалаа, д̣̇вз жа д̇хаммавихаарино;
Dve cetovimuttiphalā, dve ca dhammavihārino;
яод̇хааж̇ийваа жа д̣̇вз вуд̇д̇аа, жад̇д̇ааро жа анааг̇ад̇аад̇и.
Yodhājīvā ca dve vuttā, cattāro ca anāgatāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. жад̇уд̇т̇аанааг̇ад̇абхаяасуд̇д̇аван̣н̣анаа • 10. Catutthaanāgatabhayasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. жад̇уд̇т̇аанааг̇ад̇абхаяасуд̇д̇аван̣н̣анаа • 10. Catutthaanāgatabhayasuttavaṇṇanā
