| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
4. жад̇уд̇т̇анаяо сан̇г̇ахид̇знасан̇г̇ахид̇абад̣̇аван̣н̣анаа
4. Catutthanayo saṅgahitenasaṅgahitapadavaṇṇanā
191. д̇ин̣н̣ам̣ сан̇г̇ахаананд̇и канд̇хааяад̇анад̇хаад̇усан̇г̇ахаанам̣. сан̇г̇ахан̣абуб̣б̣ам̣ асан̇г̇ахан̣ам̣, асан̇г̇ахан̣абуб̣б̣ам̣ сан̇г̇ахан̣ан̃жа вужжамаанам̣ сан̇г̇ахан̣аасан̇г̇ахан̣аанам̣ бавад̇д̇ивисзсзна вуд̇д̇ам̣ ход̇ийд̇и ааха ‘‘сан̇г̇ахан̣аа…бз… уд̣̇д̣̇идтаа’’д̇и. сан̇г̇ахаабхаавагад̇о асан̇г̇ахо сан̇г̇ахахзд̇уго сан̇г̇ахасса бавад̇д̇ивисзсоязва наама ход̇ийд̇и ааха ‘‘сан̇г̇ахан̣аббавад̇д̇ивисзсавирахз’’д̇и. гзнажи самуд̣̇аяасажжаад̣̇инаа д̇ийхиби сан̇г̇ахзхи сан̇г̇ахид̇зна сан̇каарагканд̇хабарияаабаннзна д̇хаммависзсзна буна д̇ат̇зва сан̇г̇ахид̇о со зва самуд̣̇аяасажжаад̣̇иго д̇хаммависзсо сан̇г̇ахид̇зна сан̇г̇ахид̇о. сан̇г̇аахагад̇д̇аабхаавасаб̣бхааваа сан̇г̇аахагабхаавзна на уд̣̇д̇хадаа, на асан̇г̇аахагад̇д̇аа зва. яат̇аа хи д̇ийхи сан̇г̇ахзхи на сан̇г̇аахагаа, звам̣ д̣̇вийхи, згзнаби сан̇г̇ахзна на сан̇г̇аахагаа ид̇ха на уд̣̇д̇хадаа. д̇зхи сан̇г̇ахид̇аад̇и д̇зхи д̇ийхи сан̇г̇ахзхи сан̇г̇ахид̇аа д̇хаммаа. яассаад̇и яасса ад̇д̇ано сан̇г̇аахагасса.
191. Tiṇṇaṃsaṅgahānanti khandhāyatanadhātusaṅgahānaṃ. Saṅgahaṇapubbaṃ asaṅgahaṇaṃ, asaṅgahaṇapubbaṃ saṅgahaṇañca vuccamānaṃ saṅgahaṇāsaṅgahaṇānaṃ pavattivisesena vuttaṃ hotīti āha ‘‘saṅgahaṇā…pe… uddiṭṭhā’’ti. Saṅgahābhāvakato asaṅgaho saṅgahahetuko saṅgahassa pavattivisesoyeva nāma hotīti āha ‘‘saṅgahaṇappavattivisesavirahe’’ti. Kenaci samudayasaccādinā tīhipi saṅgahehi saṅgahitena saṅkhārakkhandhapariyāpannena dhammavisesena puna tatheva saṅgahito so eva samudayasaccādiko dhammaviseso saṅgahitena saṅgahito. Saṅgāhakattābhāvasabbhāvā saṅgāhakabhāvena na uddhaṭā, na asaṅgāhakattā eva. Yathā hi tīhi saṅgahehi na saṅgāhakā, evaṃ dvīhi, ekenapi saṅgahena na saṅgāhakā idha na uddhaṭā. Tehi saṅgahitāti tehi tīhi saṅgahehi saṅgahitā dhammā. Yassāti yassa attano saṅgāhakassa.
