| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༠. ཙཏུཏྠཨནུདྷམྨསུཏྟཾ
10. Catutthaanudhammasuttaṃ
༤༢. སཱཝཏྠིནིདཱནཾ ། ‘‘དྷམྨཱནུདྷམྨཔྤཊིཔནྣསྶ, བྷིཀྑཝེ, བྷིཀྑུནོ ཨཡམནུདྷམྨོ ཧོཏི ཡཾ རཱུཔེ ཨནཏྟཱནུཔསྶཱི ཝིཧརེཡྻ, ཝེདནཱཡ… སཉྙཱཡ… སངྑཱརེསུ… ཝིཉྙཱཎེ ཨནཏྟཱནུཔསྶཱི ཝིཧརེཡྻ། ཡོ རཱུཔེ ཨནཏྟཱནུཔསྶཱི ཝིཧརནྟོ…པེ॰… རཱུཔཾ པརིཛཱནཱཏི, ཝེདནཾ… སཉྙཾ… སངྑཱརེ… ཝིཉྙཱཎཾ པརིཛཱནཱཏི, སོ རཱུཔཾ པརིཛཱནཾ, ཝེདནཾ… སཉྙཾ… སངྑཱརེ… ཝིཉྙཱཎཾ པརིཛཱནཾ པརིམུཙྩཏི རཱུཔམྷཱ, པརིམུཙྩཏི ཝེདནཱཡ, པརིམུཙྩཏི སཉྙཱཡ, པརིམུཙྩཏི སངྑཱརེཧི, པརིམུཙྩཏི ཝིཉྙཱཎམྷཱ, པརིམུཙྩཏི ཛཱཏིཡཱ ཛརཱམརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི, པརིམུཙྩཏི དུཀྑསྨཱཏི ཝདཱམཱི’’ཏི། དསམཾ།
42. Sāvatthinidānaṃ . ‘‘Dhammānudhammappaṭipannassa, bhikkhave, bhikkhuno ayamanudhammo hoti yaṃ rūpe anattānupassī vihareyya, vedanāya… saññāya… saṅkhāresu… viññāṇe anattānupassī vihareyya. Yo rūpe anattānupassī viharanto…pe… rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti, so rūpaṃ parijānaṃ, vedanaṃ… saññaṃ… saṅkhāre… viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi, parimuccati dukkhasmāti vadāmī’’ti. Dasamaṃ.
ནཏུམྷཱཀཾཝགྒོ ཙཏུཏྠོ།
Natumhākaṃvaggo catuttho.
ཏསྶུདྡཱནཾ –
Tassuddānaṃ –
ནཏུམྷཱཀེན དྭེ ཝུཏྟཱ, བྷིཀྑཱུཧི ཨཔརེ དུཝེ།
Natumhākena dve vuttā, bhikkhūhi apare duve;
ཨཱནནྡེན ཙ དྭེ ཝུཏྟཱ, ཨནུདྷམྨེཧི དྭེ དུཀཱཏི༎
Ānandena ca dve vuttā, anudhammehi dve dukāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༧-༡༠. ཨནུདྷམྨསུཏྟཱདིཝཎྞནཱ • 7-10. Anudhammasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༧-༡༠. ཨནུདྷམྨསུཏྟཱདིཝཎྞནཱ • 7-10. Anudhammasuttādivaṇṇanā
