| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. சதுத்த²ஜா²னபஞ்ஹாஸுத்தங்
4. Catutthajhānapañhāsuttaṃ
335. ‘‘‘சதுத்த²ங் ஜா²னங் , சதுத்த²ங் ஜா²ன’ந்தி வுச்சதி. கதமங் நு கோ² சதுத்த²ங் ஜா²னந்தி? தஸ்ஸ மய்ஹங், ஆவுஸோ, ஏதத³ஹோஸி – ‘இத⁴ பி⁴க்கு² ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ விஹரதி. இத³ங் வுச்சதி சதுத்த²ங் ஜா²ன’ந்தி. ஸோ க்²வாஹங், ஆவுஸோ, ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ விஹராமி. தஸ்ஸ மய்ஹங், ஆவுஸோ, இமினா விஹாரேன விஹரதோ ஸுக²ஸஹக³தா ஸஞ்ஞாமனஸிகாரா ஸமுதா³சரந்தி.
335. ‘‘‘Catutthaṃ jhānaṃ , catutthaṃ jhāna’nti vuccati. Katamaṃ nu kho catutthaṃ jhānanti? Tassa mayhaṃ, āvuso, etadahosi – ‘idha bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Idaṃ vuccati catutthaṃ jhāna’nti. So khvāhaṃ, āvuso, sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharāmi. Tassa mayhaṃ, āvuso, iminā vihārena viharato sukhasahagatā saññāmanasikārā samudācaranti.
‘‘அத² கோ² மங், ஆவுஸோ, ப⁴க³வா இத்³தி⁴யா உபஸங்கமித்வா ஏதத³வோச – ‘மொக்³க³ல்லான, மொக்³க³ல்லான! மா, ப்³ராஹ்மண, சதுத்த²ங் ஜா²னங் பமாதோ³, சதுத்தே² ஜா²னே சித்தங் ஸண்ட²பேஹி, சதுத்தே² ஜா²னே சித்தங் ஏகோதி³ங் கரோஹி, சதுத்தே² ஜா²னே சித்தங் ஸமாத³ஹா’தி. ஸோ க்²வாஹங், ஆவுஸோ, அபரேன ஸமயேன ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ விஹாஸிங். யஞ்ஹி தங், ஆவுஸோ, ஸம்மா வத³மானோ வதெ³ய்ய…பே॰… மஹாபி⁴ஞ்ஞதங் பத்தோ’’தி. சதுத்த²ங்.
‘‘Atha kho maṃ, āvuso, bhagavā iddhiyā upasaṅkamitvā etadavoca – ‘moggallāna, moggallāna! Mā, brāhmaṇa, catutthaṃ jhānaṃ pamādo, catutthe jhāne cittaṃ saṇṭhapehi, catutthe jhāne cittaṃ ekodiṃ karohi, catutthe jhāne cittaṃ samādahā’ti. So khvāhaṃ, āvuso, aparena samayena sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja vihāsiṃ. Yañhi taṃ, āvuso, sammā vadamāno vadeyya…pe… mahābhiññataṃ patto’’ti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-8. பட²மஜா²னபஞ்ஹாஸுத்தாதி³வண்ணனா • 1-8. Paṭhamajhānapañhāsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-8. பட²மஜ்ஜா²னபஞ்ஹஸுத்தாதி³வண்ணனா • 1-8. Paṭhamajjhānapañhasuttādivaṇṇanā
