| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
жад̇уд̇т̇аж̇жхаанагат̇аа
Catutthajjhānakathā
‘‘буб̣б̣зваа’’д̇и вуд̇д̇ад̇д̇аа ‘‘гад̣̇аа бана нзсам̣ бахаанам̣ ход̇ий’’д̇и жод̣̇анам̣ самудтаабзд̇ваа ааха ‘‘жад̇уннам̣ жхаанаанам̣ убажаарагкан̣з’’д̇и. звам̣ взд̣̇ид̇аб̣б̣анд̇и самб̣анд̇хо. бахаанаггамзна авуд̇д̇аананд̇и зд̇т̇а бахаанаггамо наама бахааяагад̇хаммаанам̣ уббад̇д̇ибадибаади. д̇зна бана вужжамаанз ‘‘д̣̇угкам̣ д̣̇оманассам̣ сукам̣ соманасса’’нд̇и вад̇д̇аб̣б̣ам̣ сияаа, гасмаа ид̇о ан̃н̃ат̇аа важананд̇и ааха ‘‘инд̣̇рияавибхан̇г̇з’’д̇иаад̣̇и . уд̣̇д̣̇зсаггамзнаад̇и ‘‘сукинд̣̇рияам̣ д̣̇угкинд̣̇рияам̣ соманассинд̣̇рияам̣ д̣̇оманассинд̣̇рияа’’нд̇и звам̣ бавад̇д̇ауд̣̇д̣̇зсаггамзна.
‘‘Pubbevā’’ti vuttattā ‘‘kadā pana nesaṃ pahānaṃ hotī’’ti codanaṃ samuṭṭhāpetvā āha ‘‘catunnaṃ jhānānaṃ upacārakkhaṇe’’ti. Evaṃ veditabbanti sambandho. Pahānakkamena avuttānanti ettha pahānakkamo nāma pahāyakadhammānaṃ uppattipaṭipāṭi. Tena pana vuccamāne ‘‘dukkhaṃ domanassaṃ sukhaṃ somanassa’’nti vattabbaṃ siyā, kasmā ito aññathā vacananti āha ‘‘indriyavibhaṅge’’tiādi . Uddesakkamenāti ‘‘sukhindriyaṃ dukkhindriyaṃ somanassindriyaṃ domanassindriya’’nti evaṃ pavattauddesakkamena.
ат̇а гасмаа жхаанзсвзва нирод̇хо вуд̇д̇од̇и самб̣анд̇хо. гад̇т̇а жуббаннам̣ д̣̇угкинд̣̇рияанд̇и ад̇д̇ано бажжаязхи уббаннам̣ авигкамбхид̇ам̣ д̣̇угкинд̣̇рияам̣. гад̇т̇а жа абарисзсам̣ нируж̇жхад̇ийд̇и нирод̇хадтаанам̣ нирод̇хагааран̣ам̣ бужчад̇и. д̇зна гад̇т̇аад̇и бужчааяа зд̇т̇аад̇и виссаж̇ж̇анзби хзд̇умхи бхуммаважанам̣ д̣̇адтаб̣б̣ам̣. жхаанаанубхааванимид̇д̇ан̃хи ануббаж̇ж̇анд̇ам̣ д̣̇угкинд̣̇рияам̣ абарисзсам̣ нируж̇жхад̇ийд̇и вуд̇д̇ам̣. ад̇исаяанирод̇хо судту бахаанам̣ уж̇убадибагкзна вуубасамо. нирод̇хо бахаанамад̇д̇ам̣. наанааваж̇ж̇анзд̇и язна ааваж̇ж̇анзна аббанаавийт̇и, д̇ад̇о бхиннааваж̇ж̇анз анзгааваж̇ж̇анз ваа. аббанаавийт̇ияан̃хи убажааро згааваж̇ж̇ано, ид̇аро анзгааваж̇ж̇ано анзгагкад̇д̇ум̣ бавад̇д̇анад̇о. висаманисаж̇ж̇ааяа уббаннагиламат̇о висамаасанубад̇аабо. бийд̇ипаран̣знаад̇и бийд̇ияаа паран̣арасад̇д̇аа бийд̇исамудтаанаанам̣ ваа бан̣ийд̇аруубаанам̣ гааяасса б̣яаабанад̇о вуд̇д̇ам̣. д̇знааха ‘‘саб̣б̣о гааяо сукогганд̇о ход̇ий’’д̇и. бан̣ийд̇аруубапудтасарийрасса сукогганд̇агааяад̇д̇аа гуд̇о д̣̇угкуббад̇д̇и висамаасанубад̇аабаад̣̇инаад̇и