| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. จตุตฺถอนุธมฺมสุตฺตํ
10. Catutthaanudhammasuttaṃ
๔๒. สาวตฺถินิทานํ ฯ ‘‘ธมฺมานุธมฺมปฺปฎิปนฺนสฺส, ภิกฺขเว, ภิกฺขุโน อยมนุธโมฺม โหติ ยํ รูเป อนตฺตานุปสฺสี วิหเรยฺย, เวทนาย… สญฺญาย… สงฺขาเรสุ… วิญฺญาเณ อนตฺตานุปสฺสี วิหเรยฺยฯ โย รูเป อนตฺตานุปสฺสี วิหรโนฺต…เป.… รูปํ ปริชานาติ, เวทนํ… สญฺญํ… สงฺขาเร… วิญฺญาณํ ปริชานาติ, โส รูปํ ปริชานํ, เวทนํ… สญฺญํ… สงฺขาเร… วิญฺญาณํ ปริชานํ ปริมุจฺจติ รูปมฺหา, ปริมุจฺจติ เวทนาย, ปริมุจฺจติ สญฺญาย, ปริมุจฺจติ สงฺขาเรหิ, ปริมุจฺจติ วิญฺญาณมฺหา, ปริมุจฺจติ ชาติยา ชรามรเณน โสเกหิ ปริเทเวหิ ทุเกฺขหิ โทมนเสฺสหิ อุปายาเสหิ, ปริมุจฺจติ ทุกฺขสฺมาติ วทามี’’ติฯ ทสมํฯ
42. Sāvatthinidānaṃ . ‘‘Dhammānudhammappaṭipannassa, bhikkhave, bhikkhuno ayamanudhammo hoti yaṃ rūpe anattānupassī vihareyya, vedanāya… saññāya… saṅkhāresu… viññāṇe anattānupassī vihareyya. Yo rūpe anattānupassī viharanto…pe… rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti, so rūpaṃ parijānaṃ, vedanaṃ… saññaṃ… saṅkhāre… viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi, parimuccati dukkhasmāti vadāmī’’ti. Dasamaṃ.
นตุมฺหากํวโคฺค จตุโตฺถฯ
Natumhākaṃvaggo catuttho.
ตสฺสุทฺทานํ –
Tassuddānaṃ –
นตุมฺหาเกน เทฺว วุตฺตา, ภิกฺขูหิ อปเร ทุเว;
Natumhākena dve vuttā, bhikkhūhi apare duve;
อานเนฺทน จ เทฺว วุตฺตา, อนุธเมฺมหิ เทฺว ทุกาติฯ
Ānandena ca dve vuttā, anudhammehi dve dukāti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗-๑๐. อนุธมฺมสุตฺตาทิวณฺณนา • 7-10. Anudhammasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗-๑๐. อนุธมฺมสุตฺตาทิวณฺณนา • 7-10. Anudhammasuttādivaṇṇanā
