| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. жад̇уд̇т̇аанааг̇ад̇абхаяасуд̇д̇аван̣н̣анаа
10. Catutthaanāgatabhayasuttavaṇṇanā
80. д̣̇асамз бан̃жавид̇хзна сам̣саг̇г̇знаад̇и ‘‘саванасам̣саг̇г̇о, д̣̇ассанасам̣саг̇г̇о, самуллаабасам̣саг̇г̇о, самбхог̇асам̣саг̇г̇о, гааяасам̣саг̇г̇о’’д̇и звам̣ вуд̇д̇зна бан̃жавид̇хзна сам̣саг̇г̇зна. сам̣саж̇ж̇ад̇и зд̇знаад̇и сам̣саг̇г̇о, рааг̇о. саванахзд̇уго, саванавасзна ваа бавад̇д̇о сам̣саг̇г̇о саванасам̣саг̇г̇о. зса наяо сзсзсуби. гааяасам̣саг̇г̇о бана гааяабараамаасо. д̇зсу барзхи ваа гат̇ияамаанам̣ руубаад̣̇исамбад̇д̇им̣ ад̇д̇анаа ваа сид̇алабид̇аг̇ийд̇асад̣̇д̣̇ам̣ сун̣анд̇асса сод̇авин̃н̃аан̣авийт̇ивасзна уббанно рааг̇о саванасам̣саг̇г̇о наама. висабхааг̇аруубам̣ ологзнд̇асса бана жагкувин̃н̃аан̣авийт̇ивасзна уббанно рааг̇о д̣̇ассанасам̣саг̇г̇о наама. ан̃н̃аман̃н̃ааалаабасаллаабавасзна уббаннарааг̇о самуллаабасам̣саг̇г̇о наама. бхигкуно бхигкунияаа санд̇агам̣, бхигкунияаа бхигкусса санд̇агам̣ г̇ахзд̇ваа барибхог̇агаран̣авасзна уббаннарааг̇о самбхог̇асам̣саг̇г̇о наама. хад̇т̇аг̇г̇аахаад̣̇ивасзна уббанно рааг̇о гааяасам̣саг̇г̇о наама.
80. Dasame pañcavidhena saṃsaggenāti ‘‘savanasaṃsaggo, dassanasaṃsaggo, samullāpasaṃsaggo, sambhogasaṃsaggo, kāyasaṃsaggo’’ti evaṃ vuttena pañcavidhena saṃsaggena. Saṃsajjati etenāti saṃsaggo, rāgo. Savanahetuko, savanavasena vā pavatto saṃsaggo savanasaṃsaggo. Esa nayo sesesupi. Kāyasaṃsaggo pana kāyaparāmāso. Tesu parehi vā kathiyamānaṃ rūpādisampattiṃ attanā vā sitalapitagītasaddaṃ suṇantassa sotaviññāṇavīthivasena uppanno rāgo savanasaṃsaggo nāma. Visabhāgarūpaṃ olokentassa pana cakkhuviññāṇavīthivasena uppanno rāgo dassanasaṃsaggo nāma. Aññamaññaālāpasallāpavasena uppannarāgo samullāpasaṃsaggo nāma. Bhikkhuno bhikkhuniyā santakaṃ, bhikkhuniyā bhikkhussa santakaṃ gahetvā paribhogakaraṇavasena uppannarāgo sambhogasaṃsaggo nāma. Hatthaggāhādivasena uppanno rāgo kāyasaṃsaggo nāma.