ааха ‘‘бадибагкзна авихад̇ад̇д̇аа’’д̇и. вид̇аггавижаарабажжаязбийд̇и би-сад̣̇д̣̇о адтаанаббаяуд̇д̇о, со ‘‘бахийнассаа’’д̇и зд̇т̇а аанзд̇ваа самб̣анд̇хид̇аб̣б̣о. бахийнассаби д̣̇оманассинд̣̇рияассаад̇и ид̣̇ан̃жа ‘‘сияаа уббад̇д̇ий’’д̇и иминаа самб̣анд̇хид̇аб̣б̣ам̣. зд̇анд̇и д̣̇оманассинд̣̇рияам̣. ‘‘уббаж̇ж̇ад̇ий’’д̇и иминаа самб̣анд̇хо. ‘‘д̇асса маяхам̣ ад̇ижирам̣ вид̇аггаяад̇о вижаараяад̇о гааяоби гилами, жид̇д̇амби уухан̃н̃ий’’д̇и важанад̇о гааяажид̇д̇акзд̣̇аанам̣ вид̇аггавижаарабажжаяад̇аа взд̣̇ид̇аб̣б̣аа. вид̇аггавижаарабхаавзд̇и зд̇т̇а ‘‘уббаж̇ж̇ад̇и д̣̇оманассинд̣̇рияа’’нд̇и аанзд̇ваа самб̣анд̇хид̇аб̣б̣ам̣. д̇ад̇т̇асса сияаа уббад̇д̇ийд̇и д̇ад̇т̇а д̣̇уд̇ияаж̇жхаануубажаарз асса бахийнассаби д̣̇оманассинд̣̇рияасса уббад̇д̇и бхавзяяа.
Atha kasmā jhānesveva nirodho vuttoti sambandho. Kattha cuppannaṃ dukkhindriyanti attano paccayehi uppannaṃ avikkhambhitaṃ dukkhindriyaṃ. Kattha ca aparisesaṃ nirujjhatīti nirodhaṭṭhānaṃ nirodhakāraṇaṃ pucchati. Tena katthāti pucchāya etthāti vissajjanepi hetumhi bhummavacanaṃ daṭṭhabbaṃ. Jhānānubhāvanimittañhi anuppajjantaṃ dukkhindriyaṃ aparisesaṃ nirujjhatīti vuttaṃ. Atisayanirodho suṭṭhu pahānaṃ ujupaṭipakkhena vūpasamo. Nirodho pahānamattaṃ. Nānāvajjaneti yena āvajjanena appanāvīthi, tato bhinnāvajjane anekāvajjane vā. Appanāvīthiyañhi upacāro ekāvajjano, itaro anekāvajjano anekakkhattuṃ pavattanato. Visamanisajjāya uppannakilamatho visamāsanupatāpo. Pītipharaṇenāti pītiyā pharaṇarasattā pītisamuṭṭhānānaṃ vā paṇītarūpānaṃ kāyassa byāpanato vuttaṃ. Tenāha ‘‘sabbo kāyo sukhokkanto hotī’’ti. Paṇītarūpaphuṭṭhasarīrassa sukhokkantakāyattā kuto dukkhuppatti visamāsanupatāpādināti āha ‘‘paṭipakkhena avihatattā’’ti. Vitakkavicārapaccayepīti pi-saddo aṭṭhānappayutto, so ‘‘pahīnassā’’ti ettha ānetvā sambandhitabbo. Pahīnassapi domanassindriyassāti idañca ‘‘siyā uppattī’’ti iminā sambandhitabbaṃ. Etanti domanassindriyaṃ. ‘‘Uppajjatī’’ti iminā sambandho. ‘‘Tassa mayhaṃ aticiraṃ vitakkayato vicārayato kāyopi kilami, cittampi ūhaññī’’ti vacanato kāyacittakhedānaṃ vitakkavicārapaccayatā veditabbā. Vitakkavicārabhāveti ettha ‘‘uppajjati domanassindriya’’nti ānetvā sambandhitabbaṃ. Tatthassa siyā uppattīti tattha dutiyajjhānūpacāre assa pahīnassapi domanassindriyassa uppatti bhaveyya.
