| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
4. жад̇уд̇т̇аниб̣б̣аанабадисам̣яуд̇д̇асуд̇д̇аван̣н̣анаа
4. Catutthanibbānapaṭisaṃyuttasuttavaṇṇanā
74. жад̇уд̇т̇з ат̇а ко бхаг̇аваа зд̇амад̇т̇ам̣ вид̣̇ид̇ваад̇и д̇ад̣̇аа гира бхаг̇авад̇аа анзгабарияааязна санд̣̇ассанаад̣̇ивасзна ниб̣б̣аанабадисам̣яуд̇д̇ааяа д̇хаммад̣̇зсанааяа гад̇ааяа д̇зсам̣ бхигкуунам̣ зд̇ад̣̇ахоси – ‘‘аяам̣ д̇аава бхаг̇авад̇аа амад̇амахааниб̣б̣аанад̇хаад̇уяаа анзгаагааравогаарам̣ аанисам̣сам̣ д̣̇ассзнд̇зна анан̃н̃асаад̇хааран̣о аанубхааво багаасид̇о, ад̇хиг̇амуубааяо банассаа на бхаасид̇о, гат̇ам̣ ну ко бадибаж̇ж̇анд̇зхи амхзхи аяам̣ ад̇хиг̇анд̇аб̣б̣аа’’д̇и. ат̇а бхаг̇аваа д̇зсам̣ бхигкуунам̣ зд̇ам̣ яат̇аавуд̇д̇абаривид̇аггасан̇каад̇ам̣ ад̇т̇ам̣ саб̣б̣аагаарад̇о вид̣̇ид̇ваа. имам̣ уд̣̇аананд̇и д̇ан̣хаавасзна гад̇т̇ажи аниссид̇асса бассад̣̇д̇хагааяажид̇д̇асса вийт̇ибадибаннавибассанасса арияамаг̇г̇зна анавасзсад̇о д̇ан̣хаабахаанзна ниб̣б̣аанаад̇хиг̇амавибхааванам̣ имам̣ уд̣̇аанам̣ уд̣̇аанзси.
74. Catutthe atha kho bhagavā etamatthaṃ viditvāti tadā kira bhagavatā anekapariyāyena sandassanādivasena nibbānapaṭisaṃyuttāya dhammadesanāya katāya tesaṃ bhikkhūnaṃ etadahosi – ‘‘ayaṃ tāva bhagavatā amatamahānibbānadhātuyā anekākāravokāraṃ ānisaṃsaṃ dassentena anaññasādhāraṇo ānubhāvo pakāsito, adhigamūpāyo panassā na bhāsito, kathaṃ nu kho paṭipajjantehi amhehi ayaṃ adhigantabbā’’ti. Atha bhagavā tesaṃ bhikkhūnaṃ etaṃ yathāvuttaparivitakkasaṅkhātaṃ atthaṃ sabbākārato viditvā. Imaṃ udānanti taṇhāvasena katthaci anissitassa passaddhakāyacittassa vīthipaṭipannavipassanassa ariyamaggena anavasesato taṇhāpahānena nibbānādhigamavibhāvanaṃ imaṃ udānaṃ udānesi.
д̇ад̇т̇а ниссид̇асса жалид̇анд̇и руубаад̣̇исан̇каарз д̇ан̣хаад̣̇идтийхи ниссид̇асса жалид̇ам̣ ‘‘зд̇ам̣ мама, зсо мз ад̇д̇аа’’д̇и д̇ан̣хаад̣̇идтивибпанд̣̇ид̇ам̣ ход̇и. аббахийнад̇ан̣хаад̣̇идтигасса хи буг̇г̇аласса сукаад̣̇ийсу уббаннзсу д̇аани абхибхуяяа вихарид̇ум̣ асаггонд̇асса ‘‘мама взд̣̇анаа, ахам̣ взд̣̇ияаамий’’д̇иаад̣̇инаа д̇ан̣хаад̣̇идтиг̇аахавасзна гусалаббавад̇д̇ид̇о жид̇д̇асанд̇аанасса жаланам̣ гамбанам̣, авагкалид̇ам̣ ваа ход̇ийд̇и ад̇т̇о. аниссид̇асса жалид̇ам̣ над̇т̇ийд̇и яо бана висуд̣̇д̇хибадибад̣̇ам̣ бадибаж̇ж̇анд̇о самат̇авибассанаахи д̇ан̣хаад̣̇идтияо вигкамбхзд̇ваа анижжаад̣̇ивасзна сан̇каарз саммасанд̇о вихарад̇и, д̇асса д̇ам̣ аниссид̇асса яат̇аавуд̇д̇ам̣ жалид̇ам̣ авагкалид̇ам̣, вибпанд̣̇ид̇ам̣ ваа над̇т̇и гааран̣асса сувигкамбхид̇ад̇д̇аа.