анзгавихид̇анд̇и аннасаннид̇хибаанасаннид̇хивад̇т̇асаннид̇хияаанасаннид̇хисаяанасаннид̇хиг̇анд̇хасаннид̇хи- аамисасаннид̇хивасзна анзгаббагаарам̣. саннид̇хигад̇ассаад̇и зд̇зна ‘‘саннид̇хигаарабарибхог̇а’’нд̇и (д̇ха. са. д̇игамаад̇игаа 10) зд̇т̇а гаара-сад̣̇д̣̇асса гаммад̇т̇ад̇ам̣ д̣̇ассзд̇и. яат̇аа ваа ‘‘аажаяам̣ г̇аамино’’д̇и вад̇д̇аб̣б̣з анунаасигалобзна ‘‘аажаяаг̇аамино’’д̇и нид̣̇д̣̇зсо гад̇о, звам̣ ‘‘саннид̇хигаарам̣ барибхог̇а’’нд̇и вад̇д̇аб̣б̣з анунаасигалобзна ‘‘саннид̇хигаарабарибхог̇а’’нд̇и вуд̇д̇ам̣, саннид̇хим̣ гад̇ваа барибхог̇анд̇и ад̇т̇о.
Anekavihitanti annasannidhipānasannidhivatthasannidhiyānasannidhisayanasannidhigandhasannidhi- āmisasannidhivasena anekappakāraṃ. Sannidhikatassāti etena ‘‘sannidhikāraparibhoga’’nti (dha. sa. tikamātikā 10) ettha kāra-saddassa kammatthataṃ dasseti. Yathā vā ‘‘ācayaṃ gāmino’’ti vattabbe anunāsikalopena ‘‘ācayagāmino’’ti niddeso kato, evaṃ ‘‘sannidhikāraṃ paribhoga’’nti vattabbe anunāsikalopena ‘‘sannidhikāraparibhoga’’nti vuttaṃ, sannidhiṃ katvā paribhoganti attho.
‘‘саннид̇хигад̇асса барибхог̇а’’нд̇и зд̇т̇а (д̣̇ий. ни. адта. 1.12) бана д̣̇увид̇хаа гат̇аа винаяавасзна саллзкавасзна жа. винаяавасзна д̇аава яам̣ гин̃жи аннам̣ аж̇ж̇а бадиг̇г̇ахид̇ам̣ абараж̇ж̇у саннид̇хигаарам̣ ход̇и, д̇асса барибхог̇з баажид̇д̇ияам̣. ад̇д̇анаа лад̣̇д̇хам̣ бана сааман̣зраанам̣ д̣̇ад̇ваа д̇зхи лад̣̇д̇хам̣ ваа баабзд̇ваа д̣̇уд̇ияад̣̇ивасз бхун̃ж̇ид̇ум̣ ваддад̇и, саллзко бана на ход̇и. баанасаннид̇химхиби зсзва наяо. вад̇т̇асаннид̇химхи анад̇хидтид̇аавигаббид̇ам̣ саннид̇хи жа ход̇и, саллзкан̃жа гобзд̇и. аяам̣ ниббарияааяагат̇аа. барияааяад̇о бана д̇ижийварасанд̇удтзна бхавид̇аб̣б̣ам̣, жад̇уд̇т̇ам̣ лабхид̇ваа ан̃н̃асса д̣̇аад̇аб̣б̣ам̣. сажз яасса гассажи д̣̇аад̇ум̣ на саггод̇и, яасса бана д̣̇аад̇угаамо ход̇и, со уд̣̇д̣̇зсад̇т̇ааяа ваа барибужчад̇т̇ааяа ваа г̇ад̇о, ааг̇ад̇амад̇д̇з д̣̇аад̇аб̣б̣ам̣, ад̣̇аад̇ум̣ на ваддад̇и. жийварз бана аббахонд̇з, сад̇ияаа ваа бажжаасааяа анун̃н̃аад̇агаалам̣ табзд̇ум̣ ваддад̇и. суужисуд̇д̇ажийварагаарагаанам̣ алаабхз д̇ад̇оби винаяагаммам̣ гад̇ваа табзд̇ум̣ ваддад̇и ‘‘имасмим̣ ж̇ин̣н̣з буна ийд̣̇исам̣ гуд̇о лабхиссаамий’’д̇и бана табзд̇ум̣ на ваддад̇и, саннид̇хи жа ход̇и, саллзкан̃жа гобзд̇и.