зд̇т̇а жа яад̣̇згз вад̣̇анд̇и ‘‘д̇ад̇т̇асса сияаа уббад̇д̇ийд̇и вад̣̇анд̇зна жхааналаабхийнамби д̣̇оманассуббад̇д̇и ад̇т̇ийд̇и д̣̇ассид̇ам̣ ход̇и, д̇зна жа анийваран̣асабхааво лобхо вияа д̣̇особи ад̇т̇ийд̇и д̣̇ийбзд̇и. на хи д̣̇осзна винаа д̣̇оманассам̣ бавад̇д̇ад̇и, на жзд̇т̇а бадтаанабаал̣ияаа вирод̇хо жинд̇зд̇аб̣б̣о. яасмаа д̇ад̇т̇а барихийнаж̇жхаанам̣ аарамман̣ам̣ гад̇ваа бавад̇д̇амаанам̣ д̣̇оманассам̣ д̣̇ассид̇ам̣, абарихийнаж̇жхаанам̣ аарамман̣ам̣ гад̇ваа уббаж̇ж̇амаанасса д̣̇оманассасса асамбхавад̇о жхааналаабхийнам̣ саб̣б̣асо д̣̇оманассам̣ нуббаж̇ж̇ад̇ийд̇и жа на саггаа вад̇д̇ум̣ адтасамаабад̇д̇илаабхино аби д̇асса уббаннад̇д̇аа, на хзва ко со барихийнаж̇жхаано ахосий’’д̇и, д̇ам̣ аяуд̇д̇ам̣ анийваран̣асабхаавасса д̣̇оманассасса абхаавад̇о. яад̣̇и сияаа, руубааруубааважарасад̇д̇аанамби уббаж̇ж̇зяяа, на жа уббаж̇ж̇ад̇и. д̇ат̇аа хи ааруббз гаамажчанд̣̇анийваран̣ам̣ бадижжа т̇инамид̣̇д̇ханийваран̣ам̣ уд̣̇д̇хажжанийваран̣ам̣ авиж̇ж̇аанийваран̣анд̇иаад̣̇ийсу б̣яаабаад̣̇агуггужжанийваран̣аани ануд̣̇д̇хадаани, на жзд̇т̇а анийваран̣ад̇аабарияааяо гаамажчанд̣̇аад̣̇ийнамби анийваран̣аанам̣язва нийваран̣асад̣̇исад̇ааяа нийваран̣абарияааяасса вуд̇д̇ад̇д̇аа. яам̣ бана вуд̇д̇ам̣ ‘‘адтасамаабад̇д̇илаабхино аби д̇асса уббаннад̇д̇аа’’д̇и, д̇амби агааран̣ам̣ уббаж̇ж̇амаанзна жа д̣̇оманассзна жхаанад̇о барихааяанад̇о. лахугзна бана бажжаязна барихийнам̣ д̇аад̣̇исаа нам̣ аббагасирзнзва бадибаагад̇игам̣ гаронд̇ийд̇и д̣̇адтаб̣б̣ам̣. ‘‘д̇ад̇т̇асса сияаа уббад̇д̇ий’’д̇и ид̣̇ам̣ бана баригаббанаважанам̣ убажаарагкан̣з д̣̇оманассасса аббахийнабхаавад̣̇ассанад̇т̇ам̣. д̇ат̇аа хи вуд̇д̇ам̣ ‘‘на д̇взва анд̇оаббанааяа’’нд̇и. яад̣̇и бана д̇ад̣̇аа д̣̇оманассам̣ уббаж̇ж̇зяяа, батамаж̇жхаанамбисса барихийнамзваад̇и д̣̇адтаб̣б̣ам̣. бахийнамби соманассинд̣̇рияам̣ бийд̇и вияа на д̣̇уурзд̇и гад̇ваа ‘‘аасаннад̇д̇аа’’д̇и вуд̇д̇ам̣. наанааваж̇ж̇ануубажаарз бахийнамби бахаанан̇г̇ам̣ бадибагкзна авихад̇ад̇д̇аа анд̇аранд̇араа уббаж̇ж̇зяяа ваад̇и имамад̇т̇ам̣ д̣̇ассзнд̇о ‘‘аббанааббад̇д̇ааяаа’’д̇иаад̣̇имааха. д̇аад̣̇исааяа аасзванааяа ижчид̇аб̣б̣ад̇д̇аа яат̇аа маг̇г̇авийт̇ид̇о буб̣б̣з д̣̇вз д̇аяо ж̇аванаваараа сад̣̇исаанубассанаава бавад̇д̇анд̇и, звамид̇хааби аббанааваарад̇о буб̣б̣з д̣̇вз д̇аяо ж̇аванаваараа убзгкаасахаг̇ад̇аава бавад̇д̇анд̇ийд̇и вад̣̇анд̇и.
