| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
жад̇уд̇т̇аж̇жхаанагат̇ааван̣н̣анаа
Catutthajjhānakathāvaṇṇanā
гад̇т̇а жуббаннанд̇и зд̇т̇а гад̇т̇аад̇и хзд̇умхи бхуммам̣, гасмим̣ хзд̇умхи сад̇ийд̇и ад̇т̇о. наанааваж̇ж̇анзд̇и аббанаавийт̇иааваж̇ж̇анад̇о наанаа бхиннам̣ буримавийт̇ийсу ааваж̇ж̇анам̣ яасса убажаарасса, д̇асмим̣ наанааваж̇ж̇анз. висаманисаж̇ж̇ааяа уббаннагиламат̇о висамаасанубад̇аабо. убажаарз ваад̇иаад̣̇и багканд̇арад̣̇ассанам̣ згааваж̇ж̇ануубажаарзби ваад̇и ад̇т̇о. бийд̇ипаран̣знаад̇и иминаа аббанаавийт̇ияаа вияа згавийт̇ияамби гаамааважарабийд̇ияаа паран̣амад̇д̇асса абхаавам̣ д̣̇ассзд̇и. д̣̇оманассинд̣̇рияасса асса сияаа уббад̇д̇ийд̇и самб̣анд̇хо. зд̇анд̇и д̣̇оманассинд̣̇рияам̣ уббаж̇ж̇ад̇ийд̇и самб̣анд̇хо. вид̇аггавижаараббажжаязбийд̇и би-сад̣̇д̣̇о адтаанаббаяуд̇д̇о. со ‘‘бахийнассаа’’д̇и хздтаа вуд̇д̇абад̣̇аананд̇арам̣ яож̇зд̇аб̣б̣о ‘‘бахийнассааби д̣̇оманассинд̣̇рияассаа’’д̇и. вид̇аггавижаарабхаавзд̇и зд̇т̇а ‘‘уббаж̇ж̇ад̇и д̣̇оманассинд̣̇рияа’’нд̇и аанзд̇ваа самб̣анд̇хид̇аб̣б̣ам̣. нимид̇д̇ад̇т̇з жзд̇ам̣ бхуммам̣, вид̇аггавижаарабхаавахзд̇ууд̇и ад̇т̇о. вид̇аггавижаараад̇и зд̇т̇а ид̇и-сад̣̇д̣̇о д̇асмаад̇и зд̇асмим̣ ад̇т̇з д̣̇адтаб̣б̣о, д̇зна яасмаа зд̇ам̣ д̣̇оманассинд̣̇рияам̣ вид̇аггавижаарабажжаяз…бз… нзва уббаж̇ж̇ад̇и, яад̇т̇а бана уббаж̇ж̇ад̇и, д̇ад̇т̇а вид̇аггавижаарабхаавзязва уббаж̇ж̇ад̇и. яасмаа жа аббахийнааязва д̣̇уд̇ияаж̇жхаануубажаарз вид̇аггавижаараа, д̇асмаа д̇ад̇т̇асса сияаа уббад̇д̇ийд̇и звамзд̇т̇а яож̇анаа взд̣̇ид̇аб̣б̣аа.
Kattha cuppannanti ettha katthāti hetumhi bhummaṃ, kasmiṃ hetumhi satīti attho. Nānāvajjaneti appanāvīthiāvajjanato nānā bhinnaṃ purimavīthīsu āvajjanaṃ yassa upacārassa, tasmiṃ nānāvajjane. Visamanisajjāya uppannakilamatho visamāsanupatāpo. Upacāre vātiādi pakkhantaradassanaṃ ekāvajjanūpacārepi vāti attho. Pītipharaṇenāti iminā appanāvīthiyā viya ekavīthiyampi kāmāvacarapītiyā pharaṇamattassa abhāvaṃ dasseti. Domanassindriyassa assa siyā uppattīti sambandho. Etanti domanassindriyaṃ uppajjatīti sambandho. Vitakkavicārappaccayepīti pi-saddo aṭṭhānappayutto. So ‘‘pahīnassā’’ti heṭṭhā vuttapadānantaraṃ yojetabbo ‘‘pahīnassāpi domanassindriyassā’’ti. Vitakkavicārabhāveti ettha ‘‘uppajjati domanassindriya’’nti ānetvā sambandhitabbaṃ. Nimittatthe cetaṃ bhummaṃ, vitakkavicārabhāvahetūti attho. Vitakkavicārāti ettha iti-saddo tasmāti etasmiṃ atthe daṭṭhabbo, tena yasmā etaṃ domanassindriyaṃ vitakkavicārapaccaye…pe… neva uppajjati, yattha pana uppajjati, tattha vitakkavicārabhāveyeva uppajjati. Yasmā ca appahīnāyeva dutiyajjhānūpacāre vitakkavicārā, tasmā tatthassa siyā uppattīti evamettha yojanā veditabbā.
