| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
4. жад̇уд̇т̇анаяо сан̇г̇ахид̇знасан̇г̇ахид̇абад̣̇аван̣н̣анаа
4. Catutthanayo saṅgahitenasaṅgahitapadavaṇṇanā
191. сан̇г̇ахид̇знасан̇г̇ахид̇абад̣̇анид̣̇д̣̇зсз яасмаа яат̇аа д̣̇уд̇ияад̇ад̇ияанаяаа д̇ин̣н̣ам̣ сан̇г̇ахаанам̣ сан̇г̇ахан̣аасан̇г̇ахан̣аббавад̇д̇ивисзсзна ‘‘сан̇г̇ахид̇зна асан̇г̇ахид̇ам̣, асан̇г̇ахид̇зна сан̇г̇ахид̇а’’нд̇и жа уд̣̇д̣̇идтаа, нзвам̣ жад̇уд̇т̇абан̃жамаа. сан̇г̇ахан̣аббавад̇д̇ияаа зва хи сан̇г̇ахид̇зна сан̇г̇ахид̇ам̣ уд̣̇д̣̇идтам̣, асан̇г̇ахан̣аббавад̇д̇ияаа зва жа асан̇г̇ахид̇зна асан̇г̇ахид̇анд̇и, д̇асмаа сан̇г̇ахан̣аббавад̇д̇ивисзсавирахз сан̇г̇ахид̇ад̇хаммаасан̇г̇ахид̇ад̇хаммависзсз ниссид̇аа зд̇з д̣̇вз наяаад̇и зд̇т̇а гзнажи сан̇г̇ахид̇зна д̇хаммависзсзна буна сан̇г̇ахид̇о д̇хаммависзсо сан̇г̇ахид̇зна сан̇г̇ахид̇о сан̇г̇ахид̇ад̇ааяа бужчид̇аб̣б̣о виссаж̇ж̇ид̇аб̣б̣о жа, д̇амзва д̇аава яат̇аанид̣̇д̇хаарид̇ам̣ д̣̇ассзнд̇о ‘‘самуд̣̇аяасажжзна яз д̇хаммаа канд̇ха…бз… сан̇г̇ахид̇аа, д̇зхи д̇хаммзхи яз д̇хаммаа канд̇ха…бз… сан̇г̇ахид̇аа’’д̇и ааха. зд̇т̇а жа яз д̇ийхиби сан̇г̇ахзхи на сан̇г̇аахагаа руубагканд̇хавин̃н̃аан̣агканд̇хад̇хаммааяад̇анад̣̇угкасажжаад̣̇ийни вияа, яз жа д̣̇вийхааяад̇анад̇хаад̇усан̇г̇ахзхи асан̇г̇аахагаа жагкааяад̇анаад̣̇ийни вияа, яз жа згзна канд̇хасан̇г̇ахзнзва д̇хаад̇усан̇г̇ахзнзва жа на сан̇г̇аахагаа взд̣̇анаад̣̇игканд̇ханирод̇хасажжаж̇ийвид̇инд̣̇рияаад̣̇ийни вияа жагкувин̃н̃аан̣ад̇хаад̇аад̣̇аяо вияа жа, д̇з д̇хаммаа сан̇г̇аахагад̇д̇аабхаавасаб̣бхааваа сан̇г̇аахагабхаавзна на уд̣̇д̇хадаа, д̇ийхиби бана сан̇г̇ахзхи яз сан̇г̇аахагаа, д̇з сан̇г̇аахагад̇д̇аабхааваабхаавад̇о ид̇ха уд̣̇д̇хадаа. д̇зхи сан̇г̇ахид̇ааби хи зганд̇зна ад̇д̇ано сан̇г̇аахагасса сан̇г̇аахагаа хонд̇и, яасса буна сан̇г̇ахо бужчид̇аб̣б̣о виссаж̇ж̇ид̇аб̣б̣о жаад̇и.
191. Saṅgahitenasaṅgahitapadaniddese yasmā yathā dutiyatatiyanayā tiṇṇaṃ saṅgahānaṃ saṅgahaṇāsaṅgahaṇappavattivisesena ‘‘saṅgahitena asaṅgahitaṃ, asaṅgahitena saṅgahita’’nti ca uddiṭṭhā, nevaṃ catutthapañcamā. Saṅgahaṇappavattiyā eva hi saṅgahitena saṅgahitaṃ uddiṭṭhaṃ, asaṅgahaṇappavattiyā eva ca asaṅgahitena asaṅgahitanti, tasmā saṅgahaṇappavattivisesavirahe saṅgahitadhammāsaṅgahitadhammavisese nissitā ete dve nayāti ettha kenaci saṅgahitena dhammavisesena puna saṅgahito dhammaviseso saṅgahitena saṅgahito saṅgahitatāya pucchitabbo vissajjitabbo ca, tameva tāva yathāniddhāritaṃ dassento ‘‘samudayasaccena ye dhammā khandha…pe… saṅgahitā, tehi dhammehi ye dhammā khandha…pe… saṅgahitā’’ti āha. Ettha ca ye tīhipi saṅgahehi na saṅgāhakā rūpakkhandhaviññāṇakkhandhadhammāyatanadukkhasaccādīni viya, ye ca dvīhāyatanadhātusaṅgahehi asaṅgāhakā cakkhāyatanādīni viya, ye ca ekena khandhasaṅgaheneva dhātusaṅgaheneva ca na saṅgāhakā vedanādikkhandhanirodhasaccajīvitindriyādīni viya cakkhuviññāṇadhātādayo viya ca, te dhammā saṅgāhakattābhāvasabbhāvā saṅgāhakabhāvena na uddhaṭā, tīhipi pana saṅgahehi ye saṅgāhakā, te saṅgāhakattābhāvābhāvato idha uddhaṭā. Tehi saṅgahitāpi hi ekantena attano saṅgāhakassa saṅgāhakā honti, yassa puna saṅgaho pucchitabbo vissajjitabbo cāti.