Ettha ca yadeke vadanti ‘‘tatthassa siyā uppattīti vadantena jhānalābhīnampi domanassuppatti atthīti dassitaṃ hoti, tena ca anīvaraṇasabhāvo lobho viya dosopi atthīti dīpeti. Na hi dosena vinā domanassaṃ pavattati, na cettha paṭṭhānapāḷiyā virodho cintetabbo. Yasmā tattha parihīnajjhānaṃ ārammaṇaṃ katvā pavattamānaṃ domanassaṃ dassitaṃ, aparihīnajjhānaṃ ārammaṇaṃ katvā uppajjamānassa domanassassa asambhavato jhānalābhīnaṃ sabbaso domanassaṃ nuppajjatīti ca na sakkā vattuṃ aṭṭhasamāpattilābhino api tassa uppannattā, na heva kho so parihīnajjhāno ahosī’’ti, taṃ ayuttaṃ anīvaraṇasabhāvassa domanassassa abhāvato. Yadi siyā, rūpārūpāvacarasattānampi uppajjeyya, na ca uppajjati. Tathā hi āruppe kāmacchandanīvaraṇaṃ paṭicca thinamiddhanīvaraṇaṃ uddhaccanīvaraṇaṃ avijjānīvaraṇantiādīsu byāpādakukkuccanīvaraṇāni anuddhaṭāni, na cettha anīvaraṇatāpariyāyo kāmacchandādīnampi anīvaraṇānaṃyeva nīvaraṇasadisatāya nīvaraṇapariyāyassa vuttattā. Yaṃ pana vuttaṃ ‘‘aṭṭhasamāpattilābhino api tassa uppannattā’’ti, tampi akāraṇaṃ uppajjamānena ca domanassena jhānato parihāyanato. Lahukena pana paccayena parihīnaṃ tādisā naṃ appakasireneva paṭipākatikaṃ karontīti daṭṭhabbaṃ. ‘‘Tatthassa siyā uppattī’’ti idaṃ pana parikappanavacanaṃ upacārakkhaṇe domanassassa appahīnabhāvadassanatthaṃ. Tathā hi vuttaṃ ‘‘na tveva antoappanāya’’nti. Yadi pana tadā domanassaṃ uppajjeyya, paṭhamajjhānampissa parihīnamevāti daṭṭhabbaṃ. Pahīnampi somanassindriyaṃ pīti viya na dūreti katvā ‘‘āsannattā’’ti vuttaṃ. Nānāvajjanūpacāre pahīnampi pahānaṅgaṃ paṭipakkhena avihatattā antarantarā uppajjeyya vāti imamatthaṃ dassento ‘‘appanāppattāyā’’tiādimāha. Tādisāya āsevanāya icchitabbattā yathā maggavīthito pubbe dve tayo javanavārā sadisānupassanāva pavattanti, evamidhāpi appanāvārato pubbe dve tayo javanavārā upekkhāsahagatāva pavattantīti vadanti.
