| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൧൦. ചതുത്ഥഅനുധമ്മസുത്തം
10. Catutthaanudhammasuttaṃ
൪൨. സാവത്ഥിനിദാനം . ‘‘ധമ്മാനുധമ്മപ്പടിപന്നസ്സ, ഭിക്ഖവേ, ഭിക്ഖുനോ അയമനുധമ്മോ ഹോതി യം രൂപേ അനത്താനുപസ്സീ വിഹരേയ്യ, വേദനായ… സഞ്ഞായ… സങ്ഖാരേസു… വിഞ്ഞാണേ അനത്താനുപസ്സീ വിഹരേയ്യ. യോ രൂപേ അനത്താനുപസ്സീ വിഹരന്തോ…പേ॰… രൂപം പരിജാനാതി, വേദനം… സഞ്ഞം… സങ്ഖാരേ… വിഞ്ഞാണം പരിജാനാതി, സോ രൂപം പരിജാനം, വേദനം… സഞ്ഞം… സങ്ഖാരേ… വിഞ്ഞാണം പരിജാനം പരിമുച്ചതി രൂപമ്ഹാ, പരിമുച്ചതി വേദനായ, പരിമുച്ചതി സഞ്ഞായ, പരിമുച്ചതി സങ്ഖാരേഹി, പരിമുച്ചതി വിഞ്ഞാണമ്ഹാ, പരിമുച്ചതി ജാതിയാ ജരാമരണേന സോകേഹി പരിദേവേഹി ദുക്ഖേഹി ദോമനസ്സേഹി ഉപായാസേഹി, പരിമുച്ചതി ദുക്ഖസ്മാതി വദാമീ’’തി. ദസമം.
42. Sāvatthinidānaṃ . ‘‘Dhammānudhammappaṭipannassa, bhikkhave, bhikkhuno ayamanudhammo hoti yaṃ rūpe anattānupassī vihareyya, vedanāya… saññāya… saṅkhāresu… viññāṇe anattānupassī vihareyya. Yo rūpe anattānupassī viharanto…pe… rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti, so rūpaṃ parijānaṃ, vedanaṃ… saññaṃ… saṅkhāre… viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi, parimuccati dukkhasmāti vadāmī’’ti. Dasamaṃ.
നതുമ്ഹാകംവഗ്ഗോ ചതുത്ഥോ.
Natumhākaṃvaggo catuttho.
തസ്സുദ്ദാനം –
Tassuddānaṃ –
നതുമ്ഹാകേന ദ്വേ വുത്താ, ഭിക്ഖൂഹി അപരേ ദുവേ;
Natumhākena dve vuttā, bhikkhūhi apare duve;
ആനന്ദേന ച ദ്വേ വുത്താ, അനുധമ്മേഹി ദ്വേ ദുകാതി.
Ānandena ca dve vuttā, anudhammehi dve dukāti.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൭-൧൦. അനുധമ്മസുത്താദിവണ്ണനാ • 7-10. Anudhammasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭-൧൦. അനുധമ്മസുത്താദിവണ്ണനാ • 7-10. Anudhammasuttādivaṇṇanā
