| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑๐. จตุตฺถอนาคตภยสุตฺตวณฺณนา
10. Catutthaanāgatabhayasuttavaṇṇanā
๘๐. ทสเม กลฺยาณกามาติ สุนฺทรกามาฯ รสคฺคานีติ อุตฺตมรสานิฯ สํสฎฺฐา วิหริสฺสนฺตีติ ปญฺจวิเธน สํสเคฺคน สํสฎฺฐา วิหริสฺสนฺติฯ สนฺนิธิการปริโภคนฺติ สนฺนิธิกตสฺส ปริโภคํฯ โอฬาริกมฺปิ นิมิตฺตนฺติ เอตฺถ ปถวิํ ขณโนฺตปิ ขณาหีติ อาณาเปโนฺตปิ ปถวิยํ โอฬาริกํ นิมิตฺตํ กโรติ นามฯ ติณกฎฺฐสาขาปลาสํ ฉินฺทโนฺตปิ ฉินฺทาติ อาณาเปโนฺตปิ หริตเคฺค โอฬาริกํ นิมิตฺตํ กโรติ นามฯ อาชีวตฺถาย ปณฺณนิวาปอาทีนิ คาหาเปโนฺต ผลานิ โอจินเนฺต วา โอจินาเปเนฺตน วตฺตพฺพเมว นตฺถิฯ อิเมสุ จตูสุ สุเตฺตสุ สตฺถารา สาสเน วุทฺธิปริหานิ กถิตาติฯ
80. Dasame kalyāṇakāmāti sundarakāmā. Rasaggānīti uttamarasāni. Saṃsaṭṭhā viharissantīti pañcavidhena saṃsaggena saṃsaṭṭhā viharissanti. Sannidhikāraparibhoganti sannidhikatassa paribhogaṃ. Oḷārikampi nimittanti ettha pathaviṃ khaṇantopi khaṇāhīti āṇāpentopi pathaviyaṃ oḷārikaṃ nimittaṃ karoti nāma. Tiṇakaṭṭhasākhāpalāsaṃ chindantopi chindāti āṇāpentopi haritagge oḷārikaṃ nimittaṃ karoti nāma. Ājīvatthāya paṇṇanivāpaādīni gāhāpento phalāni ocinante vā ocināpentena vattabbameva natthi. Imesu catūsu suttesu satthārā sāsane vuddhiparihāni kathitāti.
โยธาชีววโคฺค ตติโยฯ
Yodhājīvavaggo tatiyo.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๐. จตุตฺถอนาคตภยสุตฺตํ • 10. Catutthaanāgatabhayasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑๐. จตุตฺถอนาคตภยสุตฺตวณฺณนา • 10. Catutthaanāgatabhayasuttavaṇṇanā