самаахарийд̇и самаанзси, сан̇г̇ахзд̇ваа абхаасийд̇и ад̇т̇о. сукумаад̇и сукад̣̇угкаани вияа анол̣ааригад̇д̇аа авибхууд̇ад̇ааяа сукумаа, д̇ад̇о зва ануминид̇аб̣б̣асабхаавад̇д̇аа д̣̇уб̣б̣ин̃н̃зяяаа. д̣̇удтассаад̇и д̣̇удтабаяог̇асса, д̣̇уд̣̇д̣̇амассаад̇и ад̇т̇о. саггаа ход̇и зсаа г̇аахаяид̇унд̇и ан̃н̃аабохананаязна саггаа г̇аахаяид̇унд̇и ад̇хиббааяо. ад̣̇угкамасукааяа жзд̇овимуд̇д̇ияаад̇и ид̣̇амзва жад̇уд̇т̇ам̣ жхаанам̣ д̣̇адтаб̣б̣ам̣. бажжаяад̣̇ассанад̇т̇анд̇и ад̇хиг̇амасса убааяабхууд̇абажжаяад̣̇ассанад̇т̇ам̣. д̇знааха ‘‘д̣̇угкаббахаанаад̣̇аяо хи д̇ассаа бажжаяаа’’д̇и. д̣̇угкаббахаанаад̣̇аяод̇и жа собажаараа батамаж̇жхаанаад̣̇аяовзд̇т̇а ад̇хиббзд̇аа. бахийнаад̇и вуд̇д̇аад̇и ‘‘бан̃жаннам̣ орамбхааг̇ияаанам̣ сам̣яож̇анаанам̣ баригкаяаа’’д̇и (ма. ни. 3.147; сам̣. ни. 5.1021) вуд̇д̇ад̇д̇аа. зд̇аад̇и сукаад̣̇аяо взд̣̇анаа. сукам̣ соманассасса бажжаяод̇и васанаг̇анд̇хаалзбанабубпаабхаран̣асамаалзбанаад̣̇иниб̣б̣ад̇д̇ам̣ гааяигасукам̣ соманассасса бажжаяо. ‘‘сукааяа ко, аавусо висаака взд̣̇анааяа, рааг̇аанусаяо анусзд̇ий’’д̇и (ма. ни. 1.465) важанад̇о ааха ‘‘соманассам̣ рааг̇асса бажжаяо’’д̇и. ‘‘д̣̇угкааяа ко, аавусо висаака, взд̣̇анааяа бадигхаанусаяо анусзд̇ий’’д̇и важанад̇о вуд̇д̇ам̣ ‘‘д̣̇оманассам̣ д̣̇осасса бажжаяо’’д̇и. сукаад̣̇игхаад̇знаад̇и сукаад̣̇ийнам̣ бахаанзна.
Samāharīti samānesi, saṅgahetvā abhāsīti attho. Sukhumāti sukhadukkhāni viya anoḷārikattā avibhūtatāya sukhumā, tato eva anuminitabbasabhāvattā dubbiññeyyā. Duṭṭhassāti duṭṭhapayogassa, duddamassāti attho. Sakkā hoti esā gāhayitunti aññāpohananayena sakkā gāhayitunti adhippāyo. Adukkhamasukhāya cetovimuttiyāti idameva catutthaṃ jhānaṃ daṭṭhabbaṃ. Paccayadassanatthanti adhigamassa upāyabhūtapaccayadassanatthaṃ. Tenāha ‘‘dukkhappahānādayo hi tassā paccayā’’ti. Dukkhappahānādayoti ca sopacārā paṭhamajjhānādayovettha adhippetā. Pahīnāti vuttāti ‘‘pañcannaṃ orambhāgiyānaṃ saṃyojanānaṃ parikkhayā’’ti (ma. ni. 3.147; saṃ. ni. 5.1021) vuttattā. Etāti sukhādayo vedanā. Sukhaṃsomanassassa paccayoti vasanagandhālepanapupphābharaṇasamālepanādinibbattaṃ kāyikasukhaṃ somanassassa paccayo. ‘‘Sukhāya kho, āvuso visākha vedanāya, rāgānusayo anusetī’’ti (ma. ni. 1.465) vacanato āha ‘‘somanassaṃ rāgassa paccayo’’ti. ‘‘Dukkhāya kho, āvuso visākha, vedanāya paṭighānusayo anusetī’’ti vacanato vuttaṃ ‘‘domanassaṃ dosassa paccayo’’ti. Sukhādighātenāti sukhādīnaṃ pahānena.