д̇ад̇т̇аад̇и д̣̇уд̇ияаж̇жхаануубажаарз. ассаад̇и д̣̇оманассинд̣̇рияасса. сияаа уббад̇д̇ийд̇и ид̣̇ан̃жа бажжаяамад̇д̇ад̣̇ассанзна самбхааванамад̇д̇ад̇о вуд̇д̇ам̣. д̣̇оманассуббад̇д̇исамбхааванааби хи убажаарагкан̣зязва гаад̇ум̣ яуд̇д̇аа, вид̇аггавижаарарахид̇з бана д̣̇уд̇ияаж̇жхаанагкан̣з д̇ад̣̇уббад̇д̇исамбхааванааби на яуд̇д̇аа гаад̇унд̇и. ид̇арат̇аа гусалажид̇д̇агкан̣з агусалад̣̇оманассуббад̇д̇ияаа асамбхавад̇о ‘‘д̇ад̇т̇асса сияаа уббад̇д̇ий’’д̇и на вад̇д̇аб̣б̣ам̣ сияаа. самийбад̇т̇з ваа зд̇ам̣ бхуммам̣, убажаараж̇жхаанаананд̇аравийт̇ийсууд̇и ад̇т̇о. д̣̇уд̇ияаж̇жхаанзд̇и зд̇т̇ааби ананд̇аравийт̇ийсуби на д̇взва уббаж̇ж̇ад̇ийд̇и ад̇т̇о, звам̣ убари сукинд̣̇риязби. соманассинд̣̇рияасса уббад̇д̇ийд̇и самб̣анд̇хо. бахийнаад̇и вуд̇д̇аад̇и ид̣̇ам̣ ‘‘бан̃жаннам̣ орамбхааг̇ияаанам̣ сам̣яож̇анаанам̣ баригкаяаа’’д̇и вуд̇д̇ад̇д̇аа вуд̇д̇ам̣. д̣̇угкаабхаавзнаад̇и д̣̇угкад̇аабхаавзна. звам̣ сукаабхаавзнаад̇и зд̇т̇ааби. зд̇знаад̇и д̣̇угкасукабадигкзбаважанзна. идтаанидтавибарийд̇аанубхаваналагкан̣аад̇и ад̇иидтаад̇ианидтаанам̣ вибарийд̇асса маж̇жхад̇д̇аарамман̣асса анубхаваналагкан̣аа, маж̇жхад̇д̇аарамман̣амби хи идтаанидтзсу зва бавидтам̣ д̇аб̣б̣инимуд̇д̇асса абхааваа.
Tatthāti dutiyajjhānūpacāre. Assāti domanassindriyassa. Siyā uppattīti idañca paccayamattadassanena sambhāvanamattato vuttaṃ. Domanassuppattisambhāvanāpi hi upacārakkhaṇeyeva kātuṃ yuttā, vitakkavicārarahite pana dutiyajjhānakkhaṇe taduppattisambhāvanāpi na yuttā kātunti. Itarathā kusalacittakkhaṇe akusaladomanassuppattiyā asambhavato ‘‘tatthassa siyā uppattī’’ti na vattabbaṃ siyā. Samīpatthe vā etaṃ bhummaṃ, upacārajjhānānantaravīthīsūti attho. Dutiyajjhāneti etthāpi anantaravīthīsupi na tveva uppajjatīti attho, evaṃ upari sukhindriyepi. Somanassindriyassa uppattīti sambandho. Pahīnāti vuttāti idaṃ ‘‘pañcannaṃ orambhāgiyānaṃ saṃyojanānaṃ parikkhayā’’ti vuttattā vuttaṃ. Dukkhābhāvenāti dukkhatābhāvena. Evaṃ sukhābhāvenāti etthāpi. Etenāti dukkhasukhapaṭikkhepavacanena. Iṭṭhāniṭṭhaviparītānubhavanalakkhaṇāti atiiṭṭhaatianiṭṭhānaṃ viparītassa majjhattārammaṇassa anubhavanalakkhaṇā, majjhattārammaṇampi hi iṭṭhāniṭṭhesu eva paviṭṭhaṃ tabbinimuttassa abhāvā.
жхаанажад̇уггагат̇ааван̣н̣анаанаяо нидтид̇о.
Jhānacatukkakathāvaṇṇanānayo niṭṭhito.