адтагат̇ааяам̣ бана сагалзна хи канд̇хаад̣̇ибад̣̇знаад̇и сагалаваажагзна руубагканд̇хаад̣̇ибад̣̇знаад̇и ад̇т̇о. яам̣ банзд̇ам̣ вуд̇д̇ам̣ ‘‘яам̣ ад̇д̇ано сан̇г̇аахагам̣ сан̇г̇ан̣хид̇ваа буна д̇знзва сан̇г̇ахам̣ г̇ажчзяяаа’’д̇и, д̇ам̣ д̇зна канд̇хаад̣̇ибад̣̇знаад̇и звам̣ аяож̇зд̇ваа д̇ам̣ ан̃н̃ам̣ сан̇г̇ахид̇ам̣ наама над̇т̇ийд̇и звам̣ на саггаа вад̇д̇ум̣. на хи язна яам̣ сан̇г̇ахид̇ам̣, д̇знзва д̇асса сан̇г̇ахо бужчид̇о виссаж̇ж̇ид̇о, на жа д̇ассзва, ат̇а ко д̇зна сан̇г̇ахид̇ассаад̇и. яат̇аа взд̣̇анаа сад̣̇д̣̇о жа канд̇хо ааяад̇анан̃жа, на звам̣ сукумаруубам̣, д̇ам̣ бана канд̇хааяад̇анаанам̣ згад̣̇зсова, д̇асмаа ‘‘сукумаруубзгад̣̇зсам̣ ваа’’д̇и авад̇ваа ‘‘сукумаруубам̣ ваа’’д̇и вуд̇д̇ам̣. саб̣б̣ад̇т̇а жа ан̃н̃зна асаммиссанд̇и яож̇зд̇аб̣б̣ам̣. яамби жзд̇ам̣ вуд̇д̇ам̣ ‘‘д̇ад̣̇зва язхи д̇хаммзхи канд̇хаад̣̇ивасзна сан̇г̇ахид̇ам̣, д̇з д̇хаммз санд̇хааяаа’’д̇и, д̇амби д̇ат̇аа на саггаа вад̇д̇ум̣. на хи сан̇г̇ахид̇зна сан̇г̇ахид̇асса сан̇г̇ахид̇зна сан̇г̇ахо зд̇т̇а бужчид̇о виссаж̇ж̇ид̇о жа, ат̇а ко сан̇г̇ахова, д̇асмаа згзна канд̇хзнаад̇и згзна канд̇хаг̇ан̣анзнаад̇и аяамзвзд̇т̇а ад̇т̇о, на сан̇г̇аахагзнаад̇и. на хи зго канд̇хо ад̇д̇ано згад̣̇зсасса сан̇г̇аахагод̇и.
Aṭṭhakathāyaṃ pana sakalena hi khandhādipadenāti sakalavācakena rūpakkhandhādipadenāti attho. Yaṃ panetaṃ vuttaṃ ‘‘yaṃ attano saṅgāhakaṃ saṅgaṇhitvā puna teneva saṅgahaṃ gaccheyyā’’ti, taṃ tena khandhādipadenāti evaṃ ayojetvā taṃ aññaṃ saṅgahitaṃ nāma natthīti evaṃ na sakkā vattuṃ. Na hi yena yaṃ saṅgahitaṃ, teneva tassa saṅgaho pucchito vissajjito, na ca tasseva, atha kho tena saṅgahitassāti. Yathā vedanā saddo ca khandho āyatanañca, na evaṃ sukhumarūpaṃ, taṃ pana khandhāyatanānaṃ ekadesova, tasmā ‘‘sukhumarūpekadesaṃ vā’’ti avatvā ‘‘sukhumarūpaṃ vā’’ti vuttaṃ. Sabbattha ca aññena asammissanti yojetabbaṃ. Yampi cetaṃ vuttaṃ ‘‘tadeva yehi dhammehi khandhādivasena saṅgahitaṃ, te dhamme sandhāyā’’ti, tampi tathā na sakkā vattuṃ. Na hi saṅgahitena saṅgahitassa saṅgahitena saṅgaho ettha pucchito vissajjito ca, atha kho saṅgahova, tasmā ekena khandhenāti ekena khandhagaṇanenāti ayamevettha attho, na saṅgāhakenāti. Na hi eko khandho attano ekadesassa saṅgāhakoti.
жад̇уд̇т̇анаяасан̇г̇ахид̇знасан̇г̇ахид̇абад̣̇аван̣н̣анаа нидтид̇аа.
Catutthanayasaṅgahitenasaṅgahitapadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 4. сан̇г̇ахид̇знасан̇г̇ахид̇абад̣̇анид̣̇д̣̇зсо • 4. Saṅgahitenasaṅgahitapadaniddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 4. жад̇уд̇т̇анаяо сан̇г̇ахид̇знасан̇г̇ахид̇абад̣̇аван̣н̣анаа • 4. Catutthanayo saṅgahitenasaṅgahitapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. жад̇уд̇т̇анаяо сан̇г̇ахид̇знасан̇г̇ахид̇абад̣̇аван̣н̣анаа • 4. Catutthanayo saṅgahitenasaṅgahitapadavaṇṇanā