ад̣̇угкамасуканд̇и зд̇т̇а на д̣̇угканд̇и ад̣̇угкам̣, д̣̇угкавид̣̇уурам̣. яасмаа д̇ад̇т̇а д̣̇угкам̣ над̇т̇и, д̇асмаа вуд̇д̇ам̣ ‘‘д̣̇угкаабхаавзнаа’’д̇и. асуканд̇и зд̇т̇ааби зсзва наяо. зд̇знаад̇и д̣̇угкасукабадигкзбаважанзна. бадибагкабхууд̇анд̇и ид̣̇ам̣ ид̇ха д̇ад̇ияавзд̣̇анааяа д̣̇угкаад̣̇ийнам̣ самад̇иггамавасзна бад̇д̇аб̣б̣ад̇д̇аа вуд̇д̇ам̣, на гусалаагусалаанам̣ вияа уж̇увибажжанийгад̇ааяа. идтаанидтавибарийд̇аанубхаваналагкан̣аад̇и идтаанидтавибарийд̇асса маж̇жхад̇д̇аарамман̣асса, идтаанидтавибарийд̇ам̣ ваа маж̇жхад̇д̇аагаарзна анубхаваналагкан̣аа. д̇ад̇о зва маж̇жхад̇д̇арасаа. авибхууд̇абажжубадтаанаад̇и сукад̣̇угкаани вияа на вибхууд̇аагаараа бидтибаасаан̣з миг̇аг̇ад̇амаг̇г̇о вияа д̇зхи анумаад̇аб̣б̣аавибхууд̇аагааробадтаанаа. суканирод̇хо наама ид̇ха жад̇уд̇т̇аж̇жхаануубажааро, со бад̣̇адтаанам̣ зд̇иссаад̇и суканирод̇хабад̣̇адтаанаа. убзгкаасад̇ибаарисуд̣̇д̇хинд̇и буримабад̣̇з уд̇д̇арабад̣̇алобзнзд̇ам̣ самаасабад̣̇анд̇и ааха ‘‘убзгкааяа ж̇анид̇асад̇ибаарисуд̣̇д̇хи’’нд̇и. саб̣б̣абажжанийгад̇хаммабарисуд̣̇д̇хааяа бажжанийгасаманзби аб̣яаавадааяа баарисуд̣̇д̇хубзгкааяа вад̇д̇амаанааяа жад̇уд̇т̇аж̇жхаанз сад̇и самбахам̣санабан̃н̃аа вияа субарисуд̣̇д̇хаа сувисад̣̇аа жа ход̇ийд̇и ааха ‘‘сад̇ияаа баарисуд̣̇д̇хи, саа убзгкааяа гад̇аа на ан̃н̃знаа’’д̇и. яад̣̇и д̇ад̇рамаж̇жхад̇д̇ад̇аа ид̇ха ‘‘убзгкаа’’д̇и ад̇хиббзд̇аа, гат̇ам̣ сад̇иязва баарисуд̣̇д̇хаад̇и вуд̇д̇аад̇и ааха ‘‘на гзвала’’нд̇иаад̣̇и. сад̇исийсзнаад̇и сад̇им̣ уд̇д̇аман̇г̇ам̣ гад̇ваа, бад̇хаанам̣ гад̇ваад̇и вуд̇д̇ам̣ ход̇и.
