| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
১০. চতুত্থঅনাগতভযসুত্তৰণ্ণনা
10. Catutthaanāgatabhayasuttavaṇṇanā
৮০. দসমে কল্যাণকামাতি সুন্দরকামা। রসগ্গানীতি উত্তমরসানি। সংসট্ঠা ৰিহরিস্সন্তীতি পঞ্চৰিধেন সংসগ্গেন সংসট্ঠা ৰিহরিস্সন্তি। সন্নিধিকারপরিভোগন্তি সন্নিধিকতস্স পরিভোগং। ওল়ারিকম্পি নিমিত্তন্তি এত্থ পথৰিং খণন্তোপি খণাহীতি আণাপেন্তোপি পথৰিযং ওল়ারিকং নিমিত্তং করোতি নাম। তিণকট্ঠসাখাপলাসং ছিন্দন্তোপি ছিন্দাতি আণাপেন্তোপি হরিতগ্গে ওল়ারিকং নিমিত্তং করোতি নাম। আজীৰত্থায পণ্ণনিৰাপআদীনি গাহাপেন্তো ফলানি ওচিনন্তে ৰা ওচিনাপেন্তেন ৰত্তব্বমেৰ নত্থি। ইমেসু চতূসু সুত্তেসু সত্থারা সাসনে ৰুদ্ধিপরিহানি কথিতাতি।
80. Dasame kalyāṇakāmāti sundarakāmā. Rasaggānīti uttamarasāni. Saṃsaṭṭhā viharissantīti pañcavidhena saṃsaggena saṃsaṭṭhā viharissanti. Sannidhikāraparibhoganti sannidhikatassa paribhogaṃ. Oḷārikampi nimittanti ettha pathaviṃ khaṇantopi khaṇāhīti āṇāpentopi pathaviyaṃ oḷārikaṃ nimittaṃ karoti nāma. Tiṇakaṭṭhasākhāpalāsaṃ chindantopi chindāti āṇāpentopi haritagge oḷārikaṃ nimittaṃ karoti nāma. Ājīvatthāya paṇṇanivāpaādīni gāhāpento phalāni ocinante vā ocināpentena vattabbameva natthi. Imesu catūsu suttesu satthārā sāsane vuddhiparihāni kathitāti.
যোধাজীৰৰগ্গো ততিযো।
Yodhājīvavaggo tatiyo.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১০. চতুত্থঅনাগতভযসুত্তং • 10. Catutthaanāgatabhayasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১০. চতুত্থঅনাগতভযসুত্তৰণ্ণনা • 10. Catutthaanāgatabhayasuttavaṇṇanā