‘‘Sannidhikatassa paribhoga’’nti ettha (dī. ni. aṭṭha. 1.12) pana duvidhā kathā vinayavasena sallekhavasena ca. Vinayavasena tāva yaṃ kiñci annaṃ ajja paṭiggahitaṃ aparajju sannidhikāraṃ hoti, tassa paribhoge pācittiyaṃ. Attanā laddhaṃ pana sāmaṇerānaṃ datvā tehi laddhaṃ vā pāpetvā dutiyadivase bhuñjituṃ vaṭṭati, sallekho pana na hoti. Pānasannidhimhipi eseva nayo. Vatthasannidhimhi anadhiṭṭhitāvikappitaṃ sannidhi ca hoti, sallekhañca kopeti. Ayaṃ nippariyāyakathā. Pariyāyato pana ticīvarasantuṭṭhena bhavitabbaṃ, catutthaṃ labhitvā aññassa dātabbaṃ. Sace yassa kassaci dātuṃ na sakkoti, yassa pana dātukāmo hoti, so uddesatthāya vā paripucchatthāya vā gato, āgatamatte dātabbaṃ, adātuṃ na vaṭṭati. Cīvare pana appahonte, satiyā vā paccāsāya anuññātakālaṃ ṭhapetuṃ vaṭṭati. Sūcisuttacīvarakārakānaṃ alābhe tatopi vinayakammaṃ katvā ṭhapetuṃ vaṭṭati ‘‘imasmiṃ jiṇṇe puna īdisaṃ kuto labhissāmī’’ti pana ṭhapetuṃ na vaṭṭati, sannidhi ca hoti, sallekhañca kopeti.
яаанасаннид̇химхи яаанам̣ наама ваяхам̣ рат̇о сагадам̣ санд̣̇амаанигаа баадан̇гийд̇и. на банзд̇ам̣ баб̣б̣аж̇ид̇асса яаанам̣, убааханам̣ бана яаанам̣. згабхигкусса хи зго аран̃н̃аваасад̇т̇ааяа, зго д̇ход̇абаад̣̇агад̇т̇ааяаад̇и уггам̣сад̇о д̣̇вз убааханасан̇гхаадагаа вадданд̇и, д̇ад̇ияам̣ лабхид̇ваа ан̃н̃асса д̣̇аад̇аб̣б̣о. ‘‘имасмим̣ ж̇ин̣н̣з ан̃н̃ам̣ гуд̇о лабхиссаамий’’д̇и табзд̇ум̣ на ваддад̇и, саннид̇хи жа ход̇и, саллзкан̃жа гобзд̇и. саяанасаннид̇химхи саяананд̇и ман̃жо. згасса бхигкуно зго саяанаг̇аб̣бхз, зго д̣̇иваадтаанзд̇и уггам̣сад̇о д̣̇вз ман̃жаа вадданд̇и. д̇ад̇о уд̇д̇арим̣ лабхид̇ваа ан̃н̃асса бхигкуно, г̇ан̣асса ваа д̣̇аад̇аб̣б̣о, ад̣̇аад̇ум̣ на ваддад̇и, саннид̇хи жзва ход̇и, саллзко жа губбад̇и. г̇анд̇хасаннид̇химхи бхигкуно ган̣д̣угажчучавид̣̇осаад̣̇иааб̣аад̇хз сад̇и г̇анд̇хаа вадданд̇и. г̇анд̇хад̇т̇игзна г̇анд̇хан̃жа аахараабзд̇ваа д̇асмим̣ рог̇з вуубасанд̇з ан̃н̃зсам̣ ваа ааб̣аад̇хигаанам̣ д̣̇аад̇аб̣б̣ам̣, д̣̇ваарз бан̃жан̇г̇улигхарад̇хуубанаад̣̇ийсу ваа убанзд̇аб̣б̣ам̣. ‘‘буна рог̇з сад̇и бхависсад̇ий’’д̇и табзд̇ум̣ на ваддад̇и, г̇анд̇хасаннид̇хи жа ход̇и, саллзкан̃жа гобзд̇и.