Adukkhamasukhanti ettha na dukkhanti adukkhaṃ, dukkhavidūraṃ. Yasmā tattha dukkhaṃ natthi, tasmā vuttaṃ ‘‘dukkhābhāvenā’’ti. Asukhanti etthāpi eseva nayo. Etenāti dukkhasukhapaṭikkhepavacanena. Paṭipakkhabhūtanti idaṃ idha tatiyavedanāya dukkhādīnaṃ samatikkamavasena pattabbattā vuttaṃ, na kusalākusalānaṃ viya ujuvipaccanīkatāya. Iṭṭhāniṭṭhaviparītānubhavanalakkhaṇāti iṭṭhāniṭṭhaviparītassa majjhattārammaṇassa, iṭṭhāniṭṭhaviparītaṃ vā majjhattākārena anubhavanalakkhaṇā. Tato eva majjhattarasā. Avibhūtapaccupaṭṭhānāti sukhadukkhāni viya na vibhūtākārā piṭṭhipāsāṇe migagatamaggo viya tehi anumātabbāvibhūtākāropaṭṭhānā. Sukhanirodho nāma idha catutthajjhānūpacāro, so padaṭṭhānaṃ etissāti sukhanirodhapadaṭṭhānā. Upekkhāsatipārisuddhinti purimapade uttarapadalopenetaṃ samāsapadanti āha ‘‘upekkhāya janitasatipārisuddhi’’nti. Sabbapaccanīkadhammaparisuddhāya paccanīkasamanepi abyāvaṭāya pārisuddhupekkhāya vattamānāya catutthajjhāne sati sampahaṃsanapaññā viya suparisuddhā suvisadā ca hotīti āha ‘‘satiyā pārisuddhi, sā upekkhāya katā na aññenā’’ti. Yadi tatramajjhattatā idha ‘‘upekkhā’’ti adhippetā, kathaṃ satiyeva pārisuddhāti vuttāti āha ‘‘na kevala’’ntiādi. Satisīsenāti satiṃ uttamaṅgaṃ katvā, padhānaṃ katvāti vuttaṃ hoti.
звамаби гасмаа ид̇хзва сад̇и ‘‘убзгкаасад̇ибаарисуд̣̇д̇хий’’д̇и вуд̇д̇аад̇и ануяог̇ам̣ санд̇хааяа ‘‘д̇ад̇т̇а гин̃жаабий’’д̇иаад̣̇и вуд̇д̇ам̣. д̇ад̇т̇а хздтаа д̇ийсу жхаанзсу виж̇ж̇амаанааяаби д̇ад̇рамаж̇жхад̇д̇ад̇ааяа бажжанийгаабхибхаванад̇о сахааяабажжаяавзгаллад̇о жа абаарисуд̣̇д̇хи, д̇ат̇аа д̇ам̣самбаяуд̇д̇аанам̣ д̇ад̣̇абхаавад̇о ид̇ха баарисуд̣̇д̇хийд̇и имамад̇т̇ам̣ убамаавасзна д̣̇ассзд̇ум̣ ‘‘яат̇аа банаа’’д̇иаад̣̇и вуд̇д̇ам̣. суурияаббабхаабхибхаваад̇и суурияаббабхааяа абхибхуяяамаанад̇д̇аа. ад̇игкад̇ааяа жанд̣̇алзкаа вияа рад̇д̇иби соммасабхааваа сабхааг̇ааяа рад̇д̇ияамзва жа жанд̣̇алзкаа самуж̇ж̇алад̇ийд̇и саа д̇ассаа сан̇г̇аяхад̇ийд̇и д̣̇ассзнд̇о ‘‘соммабхаавзна жа ад̇д̇ано убагаарагад̇д̇зна ваа сабхааг̇ааяа рад̇д̇ияаа’’д̇и ааха. сзсамзд̇т̇а уд̇д̇аанад̇т̇амзва.
Evamapi kasmā idheva sati ‘‘upekkhāsatipārisuddhī’’ti vuttāti anuyogaṃ sandhāya ‘‘tattha kiñcāpī’’tiādi vuttaṃ. Tattha heṭṭhā tīsu jhānesu vijjamānāyapi tatramajjhattatāya paccanīkābhibhavanato sahāyapaccayavekallato ca apārisuddhi, tathā taṃsampayuttānaṃ tadabhāvato idha pārisuddhīti imamatthaṃ upamāvasena dassetuṃ ‘‘yathā panā’’tiādi vuttaṃ. Sūriyappabhābhibhavāti sūriyappabhāya abhibhuyyamānattā. Atikkhatāya candalekhā viya rattipi sommasabhāvā sabhāgāya rattiyameva ca candalekhā samujjalatīti sā tassā saṅgayhatīti dassento ‘‘sommabhāvena ca attano upakārakattena vā sabhāgāya rattiyā’’ti āha. Sesamettha uttānatthameva.
жад̇уд̇т̇аж̇жхаанагат̇аа нидтид̇аа.
Catutthajjhānakathā niṭṭhitā.