Tattha nissitassa calitanti rūpādisaṅkhāre taṇhādiṭṭhīhi nissitassa calitaṃ ‘‘etaṃ mama, eso me attā’’ti taṇhādiṭṭhivipphanditaṃ hoti. Appahīnataṇhādiṭṭhikassa hi puggalassa sukhādīsu uppannesu tāni abhibhuyya viharituṃ asakkontassa ‘‘mama vedanā, ahaṃ vediyāmī’’tiādinā taṇhādiṭṭhigāhavasena kusalappavattito cittasantānassa calanaṃ kampanaṃ, avakkhalitaṃ vā hotīti attho. Anissitassa calitaṃ natthīti yo pana visuddhipaṭipadaṃ paṭipajjanto samathavipassanāhi taṇhādiṭṭhiyo vikkhambhetvā aniccādivasena saṅkhāre sammasanto viharati, tassa taṃ anissitassa yathāvuttaṃ calitaṃ avakkhalitaṃ, vipphanditaṃ vā natthi kāraṇassa suvikkhambhitattā.
жалид̇з асад̇ийд̇и яат̇аавуд̇д̇з жалид̇з асад̇и яат̇аа д̇ан̣хаад̣̇идтиг̇аахаа наббавад̇д̇анд̇и, д̇ат̇аа вийт̇ибадибаннааяа вибассанааяа д̇ам̣ уссугганд̇асса. бассад̣̇д̇хийд̇и вибассанаажид̇д̇асахаж̇аад̇аанам̣ гааяажид̇д̇аанам̣ саарамбхагарагилзсавуубасаминий д̣̇увид̇хааби бассад̣̇д̇хи ход̇и. бассад̣̇д̇хияаа сад̇и над̇и на ход̇ийд̇и буб̣б̣знаабарам̣ висзсаяуд̇д̇ааяа бассад̣̇д̇хияаа сад̇и анаваж̇ж̇асукаад̇хидтаанам̣ самаад̇хим̣ вад̣дхзд̇ваа д̇ам̣ бан̃н̃ааяа самавааяагаран̣зна самат̇авибассанам̣ яуг̇анад̣̇д̇хам̣ яож̇зд̇ваа маг̇г̇абарамбарааяа гилзсз кзбзнд̇асса гаамабхаваад̣̇ийсу наманад̇о ‘‘над̇ий’’д̇и лад̣̇д̇ханаамаа д̇ан̣хаа арахад̇д̇амаг̇г̇агкан̣з анавасзсад̇о на ход̇и, ануббад̇д̇ид̇хаммад̇ам̣ аабаад̣̇ид̇ад̇д̇аа на уббаж̇ж̇ад̇ийд̇и ад̇т̇о.