сагалаваажагзнаад̇и анавасзсам̣ канд̇хаад̣̇иад̇т̇ам̣ вад̣̇анд̇зна. д̇зна канд̇хаад̣̇ибад̣̇знаад̇и ‘‘д̇знзва сан̇г̇ахам̣ г̇ажчзяяаа’’д̇и зд̇т̇а д̇зна канд̇хаад̣̇ибад̣̇знаад̇и звам̣ яож̇зд̇аб̣б̣ам̣. звам̣ бана аяож̇зд̇ваа ‘‘яам̣ ад̇д̇ано сан̇г̇аахагам̣ сан̇г̇ан̣хид̇ваа буна д̇знзва сан̇г̇ахам̣ г̇ажчзяяа, д̇ам̣ ан̃н̃ам̣ сан̇г̇ахид̇ам̣ наама над̇т̇ий’’д̇и звам̣ на саггаа вад̇д̇ум̣. гасмаад̇и жз? на хи язна самуд̣̇аяасажжаад̣̇инаа яам̣ сан̇каарагканд̇хабарияаабаннам̣ д̇хаммаж̇аад̇ам̣ канд̇хаад̣̇исан̇г̇ахзхи сан̇г̇ахид̇ам̣, д̇знзва самуд̣̇аяасажжаад̣̇инаа д̇асса д̇ад̣̇авасидтасса сан̇каарагканд̇хад̇хаммасса, на жа д̇ассзва гзваласса самуд̣̇аяасажжаад̣̇игасса сан̇г̇ахо бужчид̇о виссаж̇ж̇ид̇од̇и яож̇анаа, ат̇а ко д̇зна сан̇каарагканд̇хад̇хаммзна пассаад̣̇инаа. сан̇г̇ахид̇ассаад̇и сан̇г̇ахид̇ад̇аависидтассаад̇и ад̇т̇о. д̇асмаа ад̇д̇ано сан̇г̇аахагам̣ сагалагкан̣аад̣̇им̣ сан̇г̇ан̣хид̇ваа буна д̇зна канд̇хаад̣̇ибад̣̇зна яам̣ сан̇г̇ахам̣ г̇ажчзяяа, д̇ам̣ д̇аад̣̇исам̣ над̇т̇ийд̇и ад̇т̇о взд̣̇ид̇аб̣б̣о. взд̣̇анаа сад̣̇д̣̇о жа канд̇хо ааяад̇анан̃жаад̇и взд̣̇анаа висум̣ канд̇хо, сад̣̇д̣̇о жа висум̣ ааяад̇ананд̇и ад̇т̇о. ан̃н̃зна канд̇ханд̇араад̣̇инаа. асаммиссанд̇и аб̣яаагад̇ад̣̇угкасажжаад̣̇и вияа амиссид̇ам̣. на хи…бз… зд̇т̇аад̇и сан̇г̇ахид̇ад̇аависидтзна д̇хаммзна яо д̇хаммо сан̇г̇ахид̇о, д̇асса сан̇г̇ахид̇ад̇аависидтоязва яо сан̇г̇ахо, со на зд̇т̇а ваарз бужчид̇о виссаж̇ж̇ид̇о жа. сан̇г̇аховаад̇и гзвало сан̇г̇ахо , на гад̇д̇аабзгкод̇и ад̇т̇о. на сан̇г̇аахагзнаад̇и ид̣̇ам̣ яат̇аавуд̇д̇зна ад̇т̇зна нивад̇д̇ид̇асса д̣̇ассанам̣. на хийд̇иаад̣̇и д̇ам̣самад̇т̇анам̣.
Sakalavācakenāti anavasesaṃ khandhādiatthaṃ vadantena. Tena khandhādipadenāti ‘‘teneva saṅgahaṃ gaccheyyā’’ti ettha tena khandhādipadenāti evaṃ yojetabbaṃ. Evaṃ pana ayojetvā ‘‘yaṃ attano saṅgāhakaṃ saṅgaṇhitvā puna teneva saṅgahaṃ gaccheyya, taṃ aññaṃ saṅgahitaṃ nāma natthī’’ti evaṃ na sakkā vattuṃ. Kasmāti ce? Na hi yena samudayasaccādinā yaṃ saṅkhārakkhandhapariyāpannaṃ dhammajātaṃ khandhādisaṅgahehi saṅgahitaṃ, teneva samudayasaccādinā tassa tadavasiṭṭhassa saṅkhārakkhandhadhammassa, na ca tasseva kevalassa samudayasaccādikassa saṅgaho pucchito vissajjitoti yojanā, atha kho tena saṅkhārakkhandhadhammena phassādinā. Saṅgahitassāti saṅgahitatāvisiṭṭhassāti attho. Tasmā attano saṅgāhakaṃ sakalakkhaṇādiṃ saṅgaṇhitvā puna tena khandhādipadena yaṃ saṅgahaṃ gaccheyya, taṃ tādisaṃ natthīti attho veditabbo. Vedanā saddo ca khandho āyatanañcāti vedanā visuṃ khandho, saddo ca visuṃ āyatananti attho. Aññena khandhantarādinā. Asammissanti abyākatadukkhasaccādi viya amissitaṃ. Na hi…pe… etthāti saṅgahitatāvisiṭṭhena dhammena yo dhammo saṅgahito, tassa saṅgahitatāvisiṭṭhoyeva yo saṅgaho, so na ettha vāre pucchito vissajjito ca. Saṅgahovāti kevalo saṅgaho , na kattāpekkhoti attho. Na saṅgāhakenāti idaṃ yathāvuttena atthena nivattitassa dassanaṃ. Na hītiādi taṃsamatthanaṃ.
жад̇уд̇т̇анаяасан̇г̇ахид̇знасан̇г̇ахид̇абад̣̇аван̣н̣анаа нидтид̇аа.
Catutthanayasaṅgahitenasaṅgahitapadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 4. сан̇г̇ахид̇знасан̇г̇ахид̇абад̣̇анид̣̇д̣̇зсо • 4. Saṅgahitenasaṅgahitapadaniddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 4. жад̇уд̇т̇анаяо сан̇г̇ахид̇знасан̇г̇ахид̇абад̣̇аван̣н̣анаа • 4. Catutthanayo saṅgahitenasaṅgahitapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. жад̇уд̇т̇анаяо сан̇г̇ахид̇знасан̇г̇ахид̇абад̣̇аван̣н̣анаа • 4. Catutthanayo saṅgahitenasaṅgahitapadavaṇṇanā
