| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. চতুত্থঅনুধম্মসুত্তং
10. Catutthaanudhammasuttaṃ
৪২. সাৰত্থিনিদানং । ‘‘ধম্মানুধম্মপ্পটিপন্নস্স, ভিক্খৰে, ভিক্খুনো অযমনুধম্মো হোতি যং রূপে অনত্তানুপস্সী ৰিহরেয্য, ৰেদনায… সঞ্ঞায… সঙ্খারেসু… ৰিঞ্ঞাণে অনত্তানুপস্সী ৰিহরেয্য। যো রূপে অনত্তানুপস্সী ৰিহরন্তো…পে॰… রূপং পরিজানাতি, ৰেদনং… সঞ্ঞং… সঙ্খারে… ৰিঞ্ঞাণং পরিজানাতি, সো রূপং পরিজানং, ৰেদনং… সঞ্ঞং… সঙ্খারে… ৰিঞ্ঞাণং পরিজানং পরিমুচ্চতি রূপম্হা, পরিমুচ্চতি ৰেদনায, পরিমুচ্চতি সঞ্ঞায, পরিমুচ্চতি সঙ্খারেহি, পরিমুচ্চতি ৰিঞ্ঞাণম্হা, পরিমুচ্চতি জাতিযা জরামরণেন সোকেহি পরিদেৰেহি দুক্খেহি দোমনস্সেহি উপাযাসেহি, পরিমুচ্চতি দুক্খস্মাতি ৰদামী’’তি। দসমং।
42. Sāvatthinidānaṃ . ‘‘Dhammānudhammappaṭipannassa, bhikkhave, bhikkhuno ayamanudhammo hoti yaṃ rūpe anattānupassī vihareyya, vedanāya… saññāya… saṅkhāresu… viññāṇe anattānupassī vihareyya. Yo rūpe anattānupassī viharanto…pe… rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti, so rūpaṃ parijānaṃ, vedanaṃ… saññaṃ… saṅkhāre… viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi, parimuccati dukkhasmāti vadāmī’’ti. Dasamaṃ.
নতুম্হাকংৰগ্গো চতুত্থো।
Natumhākaṃvaggo catuttho.
তস্সুদ্দানং –
Tassuddānaṃ –
নতুম্হাকেন দ্ৰে ৰুত্তা, ভিক্খূহি অপরে দুৰে।
Natumhākena dve vuttā, bhikkhūhi apare duve;
আনন্দেন চ দ্ৰে ৰুত্তা, অনুধম্মেহি দ্ৰে দুকাতি॥
Ānandena ca dve vuttā, anudhammehi dve dukāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭-১০. অনুধম্মসুত্তাদিৰণ্ণনা • 7-10. Anudhammasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭-১০. অনুধম্মসুত্তাদিৰণ্ণনা • 7-10. Anudhammasuttādivaṇṇanā
