| Library / Tipiṭaka / తిపిటక • Tipiṭaka / భిక్ఖునీవిభఙ్గ-అట్ఠకథా • Bhikkhunīvibhaṅga-aṭṭhakathā |
చతుత్థనిస్సగ్గియపాచిత్తియసిక్ఖాపదవణ్ణనా
Catutthanissaggiyapācittiyasikkhāpadavaṇṇanā
౭౪౮. చతుత్థే – కయేనాతి మూలేన. న మే ఆవుసో సప్పినా అత్థో; తేలేన మే అత్థోతి ఇదం కిర సా ఆహటసప్పిం దత్వా తేలమ్పి ఆహరిస్సతీతి మఞ్ఞమానా ఆహ. విఞ్ఞాపేత్వాతి జానాపేత్వా; ఇదం నామ ఆహరాతి యాచిత్వా వా.
748. Catutthe – kayenāti mūlena. Na me āvuso sappinā attho; telena me atthoti idaṃ kira sā āhaṭasappiṃ datvā telampi āharissatīti maññamānā āha. Viññāpetvāti jānāpetvā; idaṃ nāma āharāti yācitvā vā.
౭౫౨. తఞ్ఞేవ విఞ్ఞాపేతీతి యం పఠమం విఞ్ఞత్తం తం థోకం నప్పహోతి, తస్మా పున తఞ్ఞేవ విఞ్ఞాపేతీతి అత్థో. అఞ్ఞఞ్చ విఞ్ఞాపేతీతి సచే పఠమం సప్పివిఞ్ఞత్తం, యమకం పచితబ్బన్తి చ వేజ్జేన వుత్తత్తా తేలేన అత్థో హోతి, తతో తేలేనాపి మే అత్థోతి ఏవం అఞ్ఞఞ్చ విఞ్ఞాపేతి. ఆనిసంసం దస్సేత్వాతి సచే కహాపణస్స సప్పి ఆభతం హోతి, ఇమినా మూలేన దిగుణం తేలం లబ్భతి, తేనాపి చ ఇదం కిచ్చం నిప్ఫజ్జతి, తస్మా తేలం ఆహరాతి ఏవం ఆనిసంసం దస్సేత్వా విఞ్ఞాపేతీతి. సేసం ఉత్తానమేవ.
752.Taññeva viññāpetīti yaṃ paṭhamaṃ viññattaṃ taṃ thokaṃ nappahoti, tasmā puna taññeva viññāpetīti attho. Aññañca viññāpetīti sace paṭhamaṃ sappiviññattaṃ, yamakaṃ pacitabbanti ca vejjena vuttattā telena attho hoti, tato telenāpi me atthoti evaṃ aññañca viññāpeti. Ānisaṃsaṃ dassetvāti sace kahāpaṇassa sappi ābhataṃ hoti, iminā mūlena diguṇaṃ telaṃ labbhati, tenāpi ca idaṃ kiccaṃ nipphajjati, tasmā telaṃ āharāti evaṃ ānisaṃsaṃ dassetvā viññāpetīti. Sesaṃ uttānameva.
ఛసముట్ఠానం – కిరియం, నోసఞ్ఞావిమోక్ఖం, అచిత్తకం, పణ్ణత్తివజ్జం, కాయకమ్మం, వచీకమ్మం, తిచిత్తం, తివేదనన్తి.
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
చతుత్థసిక్ఖాపదం.
Catutthasikkhāpadaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / భిక్ఖునీవిభఙ్గ • Bhikkhunīvibhaṅga / ౪. చతుత్థసిక్ఖాపదం • 4. Catutthasikkhāpadaṃ
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / ౩. నిస్సగ్గియకణ్డం (భిక్ఖునీవిభఙ్గవణ్ణనా) • 3. Nissaggiyakaṇḍaṃ (bhikkhunīvibhaṅgavaṇṇanā)
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౪. చతుత్థనిస్సగ్గియపాచిత్తియసిక్ఖాపదవణ్ణనా • 4. Catutthanissaggiyapācittiyasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౨. దుతియనిస్సగ్గియాదిపాచిత్తియసిక్ఖాపదవణ్ణనా • 2. Dutiyanissaggiyādipācittiyasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౪. చతుత్థనిస్సగ్గియపాచిత్తియసిక్ఖాపదం • 4. Catutthanissaggiyapācittiyasikkhāpadaṃ