Yānasannidhimhi yānaṃ nāma vayhaṃ ratho sakaṭaṃ sandamānikā pāṭaṅkīti. Na panetaṃ pabbajitassa yānaṃ, upāhanaṃ pana yānaṃ. Ekabhikkhussa hi eko araññavāsatthāya, eko dhotapādakatthāyāti ukkaṃsato dve upāhanasaṅghāṭakā vaṭṭanti, tatiyaṃ labhitvā aññassa dātabbo. ‘‘Imasmiṃ jiṇṇe aññaṃ kuto labhissāmī’’ti ṭhapetuṃ na vaṭṭati, sannidhi ca hoti, sallekhañca kopeti. Sayanasannidhimhi sayananti mañco. Ekassa bhikkhuno eko sayanagabbhe, eko divāṭṭhāneti ukkaṃsato dve mañcā vaṭṭanti. Tato uttariṃ labhitvā aññassa bhikkhuno, gaṇassa vā dātabbo, adātuṃ na vaṭṭati, sannidhi ceva hoti, sallekho ca kuppati. Gandhasannidhimhi bhikkhuno kaṇḍukacchuchavidosādiābādhe sati gandhā vaṭṭanti. Gandhatthikena gandhañca āharāpetvā tasmiṃ roge vūpasante aññesaṃ vā ābādhikānaṃ dātabbaṃ, dvāre pañcaṅguligharadhūpanādīsu vā upanetabbaṃ. ‘‘Puna roge sati bhavissatī’’ti ṭhapetuṃ na vaṭṭati, gandhasannidhi ca hoti, sallekhañca kopeti.
аамисанд̇и вуд̇д̇аавасзсам̣ д̣̇адтаб̣б̣ам̣. сзяяат̇ид̣̇ам̣ – ид̇хзгажжо бхигку ‘‘д̇ат̇ааруубз гаалз убагаарааяа бхависсанд̇ий’’д̇и д̇илад̇ан̣д̣уламуг̇г̇амаасанаал̣игзралон̣амажчасаббид̇злагулаалабхааж̇анаад̣̇ийни аахараабзд̇ваа табзд̇и. со вассагаалз гаалассзва сааман̣зрзхи яааг̇ум̣ бажаабзд̇ваа барибхун̃ж̇ид̇ваа ‘‘сааман̣зра уд̣̇агагад̣̇д̣̇амз д̣̇угкам̣ г̇аамам̣ бависид̇ум̣, г̇ажча асугагулам̣ г̇анд̇ваа маяхам̣ вихаарз нисиннабхаавам̣ аарожзхи, асугагулад̇о д̣̇ад̇хиаад̣̇ийни аахараа’’д̇и бзсзд̇и. бхигкуухи ‘‘гим̣, бханд̇з , г̇аамам̣ бависиссаамаа’’д̇и вуд̇д̇зби ‘‘д̣̇уббавзсо, аавусо, ид̣̇аани г̇аамо’’д̇и вад̣̇ад̇и. д̇з ‘‘ход̇у, бханд̇з, ажчат̇а д̇умхз, маяам̣ бхигкам̣ бариязсид̇ваа аахариссаамаа’’д̇и г̇ажчанд̇и. ат̇а сааман̣зро д̣̇ад̇хиаад̣̇ийни аахарид̇ваа бхад̇д̇ан̃жа б̣яан̃ж̇анан̃жа самбаад̣̇зд̇ваа убанзд̇и, д̇ам̣ бхун̃ж̇анд̇ассзва убадтаагаа бхад̇д̇ам̣ бахин̣анд̇и, д̇ад̇оби манаабаманаабам̣ бхун̃ж̇ад̇и. ат̇а бхигкуу бин̣д̣абаад̇ам̣ г̇ахзд̇ваа ааг̇ажчанд̇и, д̇ад̇оби манаабаманаабам̣ бхун̃ж̇ад̇иязва. звам̣ жад̇умаасамби вийд̇инаамзд̇и. аяам̣ вужжад̇и бхигку мун̣д̣агудумб̣игаж̇ийвигам̣ ж̇ийвад̇и, на саман̣аж̇ийвиганд̇и. зваруубо аамисасаннид̇хи наама ход̇и. бхигкуно бана васанадтаанз згаа д̇ан̣д̣уланаал̣и зго г̇ул̣абин̣д̣о гуд̣увамад̇д̇ам̣ саббийд̇и зд̇д̇агам̣ нид̇хзд̇ум̣ ваддад̇и агаалз самбад̇д̇ажораанам̣ ад̇т̇ааяа. д̇з хи зд̇д̇агам̣ аамисабадисант̇аарам̣ алабханд̇аа ж̇ийвид̇аа воробзяяум̣, д̇асмаа сажз хи зд̇д̇агам̣ над̇т̇и, аахараабзд̇вааби табзд̇ум̣ ваддад̇и. апаасугагаалз жа яад̣̇зд̇т̇а габбияам̣, д̇ам̣ ад̇д̇анааби барибхун̃ж̇ид̇ум̣ ваддад̇и. габбияагудияам̣ бана б̣ахум̣ табзнд̇ассаби саннид̇хи наама над̇т̇и.