Calite asatīti yathāvutte calite asati yathā taṇhādiṭṭhigāhā nappavattanti, tathā vīthipaṭipannāya vipassanāya taṃ ussukkantassa. Passaddhīti vipassanācittasahajātānaṃ kāyacittānaṃ sārambhakarakilesavūpasaminī duvidhāpi passaddhi hoti. Passaddhiyā sati nati na hotīti pubbenāparaṃ visesayuttāya passaddhiyā sati anavajjasukhādhiṭṭhānaṃ samādhiṃ vaḍḍhetvā taṃ paññāya samavāyakaraṇena samathavipassanaṃ yuganaddhaṃ yojetvā maggaparamparāya kilese khepentassa kāmabhavādīsu namanato ‘‘natī’’ti laddhanāmā taṇhā arahattamaggakkhaṇe anavasesato na hoti, anuppattidhammataṃ āpāditattā na uppajjatīti attho.
над̇ияаа асад̇ийд̇и арахад̇д̇амаг̇г̇зна д̇ан̣хааяа суббахийнад̇д̇аа бхаваад̣̇иад̇т̇ааяа аалаяаниганд̇и барияудтаанз асад̇и. ааг̇ад̇иг̇ад̇и на ход̇ийд̇и бадисанд̇хивасзна ид̇ха ааг̇ад̇и ааг̇аманам̣ жуд̇ивасзна г̇ад̇и ид̇о баралогаг̇аманам̣ бзжжабхааво на ход̇и на бавад̇д̇ад̇и. ааг̇ад̇иг̇ад̇ияаа асад̇ийд̇и вуд̇д̇анаязна ааг̇ад̇ияаа жа г̇ад̇ияаа жа асад̇и. жуд̇уубабаад̇о на ход̇ийд̇и абараабарам̣ жаванубабаж̇ж̇анам̣ на ход̇и на бавад̇д̇ад̇и. асад̇и хи гилзсаваддз гаммаваддам̣ бажчиннамзва, бажчиннз жа д̇асмим̣ гуд̇о вибаагаваддасса самбхаво. д̇знааха – ‘‘жуд̇уубабаад̇з асад̇и нзвид̇ха на хура’’нд̇иаад̣̇и. д̇ад̇т̇а яам̣ вад̇д̇аб̣б̣ам̣, д̇ам̣ хздтаа б̣аахияасуд̇д̇з вид̇т̇аарад̇о вуд̇д̇амзва. д̇асмаа д̇ад̇т̇а вуд̇д̇анаязнзва ад̇т̇о взд̣̇ид̇аб̣б̣о.
Natiyā asatīti arahattamaggena taṇhāya suppahīnattā bhavādiatthāya ālayanikanti pariyuṭṭhāne asati. Āgatigati na hotīti paṭisandhivasena idha āgati āgamanaṃ cutivasena gati ito paralokagamanaṃ peccabhāvo na hoti na pavattati. Āgatigatiyā asatīti vuttanayena āgatiyā ca gatiyā ca asati. Cutūpapāto na hotīti aparāparaṃ cavanupapajjanaṃ na hoti na pavattati. Asati hi kilesavaṭṭe kammavaṭṭaṃ pacchinnameva, pacchinne ca tasmiṃ kuto vipākavaṭṭassa sambhavo. Tenāha – ‘‘cutūpapāte asati nevidha na hura’’ntiādi. Tattha yaṃ vattabbaṃ, taṃ heṭṭhā bāhiyasutte vitthārato vuttameva. Tasmā tattha vuttanayeneva attho veditabbo.
ид̇и бхаг̇аваа ид̇хааби д̇зсам̣ бхигкуунам̣ анавасзсад̇о ваддад̣̇угкавуубасамахзд̇убхууд̇ам̣ амад̇амахааниб̣б̣аанасса аанубхаавам̣ саммаабадибад̇д̇ияаа багаасзд̇и.
Iti bhagavā idhāpi tesaṃ bhikkhūnaṃ anavasesato vaṭṭadukkhavūpasamahetubhūtaṃ amatamahānibbānassa ānubhāvaṃ sammāpaṭipattiyā pakāseti.
жад̇уд̇т̇асуд̇д̇аван̣н̣анаа нидтид̇аа.
Catutthasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 4. жад̇уд̇т̇аниб̣б̣аанабадисам̣яуд̇д̇асуд̇д̇ам̣ • 4. Catutthanibbānapaṭisaṃyuttasuttaṃ
