| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. жад̇уд̇т̇аануд̇хаммасуд̇д̇ам̣
10. Catutthaanudhammasuttaṃ
42. саавад̇т̇инид̣̇аанам̣ . ‘‘д̇хаммаануд̇хаммаббадибаннасса, бхигкавз, бхигкуно аяамануд̇хаммо ход̇и яам̣ руубз анад̇д̇аанубассий вихарзяяа, взд̣̇анааяа… сан̃н̃ааяа… сан̇каарзсу… вин̃н̃аан̣з анад̇д̇аанубассий вихарзяяа. яо руубз анад̇д̇аанубассий вихаранд̇о…бз… руубам̣ бариж̇аанаад̇и, взд̣̇анам̣… сан̃н̃ам̣… сан̇каарз… вин̃н̃аан̣ам̣ бариж̇аанаад̇и, со руубам̣ бариж̇аанам̣, взд̣̇анам̣… сан̃н̃ам̣… сан̇каарз… вин̃н̃аан̣ам̣ бариж̇аанам̣ баримужжад̇и руубамхаа, баримужжад̇и взд̣̇анааяа, баримужжад̇и сан̃н̃ааяа, баримужжад̇и сан̇каарзхи, баримужжад̇и вин̃н̃аан̣амхаа, баримужжад̇и ж̇аад̇ияаа ж̇араамаран̣зна согзхи барид̣̇звзхи д̣̇угкзхи д̣̇оманассзхи убааяаасзхи, баримужжад̇и д̣̇угкасмаад̇и вад̣̇аамий’’д̇и. д̣̇асамам̣.
42. Sāvatthinidānaṃ . ‘‘Dhammānudhammappaṭipannassa, bhikkhave, bhikkhuno ayamanudhammo hoti yaṃ rūpe anattānupassī vihareyya, vedanāya… saññāya… saṅkhāresu… viññāṇe anattānupassī vihareyya. Yo rūpe anattānupassī viharanto…pe… rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti, so rūpaṃ parijānaṃ, vedanaṃ… saññaṃ… saṅkhāre… viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi, parimuccati dukkhasmāti vadāmī’’ti. Dasamaṃ.
над̇умхаагам̣ваг̇г̇о жад̇уд̇т̇о.
Natumhākaṃvaggo catuttho.
д̇ассуд̣̇д̣̇аанам̣ –
Tassuddānaṃ –
над̇умхаагзна д̣̇вз вуд̇д̇аа, бхигкуухи абарз д̣̇увз;
Natumhākena dve vuttā, bhikkhūhi apare duve;
аананд̣̇зна жа д̣̇вз вуд̇д̇аа, ануд̇хаммзхи д̣̇вз д̣̇угаад̇и.
Ānandena ca dve vuttā, anudhammehi dve dukāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7-10. ануд̇хаммасуд̇д̇аад̣̇иван̣н̣анаа • 7-10. Anudhammasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7-10. ануд̇хаммасуд̇д̇аад̣̇иван̣н̣анаа • 7-10. Anudhammasuttādivaṇṇanā
