| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. චතුත්‌ථහිතසුත්‌තං
10. Catutthahitasuttaṃ
20. ‘‘පඤ්‌චහි , භික්‌ඛවෙ, ධම්‌මෙහි සමන්‌නාගතො භික්‌ඛු අත්‌තහිතාය ච පටිපන්‌නො හොති පරහිතාය ච. කතමෙහි පඤ්‌චහි? ඉධ, භික්‌ඛවෙ, භික්‌ඛු අත්‌තනා ච සීලසම්‌පන්‌නො හොති, පරඤ්‌ච සීලසම්‌පදාය සමාදපෙති; අත්‌තනා ච සමාධිසම්‌පන්‌නො හොති, පරඤ්‌ච සමාධිසම්‌පදාය සමාදපෙති, අත්‌තනා ච පඤ්‌ඤාසම්‌පන්‌නො හොති, පරඤ්‌ච පඤ්‌ඤාසම්‌පදාය සමාදපෙති; අත්‌තනා ච විමුත්‌තිසම්‌පන්‌නො හොති, පරඤ්‌ච විමුත්‌තිසම්‌පදාය සමාදපෙති; අත්‌තනා ච විමුත්‌තිඤාණදස්‌සනසම්‌පන්‌නො හොති, පරඤ්‌ච විමුත්‌තිඤාණදස්‌සනසම්‌පදාය සමාදපෙති. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො භික්‌ඛු අත්‌තහිතාය ච පටිපන්‌නො හොති පරහිතාය චා’’ති. දසමං.
20. ‘‘Pañcahi , bhikkhave, dhammehi samannāgato bhikkhu attahitāya ca paṭipanno hoti parahitāya ca. Katamehi pañcahi? Idha, bhikkhave, bhikkhu attanā ca sīlasampanno hoti, parañca sīlasampadāya samādapeti; attanā ca samādhisampanno hoti, parañca samādhisampadāya samādapeti, attanā ca paññāsampanno hoti, parañca paññāsampadāya samādapeti; attanā ca vimuttisampanno hoti, parañca vimuttisampadāya samādapeti; attanā ca vimuttiñāṇadassanasampanno hoti, parañca vimuttiñāṇadassanasampadāya samādapeti. Imehi kho, bhikkhave, pañcahi dhammehi samannāgato bhikkhu attahitāya ca paṭipanno hoti parahitāya cā’’ti. Dasamaṃ.
බලවග්‌ගො දුතියො.
Balavaggo dutiyo.
තස්‌සුද්‌දානං –
Tassuddānaṃ –
අනනුස්‌සුතකූටඤ්‌ච, සංඛිත්‌තං විත්‌ථතෙන ච;
Ananussutakūṭañca, saṃkhittaṃ vitthatena ca;
දට්‌ඨබ්‌බඤ්‌ච පුන කූටං, චත්‌තාරොපි හිතෙන චාති.
Daṭṭhabbañca puna kūṭaṃ, cattāropi hitena cāti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 8-10. දුතියහිතසුත්‌තාදිවණ්‌ණනා • 8-10. Dutiyahitasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-10. දට්‌ඨබ්‌බසුත්‌තාදිවණ්‌ණනා • 5-10. Daṭṭhabbasuttādivaṇṇanā