Āmisanti vuttāvasesaṃ daṭṭhabbaṃ. Seyyathidaṃ – idhekacco bhikkhu ‘‘tathārūpe kāle upakārāya bhavissantī’’ti tilataṇḍulamuggamāsanāḷikeraloṇamacchasappitelakulālabhājanādīni āharāpetvā ṭhapeti. So vassakāle kālasseva sāmaṇerehi yāguṃ pacāpetvā paribhuñjitvā ‘‘sāmaṇera udakakaddame dukkhaṃ gāmaṃ pavisituṃ, gaccha asukakulaṃ gantvā mayhaṃ vihāre nisinnabhāvaṃ ārocehi, asukakulato dadhiādīni āharā’’ti peseti. Bhikkhūhi ‘‘kiṃ, bhante , gāmaṃ pavisissāmā’’ti vuttepi ‘‘duppaveso, āvuso, idāni gāmo’’ti vadati. Te ‘‘hotu, bhante, acchatha tumhe, mayaṃ bhikkhaṃ pariyesitvā āharissāmā’’ti gacchanti. Atha sāmaṇero dadhiādīni āharitvā bhattañca byañjanañca sampādetvā upaneti, taṃ bhuñjantasseva upaṭṭhākā bhattaṃ pahiṇanti, tatopi manāpamanāpaṃ bhuñjati. Atha bhikkhū piṇḍapātaṃ gahetvā āgacchanti, tatopi manāpamanāpaṃ bhuñjatiyeva. Evaṃ catumāsampi vītināmeti. Ayaṃ vuccati bhikkhu muṇḍakuṭumbikajīvikaṃ jīvati, na samaṇajīvikanti. Evarūpo āmisasannidhi nāma hoti. Bhikkhuno pana vasanaṭṭhāne ekā taṇḍulanāḷi eko guḷapiṇḍo kuḍuvamattaṃ sappīti ettakaṃ nidhetuṃ vaṭṭati akāle sampattacorānaṃ atthāya. Te hi ettakaṃ āmisapaṭisanthāraṃ alabhantā jīvitā voropeyyuṃ, tasmā sace hi ettakaṃ natthi, āharāpetvāpi ṭhapetuṃ vaṭṭati. Aphāsukakāle ca yadettha kappiyaṃ, taṃ attanāpi paribhuñjituṃ vaṭṭati. Kappiyakuṭiyaṃ pana bahuṃ ṭhapentassapi sannidhi nāma natthi.
жад̇уд̇т̇аанааг̇ад̇абхаяасуд̇д̇аван̣н̣анаа нидтид̇аа.
Catutthaanāgatabhayasuttavaṇṇanā niṭṭhitā.
яод̇хааж̇ийваваг̇г̇аван̣н̣анаа нидтид̇аа.
Yodhājīvavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. жад̇уд̇т̇аанааг̇ад̇абхаяасуд̇д̇ам̣ • 10. Catutthaanāgatabhayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. жад̇уд̇т̇аанааг̇ад̇абхаяасуд̇д̇аван̣н̣анаа • 10. Catutthaanāgatabhayasuttavaṇṇanā
